၁၇.၆.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်ထိုခရိုင်၊ ခရိုင်တာဝန်ခံ၊ မြို့နယ်တာဝန်ခံနှင့် ဝန်ထမ်းများသည် မြို့နယ်အထွေထွေအုပ်ချုပ်ရေးဦးစီး ဌာန၊ မြို့နယ်စည်ပင်သာယာရေးအဖွဲ့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ ကျိုက်ထိုမြို့နယ်အတွင်းရှိ ယိုမျိုးစုံဆိုင်များနှင့် ငပိ၊ ငံပြာရည်ရုံများ၌ ကုန်အညွှန်းအမှတ်အသားပြည့်စုံမှန်ကန်စေရေး ကွင်းဆင်းဆောင်ရွက်ခဲ့ပါသည်။
အဆိုပါကွင်းဆင်းစစ်ဆေးရာတွင် မြို့နယ်အတွင်းထုတ်လုပ်ဖြန့်ဖြူးရောင်းချနေသည့် ထုတ်ကုန်များ (MSME ထုတ်ကုန်များ)တွင် စားသုံးသူကာကွယ်ရေးဥပဒေပါ ကုန်းအညွှန်း အမှတ်အသားဆိုင်ရာသတ်မှတ်ချက်များနှင့်အညီဆောင်ရွက်နိုင်စေရေးအတွက်ကုန်အညွှန်း အမှတ်အသားများပြည့်စုံစွာ ရှိ/မရှိ၊ ထုတ်လုပ်သည့်ရက်စွဲနှင့်သက်တမ်းကုန်ဆုံးသည့် ရက်စွဲများ ဖော်ပြထားခြင်း ရှိ/မရှိ၊ ကုန်စည်အမျိုးအစားများသည် ကုန်အညွှန်းအမှတ် အသားဖော်ပြချက်များနှင့်ကိုက်ညီမှုရှိရန်လိုအပ်နေပါသဖြင့် ပညာပေးကာလ (၁) လ သတ်မှတ်၍ သတ်မှတ်ချက်များအတိုင်းပြည့်စုံစွာ ဆောင်ရွက်နိုင်ရေးအတွက် ကွင်းဆင်း စစ်ဆေးဆောင်ရွက်ခဲ့ကြောင်း သိရှိရပါသည်။
DOCA (မွန်)