ပြည်တွင်းကုန်သွယ်မှုသတင်း

        တောင်သာမြို့နယ်တွင် စက်သုံးဆီအရောင်းဆိုင်(၁၃)ဆိုင်မှ စက်သုံးဆီများကို နေ့စဉ်ပုံမှန် ဖွင့်လှစ်ရောင်းချလျက်ရှိရာ ၂၀၂၅ခုနှစ်၊ အောက်တိုဘာလ(၃၁)ရက်နေ့ စက်သုံးဆီတစ်လီတာ အရောင်း ဈေးနှုန်းများအနေဖြင့် 92 Octance(၂၉၀၀)ကျပ်၊ 95 Octance(၃၀၀၀)ကျပ်၊ ရိုးရိုးဒီဇယ် (၂၆၇၀) ကျပ်၊ ပရီမီယမ် ဒီဇယ်(၃၂၀၀)ကျပ်ဝန်းကျင်ဖြင့် ရောင်းချလျက်ရှိကြောင်း သိရှိရသည်။

       စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၃၁-၁၀-၂၀၂၅ ရက်နေ့တွင် ထုတ်ပြန်ထားသည့် မန္တလေးတိုင်းဒေသကြီးအတွင်း စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance(၂၈၁၅)ကျပ်၊ 95 Octance(၂၉၁၅)ကျပ်၊ ရိုးရိုးဒီဇယ် (၂၅၇၀)ကျပ်၊ ပရီမီယမ်ဒီဇယ်(၃၁၀၀)ကျပ်ဖြစ်ကြောင်း  သိရှိရသည်။ သတ်မှတ်ရည်ညွှန်းဈေးများ သည် ယခင်အပတ် ထက် တစ်လီတာလျှင် 92 Octanceတွင်(၃၅)ကျပ်၊ 95 Octanceတွင်(၄၀)ကျပ်၊ ရိုးရိုးဒီဇယ်တွင်(၇၅)ကျပ်နှင့် ပရီမီယမ်ဒီဇယ်တွင်(၉၀)ကျပ်တို့ အသီးသီး ဈေးနှုန်းမြင့်တက်ခဲ့ ကြောင်း သိရှိရသည်။

DOCA (မန္တလေး)

         စစ်ကိုင်းတိုင်းဒေသကြီး၊ မုံရွာမြို့တွင် ရာသီပေါ်သီးနှံများကို စိုက်ပျိုး ရောင်းချလျက်ရှိရာ ယခုအခါ ကြက်ဟင်းခါးပင်၊ ခဆော့ပင်နှင့် ကင်းမုံသီး များကို  မိမိတို့နေအိမ်ခြံဝင်းများတွင် လည်းကောင်း၊ မိမိပိုင်လယ်တောများတွင်လည်းကောင်း တစ်နိုင်တစ်ပိုင် စိုက်ပျိုး၍ မုံရွာမြို့ ပေါ်ရှိ ဈေးဟောင်းနှင့်ရပ်ကွက်ဈေးများတွင် လာရောက်ရောင်းချကြကြောင်း သိရှိရပါသည်။  

       ၂၀၂၅ ခုနှစ်၊ နိုဝင်ဘာလ ဒုတိယပတ်တွင် မုံရွာမြို့၊ ဈေးဟောင်းတွင် ရောင်းချ လျက်ရှိသော  ကြက်ဟင်းခါးသီးဈေးနှုန်းများမှာ ကြက်ဟင်းခါးသီး (၂၅)ကျပ်သားလျှင် (၉၀၀) ကျပ်၊ (၅၀)ကျပ်သားလျှင် (၁၈၀၀)ကျပ်၊ (၁)ပိဿာလျှင် (၃၅၀၀)ကျပ်၊ ခဆော့သီးတစ် (၁)ဘူးလျှင် (၃၅၀)ကျပ်နှင့် ကင်းမုံသီ(၁)ပြည်လျှင် (၂၅၀၀)ကျပ် ဖြင့် ရောင်းချလျက်ရှိကြောင်း ကုန်စိမ်းရောင်းချသူများထံမှ  သိရှိရပါသည်။

DOCA(စစ်ကိုင်း)

            မြင်းခြံမြို့နယ်အတွင်းရောင်းချနေသော ကြက်ဥမြေပဲလှော် (ခေါ်)နေကျောက်ခဲများကို မုံရွာမြို့နှင့်ပခုက္ကူမြို့တို့မှ မှာယူ၍‌ဒေသတွင်းဖြန့်ဖြူးရောင်းချ‌ကြောင်း၊ ၂၀၂၅ခုနှစ်၊ အောက်တို ဘာလ နောက်ဆုံးပတ်တွင် အေးမြသီတာဈေး၌ ရောင်းချနေသော ကြက်ဥမြေပဲလက်လီဈေးနို့ဆီဗူး (၁)ဗူးလျှင် (၂၀၀၀)ကျပ်၊ နို့ဆီဗူး(၄)ဗူးလျှင် (၇၀၀၀)ကျပ်၊ လက်ကားဈေးတစ်ပြည်လျှင် (၁၃၀၀၀)ကျပ်ခန့်ဈေးများဖြင့် ရောင်းချလျက်ရှိကြောင်း၊ သရေစာအဖြစ်စားသုံးကြ၍ ကလေးနှင့်လူလတ်ပိုင်းအရွယ်များ စားသုံးမှုများပြား၍ အရောင်းအဝယ်ကောင်းကြောင်း၊ နေ့စဉ်အရောင်း အဝယ်အနေဖြင့် (၇-၈) ပြည်ခန့်ရောင်းချရကြောင်း စားသောက်ကုန်ရောင်းချသူ၏ ပြောပြချက်အရသိရှိရသည်။ ပရိုတင်းဓာတ်နှင့် ဗီတာမင်အေစသည့်ဓာတ်များ ကြွယ်ဝသောကြောင့် ကြွက်သား များအားသန်မာစေပြီး အရိုးပွရောဂါကို ကာကွယ်ပေးကြောင်း၊ မျက်စိအားကောင်းစေပြီး ဦးနှောက်နှင့် မှတ်ဉာဏ်တိုးစေ၍ အစာအိမ်နှင့် အူလမ်းကြောင်းအားကောင်းစေပြီး သံဓာတ်စုပ်ယူမှုကို မြှင့်တင်ပေးကြောင်း သိရှိရသည်။

DOCA (မန္တလေး)

              ဧကရာဇ်ပန်းများသည် မိုးနှောင်းအကုန် ဆောင်းဦးကာလဖြစ်သော စက်တင်ဘာလမှ စ၍ဒီဇင်ဘာလနှင့် ဇန်နဝါရီလများအတွင်း အများဆုံးပွင့်လေ့ရှိကြောင်း၊ ရာသီဥတု အခြေအနေ ပေါ်မူတည်၍ တစ်နှစ်ပတ်လုံးလည်း အနည်းငယ်စီ ပွင့်နိုင်ကြောင်း၊ အပွင့်များသည် အဖြူရောင် စစ်စစ်ဖြစ်ပြီး ပြွန်ချောင်းပုံစံရှိ၍ အဖျားမှာပွင့်ဖတ်(၄)ဖတ်ခွဲထွက်နေပြီး ပန်းအခိုင်လိုက်ပွင့်တတ်၍ ညနေစောင်းနှင့် ညဘက်မှာပွင့်ကာ ရနံ့မွှေးကြိုင်သင်းပျံ့ကြောင်း၊  မနက်ခင်းရောက်ရင် အပွင့်လေး များသည် အပင်အောက်ရှိ မြေပြင်ပေါ်ကိုကြွေကြကြောင်း၊  ဧကရာဇ်ပင်၏ အစိတ်အပိုင်း များစွာသည် ဆေးဖက်ဝင်ပြီး၎င်း၏ အခေါက်၊ အရွက်နှင့် အပွင့်များကို ရိုးရာဆေးဝါးများ ဖော်စပ်ရာတွင် အသုံးပြုကြကြောင်း၊  အခေါက်၏အသုံးဝင်ပုံမှာ အဖျားရောဂါ၊ အဆုတ်နှင့် ဆိုင် သောရောဂါများ၊ အစာအိမ်နှင့် အူလမ်းကြောင်းဆိုင်ရာ ပြဿနာများအတွက်အသုံးပြုကြကြောင်း၊ အရွက်၏အသုံးဝင်ပုံမှာ အသည်းရောဂါသည်များ စားသုံးပါကသက်သာကြောင်း၊ ကိုယ်အပူကျ ဆေးနှင့် အဆိပ်အတောက်ဖြေဆေးအဖြစ် အသုံးပြုကြောင်း၊ အအေးမိခြင်း အဖျားရောဂါဖြစ်ပါက ပန်းပွင့်ကို ရေနွေးကြမ်းကဲ့သို့ ခပ်သောက်ခြင်းဖြင့် သက်သာပျောက်ကင်းကြောင်း၊ ဧကရာဇ် အဖြူရောင်ပန်း လေးများကိုသီကုံး၍  ဘုရားပန်းအဖြစလည်းကောင်း၊ အလှဆင်ရန် အတွက် လည်းကောင်း အသုံးပြုကြကြောင်း၊ ဧကရာဇ်ပန်းသည် မြန်မာ့ရိုးရာယဉ်ကျေးမှုနှင့် စာပေများ တွင်လည်း မကြာခဏဖော်ပြခြင်းခံရပြီး လှပတင့်တယ်အသုံးဝင်သော အပင်တစ်မျိုး ဖြစ်ကြောင်း စာပေများမှလေ့ လာသိရှိရသည်။

DOCA (မန္တလေး)

        မြင်းခြံကုန်စည်ဒိုင်တွင် ပဲမျိုးစုံ၊ ဆီထွက်သီးနှံ၊ ပြောင်းနှင့် ကြက်သွန်နီသီးနှံမျိုးစုံ နေ့စဉ်အရောင်း အဝယ်ဖြစ်လျက်ရှိကြောင်း၊ ၂၀၂၅ခုနှစ်၊ အောက်တိုဘာလနောက်ဆုံးပတ်တွင် မြေပဲလုံးဆံ တစ်တင်းလျှင် (၁၁၀၀၀၀)ကျပ်၊ ဆီဆံတစ်တင်းလျှင်(၁၀၀၀၀၀)ကျပ်၊ နှမ်းဖြူတစ်တင်းလျှင် (၁၀၅၀၀၀)ကျပ်၊ နှမ်းညိုတစ်တင်းလျှင် (၉၂၀၀၀)ကျပ်၊ ဆီနေကြာတစ်တင်းလျှင် ()ကျပ်တို့ဖြင့် အ‌ရောင်းအဝယ်ဖြစ် လျက်ရှိကြောင်း၊ နေ့စဉ်အိတ်ရေ (၂၀၀-၃၀၀) အိတ်ခန့်အရောင်း အဝယ်ပြုလုပ်ကြကြောင်း၊ တင်ပို့မှုအနေဖြင့် လှိုင်သာယာမြို့၊ ရွှေပြည်သာမြို့နှင့် မန္တလေးမြို့များသို့ တင်ပို့ရောင်းချကြ ကြောင်းသိရှိရသည်။ အရောင်းအဝယ်ပြုလုပ်ရာတွင် ကုန်စည်ဒိုင်၏ စည်းမျဉ်းစည်ကမ်းများအတိုင်း အရောင်းအဝယ်ပြုလုပ်ကြကြောင်း ပွဲရုံလုပ်ကိုင်သူတစ်ဦး ပြောပြချက်အရသိရှိရသည်။

DOCA (မန္တလေး)