ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူဈေးကွက်၌ ပဲစဉ်းငုံသီးနှံများ  အရောင်း အဝယ် ဖြစ်ကြောင်း သိရှိရသည်။ ၂၀၂၅ ခုနှစ်၊ သီးနှံပေါ်စ ဇန်နဝါရီလတွင် တစ်တင်းလျှင် ကျပ်(၁၂၆၅၀၀-၁၂၂၀၀၀)ဈေးဖြင့် အရောင်းအဝယ်ဖြစ်ခဲ့ပြီး ပြည်ပဈေးကွက် ဝယ်လိုအားနည်း၍ ဈေးတရိပ်ရိပ် ကျဆင်းပြီး အရောင်းအဝယ်ဖြစ်လျက်ရှိသည်။ ပဲစဉ်းငုံသီးနှံကို ပခုက္ကူ၊ မြိုင်၊ ပေါက်၊ ရေစကြို၊ ဆိပ်ဖြူမြို့နယ်အတွင်းရှိ ကျေးရွာများနှင့် စစ်ကိုင်း၊ မန္တလေးတိုင်း ဒေသကြီးအတွင်းရှိ ကျေးရွာများမှ အများဆုံးစိုက်ပျိုးပြီး ပခုက္ကူပဲဈေးကွက်သို့ ဝင်ရောက်လျက်ရှိပြီး ယခုရာသီချိန်တွင် တောင်သူများ တွင် ပဲလက်ကျန်နည်းပြီး မြို့ပေါ်ရှိ ကုန်သည်များမှ သီးနှံလှိုင်လှိုင်ပေါ်ချိန်တွင် ဝယ်ယူသိုလှောင် ထားသော ပဲစဉ်းငုံနီများ ပြန်လည်ဖြန့်ဖြူးမှုများကြောင်း၊ ဩဂုတ်လ (စတုတ္ထပတ်)တွင် တစ်ရက် လျှင် ပဲစဉ်းငုံနီ ပိဿာ (၃၀)ဝင် အိတ် (၂၀၀-၃၀၀)ခန့် အရောင်း အဝယ်ဖြစ်ကြောင်း သိရှိရသည်။

          ၂၀၂၅ခုနှစ်၊ ဒီဇင်ဘာ (ဒုတိယပတ်)တွင် ဈေးနှုန်းအနေဖြင့် ပဲစဉ်းငုံနီ တစ်တင်းလျှင် ကျပ် (၇၉၄၀၀)၊ (ပထမပတ်)တွင် ကျပ်(၇၈၀၀၀)ဖြစ်ပြီး ယခု ဒီဇင်ဘာလ (ဒုတိယပတ်)တွင် ဈေးနှုန်း အနည်းငယ်တက်နေပြီး   အရောင်းအဝယ်ဖြစ်နေကြောင်း၊ ဈေးကွက်သို့ ကုန်ဝင်သလောက် အရောင်း အဝယ်ဖြစ်ကြောင်း၊ ပခုက္ကူဈေးကွက်သို့ ဝင်ရောက်လာသည့် ပဲစဉ်းငုံနီများကို ရန်ကုန်၊ မန္တလေး ဈေးကွက်သို့ တင်ပို့ပြီး ထိုမှတစ်ဆင့် ပြည်ပအိန္ဒိယနိုင်ငံသို့ တင်ပို့ လျက်ရှိကြောင်း၊ ပဲစဉ်းငုံသီးနှံသည် ပြည်ပို့ကုန် ပဲတစ်မျိုးဖြစ်၍ ဈေးကွက် ဝယ်လိုအားပေါ်မူတည် ပြီး နေ့စဉ်နှင့်အမျှ ဈေးနှုန်းပြောင်းလဲမှု ရှိကြောင်း ဈေးကွက်မှ သိရှိရသည်။

DOCA(မကွေး)

      မကွေးတိုင်းဒေသကြီး၊ မကွေးခရိုင်၊ မကွေးမြို့ပတ်ဝန်းကျင်ရှိ မကွေးကျွန်း၊ သင်္ဘောကျွန်း၊ ကြက်နဖကျွန်းတို့တွင် အညာသခွား(ခေါ်) ဆက်တွန့်သခွားကို သီးညှပ်စိုက်ပျိုးလျက်ရှိပြီး မကွေးတိုင်း ဒေသကြီးအတွင်းသာမကပဲ အခြားတိုင်းဒေသကြီး၊ အခြားမြို့နယ်များတွင်လည်း စိုက်ပျိုး၍ အရောင်း အဝယ်များ ဖြစ်ပေါ်လျက်ရှိကြပါသည်။ အညာသခွား(ခေါ်) ဆက်တွန့်သခွားကို ဇွန်လကုန်မှ စတင် စိုက်ပျိုးပြီး နိုဝင်ဘာလ (တတိယပတ်) နှင့် ဒီဇင်ဘာလတို့တွင် ထွက်ပေါ်လျက်ရှိပြီး အရောင်းအဝယ် အများဆုံးဖြစ်ပေါ်လျက်ရှိပါသည်။

     အညာသခွား (‌ခေါ်)ဆက်တွန့်သခွား ထွက်ပေါ်လာသည့်အချိန်တွင် မကွေးမြို့ပေါ်တွင်ရှိသော မြို့မစျေး၊ မင်္ဂလာစျေး၊ ကန်သာစျေးနှင့် ရန်ပယ်စျေးများသို့ အများဆုံးတင်ပို့လျက်ရှိကြောင်းနှင့် သခွား သီး (၁)တောင့်လျှင် အရွယ်အစားပေါ်မူတည်၍ ကျပ်(၅၀၀- ၆၀၀-၇၀၀)ဈေးနှုန်းဖြင့် အရောင်းအဝယ် ဖြစ်ပေါ်လျက်ရှိကြောင်း သိရှိရပါသည်။

DOCA(မကွေး)

         ဘုရင့်နောင်ကုန်စည်ဒိုင်သို့ ၂၃.၁၂.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၇၁၁ အိတ်နှင့် ဈေးနှုန်းမှာ ၅၅၀၀၀ မှ ၅၆၀၀၀ ကျပ်၊ ဆန်ကြမ်းထိပ်စအိတ်ရေ ၃၆၇၆ နှင့် ဈေးနှုန်းမှာ ၅၁၀၀၀ မှ ၅၂၀၀၀ ကျပ်၊ လက်စအိတ်ရေ ၂၈၁၀ နှင့် ဈေးနှုန်းမှာ ၄၇၀၀၀ မှ ၅၂၀၀၀ ကျပ်၊ ၂၅ မတ်ဆန်အိတ် ၁၂၅၄ နှင့် ဈေးနှုန်းများမှာ ၅၀၀၀၀ မှ ၅၁၀၀၀ ကျပ်၊ ဆန်ကွဲအိတ်ရေ ၆၀၇၃ နှင့် ဈေးနှုန်းများမှာ ၄၂၀၀၀ မှ ၄၈၀၀၀ ကျပ်၊ ပဲခူး(အနောက်) မှ ရှယ်စ ၃၆၄၂ အိတ်နှင့် ဈေးနှုန်းမှာ ၅၅၀၀၀ မှ ၅၆၀၀၀ ကျပ်၊ ဆန်ကြမ်းထိပ်စအိတ်ရေ ၃၄၃၃ နှင့် ဈေးနှုန်းမှာ ၅၁၀၀၀ မှ ၅၂၀၀၀ ကျပ်၊ လက်စအိတ်ရေ ၃၀၅၉ နှင့် ဈေးနှုန်းမှာ ၄၇၀၀၀ မှ ၅၂၀၀၀ ကျပ်၊ ၂၅ မတ်ဆန်အိတ် ၁၄၃၇ နှင့် ဈေးနှုန်းများမှာ ၅၀၀၀၀ မှ ၅၁၀၀၀ ကျပ်၊ ဆန်ကွဲအိတ်ရေ ၆၂၀၁ နှင့် ဈေးနှုန်းများမှာ ၄၂၀၀၀ မှ ၄၈၀၀၀ ကျပ်၊ ဧရာဝတီတိုင်း မှ ရှယ်စ ၃၉၁၇ အိတ်နှင့် ဈေးနှုန်းမှာ ၅၅၀၀၀ မှ ၅၆၀၀၀ ကျပ်၊ ဆန်ကြမ်းထိပ်စ အိတ်ရေ ၃၅၄၁ နှင့် ဈေးနှုန်းမှာ ၅၁၀၀၀ မှ ၅၂၀၀၀ ကျပ်၊ လက်စအိတ်ရေ ၂၉၄၅ နှင့် ဈေးနှုန်းမှာ ၄၇၀၀၀ မှ ၅၂၀၀၀ ကျပ်၊ ၂၅ မတ်ဆန်အိတ် ၁၁၈၂ နှင့် ဈေးနှုန်းများမှာ ၅၀၀၀၀ မှ ၅၁၀၀၀ ကျပ်၊ ဆန်ကွဲအိတ်ရေ ၅၇၄၃ နှင့် ဈေးနှုန်းများမှာ ၄၂၀၀၀ မှ ၄၈၀၀၀ ကျပ်၊ တို့ဝင်ရောက်ကြောင်း သိရှိရပါသည်။        

            ၂၃.၁၂.၂၀၂၅ ရက်နေ့တွင် ဘုရင့်နောင်ကုန်စည်ဒိုင်သို့ ဆန်အိတ်ရေစုစုပေါင်း(၅၂၆၂၄) အိတ် ဝင်ရောက်ခဲ့ကြောင်း သိရှိရပါသည်။

DOCA(ရန်ကုန်)

           ပန်းဂေါ်ဖီစိမ်းသည် ၁၉၈၀ပြည့်နှစ်ခန့်မှစ၍ မြန်မာပြည်တွင်စိုက်ပျိုးလာသောမျိုးဖြစ်ပါသည်။ တောင်ပေါ်ဒေသနှင့် မြေပြန့်တွင်ပါစိုက်ပျိုးနိုင်ပြီး တောင်ပေါ်ဒေသဖြစ်ပါက ဧပြီ၊ မေ၊ စက်တင်ဘာ၊ အောက်တိုဘာနှင့် မြေပြန်ဒေသဖြစ်ပါက စက်တင်ဘာ၊ အောက်တိုဘာလတွင် စိုက်ပျိုးနိုင်သည်။ မြိတ်ခရိုင်တွင်စိုက်ပျိုးနိုင်သော်လည်း ဒေသတွင် အပွင့်ထွက်ရှိနှေး၊ အပွင့်ငယ်သဖြင့် စီးပွားဖြစ်တွက် ခြေမကိုက်ခြင်းကြောင့် စိုက်ပျိုးမှုနည်းပါကြောင်းသိရှိရပါသည်။ ပန်းဂေါ်ဖီစိုက်ပျိုးရာတွင် ပန်းဂေါ်ဖီ မျိုးစေ့ကို မြေအနည်းငယ်ထွန်ရက်ထားသောမြေတွင် ပျိုးထောင်ရပြီး ပိုးသတ်ဆေးနှင့် ဓါတ်မြေသြ ဇာများထည့်ပေးရသည်။  ပန်းဂေါ်ဖီသည် အေးသောရာသီတွင်သာပွင့်ပြီး အပူဒဏ်ကိုလည်း ခံနိုင် သောအပင်ဖြစ်သည်။  ခြောက်သွေ့သောရာသီတွင် ပန်းအပွင့်မဖြစ်ပေါ်နိုင်ကြောင်းသိရှိရပါသည်။

                 ပန်းဂေါ်ဖီတွင် ရိုးရိုးအဖြူနှင့် ပန်းဂေါ်ဖီအစိမ်းဟူ၍နှစ်မျိုးရှိပြီး  အစိမ်းသည် ပိုမိုနူးညံ့ပြီး ဗီတာ မင် ကေပါဝင်မှုအထူးများပြားခြင်းကြောင့် နှလုံးသွေးကြော ကျဉ်းရောဂါ၊ အစာအိမ်ကင်ဆာနှင့် ရင်သားကင်ဆာတို့ကို ပျောက်ကင်းစေနိုင်ကြောင့်သိရှိရပါသည်။ မြိတ်‌ဒေသတွင် ပန်းဂေါ်ဖီအဖြူ ထက် ပန်းဂေါ်ဖီအစိမ်းသည် ပို၍စျေးကောင်းရရှိကြောင်းသိရှိရပါသည်။ ပန်းဂေါ်ဖီဟာ အာဟာရ ဓာတ် အများအပြားပါဝင်သော ကျန်းမာရေးအထောက်အကူပြု ဟင်းသီးဟင်းရွက်ဖြစ်သည်။ မြိတ်ခရိုင်တွင် ပန်းဂေါ်ဖီကို ရန်ကုန်ကုန်စည်ဒိုင်များမှ မှာယူလျက်ရှိပြီး ဒေသရှိ စျေးများတွင် ပြန်လည်ရောင်းချကြသည်။ ပန်းဂေါ်ဖီအဖြူကို ကြော်စား၊ ချက်စားကြပြီး နူးညံ့သဖြင့် လူအများ ကြိုက်နှစ်သက်လျက်ရှိသည်။ မြိတ်ခရိုင်တွင် ယခုဒီဇင်ဘာလ၌ဖြစ်ပေါ်နေသော စျေးနှုန်းအရ ပန်း ဂေါ်ဖီအဖြူ တစ်ပွင့်လျှင် ၄၀၀၀ကျပ်ခန့်နှင့် ပန်ဂေါ်ဖီအစိမ်းတစ်ပွင့်လျှင် ၆၀၀၀ခန့်စျေးရှိပြီး အရွယ် အစားပေါ်မူတည်၍ စျေးနှုန်းကွဲပြားသွားကြောင်းသိရှိရပါသည်။

DOCA(တနင်္သာရီ)

      ရန်ကုန်တိုင်းဒေသကြီး၊ အင်းစိန်ခရိုင်၊ အင်းစိန်မြို့နယ်အတွင်းရှိ အင်းစိန်ဈေးအတွင်း အခြေခံစားသောက်ကုန်ဈေးနှုန်းများဖြစ်သော ဆန်ကြမ်း/ဆန်ချော အမျိုးအစားများအလိုက် ဒီဇင်ဘာလ နောက်ဆုံးပတ်တွင် ဧည့်မထတစ်ပြည်လျှင် ကျပ် ၃၃၀၀ မှ ၃၄၀၀၊ ငစိန်တစ်ပြည်လျှင် ကျပ် ၃၀၀၀ မှ ၃၂၀၀၊ ဇီယာတစ်ပြည်လျှင် ကျပ် ၃၆၀၀ မှ ၃၇၀၀၊ ပေါ်ကျွဲတစ်ပြည်လျှင် ကျပ် ၄၇၀၀ မှ ၄၈၀၀၊ ပေါ်ဆန်းတစ်ပြည်လျှင် ကျပ် ၅၅၀၀ မှ ၅၇၀၀၊ ရွှေဘိုပေါ်ဆန်းမွှေးတစ်ပြည်လျှင် ကျပ် ၆၅၀၀ မှ ၇၀၀၀ တို့ဖြစ်ပြီး စားဖိုဆောင်စားသောက်ကုန်များတွင် စားအုန်းဆီတစ်ပိဿာလျှင် ကျပ် ၆၄၅၀၊ ပဲဆီတစ်ပိဿာလျှင် ကျပ် ၂၀,၀၀၀၊ ကြက်သွန်နီတစ်ပိဿာလျှင် ကျပ် ၂,၂၀၀၊ ကြက်သွန်ဖြူ (ကြူကုတ်)တစ်ပိဿာလျှင် ကျပ် ၂၄,၀၀၀၊  အာလူးတစ်ပိဿာလျှင် ကျပ် ၇,၅၀၀၊ မန်ကျည်းသီး မှည့်တစ်ပိဿာလျှင် ကျပ် ၁၅,၀၀၀၊ ချင်းတစ်ပိဿာလျှင် ကျပ် ၈,၀၀၀၊ ငရုပ်သီးခြောက်(အရှည်) တစ်ပိဿာလျှင် ကျပ် ၂၂,၀၀၀၊ အသား/ငါးဈေးနှုန်းများမှာလည်း မွေးမြူရေးကြက်တစ်ပိဿာ ကျပ် ၂၀,၀၀၀၊ မြန်မာကြက်တစ်ပိဿာကျပ် ၄၀,၀၀၀၊ ဝက်သားတစ်ပိဿာကျပ် ၃၅,၀၀၀၊ ဆိတ်သား တစ်ပိဿာလျှင် ကျပ် ၆၀,၀၀၀၊ ဘဲသားတစ်ပိဿာလျှင် ကျပ် ၃၀,၀၀၀၊ အမဲသားတစ်ပိဿာလျှင် ကျပ် ၃၃,၀၀၀၊ ငါးကြင်းတစ်ပိဿာလျှင် ကျပ် ၂၅,၀၀၀၊ ငါးမြစ်ချင်းတစ်ပိဿာလျှင် ကျပ် ၂၀,၀၀၀၊ ပုစွန်ထုပ်(ကြီး)တစ်ပိဿာလျှင် ကျပ် ၆၀,၀၀၀၊ ပုစွန်ကြော့တစ်ပိဿာလျှင် ကျပ် ၃၀,၀၀၀၊ ကြက်ဥ တစ်လုံးလျှင် ကျပ် ၃၇၀၊ ဘဲဥတစ်လုံးလျှင်ကျပ် ၅၅၀ မှ ၆၀၀ အတွင်းတို့ဖြင့် အရောင်းအဝယ် ဖြစ်လျက်ရှိပါသည်။ ဟင်းသီးဟင်းရွက်များကို တညင်းကုန်းလက်ကားဈေးကြီး နှင့်သီရိမင်္ဂလာဈေး တို့မှ ဝယ်ယူရောင်းချလျက်ရှိကြောင်း သိရှိရ ပါသည်။

      စားအုန်းဆီမှ ရည်ညွှန်းဈေးကျပ် ၆၀၅၀ အပေါ် အခြေခံရောင်းချရ၍ ဈေးနှုန်းအနည်းငယ်ကျကာ အခြေခံစားကုန်များဖြစ်သည့် ကြက်သွန်နီ၊ ကြက်သွန်ဖြူ(ကြူကုတ်)၊ မန်ကျည်းသီးမှည့်၊ ငရုပ်သီးခြောက် (အရှည်)၊ ဆိတ်သားနှင့် ပုစွန်ထုပ်(ကြီး)တို့မှာ ဈေးနှုန်းအနည်းငယ်တက်လျက်ရှိကာ အာလူး၊ ချင်းနှင့မွေးမြူရေးကြက်တို့မှာ ဈေးကျလျက်ရှိပြီး ကျန်စားဖိုဆောင်စား သောက်ကုန်နှင့် အသားငါးတို့မှာ ဈေးနှုန်းတည်ငြိမ်လျက်ရှိရာ ဒီဇင်ဘာလ(၂၃)ရက်အတွက်  ဈေးကွက်စုံစမ်း သိရှိရပါသည်။

DOCA (ရန်ကုန်)