သတင်းနှင့် လှုပ်ရှားမှုများ

       ၁၃.၆.၂၀၂၆ရက်နေ့ နံနက် (၀၉း၀၀) နာရီအချိန်တွင် မအူပင်ခရိုင်၊ မအူပင်မြို့နယ်နယ် စပ်ဒေသတိုင်းရင်းသား လူငယ်များဖွံဖြိုးရေးသင်တန်းကျောင်းတွင် စားသုံးသူရေးရာဦးစီးဌာနမှ ဦးအောင်ဇော်ဦး ဦးစီးအရာရှိမှ စားသုံးသူကာကွယ်ရေးဥပဒေနှင့် သိကောင်းစရာများကို အသိပညာပေးဟောပြောခဲ့ကြောင်း သိရသည်။

        ဟောပြောဆောင်ရွက်ရာတွင် စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေး ဥပဒေပါ ပြဌာန်းချက်များအပေါ် စားသုံးသူ ပြည်သူများ၊ ကျယ်ကျယ်ပြန့်ပြန့်သိရှိနိုင်ရေး အသိပညာပေး‌‌ဟောပြောပွဲများကို စဉ်ဆက်မပျက်အသိပညာပေးလျက်ရှိကြောင်း၊ ကုန်စည်များနှင့် စပ်လျဉ်း၍ ပြည်တွင်းပြည်ပမှ ထုတ်လုပ်တင်သွင်းလာသော ကုန်စည်နှင့် ဝန်ဆောင်မှုများအပေါ် နိုင်ငံသားအားလုံး ဘေးအန္တရာယ်ကင်းရှင်းစွာ အသုံးပြုနိုင်‌ရေး၊ စားသုံးသူအခွင့်အရေးများ ပြည့်ပြည့်ဝဝရရှိရေးအတွက် စားသုံးသူကာကွယ်ရေး ဥပဒေနှင့် အညီ ကွင်းဆင်းစစ်ဆေး ဆောင်ရွက်ပေးလျှက်ရှိကြောင်း၊  စားသုံးသူအခွင့်အရေးများ နစ်နာဆုံးရှုံးမှုများ ဖြစ်ပေါ်လာပါက ကြားနိုင်သည့် ပုဂ္ဂိုလ်များနှင့် တိုင်ကြားနိုင်သည့်နေရာများ၊ စားသုံးသူသတင်း ပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ ဖွင့်လှစ်ဆောင်ရွက်နေမှု အခြေအနေများ၊ အလွယ်တကူဆက်သွယ်တိုင်ကြားနိုင်သော Consumer Call Center (1535) လိုင်းခွဲ (၁)(၂)(၃) ရုံးချိန်အတွင်း ဆက်သွယ်တိုင်ကြားနိုင်းကြောင်းကို အသိပညာပေးဟောပြောခဲ့ပြီး  ဆရာ/မနှင့်ကျောင်းသား/သူ ၁၅၀ ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

             ၁၇.၆.၂၀၂၆ ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံရုံးမှ ဝန်ထမ်းများသည် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာ‌ရေးအဖွဲ့တို့နှင့် ပူးပေါင်း၍ ကျိုက်မရောမြို့နယ်၊ ကျွန်းရွာကျေးရွာရှိ “ကျွန်း” အမှတ်တံဆိပ်ဖြင့် စားသောက်ကုန်များ ထုတ်လုပ်လျှက်ရှိရာ ဈေးကွက်မရောက်မီနှင့် ဈေးကွက်အတွင်းဖြန့်ဖြူးရောင်းချ လျှက်ရှိ သော စားသောက်ကုန်များအား ကုန်အညွှန်းအမှတ်အသားဖော်ပြမှု ပြည့်စုံစွာ ပါဝင်ခြင်း ရှိ / မရှိ တို့အား ကွင်းဆင်းစိစစ်ဆောင်ရွက်ခဲ့ပါသည်။

             ထိုသို့ ကွင်ဆင်းစစ်ဆေးဆောင်ရွက်ရာတွင် မြို့နယ်တာဝန်ခံ ဦးစီးမှူး ဦးမင်းနောင် က ပြည်နယ်အစိုးရအဖွဲ့အစီအစဉ်ဖြင့် မိမိတို့ဒေသမှ MSME ပြပွဲများတွင် ဝင်ရောက် ပြသသော စားသောက်ကုန်များတွင် စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်ညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မခွဲ (ခ)နှင့် (ဆ)တို့ပါ အချက်များကို ကုန်အညွှန်းအမှတ်သားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲ လျက်ဖြစ်စေ ရေးသားဖော်ပြရမည်ဖြစ်ပြီး ကုန်စည်အမျိုးအစားအလိုက် သတ်မှတ်ထား သည့်  ကုန်အညွှန်းအမှတ်အသားဖော်ပြမှု ပြည့်စုံစွာပါရှိစေ‌ရေးတို့အား လိုက်နာဆောင် ရွက်သွားနိုင်ရေး အသိပညာပေးပြောကြားခဲ့ကြောင်း သိရှိရပါသည်။

DOCA (မွန်)

    ၁၆.၆.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့တာဝန်ခံသည် မုဒုံမြို့နယ်၊ ကျောက်တလုံးကျေးရွာရှိ “မိုးပြည့်” ရာသီပေါ်ခြံထွက် သီးနှံ ရောင်းဝယ်ရေးလုပ်ငန်းသို့ အွန်လိုင်းမှတ်ပုံတင်ခြင်းနှင့် စပ်လျဉ်း၍ မြေပြင်ကွင်းဆင်း စစ်ဆေးခဲ့ကြောင်း သိရှိရသည်။

     ထိုသို့ ကွင်းဆင်းစစ်ဆေးခဲ့ရာ   မုဒုံမြို့နယ်၊ ကျောက်တလုံးကျေးရွာရှိ “မိုးပြည့်” ရာသီပေါ်ခြံထွက်သီးနှံ ရောင်းဝယ်ရေး လုပ်ငန်းအနေဖြင့် အွန်လိုင်းမှတ်ပုံတင်လက်မှတ် လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တကယ် တည်ရှိခြင်း ရှိ/ မရှိ၊ မှတ်ပုံတင်လက်မှတ် လျှောက်ထားစဉ်က တင်ပြထားသော ကုန်စည် (သို့)ဝန်ဆောင်မှု အမျိုးအစား စာရင်းအတိုင်း မြေပြင်တွင် အမှန်တကယ် ရောင်းချနေသော စာရင်းကိုက်ညီမှု ရှိ/မရှိတို့ကို စစ်ဆေးခဲ့ပြီး၊ မှတ်ပုံတင်လက်မှတ် ရရှိသူ၏ လိုက်နာရမည့်တာဝန်များကို ဆွေးနွေး ခဲ့ကြောင်း သိရှိရပါသည်။

DOCA (မွန်)

          ၁၆.၆.၂၀၂၆ ရက်နေ့ မွန်းလွဲ (၀၂:၀၀) နာရီအချိန်တွင် မွန်ပြည်နယ်၊ သထုံမြို့၊ သထုံခရိုင်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ အသေးစားစက်မှုလက်မှု လုပ်ငန်းဦးစီးဌာနတို့နှင့်ပူးပေါင်း၍ သထုံမြို့နယ်အတွင်းရှိ ပြည်တွင်းထုတ်ကုန်များ ထုတ်လုပ်ဖြန့်ဖြူးရောင်းချသည့် ထုတ်ကုန်များ (MSME ထုတ်ကုန်) များအား မြေပြင် ကွင်းဆင်းစစ်ဆေးခဲ့ပါသည်။

          ထိုသို့ ကွင်းဆင်းစစ်ဆေးရာတွင် သထုံမြို့နယ်အတွင်းရှိ ပြည်တွင်း၌ ထုတ်လုပ် ဖြန့်ဖြူးရောင်းချသည့် ထုတ်ကုန်များ (MSME ထုတ်ကုန်)များတွင် စားသုံးသူကာကွယ်ရေး ဥပဒေပါ ကုန်အညွှန်းအမှတ်အသားဆိုင်ရာ သတ်မှတ်ချက်များနှင့်အညီ ဆောင်ရွက်နိုင်စေ ရေးအတွက် ကုန်အညွှန်းအမှတ်အသားများ ပြည့်စုံစွာဖော်ပြထားမှု ရှိ/မရှိ၊ ထုတ်လုပ်သည့် ရက်စွဲနှင့်သက်တမ်းကုန်ဆုံးသည့် ရက်စွဲများ ဖော်ပြထားခြင်း ရှိ/မရှိတို့အား ကွင်းဆင်း စစ်ဆေးခဲ့ကြောင်း သိရှိရပါသည်။

DOCA (မွန်)

          ၁၆.၆.၂၀၂၆ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူး ရုံးမှဝန်ထမ်းများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေး အဖွဲ့တို့နှင့် ပူးပေါင်း၍ မော်လမြိုင်မြို့နယ်အတွင်းရှိ MSME ထုတ်ကုန်များတွင် ကုန်အညွှန်း အမှတ်အသားများ ပြည့်စုံမှုရှိစေရေး ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးရာတွင် ပြည်တွင်း၌ ထုတ်လုပ်ဖြန့်ဖြူးရောင်းချသည့် MSME ထုတ်ကုန်များတွင်စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများ ပြည့်စုံစွာ ဖော်ပြထားမှု ရှိ/မရှိ၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများဖော်ပြ ထားခြင်း ရှိ/မရှိ တို့အား ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

DOCA (မွန်)