သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးမှ စစ်ဆေးရေးမှူး(၂)ဦးသည် “ခရိုင်ဆန် သိုလှောင်ဈေးနှုန်းမြှင့်တင်ရောင်းချမှုများမရှိစေ‌ရေး ၂၀၂၆ခုနှစ်၊ စက်တင်ဘာလ ၁၄ ရက်နေ့ နံနက် (၁၁း၀၀)နာရီအချိန်တွင် စစ်ကိုင်းမြို့၊ စိန်ကုန်းရပ်ရှိ ”စိုးစံ” ဆန်အရောင်းဆိုင်သို့ကွင်းဆင်း၍ ဈေးနှုန်းဈေးကွက် အခြေအနေများ၊ စီးဝင်/စီးထွက်မှု အခြေအနေများ၊ သယ်ယူခနှုန်းထားများနှင့် ဈေးနှုန်းမြှင့်တင်ရောင်းချခြင်းအလို့ငှာ သိုလှောင်ခြင်း၊  ဖြန့်ဖြူးရောင်းချမှုများ ရှိ/မရှိကို ကွင်းဆင်း စစ်ဆေးဆောင်ရွက်ခဲ့ကြောင်း၊ ထိုသို့ဆောင်ရွက်ရာတွင် စားသုံးသူရေးရာဦးစီးဌာန၊ စစ်ကိုင်းခရိုင် ဦးစီးမှူးရုံးမှ တာဝန်ရှိသူတစ်ဦးက ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ရန် သိုလှောင် ထားခြင်းများမပြုလုပ်ရန်၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများရှိပါက အရေးကြီး ဝန်ဆောင်မှုဥပဒေအရ အရေးယူမည်ဖြစ်ကြောင်း၊ ဆန်အိတ် (၅၀၀)နှင့်အထက် သိုလှောင်ထားရှိပါက သိုလှောင်ရုံမှတ်ပုံတင် ပြုလုပ်ရမည်ဖြစ်ကြောင်း၊ စစ်ကိုင်းမြို့၊ စိန်ကုန်းရပ်ရှိ ဆန်အရောင်းဆိုင်ဖြစ်သော ”စိုးစံ” ဆန်ဆိုင်အနေဖြင့် ဆန်များကို ရွှေဘိုမြို့မှ အများဆုံးဝယ်ယူရောင်းချကြောင်း၊ ဝယ်ယူရာတွင် ရောင်းအားရှိသလောက် ဝယ်ယူကြောင်း၊ စစ်ကိုင်းမြို့ပေါ်ရှိ ပြည်သူများ ကြိုက်နှစ်သက်စွာ ဝယ်ယူသုံးစွဲမှု အများဆုံးဆန်မှာ ရွှေဘိုပေါ်ဆန်း၊ ဧရာမင်းနှင့် မနောသုခဆန်များကို အများဆုံး ရောင်းချသည်ကို စိစစ်တွေ့ရှိရကြောင်း၊ ဆန်အမျိုးအစား အလိုက် (၂၄) ပြည်တစ်အိတ် ဈေးနှုန်းများမှာ ဆန်အမျိုးအစား၊ အရည်အသွေးအလိုက် ရွှေဘိုပေါ်ဆန်း(၂၂၀၀၀၀ မှ ၂၃၀၀၀)ကျပ်၊ ဧရာမင်း(၁၆၀၀၀၀ မှ ၁၆၅၀၀၀)ကျပ်၊ မနောသုခ(၁၁၀၀၀၀ မှ ၁၂၀၀၀၀)ကျပ်များဖြင့် အရောင်းအဝယ်ရှိကြောင်း သယ်ယူခနှုန်းထားများမှာ ရွှေဘိုမြို့မှ စစ်ကိုင်းမြို့သို့ ဆန်(၂၄)ပြည် တစ်အိတ်လျှင် (၈၀၀၀) ကျပ်မှ   (၁၀၀၀၀) ကျပ်ရှိကြောင်း ဆန်များကို သိုလှောင်ထားခြင်းမရှိဘဲ   လိုသလောက်သာ မှာယူ ရောင်းချသောကြောင့် ဆန်သိုလှောင်သော ဆန်ဂိုဒေါင်များမရှိပါကြောင်း၊ အရောင်းဆိုင်များတွင် ရောင်းအားရှိသလောက် ဝယ်ယူရောင်းချနေကြောင်း  သတင်းရရှိပါသည်။

DOCA(စစ်ကိုင်း)

          ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးမြင့်နိုင်(ဦးစီးအရာရှိ)ဦးဆောင်၍ (၁၄.၉.၂၀၂၆) ရက်နေ့၊ နံနက် (၀၉:၀၀)နာရီအချိန်တွင် ဇေယျာသီရိမြို့နယ်၊ ကျွန်းရောင်း အုပ်စု၊လေသာကျေးရွာတွင် စားအုန်းဆီသုံးဆွဲမှုလျော့ချရေးနှင့် စားသုံးသူကာကွယ်ရေး အသိ ပညာပေးဟောပြောပွဲ ကျင်းပပြုလုပ်ခဲ့ရာ စုစုပေါင်း (၂၆)ဦး တက်ရောက်ခဲ့ပါသည်။

          အဆိုပါအသိပညာ‌ပေးဟောပြောပွဲတွင် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် များ၏တာဝန်များ၊ စားသုံးသူအခွင့်အရေးနှင့်တာဝန်များ၊ အွန်လိုင်းစနစ်ဖြင့်ရောင်းချရာတွင် အွန်လိုင်း ရောင်းချခွင့်မှတ်ပုံတင်ခြင်းဆိုင်ရာကိစ္စရပ်များ၊ ကုန်ပစ္စည်းများတွင် ဖော်ပြပါရှိရမည့်  ကုန်အညွှန်း အမှတ်အသားများအကြောင်းကို ရှင်းလင်းပြောကြားခဲ့ပြီး အသိပညာပေးလက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

 DOCA(ပြည်ထောင်စုနယ်မြေ)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်တာဝန်ခံ ဦးစီးအရာရှိ ဦးဇော်နေလင်း ဦးဆောင်သော ဝန်ထမ်းများအဖွဲ့သည် (၁၀.၉.၂၀၂၆)ရက်နေ့၊ နံနက်(၀၉:၀၀)နာရီအချိန်တွင် ဆက်သွယ်ရေးဝန်ဆောင်မှုကဏ္ဍနှင့်စပ်လျဉ်း၍ မြန်မာ့ ဆက်သွယ်ရေး လုပ်ငန်း(MPT) ဝန်ထမ်းများနှင့် ပူးပေါင်း၍ စားသုံးသူများ နစ်နာမှုမရှိစေရေး အတွက် ရည်ရွယ်၍ ဆိပ်ဖြူမြို့ပေါ်ရှိ MGT Group ၊ Ooredoo (ရုံးခွဲ)နှင့် မြို့ပေါ်ရှိ Mobile (ဖုန်းဆိုင်) များသို့ သွားရောက်၍ အသိပညာပေးဆွေးနွေးပါသည်။

          ထိုသို့ ကွင်းဆင်းစစ်ဆေးရာတွင် လိုင်းပြတ်တောက်မှုူများအား အချိန်မီပြုပြင်ပေးရန်၊ အင်တာနက်လိုင်းဆွဲအား မကောင်းပါက အခြားဝန်ဆောင်မှုဖြင့် အပြည့်အဝဆောင်ရွက်ပေးရန်၊ လစဉ်ကြေးပေးဆောင်ပါသော်လည်း အချိန်မီ လိုင်းတပ်ဆင်ပေးခြင်း ရှိ/မရှိ နှင့် အသုံးမပြုသည့် ဝန်ဆောင်မှုများအတွက် ဘေလ်ဖြတ်တောက်ခြင်း၊  Point ဖြင့် ဒေတာလဲလှယ် ပြီးသော်လည်း ဖုန်းဘေလ်အတွင်းမှ ဖြတ်တောက်ခြင်း၊ စာချုပ်ပါအတိုင်း လိုင်းဝန်ဆောင်မှုမပေးနိုင်ခြင်း၊ ဆင်းကဒ်တွင် မိမိအမည်ဖြင့် မှတ်ပုံတင်ထားသော်လည်း အခြားသူအမည်ပေါက်နေခြင်းများ မဖြစ်ပေါ်စေရေး ဆောင်ရွက်ပေးရန်ဆွေးနွေးခဲ့ပါသည်။ ဝန်ဆောင်မှုနှင့် ပတ်သက်၍ အချက်အလက်များကို ပြည့်စုံ မှန်ကန်စွာချပြရန်နှင့် စားသုံးသူ များမှ အင်တာနက်လိုင်းပြတ်တောက်မှုနှင့် လိုင်းဆွဲအားမကောင်းဖြစ်မှု ၊ WiFi ကြိုးလွတ်မှု ဖြစ်ပေါ်၍ ဆက်သွယ်အကြောင်းကြားပါက စားသုံးသူအပေါ်အဆင်ပြေစွာ ပြောဆို ဆက်ဆံရန်နှင့်စိတ်ကျေနပ်မှု ရှိစေရေးဆောင်ရွက်ပေးရန် အသိပညာပေး ဆွေးနွေးခဲ့ကြောင်းသိရှိ ရပါသည်။

DOCA(မကွေး)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်/အောင်လံခရိုင် တာဝန်ခံရုံးမှ ခရိုင် တာဝန်ခံဦးကျော်မျိုးမင်း (ဦးစီးအရာရှိ)နှင့် မင်းတုန်းမြို့နယ်တာဝန်ခံ ဦးထင်ကျော်လင်း (ဒု-ကြီးကြပ် ရေးမှူး) တို့သည် တိုင်းဒေသကြီးဦးစီးမှူး၏ လမ်းညွှန်ချက်အရ (၁၁.၉.၂၀၂၆)ရက်နေ့၊ နံနက် (၁၁:၀၀) နာရီအချိန်တွင် အောင်လံမြို့ ရွာထောင်ရပ်ကွက်ရှိ GGN သောက်ရေသန့်စက်ရုံသို့ သွားရောက်၍ ဈေးကွက်မရောက်မီ သောက်ရေသန့်ဗူးများအား ကွင်းဆင်းစစ်ဆေးခဲ့ပါသည်။

       ထိုသို့ စစ်ဆေးခဲ့ရာတွင် ယခုမျက်မှောက်ခေတ်ကာလတွင် ရေသည်လူတို့အတွက် နေ့စဉ် လိုအပ်သော အရေးကြီးကုန်စည်ဖြစ်ပြီး ရေသန့်ဆိုသည်မှာလည်း ဈေးကွက်တွင် တွင်ကျယ်စွာ လူသား တိုင်း ကျန်းမာရေးနှင့် အညီလိုအပ်သောအရာဆိုသည်မှာလည်း မမှားကြောင်း၊ ရေသန့်စက်ရုံသည် အမြဲသန့်ရှင်းပြီး ရေများစနစ်တကျ သုံးစွဲရန်၊ ရေသိုလှောင်ကန်များ၊ ရေသန့်ဗူးများအား စနစ်တကျ နေ့စဉ် စစ်ဆေးသန့်ရှင်းပြီးမှ လုပ်ဆောင်ကြရန်၊ သက်ဆိုင်ရာဌာနများမှ ထောက်ခံချက်များ၊ စည်ပင် လိုင်စင်ခွန်များနှင့် FDAထောက်ခံချက်၊ ကျန်းမာရေးဌာန၏ သတ်မှတ်ချက်များနှင့် အညီလိုက်နာ ဆောင်ရွက် ပြုလုပ်ကြရန်၊ ရေသန့်စက်ရုံပိုင်ရှင်အား မြန်မာနိုင်ငံစားသုံးသူကာကွယ်ရေး ကော်မရှင်၏ (၂/၂၀၁၉)နှင့်အညီ ကုန်အညွှန်းအမှတ်အသားများ ဖော်ပြပါရှိရန်နှင့် စီးပွားရေးလုပ်ငန်းရှင်၏ တာဝန် များအကြောင်းတို့အား အသိပညာပေးပြောကြားခဲ့ပြီး စက်ရုံပိုင်ရှင်နှင့်ဝန်ထမ်းများအား လက်ကမ်း စာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်တာဝန်ခံရုံးမှ ကံမမြို့နယ် တာဝန်ခံ ဒေါ်နွဲ့ယဉ်ဝင်း (ဦးစီးမှူး)သည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်တာဝန်ခံ၏ ကြီး ကြပ်မှုတို့ဖြင့် (၁၂.၉.၂၀၂၆)ရက်နေ့၊ နံနက်(၁၀:၀၀)နာရီ အချိန်တွင်သရက်မြို့၊ ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ (Community Center)၌ စီးပွားရေးလုပ်ငန်းရှင်၏ တာဝန်များအကြောင်းနှင့် ကုန်စည်နှင့် စပ်လျဉ်း၍အာမခံချက်ပေးခြင်း အကြောင်းအရာတို့အား အသိပညာပေး Talk Show ကျင်းပပြုလုပ်ခဲ့ပါသည်။

          အဆိုပါ အသိပညာပေး Talk Showတွင် သရက်ခရိုင် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနရုံးမှ ဒေါ်ဇာခြည်လွင် (အကြီးတန်းစာရေး)နှင့်အတူ ကံမမြို့နယ်တာဝန်ခံ ဒေါ်နွဲ့ယဉ်ဝင်း (ဦးစီး မှူး)မှ ဆွေးနွေးရာတွင် စီးပွားရေးလုပ်ငန်းရှင်၏ တာဝန်(၁၁)ချက်ရှိပြီး စားသုံးသူများကို ကုန်စည် (သို့မဟုတ်) ဝန်ဆောင်မှုများအား အာမခံချက်နှင့် စပ်လျဉ်းပြီး ရိုးရှင်းမှန်ကန်သော သတင်းအချက် အလက်များ ပေးရမည်၊ ခွဲခြားမှုမရှိဘဲစီးပွားရေးကျင့်ဝတ်နှင့်အညီ ဖြောင့်မတ်မှန်ကန်စွာ ဆက်ဆံရမည်၊ စားသုံသူများအား စမ်းသပ်နိုင်သည့် အခွင့်အရေးများပေးရမည် စသည့်အချက်အလက်များအား အကျယ် တဝင့်ရှင်းလင်းပြောကြားပြီး ကုန်စည်နှင့်စပ်လျဉ်း၍အာမခံချက်ပေးရာတွင်လည်း အရည်အသွေး၊ အချိန် အတွယ်၊ ပမာဏနှင့် အလေးချိန်မှန်ကန်မှုတို့ကို ပွင့်လင်းမြင်သာအောင် ပြုလုပ်ဆောင်ရွက်ရမည် ဖြစ်ကြောင်း၊ စားသုံးသူများ ဘေးအန္တရာယ်ကင်းရှင်းပြီး ကုန်အညွှန်းအမှတ်အသားများ ပြည့်စုံစွာ ပါရှိသောကုန်စည်များကိုသာ ရောင်းချရန်တို့အား ရှင်းလင်းပြောကြားခဲ့ပြီး စားသုံးသူပြည်သူများ နစ်နာဆုံးရှုံးမှုများ ရှိလာပါက စားသုံးသူရေးရာဦးစီးဌာန၏ Website တစ်ခုဖြစ်သော www.doca.gov. mm သို့ခေါ်ဆို၍ မေးမြန်းစုံစမ်းတိုင်ကြားနိုင်ကြောင်းနှင့် Consumer Call Center (1535) လိုင်းခွဲနံပါတ်(၁) နေပြည်တော်၊ လိုင်းခွဲနံပါတ်(၂)ရန်ကုန်၊ လိုင်းခွဲနံပါတ်(၃)မန္တလေးတို့ကို ရုံးချိန်အတွင်း မေးမြန်းတိုင်ကြားနိုင်ကြောင်းတို့အား ပြောကြားခဲ့ကြောင်း သိရှိရပါသည်။

DOCA(မကွေး)