ပြည်တွင်းကုန်သွယ်မှုသတင်း

ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီ များသည် အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင် ကုန်စည်ဒိုင်သို့  နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီ လက်ကျန် အခြေအနေများ အား  အမှန်ကန်ဆုံး သိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှု စာရင်းများအရလည်းကောင်း၊ ကြက်သွန်နီ လက်ကျန်အခြေအနေအား နေ့စဉ်စုံစမ်း လျက်ရှိပါသည်။ မေလ (၉) ရက်နေ့တွင် ဘုရင့်နောင် ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ ၊ မြင်းခြံ၊ မြစ်သား၊ ပခုက္ကကူ၊ အောင်လံဒေသတို့မှ ကြက်သွန်နီ (၁၁၇၆၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည် စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၄၇၀၄၀၀၀) ကျန်ရှိကြောင်း ကုန်စည်ဒိုင် သတင်းအရ သိရှိရသည်။ ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၁၀၀၀၊ အသန့်မှာ တစ်ပိဿာ ကျပ် ၁၆၀၀ ၊ အကြီးမှာ ကျပ် ၁၇၀၀၊ ရှယ်မှာ ကျပ် ၁၈၀၀၊ မြင်းသား ကြက်သွန်နီ (အသစ်) အချော တစ်ပိဿာ ကျပ် ၁၄၀၀၊ အသန့်မှာ တစ်ပိဿာ ကျပ် ၂၁၀၀ ၊ အကြီးမှာ ကျပ် ၂၃၀၀၊ ရှယ်မှာ ကျပ် ၂၄၀၀၊ မြစ်ခြံ ကြက်သွန်နီ(အသစ်) အချော တစ်ပိဿာ ကျပ် ၁၀၀၀၊ အသန့်မှာ တစ်ပိဿာ ကျပ် ၁၆၀၀ ၊ အကြီးမှာ ကျပ် ၁၇၀၀၊ ရှယ်မှာ ကျပ် ၁၈၀၀၊ ပခုက္ကူ ကြက်သွန်နီ(အသစ်) အချော တစ်ပိဿာ ကျပ် ၁၀၅၀၊ အသန့်မှာ တစ်ပိဿာ ကျပ် ၁၅၀၀ ၊ အကြီးမှာ ကျပ် ၁၅၅၀၊ အောင်လံ ကြက်သွန်နီ(အသစ်) အချော တစ်ပိဿာ ကျပ် ၉၀၀၊ အသန့်မှာ တစ်ပိဿာ ကျပ် ၁၂၀၀ ၊ အကြီးမှာ ကျပ် ၁၃၀၀၊ ရှယ်မှာ ကျပ် ၁၄၀၀ ဈေးတို့အသီးသီး ရှိကြောင်း စုံစမ်းသိရှိရပါသည်။

ယခင်တစ်ပတ်နှင့် ယခုတစ်ပတ် ကြက်သွန်နီဈေးနှုန်းများ နှိုင်းယှဉ်ရာတွင် ကြက်သွန်နီဈေးနှုန်း များမှာ ဈေးအနည်းငယ်ကျဆင်းသွားကြောင်း သိရှိရပါသည်။

DOCA(ရန်ကုန်)

    မြန်မာနိုင်ငံစက်သုံးဆီ တင်သွင်း/ သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

    မြင်းခြံမြို့ စက်သုံးဆီဆိုင်များတွင် ပုံမှန်ဖွင့်လှစ်ရောင်းချလျက်ရှိပြီး မတ်လပထမပတ် စက်သုံးဆီဈေးနှုန်းများမှာ ဒီဇယ် ( ရိုးရိုး) တစ်လီတာလျှင် ( ၂၅၈၅)ကျပ်၊ ဒီဇယ် (ပရီမီယံ) တစ်လီတာလျှင် ( ၃၁၆၅ ) ကျပ်၊ ဓာတ်ဆီ (92 ) တစ်လီတာလျှင် (၂၉၉၅  )ကျပ် ၊ ဓာတ်ဆီ (95) တစ်လီတာလျှင် (၃၀၅၅) ကျပ် ဖြင့် ရောင်းချလျက်ရှိကြောင်း သိရသည်။

    ယခင် ဧပြီလ နောက်ဆုံးပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၅၅၀)ကျပ်၊ ဒီဇယ် ( ပရီမီယံ) တစ်လီတာလျှင် (၃၁၂၅) ကျပ်၊ ဓာတ်ဆီ (92 ) တစ်လီတာလျှင် (၂၉၂၀)ကျပ် ၊ဓာတ်ဆီ (95) တစ်လီတာလျှင် (၂၉၇၅)ကျပ် များဖြင့် ဖြစ်ပေါ်ရောင်းချခဲ့၍ ယခင်ဧပြီလ နောက်ဆုံးပတ်နှင့်နှိုင်းယှဉ်လျှင် ယခုမတ်လ ပထမအပတ်တွင် ဒီဇယ် (ရိုးရိုး) တစ်လီ တာလျှင် (၃၅)ကျပ်၊ ဒီဇယ် ( ပရီမီယံ) တစ်လီတာလျှင် (၄၀) ကျပ်၊ ဓာတ်ဆီ (92 ) တစ်လီ တာလျှင် (၇၅)ကျပ် ၊ဓာတ်ဆီ (95) တစ်လီတာလျှင် (၈၀)ကျပ် စသည်ဖြင့် အသီးသီးမြင့်တက်ခဲ့ကြောင်း စက်သုံးဆီအရောင်းဆိုင်များမှ သိရသည်။

DOCA(မန္တလေး)

   သခွတ်ပင်သည် အပူပိုင်းဒေသဖြစ်သည့် နေရာများတွင် ပေါက်ရောက်လျှက်ရှိရာ သခွတ်ပွင့် သည် အစာအဟာရအတွက်သော်လည်းကောင်း၊ ကျန်းမာရေးအတွက်သော်လည်းကောင်း ဆေး ဘက်ဝင်သည့် အပင်ဖြစ်သလို လက်ဆောင်အဖြစ်ပေး၍သော်လည်းကောင်း အသုံးဝင်သော အပင် ဖြစ်ပါသည်။ သခွတ်ပွင့်သည် တန်ခူးလမှ စတင်၍ ပေါ်သည်ဖြစ်ရာ ဝါဆိုလအထိ ပွင့်သော အပင် ဖြစ်ပါသည်။ သခွတ်ပွင့်၏ သဘောသဘာဝသည် မိုးသံကြားပါက သခွတ်ပွင့်ခြောက်သည် မဲတက်၍ သခွတ်ပွင့်ကို နေပူပူတွင် ခြောက်သွေ့အောင်လှမ်း(၂)ရက်လှမ်းရပါသည်။ သို့မှသာ ရောင်းတန်းဝင် ကြောင်း၊  မေလ (ပထမ)ပတ်  ဖြစ်ပေါ်နေသော သခွတ်ပွင့် ဈေးနှုန်းမှာ တစ်ပိဿာ လျှင် (၂၅၀၀ဝိ/) ကျပ်နှင့် တစ်ဆယ်သားလျှင် (၂၅၀ဝိ/-)ဖြင့် အရောင်းအဝယ်ဖြစ်လျှက်ရှိကြောင်း သိရှိရပါသည်။

DOCA(စစ်ကိုင်း)

      စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/တန် စာရင်းတို့ကို အပတ်စဉ်၊ လစဉ်တင်ပြလျက်ရှိရာ ၂၀၂၅ခုနှစ်၊ မေလ၊ ပထမအပတ်အတွင်း အရောင်းအဝယ်ဖြစ်သည့် သီးနှံနှင့်ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းခဲ့ပါသည်။ ‌

   ဧပြီလ၊ တတိယအပတ်မှစတင်၍ ရွှေဘိုဈေးကွက်သို့ ကုလားပဲ(V2)များ စတင်ဝင်ရောက်ခဲ့ပြီး မေလ၊ပထမအပတ်တွင် အရောင်းအဝယ်ဖြစ်သည့်ဈေးနှုန်းမှာ ကုလားပဲ(V2)တစ်တင်းလျှင်(၇၇၃၀ဝိ/-) ကျပ်ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၁၈၀၀)တင်း/(၅၆)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲ(V2)တစ်တင်းလျှင်(၇၆၅၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ကုလားပဲ(V2)တစ်တင်းလျှင်(၈၀ဝိ/-)ကျပ် ဈေးပိုမိုရရှိခဲ့ကြောင်း၊  ယခင်နှစ် ကာလတူနှင့် အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်နှစ်ကာလတူ၌ ကုလားပဲ(V2) တစ်တင်းလျှင်(၇၉၅၀ဝိ/-)ကျပ် ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူအောက် ကုလားပဲ(V2)တစ်တင်းလျှင် (၂၂၀ဝိ/-)ကျပ် ဈေးလျော့နည်းခဲ့ကြောင်းနှင့်  ဝင်ရောက်သမျှ ပုံမှန်အရောင်း အဝယ်ဖြစ်လျှက်ရှိကြောင်း သတင်းရရှိ ပါသည်။

DOCA(စစ်ကိုင်း)

     မန္တလေးတိုင်းဒေသကြီး၊ကျောက်ဆည်၊စဉ့်ကိုင်၊ဟန်မြင့်မိုရ်မြို့နယ်များတွင် စိုက်ပျိုးရေးနှင့် စီးပွားရေးကို အဓိကထား လုပ်ကိုင်ကြပြီး နှစ်ရှည်ခံသီးပင်တစ်မျိုးဖြစ်သော သရက်ပင်များကိုလည်း  စိုက်ပျိုးကြပါသည်။ ယခုကာလတွင် စိန်တလုံးသရက်သီးမှာ ဈေးကွက်ကောင်းမွန်လျက်ရှိကြောင်း စိစစ်သိရှိရပါသည်။ယခင်က သရက်သီးကို တနိုင်တပိုင်စားသုံးရန်အတွက်သာ စိုက်ပျိုး ကြသော်လည်း ယခုနောက်ပိုင်းကာလများတွင် သရက်သီးပင်များကို ယာမြေနှင့် ဥယာဉ်ခြံမြေ များတွင် ကျယ်ပြန့်စွာ စိုက်ပျိုးလာသည်ကို တွေ့ရှိရပါသည်။ယခင်က အစေ့ပျိုးပင်များကိုသာ စိုက်ပျိုးကြပြီး ယခုအချိန်တွင် စိုက်ပျိုးရေးနည်းပညာများစွာ ထွန်းကားလာသည်နှင့်အညီ တောင်သူများသည် ကိုင်းကူးစနစ်ဖြင့် စိုက်ပျိုးလာကြသည်ကိုလေ့လာတွေ့ရှိရပါသည်။ ကိုင်းကူး စနစ်ဖြင့် စိုက်ပျိုးထားသော သရက်ပင်များသည် သုံးနှစ်ခန့်ကြာကာလတွင် အသီးစတင်သီးပြီး၊ အလုံးချောသည့်အတွက်ဈေးကွက်ဝင်ကြောင်း သိရှိရသည်။ စိန်တလုံးသရက်သီးများမှာ သရက် ဈေးကွက်တွင် တစ်လုံးလျှင် ငွေကျပ် ၅၀၀ မှ ၁၀၀၀ ကျော် ပေါက်ဈေးရှိနေကြောင်း ရောင်းသူများထံမှ သိရှိရသည်။စိန်တလုံးသရက်သီးများမှာ ပြည်တွင်းစားသုံးမှုနှင့် ပြည်ပဈေးကွက်တွင် ရောင်းအားကောင်းသောသစ်သီးဖြစ်သဖြင့်ဈေးကွက်သို့တင်ပို့ရာတွင် အရည်အသွေးကို အဓိက ထားရန်လိုအပ်ပြီး  အရည်အသွေးမကောင်းပါက ဈေးကွက်တွင်ခေတ္တသာဈေးကောင်းရနိုင် ကြောင်းလေ့လာချက်များအရ သိရှိရပါသည်။နေပူပူတွင် စိန်တလုံးသရက်သီးစားခြင်းဖြင့် ကျန်းမာရေးအကျိုးကျေးဇူးများစွာ ရရှိပါသည်။ယခုကာလတွင် စိန်တလုံးသရက်သီးများသည် မန္တလေးကုန်စည်ဒိုင်များတွင် အရောင်းသွက်နေကြောင်း လေ့လာချက်များအရ တွေ့ရှိရပါသည်။

DOCA(မန္တလေး)