သတင်းနှင့် လှုပ်ရှားမှုများ

            ၁၂.၉.၂၅ ရက်နေ့၊ နံနက် (၁၀း၃၀) အချိန်တွင် ပုသိမ်ခရိုင်၊ စားသုံးသူရေးရာဦးစီးဌာန၊ ဒု-ခရိုင်ဦးစီးမှူး၊ မြို့နယ်တာဝန်ခံနှင့် ဝန်ထမ်းများသည် ပုသိမ်မြို့၊ မုံရွာ-ရေဦး လမ်းမကြီးရှိ ရွှေမြင်း ပုသိမ်ဟာလဝါ လုပ်ငန်းအား သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် တစ်နေ့ ထုတ်လုပ်နိုင်မှုအခြေအနေ၊ ဖြန့်ဖြူး ရောင်းချမှုအခြေအနေ၊ ရင်းနှီးမြှပ်နှံမှု ပမာဏ၊  ကုန်အညွှန်းအမှတ်အသား ပြည့်စုံမှု ရှိ/မရှိ တို့အား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

(DOCA)ဧရာဝတီ

        ၁၂.၉.၂၅ ရက်နေ့၊ နံနက် (၁၀း၃၀) အချိန်တွင် ပုသိမ်ခရိုင်၊ စားသုံးသူရေးရာဦးစီးဌာန၊ ဒု-ခရိုင်ဦးစီးမှူး၊ မြို့နယ်တာဝန်ခံနှင့် ဝန်ထမ်းများသည် ပုသိမ်မြို့၊ မဥ္ဇူလမ်းရှိ ရွှေလမင်း ပေါင်မုန့်၊ ကိတ်မုန့်လုပ်ငန်းအား သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် တစ်နေ့ ထုတ်လုပ်နိုင်မှုအခြေအနေ၊ ဖြန့်ဖြူး ရောင်းချမှုအခြေအနေ၊ ပေါင်မုန့် ပြုလုပ်ရာတွင် သန့်ရှင်းမှု ရှိ/မရှိနှင့် ကုန်အညွှန်းအမှတ်အသား ပြည့်စုံမှု ရှိ/မရှိ တို့အား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

(DOCA)ဧရာဝတီ

     ၂၀၂၅ ခုနှစ်၊ စက်တင်ဘာလ ၈ ရက်နေ့တွင် စစ်ကိုင်းမြို့ ပညာရေးတက္ကသိုလ်ရှိ မိုးလုံ၊ လေလုံ အားကစားခန်းမတွင် ကျင်းပပြုလုပ်သော နိုင်ငံတကာ စာတတ်မြောက်ရေးနေ့ အထိမ်းအမှတ် “ဒစ်ဂျစ်တယ်ခေတ်ကိုလိုက်မီဖို့ စာတက်မြောက်ရေးမြှင့်တင်စို့” အခမ်းအနားကို ကျင်းပဆောင်ရွက် ခဲ့ပါသည်။ အဆိုပါအခမ်းအနားသို့ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဦးမြတ်ကျော်၊   လူမှုရေးရာဝန်ကြီးဦးညွန့်ဝင်းအောင်နှင့် တိုင်းအဆင့် ဌာနဆိုင်ရာညွှန်ကြားရေးမှူးများ စစ်ကိုင်း ပညာရေးတက္ကသိုလ်ပါမောက္ခချုပ်၊ နည်းပညာတက္ကသိုလ်ပါမောက္ခချုပ်၊ စစ်ကိုင်းတက္ကသိုလ် ပါမောက္ခချုပ်၊ ခရိုင်/မြို့နယ်အဆင့်ဌာနဆိုင်ရာများ၊ ဆရာ/ဆရာမများ၊ ကျောင်းသား၊ ကျောင်းသူများ တက်ရောက်ခဲ့ကြပါသည်။

      အဆိုပါအခမ်းအနားတွင် အမှတ်(၃)အခြေခံပညာအထက်တန်းကျောင်းမှ ကျောင်းသား/ ကျောင်းသူများက ဝထကလသ သီချင်းသီဆိုပြီး အခမ်းအနားကို ဖွင့်လှစ်ခဲ့ပြီး စစ်ကိုင်းတိုင်း ဒေသကြီးအစိုးရအဖွဲ့ ဝန်ကြီးချုပ်ဦးမြတ်ကျော်မှ အဖွင့်အမှာစကားပြောကြားခဲ့ပါသည်။ ထို့နောက် တက်‌ရောက်လာသူများနှင့်အတူ  နိုင်ငံတကာစာတတ်မြောက်ရေးနေ့ အထိမ်းအမှတ် Video Clipဖြင့် ပြသမှုကို ကြည့်ရှုအား‌ပေးခဲ့ကြပါသည်။ ထို့နောက် စစ်ကိုင်းတိုင်းဒေသကြီးအစိုးရအဖွဲ့ဝန်ကြီးချုပ်၊ လူမှုရေးရာဝန်ကြီးနှင့် စစ်ကိုင်းပညာရေးတက္ကသိုလ်မှ ပါမောက္ခများ၊ တိုင်းဒေသကြီးအဆင့် ဌာနဆိုင်ရာများက (၂၀၂၅ ခုနှစ် နိုင်ငံတကာ စာတတ်မြောက်ရေးနေ့ အထိမ်းအမှတ် အထက်တန်း၊ အလယ်တန်း၊ မူလတန်း စာစီစာကုံးပြိုင်ပွဲ၊ ကဗျာပြိုင်ပွဲ ၊ ပန်းချီပြိုင်ပွဲနှင့်ဆောင်းပါးပြိုင်ပွဲမှာ ပထမ၊ ဒုတိယ၊ တတိယဆုရ ကျောင်းသား ကျောင်းသူများအားဂုဏ်ပြုချီးမြှင့်ငွေနှင့် ဂုဏ်ပြုလက်မှတ်များ ပေးအပ်ချီးမြှင့်ခဲ့ပါသည်။ ဆက်လက်ပြီး ကျောင်းသား၊ကျောင်းသူများက စေတနာပန်းတို့ လမ်းရာမြေ တေးသီချင်းဖြင့် သီဆိုဖျော်ဖြေခဲ့ကြပြီး တိုင်း‌ဒေသကြီး စိုက်ပျိုးရေးဦးစီးဌာနမှ ညွှန်ကြားရေးမှုးက ဂုဏ်ပြုချီးမြှင့်ငွေများ ပေးအပ်ချီးမြှင့်ခဲ့ပါသည်။ ထို့နောက် တိုင်းဒေသကြီး ဝန်ကြီးချုပ်နှင့် တာဝန် ရှိသူများအား အဆိုပါခန်းမအတွင်း ခင်းကျင်းပြသထားသော နိုင်ငံတကာ စာတတ်မြောက်ရေးနေ့ အထိမ်းအမှတ် လှုပ်ရှားမှု မှတ်တမ်းဓါတ်ပုံများနှင့် ဆုရစာစီစာကုံးများ၊ ပန်းချီများ ပြသထားမှုနှင့် လက်မှုပညာ ပစ္စည်းများကို လိုက်လံကြည့်ရှုခဲ့ကြကြောင်း သတင်းရရှိပါသည်။

DOCA(စစ်ကိုင်း)

      (၇.၉.၂၀၂၅)ရက်နေ့ နံနက်(၁၀:၀၀)နာရီအချိန်တွင် မြန်မာနိုင်ငံဆိုင်ရာ တရုတ်သံရုံးနှင့် မြန်မာ-တရုတ်ကုမ္ပဏီများအသင်းတို့ ပူးပေါင်းလှူဒါန်း၍ မြန်မာ-တရုတ်ပူးပေါင်းဆက်ဆံရေး အသင်းမှ ကူညီဆောင်ရွက်သည့် စစ်ကိုင်းမြို့၊ ရွှေမင်းဝံဈေး မြန်မာ-တရုတ်ချစ်ကြည်ရေးဈေးရုံ ရတနာ ပန္နက်‌တော်တင် တွင်းတော်ဝန်း မင်္ဂလာအခမ်းအနားတွင် စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဦးမြတ်ကျော်နှင့်အဖွဲ့များ၊ စစ်ကိုင်းခရိုင်စီမံအုပ်ရေးအဖွဲ့ဥက္ကဌ၊ စစ်ကိုင်းခရိုင် / မြို့နယ် အဆင့်ဌာနဆိုင်ရာများနှင့် စားသုံးသူရေးရာဦးစီးဌာနတို့  တက်ရောက်ခဲ့ပါသည်။

     အဆိုပါ အခမ်းအနားတွင် စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်ဦးမြတ်ကျော်မှ အဖွင့်အမှာစကားပြောကြားခြင်း၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံး ယာယီတာဝန်ခံ မစ္စချောင်းကျင့် (Ms Cao Ping)မှ အမှာစကား ပြောကြားခြင်း၊ မြန်မာတရုတ်ကုမ္ပဏီများ အသင်းဥက္ကဌမစ္စတာ လျိုမင်း(Mr Liu Ming)မှ လှူဒါန်းမှုနှင့်ပတ်သက်၍ ရှင်းလင်းတင်ပြခြင်း၊ မှတ်တမ်းဓာတ်ပုံရိုကူးခြင်းနှင့် အခမ်းအနားကို အောင်မြင်စွာ ကျင်းပနိုင်ခဲ့ကြောင်း သတင်းရရှိပါသည်။

DOCA(စစ်ကိုင်း)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ် တာဝန်ခံ ဦးဇော်မင်းဦးနှင့်ဝန်ထမ်းများသည် (၁၆.၉.၂၀၂၅)ရက်နေ့ နံနက်(၈:၀၀)အချိန်တွင် ငပုတောမြို့နယ်၊ စမ်းချောင်းစဉ်းအိုးဘိုအုပ်စု မန်းခမုတ်ကုန်းကျေးရွာတွင် ကျေးရွာရှိစားသုံးသူပြည်သူများအား ဆီဝယ်ယူရန် အတွက် ဆီစာအုပ်များဖြန့်ဝေပေးခြင်း ပြုလုပ်ဆောင်ရွက်ခဲ့ပါသည်။

       ထို့သို့ဆောင်ရွက်ရာတွင် စားသုံးသူရေးရာဦးစီးဌာန၊ ငပုတောမြို့နယ်တာဝန်ခံမှ ဦးစွာမိတ်ဆက် စကားပြောကြားပြီး ဆီစာအုပ်ဖြန့်ဝေရာတွင် ဆီဝယ်ယူခွင့်ပြုထားသည့်ကာလအတွင်း သတ်မှတ် ပမာဏ ကိုသာဝယ်ယူရရှိရန်၊ ဝယ်ယူရရှိသည့်ဆီကို မိမိ မိသားစုစားသုံးရန်အတွက်သာ သုံးစွဲရမည် ဖြစ်ပြီး တစ်ဆင့်ပြန်လည်ရောင်းချခြင်းမပြုကြရန်၊ စာအုပ် ပျက်စီး/ပျောက်ဆုံးပါက စာအုပ်ထုတ် ပေးထား သည့်နေရာသို့သတင်းပို့တင်ပြရန်၊ ဆီဝယ်ယူခွင့်စာအုပ်အား ဝယ်ယူသည့်ဆိုင်တွင် အပ်နှံ ထားခြင်းမပြုကြရန် မိမိလက်ဝယ်တွင်သာထားရှိကြရန် ရှင်းလင်းပြောကြားပြီး မန်းခမုတ်ကုန်း ကျေးရွာတွင် စုစုပေါင်းဆီစာအုပ်(၉၁)အုပ် ဖြန့်ဝေပြီးဖြစ်ပါသည်။

(DOCA)ဧရာဝတီ