၁၆.၁.၂၀၂၆ ခုနှစ် နံနက်ပိုင်းတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးဆောင်၍ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ၊ စိုက်ပျိုးရေးဦးစီးဌာနမှ ခရိုင်ဦးစီးမှူး၊ စားသုံးသူရေးရာဦးစီးဌာနမှ ခရိုင်တာဝန်ခံနှင့် မြို့နယ်တာဝန်ခံများပါဝင်သော ပူးပေါင်းအဖွဲ့သည် ကျိုက်ထိုခရိုင်၊ ကျိုက်ထိုမြို့နယ်အတွင်းရှိ ဆန်စက်များသို့ ဆန်စပါးကဏ္ဍဖွံ့ဖြိုးတိုးတက်ရေးနှင့် စက်စွမ်းအားပြည့်လည်ပတ်နိုင်ရေးအား ကွင်းဆင်း စစ်ဆေး ဆောင်ရွက်ခဲ့ကြောင်း သိရပါသည်။

       ထိုသို့ဆောင်ရွက်ရာတွင် အဖွဲ့မှ ဆန်စပါးကြိတ်ခွဲနိုင်မှု အခြေအနေ၊ စက်ကြိတ်ခ နှုန်းထား ကုန်ကြမ်းရရှိမှုနှင့် ရောင်းဝယ်ဖြန့်ဖြူးမှုအခြေအနေ၊ လုပ်သားအင်းအား၊ မီးဘေးကာကွယ်ရေးဆောင်ရွက်ထားရှိမှုအခြေအနေ၊ ကြုံတွေ့ရသော အခက်အခဲများ၊ လိုအပ်ချက်များအား လုပ်ငန်းရှင်များအား မေးမြန်းစုံစမ်းခြင်း၊ လှည့်လည်ကြည့်ရှု စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA (မွန်)

         ကျောက်ဆည်ခရိုင်၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်းစေရေး၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေး အသိပညာပေး ဟောပြောဆွေးနွေးပွဲများကျင်းပခြင်းနှင့် စျေးကွက်စောင့်ကြည့်စစ်ဆေးခြင်:လုပ်ငန်းတို့ကို စဉ်ဆက်မပြတ်ဆောင်ရွက်လျက်ရှိရာ ဇန်နဝါရီလ(၁၅)ရက်နေ့တွင် မြစ်သားမြို့နယ်၊ သာလွန်ကျေးရွာ၌ စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့ပါသည်။ အဆိုပါ‌ ဆွေးနွေးပွဲ၌ ကျောက်ဆည်ခရိုင် စားသုံးသူရေးရာဦးစီးဌာနမှ ဦး‌ဇော်မင်းလတ် (ဒု-ခရိုင်ဦးစီးမှူး)က တက်ရောက်လာသည့် ကျေးရွာသူ/ ကျေးရွာသားများအား စားသုံးသူကာကွယ်ရေး ဥပဒေနှင့် ပတ်သက်သည့် ရည်ရွယ်ချက်များ၊ စားသုံးသူကာကွယ်ရေး ဥပဒေပါ အချက်အလက်များဖြစ်သည့် စားသုံးသူများ၏ အခွင့်အရေးနှင့်တာဝန်များ၊ ကုန်စည်ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများအကြောင်းအကျယ်တဝင့် ရှင်းလင်းဆွေးနွေးပြောကြားခဲ့ပြီး မြစ်သားမြို့နယ်တာဝန်ခံ ဒေါ်မော်မော်အောင်က စားသုံးသူများ နစ်နာဆုံးရှုံးမှုများဖြစ်ပေါ်ပါက တိုင်းဒေသကြီး/ ပြည်နယ်များရှိ Consumer Information & Complaint Center (CICC)များ နှင့် Consumer Call Center ဖြစ်သည့်(1535)သို့ ခေါ်ဆိုတိုင်ကြားနိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca.gov.mm ထဲသို့ ဝင်‌ရောက်တိုင်ကြားနိုင်ပါကြောင်း ဆွေးနွေးပြောကြားခဲ့ပြီး အသိပညာပေးဟောပြော ဆွေးနွေးပွဲသို့ ကျေးရွာသူ/ ကျေးရွာသားစုစုပေါင်း(၁၅၀)ဦးတက်ရောက်ခဲ့ကြပြီး တက်‌ရောက်လာသော ကျေးရွာသူ/ ကျေးရွာသားများအား  စားသုံးသူအသိပညာပေး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မန္တလေး) 

    ၁၅.၁.၂၀၂၆ ရက်နေ့တွင် မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ဇင်ဖြူဝင်းသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် ကျန်းမာရေးဦးစီးဌာနတို့နှင့် ပူးပေါင်း၍ ဘီးလင်းမြို့ပေါ်ရပ်ကွက်များရှိ ကုန်မျိုးစုံရောင်းချ နေသော စတိုးဆိုင်များသို့ သွားရောက်၍ အရန်သင့်အစားအစားအမျိုးမျိုးတို့အား ဈေးကွက် စောင့်ကြည့်စစ်ဆေးခဲ့ကြောင်း သိရသည်။

     ထိုသို့ ဈေးကွက်စောင့်ကြည့်စစ်ဆေးရာ ဈေးကွက်တွင် ရောင်းချနေသော အသင့်စား မုန့်အမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာဖော်ပြခြင်း ရှိ/မရှိ စစ်ဆေးခြင်း၊ သက်ဆိုင်ရာဌာနများမှ ကန့်သတ်တားမြစ်ထားသည့် ကုန်စည်များရောင်းချခြင်း ရှိ/မရှိ စစ်ဆေးခြင်း၊ စားသုံးသူဘေးအန္တရာယ်ဖြစ်စေနိုင်သော ကုန်စည်များရောင်းချခြင်း ရှိ/မရှိ တို့အား စစ်ဆေးခဲ့ပြီး သတ်မှတ်စံချိန်စံနှုန်းနှင့် ကိုက်ညီ၍ သက်ဆိုင်ရာဌာနများမှ ခွင့်ပြု ထားသော ကုန်အညွှန်းအမှတ်အသားပြည့်စုံစွာ ဖော်ပြထားသော အရန်သင့်အစားအစာ များကိုသာ ဈေးကွက်အတွင်းရောင်းချလျက်ရှိကြောင်း စစ်ဆေးတွေ့ရှိရပြီး စားသုံးသူများ ဘေးအန္တရာယ်ကင်းစေရန်အတွက် ကုန်အညွှန်းအမှတ်အသားပြည့်စုံစွာ ဖော်ပြထားသော ကုန်စည်များကိုသာ ဈေးကွက်အတွင်း တင်သွင်းဖြန့်ဖြူးရောင်းချစေရန်အတွက် အသိပညာပေး ဆောင်ရွက်ခဲ့ကြောင်း သိရှိရပါသည်။

DOCA (မွန်)

    ၁၄.၁.၂၀၂၆ ရက်နေ့တွင် စာသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးသည် မြို့နယ်ယာဉ်ထိန်းရဲတပ်ဖွဲ့၊ ပို့ဆောင်ရေးစီမံကိန်းဦးစီးဌာန၊ ကုန်းလမ်း ပို့ဆောင်ရေးညွှန်ကြားမှုဦးစီးဌာန၊ မြို့နယ် စည်ပင်သာယာရေးအဖွဲ့တို့နှင့်ပူးပေါင်း၍ ချောင်းဆုံမြို့နယ်၌ သယ်ယူပို့ဆောင်ရေး ဝန်ဆောင်မှုနှင့် စပ်လျဉ်း၍ စစ်ဆေးဆောင်ရွက်ခဲ့ကြောင်း သိရသည်။

    ထိုသို့ စစ်ဆေးရာတွင် သယ်ယူပို့ဆောင်ရေးမော်တော်ယာဉ်များ၌ သတ်မှတ်လူဦးရေ ထက် ပိုမိုတင်ဆောင်ခြင်း ရှိ/မရှိ၊ ယာဉ်မောင်းအရက်သေစာသောက်စားထားခြင်း ရှိ/မရှိ၊ ယာဉ်အန္တရာယ်ကင်းရှင်းစေရေးထုတ်ပြန်ထားသောသက်ဆိုင်ရာဌာနများ၏ စည်းကမ်းချက် များနှင့်အညီ လိုက်နာဆောင်ရွက်ခြင်း ရှိ/မရှိ၊ အများပြည်သူသုံး သယ်ယူပို့ဆောင်ရေး ယာဉ်လိုင်းများအနေဖြင့် ခရီးသည်ပို့ဆောင်မှုနှင့် ကုန်စည်တန်ဆာပေးပို့ရေး စသည့် ဝန်ဆောင်မှုများကို အသုံးပြုသည့် စားသုံးသူများအနေဖြင့် အခြေခံလိုအပ်ချက်များအပေါ် စိတ်ကျေနပ်ဖွယ် ရရှိစေရန်နှင့် နစ်နာဆုံးရှုံးမှုဖြစ်လာပါက ဖြစ်သင့်ဖြစ်ထိုက်သော ကုစားခွင့် ရရှိစေရေး စစ်ဆေးခြင်း၊ ကားလက်မှတ်ကို သတ်မှတ်ဈေးနှုန်းဖြင့် ရောင်းချခြင်း ရှိ/မရှိ၊ ပစ္စည်းများကို တန်ဆာခ ရယူသယ်ဆောင်ရာတွင် ပေးပို့သူက စိတ်ချလုံခြုံမှု ရရှိနိုင်မှု ရှိ/မရှိ၊ ကုန်စည်များကို သတ်မှတ်ရက်အတွင်း ပို့ဆောင်မှု ရှိ/မရှိ၊ ပစ္စည်းများတစိတ်တဒေသ ပျက်စီးခြင်း၊ အားလုံးပျက်စီးခြင်း ဖြစ်ပေါ်ပါကပေးလျော်ရန် သတ်မှတ်ချက်များ ရှိ/မရှိ၊ ရှိပါက ထိုကဲ့သို့ ဆောင်ရွက်ပေးခဲ့ခြင်း ရှိ/မရှိ၊ ခရီးသည်များလိုက်ပါစီးနင်းသောခုံများသည် သင့်လျော်သောအခြေအနေ ရှိ/မရှိ၊ ယာဉ်ထွက်ခွာရန် သတ်မှတ်သောအချိန်တွင် ထွက်ခွာ ခြင်း ရှိ/မရှိ၊ ယာဉ်အတွင်း မကောင်းသောအနံ့များ မရှိစေရန်၊ ကွမ်းတံထွေး၊ အမှိုက်ကဲ့သို့ သော ပစ္စည်းများမရှိစေရန် သန့်ရှင်းမှု ရှိ/မရှိ တို့ကို စစ်ဆေးခဲ့ကြောင်း သိရှိရပါသည်။

DOCA (မွန်)

     ၁၄.၁.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ သထုံခရိုင်၊ သထုံ မြို့နယ်တာဝန်ခံ ဦးထိန်လင်းထွန်းနှင့် ဝန်ထမ်းများသည် သထုံခရိုင် အစားအသောက်နှင့် ဆေးဝါးကွပ်ကဲ‌‌ရေးဦးစီးဌာန၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ၊ မြို့နယ် တိုင်းရင်းဆေးကုသရေးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ပြည်သူ့ကျန်းမာရေး ဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ မြို့မစျေးအတွင်း ရောင်းချလျက်ရှိသော အစားအသောက်၊ ဆေးဝါးနှင့် အလှကုန်ပစ္စည်း ရောင်းချသည့် ဆိုင်များအား စျေးကွက်ကွင်းဆင်း စစ်ဆေးခဲ့ပါသည်။

      ထိုသို့ ကွင်းဆင်းစစ်ဆေးရာတွင် ဆေးစျေးနှုန်းအတက်အကျနှင့် ဆေးဝါးပြတ်လပ်မှု ရှိ/မရှိ၊ စံမမှီဆေးများ ‌ရောင်းချမှု ရှိ/မရှိ ၊ သက်တမ်းကျော်လွန်သော ဆေးများ၊ ဆေးပစ္စည်း အတုများ ရောင်းချခြင်း ရှိ/မရှိ တို့အား စစ်ဆေးခြင်း၊ ဆေးဝါးများတွင် FDA ထောက်ခံချက်ပါရှိခြင်း ရှိ/မရှိ တို့အား စစ်ဆေးခြင်း၊ အလှကုန်ပစ္စည်းများတွင် FDA ထောက်ခံချက်ပါ ရှိ/မရှိ၊ ပစ္စည်းအတုများ ရောင်းချခြင်း ရှိ/မရှိ တို့အား စစ်ဆေးခဲ့ပြီး၊ စံချိန်စံညွှန်းနှင့်ကိုက်ညီ၍အရည်အသွေးပြည့်ဝသော ဆေးပစ္စည်းများ၊ အစားသောက် များနှင့် အလှကုန်ပစ္စည်းများကိုသာ  ရောင်းချလျက်ရှိကြောင်း သိရှိရပါသည်။

DOCA (မွန်)