၂၀၂၅ ခုနှစ် ၊ အောက်တိုဘာလ ၃၀ ရက်နေ့၊ မွန်းလွဲ(၁၄:၀၀)နာရီအချိန်တွင် စားသုံးသူရေးရာ ဦးစီးဌာန တိုင်းဒေသကြီးဦးစီးမှူးရုံး အစည်းအဝေးခန်းမအတွင်း ကျင်းပပြုလုပ်သည့် ဝန်ထမ်းစွမ်း ဆောင်ရည်မြှင့်တင်ရေးသင်တန်း(Thusday Talk)အခမ်းအနားသို့ ကန့်ဘလူခရိုင်၊ စားသုံးသူရေးရာ ဦးစီးဌာန အမှုထမ်းများမှ Virtual စနစ်ဖြင့် တက်ရောက်ခဲ့ပါသည်။
အဆိုပါ ဝန်ထမ်းစွမ်းဆောင်ရည်မြှင့်တင်ရေးသင်တန်း (Thusday Talk)ဖွင့်ပွဲအခမ်းအနားတွင် စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူးရုံး၊ ဒု-တိုင်းဒေသကြီးဦးစီးမှူး ဒေါ်ဇင်မာဦး က အဖွင့်အမှာစကားပြောကြားခဲ့ပြီး ထုတ်ကုန်လုံခြုံ စိတ်ချရမှုဌာနခွဲမှ ဦးစီးမှူး ဒေါ်စန်းစန်းဝေက စစ်ဆေးရေးအရာရှိ ခန့်အပ် တာဝန်ပေးအပ်ခြင်းအကြောင်းများ၊ ကုန်အညွှန်းအမှတ်အသား အ ကြောင်းများ၊ ကုန်အညွှန်းအမှတ်အသားဖော်ပြခြင်းအကြောင်းများ၊ ပြစ်မှုပြစ်ဒဏ်များအကြောင်း၊ မြန်မာဘာသာဖြင့် မဖြစ်မနေဖော်ပြရမည့် အချက်(၇)ချက်အကြောင်း နှင့် ကုန်အညွှန်းအမှတ်အသား လျှောက်ထားရာတွင် အတည်ပြုပေးခြင်းအကြောင်း တို့ကို အကျယ်တဝင့် ဆွေးနွေးပြောကြားခဲ့ပြီး တိုင်း/ခရိုင်/မြို့နယ်များ၏ မေးမြန်းချက်များရှိပါက မေးမြန်းနိုင်ပါကြောင်း နှင့် နိဂုံးချုပ်အမှာစကား အနေဖြင့် ဝန်ထမ်းများအနေဖြင့် လုပ်ခွင်ပျော်၍ လုပ်ငန်းတော်သော ဝန်ထမ်းကောင်းများ ဖြစ်နိုင်ကြ ပါစေလို့ ဆုတောင်းအမှာစကားပြောကြားခဲ့ပြီး ဝန်ထမ်းစွမ်းဆောင်ရည်မြှင့်တင်ရေးသင်တန်း (Thusday Talk)အခမ်းအနားအောင်မြင်စွာ ပြီး မြောက်ကြောင်း သိရသည်။
DOCA(စစ်ကိုင်း)