ပြည်တွင်းကုန်သွယ်မှုသတင်း

         စျေးကွက်အတွင်းမြေပဲစျေးမှာ  ပြောင်းလဲမှုအနည်းငယ်သာရှိပြီး၊ယခင်နှစ်စျေးနှင့် နှိုင်းယှဉ်ပါက စျေးနှင့်နှိုင်းယှဉ်ပါက ယခုနှစ်စျေးမှာအနည်းငယ်ကျဆင်းသွားကြောင်း သိရှိရပါသည်။ မြေပဲမှာ စားသုံးဆီကြိတ်ခွဲခြင်းလုပ်ငန်းများနှင့် စားသောက်ကုန်တို့တွင် အသုံးပြုခြင်းတို့ကြောင့် ပြည်တွင်းစျေးကွက်နှင့် ပြည်ပသို့တင်ပို့သည့်သီးနှံဖြစ်ပြီး အရောင်းသွက်လျက်ရှိကြောင်း သိရပါသည်။ မန္တလေးတိုင်းဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်းရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ ရိတ်သိမ်းမှု ၆၃၇၄၄၇ ဧက၊ အထွက်နှုန်း ၄၆.၇၇ တင်း၊ အထွက် စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ် ဒီဇင်ဘာလဒုတိယပတ်အတွင်း ဖြစ်ပေါ်လျက်ရှိသည့် ပေါက်စျေးများမှာ မြေပဲတစ်ပိဿာလျှင် S1 လုံးဆန် ၈၃၀၀ ကျပ်နှင့် ၈၈၀၀ကျပ်၊S1 ဆီဆန်  ၇၇၀၀ ကျပ် နှင့်၇၈၅၀ကျပ်၊ Mတွဲလုံးဆန် ၈၃၀၀ ကျပ်နှင့် ၈၄၀၀ကျပ်၊M တွဲဆီဆန် ၇၈၀၀ ကျပ်နှင့် ၈၀၀၀ကျပ်၊ အနီလုံးဆန် ၈၁၅၀ ကျပ်နှင့် ၈၂၀၀ ကျပ်၊ ပြန့်ဆီဆန် ၇၇၀၀ကျပ်နှင့် ၇၈၀၀ကျပ် တို့ဖြစ်ကြောင်း သိရှိရပါသည်။ ယခင်နှစ်ကာလတူ တစ်ပိဿာစျေးမှာ S1 လုံးဆန် ၈၅၀၀ ကျပ်နှင့် ၈၇၀၀ ကျပ်၊S1 ဆီဆန် ၈၄၀၀ကျပ်နှင့် ၈၆၀၀ ကျပ်၊ အနီလုံးဆန် ၈၅၀၀ကျပ်နှင့် ၈၇၀၀ကျပ်၊ အနီဆီဆန် ၈၃၀၀ကျပ်နှင့် ၈၄၀၀ကျပ်၊Mတွဲလုံးဆန် ၈၉၀၀ ကျပ်နှင့် ၉၀၀၀ကျပ်၊ M တွဲဆီဆန် ၈၄၀၀ကျပ်နှင့် ၈၆၀၀ကျပ်၊ ပြန်ဆီဆန် ၈၆၀၀ကျပ်နှင့် ၈၇၀၀ကျပ် တို့ဖြစ်ပြီး၊ ယခင်နှစ်နှင့် ယခုနှစ်ကာလတူပေါက်စျေးနှိုင်းယှဉ်ပါက မြေပဲဆန်စျေးမှာ လျော့နည်းသွားကြောင်းသိရှိရပါသည်။

DOCA(မန္တလေး)

     နတ်တော်လရာသီအတွင်း ဘုရားပွဲနှင့် အလှူပွဲတော်များကျင်းပသည့်အချိန်ဖြစ်၍ မန္တလေးစျေးကွက်အတွင်း သခွားမွှေးသီးဝင်ရောက်မှုလျော့နည်းလာသည့်အတွက် စျေးအနည်းငယ်မြင့်တက်သွားကြောင်း သိရှိရပါသည်။ သခွားမွှေးသီးမှာ ပြည်ပသို့တင်ပို့သည့် သစ်သီးဖြစ်ပြီး၊ ၂၀၂၄-၂၀၂၅ခုနှစ် မန္တလေးတိုင်းဒေသကြီးအတွင်း သခွားမွှေးသီးစိုက်ပျိုးမှု (၁၃၀၀) ဧကကျော်ဖြစ်ကြောင်း သိရှိရပါသည်။ ၂၀၂၅ ခုနှစ်ဒီဇင်ဘာလဒုတိယပတ်အတွင်း သခွားမွှေးသီး‌စျေးမှာ တစ်လုံးလျှင် အလုံးဝိုင်း (ကြီး) ၄၀၀၀ ကျပ်နှင့် ၅၅၀၀ ကျပ်၊ အလုံး(ရှည်) ၃၀၀၀ကျပ်နှင့်  ၄၅၀၀ ကျပ်စျေးဖြစ်ပြီး၊  မန္တလေးစျေးကွက်တွင် သခွားမွှေးသီးများ အရောင်းသွက်လျက်ရှိကြောင်း သိရှိရပါသည်။

DOCA(မန္တလေး)

         စျေးကွက်အတွင်း နတ်တော်လအခါသမယအချိန်တွင် ဂန္ဓမာပန်းအမျိုးမျိုး ဝင်ရောက်မှုများပြားလျက်ရှိပြီး၊ ဂန္ဓမာပန်းမျိုးစုံအရောင်းသွက်လျက်ရှိကြောင်း သိရှိရပါသည်။ မန္တလေးတိုင်းဒေသကြီးအတွင်းရှိ အမရပူရခရိုင်၊ ပြင်ဦးလွင်ခရိုင်၊ ကျောက်ဆည်ခရိုင်၊ မိတ္တီလာခရိုင်နှင့် မြင်းခြံခရိုင်တို့မှထွက်သည့်ပန်းများ၊ စစ်ကိုင်းတိုင်းဒေသကြီးနှင့် ရှမ်းပြည်နယ်၊ တောင်ကြီးဒေသတို့မှထွက်ရှိသည့် ဂန္ဓာမာပန်းများဝင်ရောက်လျက်ရှိကြောင်း သိရှိရပါသည်။ စျေးကွက်အတွင်း အများဆုံးတွေ့ရသော ဂန္ဓမာပန်းအမည်များမှာ ဆန်းမားဖြူ၊ ဆန်းမားဝါ၊ လပ်ကီးဖြူ၊ လပ်ကီးဝါ၊ လပ်ကီးနီ၊ ရွှေစိမ်း၊ ကီလို၊ ကြွေဖြူ၊ ကြွေဝါ၊ ချက်စိမ်း၊ ပုလဲဖြူစသည်ဖြင့် အမျိုးမျိုးတွေ့ရှိရပါသည်။၂၀၂၅ ခုနှစ်ဒီဇင်ဘာလဒုတိယပတ်အတွင်း လက်လီစျေးအနေဖြင့် ဂန္ဓာမာပန်းကြွေဖြူ တစ်ရိုးတစ်ပွင့် (၁၀ခက်ပါ) တစ်စီး လျှင် ၄၀၀၀ ကျပ်နှင့် ၄၅၀၀ ကျပ်၊ ဆန်းမား၊ လပ်ကီး၊ ရွှေစိမ်း၊ ကီလို၊ ကြွေဖြူ၊ ကြွေဝါ၊ ချက်စိမ်းနှင့် ပုလဲဖြူတစ်စီးလျှင် ၃၀၀၀ ကျပ်နှင့် ၃၅၀၀ကျပ်စျေးဖြင့် ရောင်းချလျက်ရှိပြီး၊ အရောင်းသွက်လျက်ရှိကြောင်း မန္တလေးမြို့၊ သိရီမာလာပန်းစျေးကွက်အတွင်းမှ သိရှိရပါသည်။

DOCA(မန္တလေး)

   ညောင်တုန်းမြို့နယ်ရှိ အသေးစား၊ အငယ်စားနှင့်အလတ်စားမုန့်လုပ်ငန်း နွယ်နွယ်လွင် ငှက်ပျောကြော်ထုတ်လုပ်မှု လုပ်ငန်းအဆင့်ဆင့်ကို လေ့လာခဲ့ကြသည်။ ၎င်းလုပ်ငန်းသည် ညောင်တုန်းမြို့နယ် အမှတ် ၆ ရပ်ကွက် တွင်လုပ်ကိုင်ဆောင်ရွက်လျက်ရှိသည်။

    မုန့်လုပ်ငန်းကို ၁၉၉၀ခုနှစ်မှ စတင်လုပ်ကိုင်ဆောင် ရွက်လာကြောင်း သိရပြီး တစ်လလျှင် ၂၅ရက် ထုတ်လုပ်ကြော်ရကြောင်း ပိုင်ရှင် ဦးထွန်းကိုမှ ရှင်းပြသည်။ ကုန်ကြမ်း ငှက်ပျောသီးကို ညောင်တုန်းမြို့နယ်အတွင်းမှ ရရှိသလို တောင်ငူမြို့မှ လည်း ရရှိကြောင်း ရှင်းပြသည်။ ငှက်ပျောသီးများကို အလုပ်သမားများဖြင့် အခွံခွာ၊ ငှက်ပျော သီးကို ရေပေါ်တိုက်၍ ဆီအိုးဖြင့် ကျော်ရကြောင်း၊ တစ်အိုးလျှင် ၁၅မိနစ်ခန့်ကြော်ရပြီး ဆီစစ်၍ ငှက်ပျော်ကြော်ကို အအေးခံရကြောင်း၊ ကြော်ပြီးသား ငှက်ပျောကြော်များကို ၆ခွဲ၊ ၁ခွဲ ဗူးဖြင့် အချို၊ အမှည့် ဗူးထုတ်ပိုးပါသည်။ တစ်နေ့လျှင် အချို၊အမှည့်  ဗူးပေါင်း ၈၀၀-၁၀၀၀ခန့် ထုတ်လုပ်ကြောင်း သိရသည်။ အထုတ်အနေဖြင့် ၈၀၀ထုတ်ခန့်ထွက်ရှိသည် ဟု သိရသည်။ ဘူးကြီး အချို ၁ဗူးလျှင် ၃၀၀၀ကျပ်၊ အမှည့် ၁ဗူးလျှင် ၂၅၀၀ကျပ်၊ အထုတ်အသေး အချို ၁ထုတ် ၁၅၀၀ကျပ်၊ အမှည့် ၁ထုတ်လျှင် ၁၀၀၀ကျပ်ဖြင့် ရောင်းချလျက်ရှိကြောင်း သိရပါသည်။

DOCA(ဧရာဝတီ)

           ၂၀၂၅ ခုနှစ်၊ ဒီဇင်ဘာလ(၁၀)ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံဒေသတို့မှ ကြက်သွန်နီ (၇၂၀၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန် မှာ (၂၈၈၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၄၀၀၊ အသန့်မှာတစ်ပိဿာ ကျပ် ၉၀၀၊ အကြီးမှာ ကျပ် ၁၄၀၀၊ ရှယ်မှာ ကျပ် ၂၀၀၀၊ မြင်းခြံ ကြက်သွန်နီ(အသစ်) အချော တစ်ပိဿာ ကျပ် ၃၅၀၊ အသန့်မှာတစ်ပိဿာ ကျပ် ၇၀၀၊ အကြီးမှာ ကျပ် ၁၂၀၀၊ ရှယ်မှာ ကျပ် ၁၇၀၀ ဈေးတို့အသီးသီးရှိကြောင်း စုံစမ်းသိရှိရပါသည်။

        ယခုတစ်ပတ်တွင်  ဆိပ်ဖြူ(ရှယ်) မှာ ယခင်အပတ်ကထက် ဈေးအနည်းငယ်တက်ပြီး၊ လတ်ချော၊ လတ်သန့်နှင့် လတ်ကြီးမှာ ယခင်အပတ်တိုင်းဈေးတူနေပါသည်။ မြင်းခြံ ကြက်သွန်နီဈေးနှုန်းမှာ ယခင်အပတ်ကထက် ဈေးအနည်းငယ်ကျလျက်ရှိကြောင်း သိရှိရပါသည်။

DOCA(ရန်ကုန်)