ပြည်ပကုန်သွယ်မှုသတင်းများ

    အဋ္ဌမအကြိမ် တရုတ်နိုင်ငံတကာ သွင်းကုန်ပြပွဲ (China Interna-tional Import Expo- CIIE) ကို နိုဝင်ဘာ ၅ ရက်မှ ၁၀ ရက်အထိ ရှန်ဟိုင်းမြို့ရှိ (National Exhibition and Convention Center- NECC) ၌ ကျင်းပလျက် ရှိပြီး ယနေ့နံနက်ပိုင်းတွင် ဖွင့်ပွဲ ကျင်းပသည်။

    ယခုနှစ် CIIE တွင် ကမ္ဘာ့ထိပ်တန်း စက်မှုနှင့် အီလက်ထရွန်နစ်ကုမ္ပဏီ ၁၀ ခု ပါဝင် ပြသထားပြီး ကမ္ဘာကျော် ကောက်ပဲသီးနှံလုပ်ငန်း လေးခု အပါအဝင် နိုင်ငံတကာ ထိပ်တန်း ကုမ္ပဏီများ ပါဝင်ပြသထားသည်ကို တွေ့ရသည်။ ပြပွဲအတွင်း အဓိကဖိုရမ်တစ်ခု၊ ဆက်စပ်ဖိုရမ် ၃၃ ခုနှင့် အဋ္ဌမအကြိမ်မြောက် ဟုန်ချောင် အပြည်ပြည်ဆိုင်ရာ စီးပွားရေးဖိုရမ်ကိုလည်း ထည့်သွင်း ကျင်းပမည်ဖြစ်သည်။

    ယခုနှစ်ပြပွဲသို့ နိုင်ငံပေါင်း ၁၅၅ နိုင်ငံမှ လုပ်ငန်းမျိုးစုံ၊ ထုတ်ကုန်မျိုးစုံတို့အပြင် နိုင်ငံတကာ အဖွဲ့ အစည်းများကလည်း ပါဝင်ပြသလျက်ရှိပြီး ပြပွဲဧရိယာ စတုရန်းမီတာ ၄၃၀၀၀၀ အကျယ် အဝန်း အတွင်း နိုင်ငံတကာနှင့် တရုတ် ကုမ္ပဏီ ၄၁၀၀ က ခင်းကျင်းပြသ ခြင်းဖြစ်သည်။ ပြခန်းအရေ အတွက်မှာ ယမန်နှစ်ကထက် ပိုမိုများပြားခဲ့ကြောင်း သိရသည်။ 

    ဖွင့်ပွဲ အခမ်းအနားအတွင်း တရုတ်နိုင်ငံဝန်ကြီးချုပ် Li Qiang (လီချန်း)က မိန့်ခွန်း ပြောကြားရာ၌ အခွင့်အလမ်းသစ်များ ပိုမိုအားဖြည့်ထားသည့်အပြင် ကမ္ဘာလုံးဆိုင်ရာ ကုန်သွယ်ရေး တွင် ပူးပေါင်းဆောင်ရွက်မှုများ တိုးမြှင့်မည်ဖြစ်ကြောင်း ထည့်သွင်း ပြောကြားသည်။ 

    ပြခန်းများတွင် စက်ရုပ် နည်းပညာ၊ ဉာဏ်ရည်တု နည်းပညာ၊ ပြန်လည်ပြည့်ဖြိုးမြဲ စွမ်းအင်ဆိုင်ရာနှင့် ဆေးဝါးသစ်များ၊ အိမ်သုံးထုတ်ကုန်များ၊ အလှကုန်များ စသည့် ကဏ္ဍ အသီးသီးတွင် နိုင်ငံတကာထိပ်တန်း ကုမ္ပဏီများဖြစ်သည့် Bayer၊ Slemens၊ Nestle စသည့် ကုမ္ပဏီများကို မြင်တွေ့ရပြီး အာဖရိကဒေသများမှ ပြခန်းများမှာလည်း ယမန်နှစ်ကထက် ၈၀ ရာခိုင်နှုန်းအထိ တိုးတက်၍ များပြားစွာ ပါဝင်လာခဲ့သည်။ မြန်မာနိုင်ငံမှလည်း လက်မှုပစ္စည်းများ၊ ကော်ဖီ၊ ပျားရည် အစရှိသည့် စားသောက်ကုန်များနှင့် လယ်ယာထွက် စိုက်ပျိုးရေးထုတ်ကုန်များ ပြသထားသည်။

    ပြခန်းများကို နိုင်ငံအလိုက် ပြခန်းများ၊ ဆေးဝါးနှင့် ကျန်းမာရေး ထုတ်ကုန်များ၊ မော်တော် ကားနှင့် နည်းပညာမြင့် စက်တပ်ယာဉ်များ၊ အစားအစာနှင့် လယ်ယာထွက်ကုန်များ၊ လုပ်ငန်းအသီး သီးတို့၏ ပို့ကုန်၊ သွင်းကုန်များ စသည်ဖြင့် ကဏ္ဍများအလိုက် နိုင်ငံသီးသီးက နောက်ဆုံးပေါ် ထုတ်ကုန်များနှင့် နည်းပညာများကို ပြသထားသည်။ ထူးခြားမှုအနေဖြင့် လူပု ံသဏ္ဌာန် တူစက်ရုပ် များ၊ ဒစ်ဂျစ်တယ် နည်းပညာနှင့် ဝန်ဆောင်မှုအသစ် ပေါင်း ၄၆၁ ခုကို ထည့်သွင်းပြသ ထားခြင်းဖြစ်သည်။

    ယခုကျင်းပသည့် ပြပွဲသည် တရုတ်ကွန်မြူနစ်ပါတီ အကြိမ် (၂၀)မြောက် အစည်းအဝေး အပြီးတွင် ပထမဆုံးကျင်းပသည့် စီးပွားရေးဆိုင်ရာ ပြပွဲလည်း ဖြစ်သည်။ ယခုပြပွဲတွင် သွင်းကုန်များကို အဓိကထား ပြသခြင်းဖြစ်သဖြင့် ပြည်ပမှပြပွဲအတွက် တင်သွင်းသည့် ပစ္စည်းများ အကြိမ်ရေ ၄၀၀၀ ကို တရုတ်နိုင်ငံအတွင်း လွယ်ကူစွာ တင်သွင်းနိုင်ရန် ရှန်ဟိုင်းအကောက်ခွန ်ဌာနက ဆောင်ရွက်ပေးခဲ့ပြီး စုစုပေါင်း တန်ဖိုးယွမ် ရှစ်ဘီလီယံ ကျော်လွန်ခဲ့ကြောင်း အောက်တိုဘာ ၁ ရက် က သတင်း ထုတ်ပြန်ထားသည်။ ပြပွဲကို ယနေ့မှ နိုဝင်ဘာ ၁၀ ရက် အထိ ကျင်းပမည်ဖြစ် ကြောင်း သိရသည်။

Source: ဆင်ဟွာ                                                     

DOCA(ပြည်ထောင်စုနယ်မြေ)

           သင်္ဘောပို့ဆောင်ရေးအကြံပေးဗိုလ်မှူးချုပ်ဆိုသူ M Sakhawat Hossain က Laldia Char Terminal သည် Chattogram ဆိပ်ကမ်း၏ ကွန်တိန်နာသိုလှောင်နိုင်စွမ်းကို ၁၀၀၀၀ twenty-foot equivalent units (TEUs) အထိ တိုးချဲ့ပြီး ကုန်သွယ်ရေးနှင့်စီးပွားရေးအတွက် အလုပ်အကိုင်အခွင့်အလမ်းအသစ်များ ဖန်တီးပေးမည်ဖြစ်ကြောင်း ပြောကြားခဲ့ပါသည်။ ၎င်းက အဆိုပါအကြောင်းကို ဆိပ်ကမ်းဖွင့်ပွဲတွင်ပြောကြားခဲ့ခြင်းဖြစ်ပါသည်။ ဆိပ်ကမ်းအရာရှိက Chattogram ဆိပ်ကမ်း၏ သိုလှောင်နိုင်မည့်နေရာပမာဏကို ယခုအခါတွင် ၅၆၀၀၀ TEUs မှ ၆၆၀၀၀ TEUs အထိ တိုးမြှင့်လိုက်ပြီဖြစ်ကြောင်း ပြောကြားခဲ့ပါသည်။ Hossain က ဆိပ်ကမ်းလည်ပတ်မှု တိုးတက်ရေးအတွက် နည်းပညာကျွမ်းကျင်မှု၊ ရင်းနှီးမြှုပ်နှံမှုနှင့် စွမ်းဆောင်ရည်များသည် အလွန်အရေးပါကြောင်း သတင်းထောက်များအား အထူးအ‌လေးထားပြောကြားခဲ့ပါသည်။ အသစ်ဖွင့်လှစ်လိုက်သော Laldia Char Terminal သည် ၁၄ ဧကခန့်ကျယ်ဝန်းပြီး ကွန်တိန်နာပေါင်း ၁၀၀၀၀ ခန့်၊ ကုန်ကားအစီးရေ ၁၅၀၀ခန့် ဝင်ဆန့်ကြောင်း သိရပါသည်။ စီနီယာအရာရှိများ၏ ပြောကြားချက်အရ အဆိုပါပွဲကိုဆိပ်ကမ်းဥက္ကဌ Rear Admiral M Moniruzzaman နှင့် တစ်ခြားသောဝန်ကြီးဌာနမှ ကိုယ်စားပြုအကြီးအကဲများစွာ တက်ရောက်ခဲ့ကြောင်း သိရပါသည်။

Source: The Daily Star                                                              

DOCA (ရန်ကုန်)

          ဗြီတိန်နိုင်ငံအစိုးရသည် ကျန်းမာရေးစောင့်ရှောက်မှုမှ သန့်ရှင်းသောစွမ်းအင်အဖြစ် ပြောင်းလဲမှုတွင် အောင်မြင်မှုများအရှိန်အဟုန်မြင့်တက်စေရန်အတွက် သုတေသနှင့်ဖွံ့ဖြိုးတိုး တက်မှုကဏ္ဍR&Dတွင် ‌ရေရှည်ရင်းနှီးမြှုပ်နှံမှုတန်ဖိုးပေါင်း ပေါင် ၅၅ ဘီလီယံခန့် ရောက်ရှိနေပြီ ဖြစ်ကြောင်း ကြေညာခဲ့ပါသည်။ ထုတ်ပြန်ချက်အရ ရန်ပုံငွေကို ၂၀၂၉ ခုနှစ် နှင့် ၂၀၃၀ ခုနှစ်အထိ ထောက်ပံ့မှုများပြုလုပ်သွားမည်ဖြစ်ကြောင်း သိရပါသည်။

          သိပ္ပံပညာ၊ ဆန်းသစ်တီထွင်မှုနှင့် နည်းပညာဌာ (DSIT) သည် ပေါင် ၈၆ ဘီလီယံခန့် ရင်းနှီးထားသော R&D တွင် တစ်စိတ်တစ်ပိုင်းအဖြစ် ပါဝင်ဖွဲ့စည်းထားကြောင်း သိရပါသည်။ အဆိုပါအဖွဲ့တွင် UK သုတေသနနှင့်ဆန်းသစ်တီထွင်မှုအဖွဲ့ (UKRI)၊ အစိုးရ အဆင့်မြင့်သုတေသနနှင့် တီထွင်မှုအေဂျင်စီ (ARIA)၊ ဗြီတိန်နိုင်ငံအမျိုးသားသင်တန်းကျောင်း၊ အမျိုးသားတိုင်းတာမှု စနစ်နှင့် Ai လုံခြုံရေး စက်မှုတက္ကသိုလ်များပါဝင်ကြောင်း သိရပါသည်။

            ဗြီတိန်နိုင်ငံအစိုရက R&D ရင်းနှီးမြှုပ်နှံမှုမှ ပေါင် ၁ ပေါင်တိုင်းသည် စီးပွားရေးအကျိုးအမြတ် ၈ ပေါင်ခန့်ထုတ်ပေးနိုင်‌ကြောင်းနှင့် ပုဂ္ဂလိကရန်ပုံငွေအတွက် ၂ ပေါင်ခန့်ဆွဲဆောင်နိုင်ကြောင်း ခန့်မှန်းကြောင်းထုတ်ပြန်ကြေညာခဲ့ကြောင်း သိရှိရပါသည်။

Source: Xinhua                                                                         

DOCA (ရန်ကုန်)

    အာဖဂန်အာဏာပိုင်များသည် မြို့တော်ကဘူးလ်အပါအဝင် အလယ်ပိုင်းဒေသတစ်ဝန်း စစ်ဆင်ရေးလုပ်ငန်းအတွင်း သိမ်းဆည်းရမိသည့် တရားမဝင် မူးယစ်ဆေးဝါး တန် ၂၂၀ ခန့်ကို နိုဝင်ဘာ ၉ ရက်တွင် ဖျက်ဆီးခဲ့ကြောင်း အာဖဂန်နစ္စတန်နိုင်ငံပိုင် ရေဒီယိုနှင့် ရုပ်မြင်သံကြား (အာတီအေ) က ထုတ်ပြန်ထားသည်။

    မီးရှို့ဖျက်ဆီးသည့် ပစ္စည်းများထဲတွင် စိတ်ကြွဆေး(အိုက်စ်) အပါအဝင် ဆေးခြောက်၊ ဘိန်း၊ စိတ်ကြွဆေးပြားများနှင့် မူးယစ်ဆေးဝါးထုတ်လုပ်ရေး ပစ္စည်းများပါဝင်ကြောင်း မူးယစ်ဆေးဝါးနှိမ်နင်းရေး ဒုတိယဝန်ကြီး မိုဟာမက်ကာဆင်ခါလက်က ပြောကြားသည်။

     အဆိုပါစစ်ဆင်ရေးနှင့် ပတ်သက်၍ မူးယစ်ဆေးဝါး မှောင်ခိုကူးသူ၊ ဝယ်ယူသူနှင့် ရောင်းဝယ်သူ ၇၅၀ ခန့်ကို ဖမ်းဆီးခဲ့ကြောင်း ခါလက်က ပြောကြားသည်။

    အာဖဂန်နစ္စတန်နိုင်ငံ၌ တာလီဘန်တို့ အာဏာရယူသည့် အချိန်မှစကာ မူးယစ်ဆေးဝါး စိုက်ပျိုးခြင်း၊ ကုန်ကူးခြင်းနှင့် ရောင်းချခြင်းတို့ကို လုံးဝကင်းစင်သည်အထိ လျှော့ချခဲ့ကြောင်း ပြည်ထဲရေးဝန်ကြီးဌာနမှ ပြောရေးဆိုခွင့်ရှိသူ အဗ္ဗဒူမက်တင်းကာနီက ပြောကြားသည်။

Source: ဆင်ဟွာ                                                               

DOCA(ပြည်ထောင်စုနယ်မြေ)

      အာဖဂန်နစ္စတန်နိုင်ငံတောင်ပိုင်း ကန်ဒါဟာပြည်နယ်တွင် သုံးရက်ကြာကျင်းပသည့် “Pomegranate” ခေါင်းစဉ်ဖြင့် ပြပွဲကို အာဖဂန်နစ္စတန်နိုင်ငံတောင်ပိုင်း ကန်ဒါဟာပြည်နယ်တွင် ဖွင့်လှစ်ခဲ့ပြီး ဒေသတွင်း ထုတ်လုပ်မှုနှင့် ကုန်သွယ်မှုတွင် နိုင်ငံ၏ ကြီးထွားလာနေသော အလားအလာများကို မီးမောင်းထိုးပြခဲ့ကြောင်း ဒေသတွင်း မီဒီယာ Tolonews က နိုဝင်ဘာလ ၁၀ ရက်နေ့တွင် ဖော်ပြခဲ့ကြောင်း သိရသည်။

          အခမ်းအနားတွင် စိုက်ပျိုးရေးသုံးပစ္စည်းများ၊ အထည်အလိပ်များ၊ စားသောက်ကုန်များနှင့် ဆောက်လုပ်ရေးပစ္စည်းများ အပါအဝင် အာဖဂန်ထုတ်ကုန်အများအပြားကို ပြသထားသည့် ပြခန်းဒါဇင်များစွာ ပါဝင်သည်ဟု အစီရင်ခံစာအရသိရသည်။ ပြပွဲသည် အာဖဂန်နိုင်ငံထုတ် ထုတ်ကုန်များကိုမြှင့်တင်ရန်၊ ပြည်တွင်းထုတ်လုပ်သူများအတွက် စျေးကွက်အခွင့်အလမ်းသစ်များ ဖန်တီးရန်၊ ပြည်တွင်းစက်မှုလုပ်ငန်းများတွင် ရင်းနှီးမြှုပ်နှံမှုများ ဆွဲဆောင်ရန်နှင့် တင်သွင်းလာသော ကုန်ပစ္စည်းများအပေါ် မှီခိုအားထားမှုကို လျှော့ချရန် ကြိုးပမ်းအားထုတ်မှုများ ပိုမိုအားကောင်းလာစေရန် ရည်ရွယ်ထားကြောင်း သိရသည်။

          ပြီးခဲ့သောနှစ်တွင် နိုင်ငံတစ်ဝှမ်းရှိ ပြပွဲများတွင် ပြည်တွင်းထုတ်ကုန်များကို ခင်းကျင်းပြသခဲ့ပြီး ရင်းနှီးမြှုပ်နှံသူများနှင့် စားသုံးသူများ၏ အာရုံကိုလည်း ဖမ်းစားနိုင်ခဲ့ကြောင်း သိရှိရပါသည်။

Source: Xinhua                                                                                            

DOCA (ရန်ကုန်)