သတင်းနှင့် လှုပ်ရှားမှုများ

         ဖျာပုံမြို့နယ်၊ အ.လ.က ကြံခင်းအလယ်တန်းကျောင်းတွင် စားသုံးသူရေးရာဦးစီးဌာနမှ  ဒု-ခရိုင် ဦးစီးမှူးနှင့် ဝန်ထမ်းများသည်၂၀၂၆ခုနှစ်၊ ဖေဖော်ဝါရီလ (၆)ရက်နေ့၊ နံနက်( ၁၀ : ၀၀ )နာရီအချိန်တွင် စားသုံးသူကာကွယ်ရေးအသိပညာပေး ဟောပြောခဲ့ပါသည်။

       အဆိုပါဟောပြောပွဲတွင် ဒုခရိုင်ဦးစီးမှူးဦးစိုးမင်းထိုက်မှ စားသုံးသူကာကွယ်ရေးဆိုင်ရာဥပဒေ ပြဌာန်းချက်များ၊   အစားအစာများတွင်အန္တရာယ်ရှိသော ခွင့်မပြုဓါတုကုန်ကြမ်းအရောင်ဆိုးဆေးများ ထည့်သွင်းလာမှုနှင့် အစားအစာများတာရှည်ခံရန် ဘေးအန္တရာယ်ရှိသောဖော်မလင်များ ထည့်သွင်းသုံးစွဲလာမှုအကြောင်း၊ ကုန်အညွှန်းအမှတ်အသားများနှင့် ပတ်သက်၍ ရှင်းလင်းပြောကြားခြင်း၊ ကျောင်းသား/ ကျောင်းသူများအနေဖြင့် အဓိကထုတ်လုပ်သည့်ရက်စွဲ၊ သက်တမ်းကုန်ဆုံးရက်စွဲကြည့်ဝယ်ရန် ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)

          ဖျာပုံခရိုင်၊ ကျိုက်လတ်မြို့နယ်စားသုံးသူရေးရာဦးစီးဌာနမှ (ဒု-ကြီးကြပ်ရေးမှူး) ဦးတင်စိန်နှင့် ဝန်ထမ်းတို့သည် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အားကစားနှင့် ကာယပညာ ဦးစီးဌာနတို့နှင့် ပူးပေါင်း၍ ၂၀၂၆ ခုနှစ်၊ ဖေဖော်ဝါရီလ(၆) ရက်နေ့၊ နေ့လယ်(၁၃:၀၀) နာရီအချိန်တွင် ရွာသာယာ အ.မ.က‌ ကျောင်းတွင် ဆရာ/ဆမ (၅)ဦး၊ ကျောင်းသား/ ကျောင်းသူ (၅၀) ဦး၊ စုစုပေါင်း (၅၅) ဦးတို့အား စားသုံးသူအသိပညာပေးဟောပြောပွဲကို ပြုလုပ်ဆောင်ရွက်ခဲ့ပါသည်။

          အဆိုပါဟောပြောရာတွင် ကျိုက်လတ်မြို့နယ်စားသုံးသူရေးရာဦးစီးဌာနမှ ဒု-ကြီးကြပ်ရေးမှူး ဦးတင်စိန်က ကျောင်းသား/သူများအား မုန့်များကို ဝယ်ယူသုံးစွဲရာတွင် မြန်မာဘာသာဖြင့် ဖော်ပြထားသော မုန့်များကိုဝယ်ယူစားသုံးရန်နှင့် ဖော်ပြထားသည့် ကုန်အညွှန်းအမှတ်အသားများတွင် ပါဝင်ပစ္စည်း၊ ထုတ်လုပ်သည့်ရက်စွဲ၊ ဘေးထွက်ဆိုးကျိုး၊ ဓာတ်မတည့်ကြောင်းဖော်ပြချက်၊ ထားသိုသိမ်းဆည်းမှုအညွှန်း၊ သက်တမ်းကုန်ဆုံးရက်၊ လိပ်စာအပြည့်အစုံ စသည့်ကုန်အညွှန်းအမှတ်အသား ပြည့်စုံစွာပါဝင်သောမုန့်များကို ရွေးချယ်ဝယ်ယူစားသုံးကြရန်နှင့် စားသုံးသူများဘေးအန္တရာယ် ကင်းရှင်းစေရေးအတွက် တားမြစ်ဆိုးဆေး၊တာရှည်ခံ ဆေးများဖြင့် ပြုလုပ်ထားသော အစားအစာများ၊ အစားအသောက်နှင့် ဆေးဝါးကွပ်ကွဲရေးဦးစီးဌာနမှ တားမြစ်ထားသော ကုန်စည်များကိုဝယ်ယူသုံးစွဲခြင်းမပြုရန် ကျန်းမာရေးအတွက် အစားအစာများကို ရွေးချယ်ဝယ်ယူစားသုံးရန်လိုအပ်ကြောင်း ဟောပြောခဲ့မှု့အပေါ် သတင်းရရှိပါသည်။

DOCA(ဧရာဝတီ)

          ကျိုက်လတ်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းနှင့် ဝန်ထမ်းတို့သည် ၂၀၂၆ ခုနှစ်၊ ဖေဖော်ဝါရီလ(၆) ရက်နေ့၊ နေ့လယ် (၁၃:၀၀) နာရီအချိန်တွင် အမှတ် (၆) ရပ်ကွက်ရှိ ဒေါ်မော်မော်တင့် ပိုင်ဆိုင်သော စိန်ဟိုင်းဆန်စက်သို့ သွားရောက်၍ ထုတ်ကုန်လုံခြုံ စိတ်ချရမှုရှိစေရေးနှင့် MSMEs ဖွံ့ဖြိုးတိုးတက်ရေးအတွက် စပါးခွံလောင်စာတောင့် ထုတ်လုပ်နေမှုအခြေအနေများကို ကွင်းဆင်းစိစစ်ခဲ့ကြပါသည်။

          လူသုံးကုန်ဖြစ်သော ထင်းမီးသွေးအစား စပါးခွံ လောင်စာတောင့်လုပ်ငန်းသည် ဈေးကွက်တစ်ခုအနေဖြင့် ထိုးဖောက်လျက်ရှိပြီး ဆန်စက်မှ ထွက်ရှိသောစပါးခွံများကို လေလွင့်ဆုံးရှုံးမှု၊ ပတ်ဝန်းကျင် ပျက်စီးဆုံးရှုံးမှုမရှိစေရေး အတွက်ထုတ်လုပ်သော လုပ်ငန်းစဉ်ဖြစ်ပါသည်။ စပါးခွံ (၁၈) ပိဿာလျှင် လောင်စာတောင့် (၁၆)ပိဿာ ထွက်ရှိပြီး တစ်နေ့လျှင် အချိန်(၂၀) ပါလောင်စာတောင့် အိတ် (၇၀) အိတ် ထုတ်လုပ်လျက်ရှိပါသည်။ ဈေးနှုန်းအနေဖြင့် (၉၅၀၀) ကျပ်ဖြင့် ဒေသအတွင်းနှင့် ရေလုပ်ငန်းလုပ်ကိုင်နေသူများအတွက် ရောင်းချပေးလျက်ရှိပါသည်။

          ထို့နောက်မြို့နယ်တာဝန်ခံက ပုဂ္ဂလိကလုပ်ငန်းဖွံ့ဖြိုးတိုးတက်ရေးအတွက် ပုံမှန်ထုတ်လုပ်နိုင်ရေး၊ ဈေးကွက်အတွင်း ကျယ်ကျယ်ပြန့်ပြန့် ဖြန့်ဖြူးရောင်းချနိုင်ရေး၊ အလုပ်သမားမပြတ်လပ်စေရေး၊ စားသုံးသူပြည်သူများအနေဖြင့် သင့်တင့်သည့်ဈေးနှုန်းနှင့် ဝယ်ယူသုံးစွဲနိုင်ရေး၊ ပတ်ဝန်းကျင်သန့်ရှင်းရေး၊ စွန့်ပစ်ပစ္စည်းများအား ယခုကဲ့သို့ တန်ဖိုးမြှင့် ထုတ်ကုန်များ ထုတ်လုပ်နိုင်ရေး၊ လုပ်ငန်းများ တိုးချဲ့ဆောင်ရွက်နိုင်ရေးများ ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

         ပုသိမ်ခရိုင်၊ ပုသိမ်မြို့နယ်၊ စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့နှင့် FDA တို့ပူပေါင်းပြီး (၄.၂.၂၀၂၆) ရက်နေ့၊ နံနက် (၀၈:၀၀) နာရီအချိန်တွင် ပုသိမ်မြို့ပေါ်ရှိ မြို့မဈး၊ ကမ်းနားဈေး၊ အောင်ဧရာဈေး(သို့) ဘူတာဈေးများတွင် စားသောက်ကုန်ပစ္စည်းရောင်းချသည့် ဆိုင်များအား ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ကွင်းဆင်းစစ်ဆေးရာတွင် စားသုံးသူများဘေးအန္တရာယ်ကင်းရှင်းရေး၊ ဘေးအန္တရာယ်ရှိ သောစားသောက်ကုန်များ ဈေးကွက်အတွင်းပပျောက်ရေးတို့အတွက် ပဲပြား၊ မျှင်ငပိ၊ ငါးလေးချဉ်၊ ပုစွန်ချဉ်၊ ပုစွန်ခြောက်၊ ငါးခြောက်၊ ငရုတ်သီးမှုန့် စသည်တို့တွင် စားသုံးရန်မသင့်သော အရောင်ဆိုးဆေးပါဝင်ခြင်းရှိ/ မရှိ၊ ခေါက်ဆွဲဖတ်၊ မုန့်ဟင်းခါးဖတ်တို့တွင် တာရှည်ခံဆေးပါဝင်ခြင်းရှိ/ မရှိတို့အားစစ်ဆေးပြီး ဈေးကွက်စောင့်ကြည့်စစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

           စားသုံးသူရေးရာဦးစီးဌာန ဘိုကလေးမြို့နယ်တာဝန်ခံနှင့် ဝန်ထမ်းတို့သည် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ စည်ပင်သာယာရေး အဖွဲ့တို့နှင့် ပူးပေါင်း၍ (၂၀၂၆) ခုနှစ်၊ ဖေဖော်ဝါရီလ (၄ ) ရက်နေ့၊ နံနက် (၀၈:၃၀) နာရီအချိန်တွင် ဘိုကလေးမြို့နယ်အ တွင်းရှိ စားအုန်းဆီအရောင်းဆိုင်များသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် ဈေးကွက်အတွင်း ရောင်းချနေသော စားအုန်းဆီများကို လက်လီ/လက်ကား အရောင်းဆိုင်များအနေဖြင့် သတ်မှတ်ရည်ညွှန်းဈေးဖြင့်ရောင်းချခြင်းရှိ/ မရှိ၊ အလေးချိန်ခွင် မှန်ကန်စွာရောင်းချခြင်းရှိ/ မရှိ၊ ခွဲတမ်းရ စားအုန်းဆီများကိုသတ်မှတ် ရည်ညွန်းဈေးနှုန်းအတိုင်း ဆိုင်းဘုတ်တင်ရောင်းချရမည်ဖြစ်ကြောင်း ကွင်းဆင်းစစ်ဆေးခဲ့မှုအပေါ် သတင်းရရှိခဲ့ကြောင်း သိရှိရပါသည်။

DOCA(ဧရာဝတီ)