ပြည်တွင်းကုန်သွယ်မှုသတင်း

  ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် တွင် မြစ်ချောင်းများမှ ဖမ်းယူရရှိသော ငါးများကို ငါးပိပြုလုပ်၍ မြို့နယ်အတွင်း ရောင်းချလျက်ရှိပါသည်။ ထွက်ရှိသော ငါးပိများမှ စားသုံးသူများ ဘေးအန္တရာယ်ကင်းရှင်း စေရေးနှင့် ထုတ်ကုန်လုံခြုံစိတ်ချရမှု ရှိစေရေးအတွက် ဇာနများမှ ကွင်းဆင်း ကြပ်မတ်ဆောင်ရွက်လျက်ရှိပါသည်။

   ငါးများကို မြို့နယ်အတွင်းမှ ထွက်ရှိသော ရေချိုငါးများဖြင့် ပြုလုပ်ကြောင်း လုပ်ငန်းရှင်က ရှင်းပြသည်။  အဆိုပါ ငါးကုန်ကြမ်းများကို ဆားနှင့်နယ်ပြီး ထမင်းဖြင့်အချဉ်သိပကြာ အိုးထဲတွင် (၄-၅) လခန့် သိုလှောင်ရပြီး ထွက်ရှိလာသော ငါးပိများကို မြို့နယ်အတွင်းသို့ ရောင်းချကြောင်း၊ ငါးပိကို အကောင်သေးပြုလုပ်ရာတွင် ငါးခုံးမ၊ ငါးဘဲငါးလေးများဖြင့် ပြုလုပ်ပြီး၊ ငါးအကောင်ကြီး ငါးပိကို ငါးရံ့ဖြင့် ပြုလုပ်ကြောင်း’၊ ဈေးကွက်အတွင်းသို့ ရောင်းချသည့်အခါ နိုဝင်ဘာလဈေးအနေဖြင့် ငါးအကောင်သေး ငပိ ၁ပိဿာ ၇၀၀၀-၈၀၀၀ကျပ်၊ ငါးအကောင်းကြီး ၁ပိဿာ ၁၀၀၀၀-၁၂၀၀၀ကျပ်ဖြင့် အရောင်းအဝယ်ဖြစ်နေပြီး ယခင် လများဖြစ်သော ဩဂုတ်၊ စက်တင်ဘာလများက ငါးပိဈေးနှုန်းများမှာ အကောင်သေး ၁ပိဿာ ၄၀၀၀-၅၀၀၀ကျပ်နှင့် အကောင်ကြီး ၁ပိဿာ ၈၀၀၀ကျပ် သာရှိပြီး ယခုရောင်းချသော ငါးပိများမှာ ဧပြီလသိပ်ငါးများကို ထုတ်ယူရောင်းချ၍ ဈေးကောင်းမွန်လျက်ရှိ ကြောင်း ဈေးကွက်အတွင်းနှင့် ငါးပိလုပ်သူလုပ်ငန်းရှင်ထံမှ သိရသည်။ ဈေးကွက်အတွင်းရောင်းချနေ‌သော ငါးပိများကို မိတ်ဖက်ဌာနများနှင့်အတူ ကွင်းဆင်းစစ်ဆေး၍ နမူနာ ယူစစ်ဆေးခြင်း၊ ဓါတုကင်းစင်စွာ အသုံးပြုရောင်းချနိုင်ရေး စစ်ဆေးဆောင်ရွက်ခြင်းများ ပြုလုပ်ဆောင်ရွက်လျက်ရှိကြောင်း သိရသည်။

DOCA (ဧရာဝတီ)

   ရွှေဘိုမြို့ရှိ ဈေးများတွင် ရာသီအလိုက်ပေါ်သည့် ပန်းများအပြင် အထားလည်းခံ၊ အကြမ်း လည်းခံသည့် အောင်သပြေငုတ်များကိုရောင်းချလျက်ရှိရာ အောင်သပြေငုတ်များကို မန္တလေးတိုင်း ကျောက်ဆည်ခရိုင်တွင် စိုက်ပျိုးပြီး ရွှေဘိုမြို့မှ သယ်ယူရောင်းချကြကြောင်း၊ ရွှေဘိုမြို့တွင် အောင်သပြေငုတ်များကို လိုက်ထရပ်ကားဖြင့်လည်းကောင်း၊ ဆိုက်တွဲဖြင့်လည်းကောင်း လူစည် ကားသည့် နေရာများတွင်ရောင်းချလျက်ရှိကြောင်း၊ အောင်သပြေငုတ်ကို ရွှေဘိုမြို့တွင်းအပြင် မြို့ ၏ အနီးတဝိုက်ဖြစ်သည့် ကျေးရွာများ၊  ရေဉီး၊ ခင်ဦးမြို့မှလည်း ပြန်လည်ရောင်းချရန် ဝယ်ယူ ကြောင်း၊ အပင်အလုံးပတ် အကြီးအသေးပေါ်မူတည်ပြီး ရောင်းချကြကြောင်း၊ အောင်သပြေငုတ်ကို အပင်(၁)ပင်မှစ၍ အစည်းလိုက်လည်း ဝယ်ယူ၍ရကြောင်း၊ ၂၀၂၅ခုနှစ် ၊ နိုဝင်ဘာလ (ဒုတိယ) ပတ်တွင်ဖြစ်ပေါ်နေသော အောင်သပြေငုတ် ဈေးနှုန်းမှာ  လက်သန်းလုံးခန့် အောင်သပြေငုတ် (၁) ပင်လျှင် (၂၀၀ဝိ/-)ကျပ်ဖြင့်ရောင်းချပြီး ထိုထက်ပို၍ကြီးပါက  (၃၀၀ဝိ/-)ကျပ်၊ (၅၀၀ဝိ/-) ကျပ်၊ (၈၀၀ဝိ/-) ကျပ်ဖြင့် ရောင်းချကြပြီး ပို၍ရင့်ပြီး လုံးပတ်ပိုကြီးပါက (၁၅၀၀ဝိ/-) ကျပ်ထိ ဈေးနှုန်းဖြင့် ရောင်းချရကြောင်း  ဈေးနှုန်းအနည်းငယ်မြင့်တက်ရခြင်းမှာ သယ်ယူစရိတ်မြင့်မားခြင်းကြောင့် ပန်းဈေးနှုန်းမှာ အနည်းငယ်မြင့်တက်လျက်ရှိကြောင်း အောင်သပြေငုတ် ရောင်းချသည့် ဈေးဆိုင် ထံမှ သိရှိရပါသည်။ရွှေဘိုမြို့ပေါ်ရှိ ဈေးများ၊ လမ်းဆုံလမ်းခွများတွင် ဘုရားပန်းများကိုရောင်းချလျက်ရှိရာ ရာသီအလိုက်ပေါ်သည့်ပန်းများအပြင် အောင်သပြေငုတ်များကိုလည်း ရောင်းချလျက်ရှိပါသည်။     ဘုရားပန်းတစ်မျိုးဖြစ်သည့် အောင်သပြေငုတ်များမှာ ဘုရားပန်းအိုးထိုးရာတွင် ရက်တာရှည်စွာ အထာခံသဖြင့် အောင်သပြေငုတ်ကို ပို၍လူကြိုက်များကြောင်း၊ အောင်သပြေငုတ်ကို (၃)ရက်(၁)ခါ ဘုရားပန်းအိုး ရေလဲပေးလျှင် ပို၍အထားခံကြောင်း၊ အောင်သပြေငုတ်ကို မန္တလေးတိုင်း၊ ကျောက်ဆည် ခရိုင်တွင် စိုက်ပျိုးပြီး ရွှေဘိုမြို့မှ သယ်ယူရောင်းချကြောင်း၊ ရွှေဘိုမြို့တွင် အောင်သ ပြေငုတ်များကို လိုက်ထရပ်ကားဖြင့်လည်းကောင်း၊ ဆိုက်တွဲဖြင့်လည်းကောင်း လူစည်ကားသည့် နေရာများတွင်ရောင်းချလျက်ရှိကြောင်း၊ အောင်သပြေငုတ်ကို ရွှေဘိုမြို့တွင်းအပြင်မြို့၏အနီး တဝိုက်ဖြစ်သည့် ကျေးရွာများ၊  ရေဉီး၊ ခင်ဦးမြို့မှလည်း ပြန်လည်ရောင်းချရန် ဝယ်ယူကြောင်း၊ အပင်အလုံးပတ်အကြီးအသေးပေါ်မူတည်ပြီး ရောင်းချကြကြောင်း၊ အောင်သပြေငုတ်ကို အပင်(၁) ပင်မှစ၍ အစည်းလိုက်လည်းဝယ်ယူ၍ရကြောင်း၊ လက်သန်းလုံးခန့် အောင်သပြေငုတ် (၁)ပင်လျှင် (၁၅၀ဝိ/-)ကျပ်ဖြင့်ရောင်းချပြီး ထိုထက်ပို၍ကြီးပါက  (၂၅၀ဝိ/-)ကျပ်၊ (၄၀၀ဝိ/-)ကျပ်၊ (၇၀၀ဝိ/-) ကျပ်ဖြင့် ရောင်းချကြပြီး ပို၍ရင့်ပြီး လုံးပတ်ပိုကြီးပါက (၁၃၀၀ဝိ/-)ကျပ်ထိ ဈေးနှုန်းဖြင့် ရောင်းချရကြောင်း အောင်သပြေငုတ် ရောင်းချသည့် ဈေးဆိုင်ထံမှ သိရှိရပါသည်။

DOCA(စစ်ကိုင်း)

  ရွှေဘိုမြို့ရှိ ဈေးများတွင် အသား/ငါးများ၊ သစ်သီးဝလံများ၊ လူသုံးကုန်ပစ္စည်းများကိုရောင်းချ လျက်ရှိရာ ရာသီပေါ်သီးနှံဖြစ်သည့် မုံလာဉများကို အခြားမြို့များမှ သယ်ယူရောင်းချသည့်အပြင် ရွှေ ဘိုမြို့နှင့် အနီးတဝိုက်ရှိ ကျေးရွာများမှလည်း စိုက်ပျိုးကြပြီး ရွှေဘိုမြို့ပေါ်သို့ လာရောက်ရောင်းချ လျက်ရှိကြောင်း သိရှိရပါသည်။ မုန်လာဉနှင့် မုန်လာဉကိုအချဉ်တည်ပြီး မုန်လာချဉ် အဖြစ်ရောင်းချ ကြကြောင်း၊ ၂၀၂၅ခုနှစ်၊ နိုဝင်ဘာလ(ဒုတိယ)ပတ်တွင် ရောင်းချနေသည့် မုန်လာဉနှင့် မုန်လာချဉ် ဈေးနှုန်းများမှာ မုန်လာဉ (၃)လုံးပါ (၁)စည်းလျှင် (၇၀ဝိ/-)ကျပ်ဖြင့် ရောင်းချပြီး မုန်လာချဉ်လက် ဘက်ရည် အကြမ်းပန်းကန်(၁)လုံးလျှင် (၅၀ဝိ/-)ကျပ်ဖြင့် ရောင်းချလျက်ရှိကြောင်း၊ ပေါ်ဉီးပေါ် ဖျားဖြစ်သည့် မုန်လာဉနှင့် မုန်လာချဉ်များကို ရွှေဘိုမြို့အပြင် ဆိုင်ကယ်ဖြင့် ရောင်းချသည့် ဟင်း ထုပ်သည်နှင့် အသီးအနှံရောင်းချသည့် ဈေးသည်များမှလည်း ဝယ်ယူကြကြောင်း သိရှိရပါသည်။

DOCA(စစ်ကိုင်း)

     မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်သည့်အတွက် တစ်နှစ်ပတ်လုံး သီးနှံမျိုးစုံစိုက်ပျိုးဖြစ်ထွန်းလျက်ရှိပြီး စပါး၊ ပဲ၊ ပြောင်း၊ ငရုတ်၊ ကြက်သွန်သီးနှံများအပြင် ဆလပ်တွန့်ကိုလည်း စိုက်ပျိုးလျက်ရှိ‌ကြောင်း၊ ဆလပ်တွန့် စိုက်ပျိုးရာ တွင် ပျိုးထောင်စိုက်ပျိုးခြင်းနှင့် တိုက်ရိုက်အစေ့ချစိုက်ပျိုးခြင်းဟူ၍ (၂)မျိုးရှိကြောင်း၊ ဩဂုတ်လနှင့် စက်တင်ဘာလများတွင် စိုက်ပျိုးပါက တိုက်ရိုက်အစေ့ချစနစ်ဖြင့် စိုက်ပျိုးကြပြီး အောက်တိုဘာနှင့် နိုဝင်ဘာလများတွင် စိုက်ပျိုးပါက ပျိုးထောင်၍ စိုက်ပျိုးကြကြောင်း၊ ပျိုးထောင်သက်တမ်း (၆)ပတ်တွင် ပြောင်းရွေ့စိုက်ပျိုးရကြောင်း၊ တစ်ဧက မျိုးစေ့အနေဖြင့် (၁၀၀kg) တစ်ထုပ် စိုက်ပျိုးရကြောင်း၊ စိုက်ပျိုးသောမျိုးများမှာ မုန့်ညင်းဆလပ်နှင့် ဆလပ်တွန့်မျိုးများကို စိုက်ပျိုးကြကြောင်း၊ စိုက်ပျိုးရာတွင် တစ်ပေခြား၍ စိုက်ပျိုးကြကြောင်း၊ စိုက်ပျိုးပြီး တစ်လခွဲ နှစ်လအကြာတွင် စတင်ရောင်းချနိုင်ပြီဖြစ်ကြောင်း၊ စိုက်ပျိုးစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၃၅၀၀၀၀/-)ကျပ်ခန့် ကုန်ကျကြောင်း၊ ဆလပ်တွန့် တစ်ပင်လျှင် လက်လီ(၄၀၀-၅၀၀) ကျပ်ဖြင့် ရောင်းချလျက်ရှိကြောင်း၊ လက်ကားဈေးအနေဖြင့် တစ်ပင်လျှင် (၂၀၀/-)ကျပ်ဖြင့် ဖောက်သည်ပေးရောင်းချလျက်ရှိကြောင်း၊ တစ်ဧကအထွက်နှုန်းအနေဖြင့် ဆလပ်တွန့်အပင်ပေါင်း (၃၅၀၀)ပင်ထွက်ရှိပြီး၊ တစ်ဧက အကျိုးအမြတ်အနေဖြင့် စိုက်ပျိုးစရိတ်နှုတ်ပြီး (၃၅၀၀၀၀/-) ကျပ်ခန့်မြတ်ကြောင်း၊ ဆလပ်တွန့် ထွက်ပေါ်ချိန်တွင် ပွဲစားများမှ အခင်းထဲအရောက် လာရောက် ဝယ်ယူကြသလို တောင်သူများမှလည်း ကုန်စိမ်းပွဲရုံများသို့ တိုက်ရိုက်တင်ပို့ ရောင်းချလျက်ရှိ ကြောင်း၊ ဆလပ်တွန့် စားသုံးခြင်းဖြင့် ရောင်ရမ်းမှုကို သက်သာစေနိုင်ခြင်း၊ သွေးတွင်း အဆီကျ စေခြင်း၊ ဘက်တီးရီးယား များကိုလည်း တိုက်ဖျက်ပေးနိုင်ခြင်း၊ စိတ်ဖိစီးမှုများကို ပြေလျော့စေခြင်း၊ ကိုယ်အလေးချိန်ကို ထိန်းညှိပေးခြင်း၊ အသားအရေလှပစေခြင်း စသည့်အကျိုးကျေးဇူးများ ရရှိစေ ကြောင်း လေ့လာသိရှိရကြောင်း၊ ဆလပ်တွန့်ကို အိမ်ရှင်မများမှ အသုပ်သုပ်၍စားသုံးကြသလို၊ အတို့အမြှုပ်အဖြစ်လည်း စားသုံးကြကြောင်း၊ အကင်/Hot potများဖြင့်လည်း တွဲဖက်စားသုံး ကြ ကြောင်း ကျန်းမာရေးနှင့်ညီညွတ်ပြီး စိုက်ပျိုးစရိတ်သက်သာကာ စီးပွားဖြစ်ဝင်ငွေတိုးသော ဆလပ်တွန့် များကိုလည်း တောင်သူများ တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

     ကျောက်ဆည်ခရိုင်အတွင်းတွင် သီးနှံမျိုးစုံ စိုက်ပျိုးလျက်ရှိရာ ကုန်စိမ်းသီးနှံဖြစ်သော ကျောက်ဖရုံသီး သီးနှံကိုလည်း တစ်နှစ်ပတ်လုံးစိုက်ပျိုးကြကြောင်း ၊ ကျောက်ဖရုံသီးမျိုးများမှာ အိုမီကာ(ထိုင်ဝမ်)မျိုးနှင့် ဗမာမျိုးများဖြစ်ပြီး အိုမီကာ(ထိုင်ဝမ်)မျိုးကိုသာ အများဆုံး စိုက်ပျိုးကြ ကြောင်း၊ ကျောက်ဖရုံသီးစိုက်ပျိုးမည်ဆိုပါက(၁)ဧကလျှင်(၄/၅)ထုပ်စိုက်ပျိုးရကြောင်း၊ မျိုးစေ့ (၁) ထုပ် ဈေးနှုန်းအနေဖြင့် အိုမီကာ(ထိုင်ဝမ်)မျိုး (၁၈၀၀၀/-)ကျပ် ဗမာမျိုး(၁)ထုပ်လျှင် (၁၂၀၀၀/- ) ကျပ်ရှိကြောင်း၊ ကျောက်ဖရုံသီးကို ဘောင်ဖြင့်စိုက်ပျိုးရကြောင်း တစ်ပင်နှင့်တစ်ပင် (၅)တောင်ခန့် ခြား၍စိုက်ပျိုးရကြောင်း၊ အများဆုံးစိုက်ပျိုးသည့် ကျေးရွာများမှာ မြစ်သားမြို့နယ်ရှိ ပေါက်မြိုင်ရွာ၊ စမုံဘောက် ၊ဝက်ထိန်းကျေးရွာများဖြစ်ကြောင်း၊ ကျောက်ဖရုံသီးကို သီးသန့်စိုက်ပျိုးကြသလို နနွင်းခင်း ၊ နှမ်းခင်းများတွင်လည်း သီးထပ် ၊ သီးညှပ်အဖြစ် စိုက်ပျိုး၍ရကြောင်း၊ (၁)ဧက ကုန်ကျ စရိတ်အနေဖြင့် မျိုး ၊သွင်းအားစု၊ လုပ်သားခအပါအဝင် စုစုပေါင်း (၆၀၀၀၀၀/-)ကျပ် ဝန်းကျင်ခန့် ကုန်ကြကြောင်း၊ အကျိုးအမြတ်အနေဖြင့် (၃၀၀၀၀၀၀-၃၅၀၀၀၀၀)ကျပ် ရရှိကြောင်း၊ ကျောက်ဖရုံသီး ကို စိုက်ခင်းထဲအထိ ပွဲစားများမှလာရောက်ဝယ်ယူကြပြီး၊ ပွဲစားများမှလည်း ရန်ကုန်၊ မန္တလေးနှင့် မိတ္ထီလာမြို့များသို့ တင်ပို့ရောင်းချကြောင်း ၊ ကျောက်ဖရုံသီးနှံသည် ဆေးဖြန်းစရာမလို ရေပုံမှန်ပေး ၍ စိုက်ပျိုးရသော သီးနှံဖြစ်ကြောင်း ၊ ဈေးနှုန်းအနေဖြင့် ကျောက်ဖရုံးသီး အိုမီကာ (ထိုင်ဝမ်) တစ်လုံးလျှင် (၄၀၀၀-၅၀၀၀)ကျပ်၊  ဗမာသီးတစ်လုံးလျှင် (၅၀၀၀-၆၀၀၀)ကျပ် စျေးနှုန်း များဖြင့် ရောင်းချရပြီး ယခုအခါ ကထိန်ရာသီဖြစ်သည့်အတွက် စတုဒီသာများကျွေးမွေးရာတွင် အသုံးပြု သောကြောင့်အရောင်းအဝယ် သွက်နေကြောင်း သိရှိရပါသည်။

DOCA(မန္တလေး)