သတင်းနှင့် လှုပ်ရှားမှုများ

  ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ရှိ Good Brothers' Co.,Ltd UAPPT ဆားမ‌လောက်(စုပေါင်းလယ်ယာဆန်စက်) ရန်ကုန်-ပုသိမ်ကားလမ်းဘေးတွင် တည်ရှိသော ဆန်/ဆန်ကွဲသိုလှောင်ရုံအား

   Myanmar Long Grain White Rice (GW-11) 10% Broken (WMDPS) (1500 MT)  အခြေအနေများကို စားသုံးသူရေးရာဦးစီးဌာနနှင့် ပူးပေါင်းစစ်ဆေးရေးအဖွဲ့များဖြစ်သော MITS, MRF, DOCA & DOTအဖွဲ့ များ (၁၄-၈-၂၀၂၅) ရက်နေ့က မြေပြင်ဆောင်ရွက်ထားရှိမှုများကို ကွင်းဆင်းစစ်ဆေးခဲ့ကြသည်။

    စစ်ဆေးရာတွင် ပူးပေါင်းစစ်ဆေးသောအဖွဲ့မှ ညောင်တုန်းမြို့နယ်ရှိ ပို့ကုန်လိုင်စင်သစ်လျှောက်ထားရန် ဩဂုတ် အတွက် ဆန်/ ဆန်ကွဲသိုလှောင်ထားရှိသော ဆန်စက်သိုလှောင်ရုံအခြေအနေများ၊ ဆန်ကွဲသိုလှောင် ထားရှိမှုအခြေအနေများ၊ သတ်မှတ်ထားသော ဆန်/ ဆန်ကွဲအရည်အသွေပြည့်မှီစေရေး ကြည်ရှုစစ်ဆေးခြင်း၊ သိုလှောင်ရုံ၏ မြေပြင်အခြေအနေမှန်များကို စစ်ဆေးများ ပြုလုပ်ဆောင်ရွက်ခဲ့ကြောင်း သိရသည်။

DOCA(ဧရာဝတီ)

          (၁၄.၈.၂၀၂၅)ရက်နေ့ နေ့လယ်(၀၂:၄၀) နာရီအချိန်တွင် စားသုံးသူရေးရာဦးစီးဌာန၊ မှော်ဘီခရိုင်၊ မှော်ဘီမြို့နယ်ရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် မြို့မဈေးရှိဆေးဆိုင်တွင် ဆေးရောင်းချနေခြင်းများအား ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် မြို့မဈေးမှ ဈေးတာဝန်ခံ ပူးပေါင်းပါဝင်လျက် ရောင်းချနေသောဆေးဝါးများမှာ အဖျားပျောက်ဆေး၊ ချောင်းဆိုးပျောက်ဆေး၊ နှာစီးပျောက်ဆေး၊ ပိုးသတ်ဆေး၊ အရောင်ချဆေး၊ သွေးကျဲဆေး၊ အစာအိမ်ဆေး၊ အကိုက်အခဲပျောက်ဆေးတို့ကို ရောင်းချပါကြောင်း၊ ဆေးဝါးများလည်းပြတ်လပ်မှုမရှိပါကြောင်း၊ ယခုကာလသည် တုတ်ကွေးရာသီဖြစ်သောကြောင့် နှာစီး၊ ချောင်းဆိုး၊ အဖျားပျောက်ဆေးများ ပိုမိုအရောင်းသွက်ပါကြောင်း ဝယ်ယူရာတွင်လည်း အဆင်ပြေစေရန် ဆောင်ရွက်ထားပါကြောင်း သိရှိရပါသည်။

DOCA (ရန်ကုန်)

          (၁၄.၈.၂၀၂၅)ရက်နေ့ နံနက်(၁၁:၄၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အမှတ်(၄၂/အေ)၊ (၂၅၀/၂၅၁)၊ အမှတ်(၄)လမ်းမကြီး၊ စက်မှုဇုန် (၁)၊ ရွှေပြည်သာမြို့နယ်ရှိ City Mart သို့ သွားရောက်၍ ဆန်များ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးရာတွင် City Mart ဆန်အရောင်းကောင်တာရှိ စားသုံးဆန်များအား သင့်တင့်မျှတသောဈေးနှုန်းဖြင့် ရောင်းချရေး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနက လစဉ်ထုတ်ပြန်လျက်ရှိသည့် ဆန်ရည်ညွှန်းဈေးနှုန်းများကို သိရှိလိုက်နာဆောင်ရွက်ရန် အသိပညာပေးဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

          (၁၄.၈.၂၀၂၅)ရက်နေ့ နံနက်(၁၀:၄၅)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အမှတ်(၂၄၆)၊ မက္ခရာမင်းသားကြီးမောင်ပျိုလမ်း၊ စက်မှုဇုန်(၂)၊ လှိုင်သာယာမြို့နယ်ရှိ Ocean Super Center သို့ သွားရောက်၍ ဆန်ရောင်းချနေမှုကွင်းဆင်းအသိ ပညာပေးမှုများ ဆောင်ရွက်ခဲ့ပါသည်။

          ထိုသို့ ကွင်းဆင်းအသိပညာပေးရာတွင် Ocean Super Center တွင် ရောင်းချနေသော ဆန်အမှတ်တံဆိပ်များ၌ Nursery၊ Goody၊ Meizan၊ မြ၊ Beautiful Myanmar စသည့်ဆန်အမျိုး အစားများကို 1 kg မှ 12 kg သတ်မှတ်ရည်ညွှန်းဈေးအတိုင်း ရောင်းချလျက်ရှိကြောင်း၊ ဆန်ဈေးနှုန်းကြီးမြှင့်မှုမဖြစ်ပေါ်ရေးအတွက် ဈေးကစားရန်အလို့ငှာ ဆန်များသိုလှောင်ထားခြင်းမပြုရန် လိုက်နာမှုမရှိပါက ဥပဒေအရ အရေးယူခံရမှာဖြစ်ကြောင်း တာဝန်ခံအား အသိပညာပေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)

       ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာန၊ လွိုင်လင်ခရိုင်ဦးစီးမှူးရုံးမှ ဝန်ထမ်းများသည် စားသုံးသူများ ဘေးအန္တရာယ်ကင်းရှင်းရေးနှင့် ထုတ်ကုန်လုံခြုံစိတ်ချရမှုရှိစေရေးအတွက် ၂၀၂၅ ခုနှစ်၊ ဩဂုတ်လ (၁၄) ရက်နေ့၊ နေ့လယ် (၁၃:၂၀) နာရီအချိန်တွင် လွိုင်လင်မြို့ပေါ်ရှိ ရှမ်းစတားသောက်ရေသန့် စက်ရုံလုပ်ငန်းရှင်နှင့် တွေ့ဆုံခဲ့ပါသည်။

          ထိုသို့ဆွေးနွေးရာတွင် သောက်ရေသန့်အမျိုးမျိုးတွင် ကုန်အညွှန်းအမှတ်အသားအရ ထည့်သွင်းပေးရမည့် အမျိုးအမည်၊ အရွယ်အစား၊ ထားသိုသိမ်းဆည်းမှုအညွှန်းများကို ထည့်သွင်းပေးရမည် ဖြစ်ကြောင်း၊ ယခုအချိန်၌ ဈေးကွက်အတွင်းတွင် မိမိစက်ရုံထုတ် ရေသန့်ဗူးခွံများ မဟုတ်သည့် အခြားစက်ရုံထုတ်ရေသန့်ဗူးခွံများရှိ အမှတ်တံဆိပ်များကိုခွာပြီး မိမိတံဆိပ်များကပ်၍ ရောင်းချခြင်း များရှိနေသဖြင့် ရေသန့်လုပ်ငန်းရှင်အချင်းချင်း စည်းကမ်းရှိရှိ စောင့်ထိန်းဆောင်ရွက်နိုင်စေရန် ဆွေးနွေးခဲ့ပါသည်။

DOCA(ရှမ်း)