ပြည်တွင်းကုန်သွယ်မှုသတင်း

          မန္တလေးစျေးကွက်သို့ မန္တလေးတိုင်းဒေသကြီးရှိ အမရပူရခရိုင်၊ပြင်ဦးလွင်ခရိုင်၊ကျောက်ဆည် ခရိုင်နှင့်မိတ္တီလာခရိုင်တို့မှထွက်သည့်အသီးများနှင့်စစ်ကိုင်းတိုင်းဒေသကြီးတို့ မှထွက်သည့်ဇီးဖြူသီးများတန်ဆောင်းမုန်းလအတွင်း ဝင်ရောက်မှုများပြားလျက်ရှိပြီး၊  အရောင်းသွက်လျက်ရှိကြောင်း သိရှိရပါသည်။ ၂၀၂၅  ခုနှစ်  နိုဝင်ဘာလပထမပတ်အတွင်း ဖြစ်ပေါ်သည့်စျေးနှုန်းများမှာ  ဇီးဖြူသီး ၁၀လုံးလျှင်အလုံး(ကြီး)၁၄၀၀ကျပ်နှင့် ၁၅၀၀ကျပ်၊အလုံး(လတ်) ၁၀၀၀ကျပ်နှင့် ၁၃၀၀ကျပ်၊ အလုံး (သေး)၈၀၀ကျပ်နှင့် ၉၀၀ကျပ်စျေးတို့ဖြင့် ရောင်းချပြီး၊အလုံးအရွယ်အစားအပေါ်မူတည်၍ စျေးကွာ ခြားမှုရှိကြောင်း သိရှိရပါသည်။ ဇီးဖြူသီးမှာအချဉ်သုတ်၍ ရောင်းချသူများမှ သုံးစွဲမှုများပြားသည့် အတွက်အရောင်းသွက်လျက်ရှိကြောင်း မန္တလေးစျေးချိုတော်ရှိ ကုန်စိမ်းရောင်းချသူ တစ်ဦး၏ ပြောပြချက်အရ သိရှိရပါသည်။

DOCA(မန္တလေး)                                                                                               

          ကုန်စိမ်းစျေးကွက်သို့မန္တလေးတိုင်းဒေသကြီးရှိအမရပူရခရိုင်၊ပြင်ဦးလွင်ခရိုင်၊ ကျောက်ဆည် ခရိုင်နှင့်မိတ္တီလာခရိုင်တို့မှ ထွက်သည့်ကုန်စိမ်းများ၊ စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ဆောင်းဦးရာသီပန်းငရုတ်ပွနှင့် ငရုတ်သီးစိမ်းများ ဝင်ရောက်လျှက်ရှိပြီး၊ ပြောင်းလဲမှု မရှိဘဲစျေးငြိမ်နေကြောင်းသိရှိရပါသည်။မန္တလေးတိုင်းဒေသကြီးအတွင်း၂၀၂၄-၂၀၂၅ခုနှစ်တွင် ငရုတ် သီး စိုက်ပျိုးမှု ၁၀၈၉၇၃ ဧက၊ ရိတ်သိမ်းမှု ၉၇၆၆၂ ဧက၊ အထွက်နှုန်း ၂၈၃.၁၀ တင်း၊ အထွက်ပေါင်း ၂၇၆၄၉၄၁၀ တင်းထွက်ရှိကြောင်း သိရှိရပါသည်။ စျေးကွက်အတွင်း ဝင်ရောက်လျှက်ရှိသည့် ငရုတ် သီး စိမ်းအမျိုးအစားများမှာ ကုလားအော်ငရုတ်၊ လျှာဂျွန်းထိုးငရုတ်၊ ငရုတ်ရှည်နှင့် ငရုတ်ပွသီး များတွေ့ရှိရပြီး၊ အလေးချိန်ဖြင့် ရောင်းချသကဲ့သို့ ငရုတ်ပွလုံးလေးများအား အလုံးအရွယ် အစား အလိုက်ရောင်းချကြောင်း တွေ့ရှိရပါသည်။ မန္တလေးမြို့၊ သီရိမာလာစျေးနှင့် ၄၁လမ်းစျေးရှိ ကုန်စိမ်း စျေးကွက်တွင် ၂၀၂၅ ခုနှစ် နိုဝင်ဘာလပထမဆုံးပတ်အတွင်း ဖြစ်ပေါ်သည့် ငရုတ်သီးပွ (လုံးသေး) စျေးနှုန်းများမှာ ၁ပိဿာလျှင် လက္ကားစျေး ၆၀၀၀ ကျပ် နှင့် ၇၀၀၀ ကျပ်၊ လက်လီ စျေး ၈၀၀၀ ကျပ် နှင့် ၉၀၀၀ကျပ်၊ ပန်းငရုတ်ပွ(လုံးသေး) တစ်ခုချင်းစျေးအနေဖြင့် ၃၀၀ ကျပ်နှင့် ၅၀၀ကျပ် ၊ မိုးထောင် ငရုတ်ရှည် ၁ပိဿာလျှင် လက္ကားစျေး ၄၀၀၀ ကျပ်နှင့် ၄၅၀၀ ကျပ်၊ လက်လီစျေး ၅၀၀၀ ကျပ်နှင့် ၆၀၀၀ ကျပ်၊ ကချင်သီးငရုတ်မှာ လက္ကားစျေး ၅၀၀၀ ကျပ်နှင့် ၆၅၀၀ ကျပ်၊လက်လီစျေး ၇၀၀၀ ကျပ်နှင့် ၇၅၀၀ ကျပ်စျေးတို့ဖြင့် ရောင်းချလျက်ရှိကြောင်း သိရှိရပါသည်။

DOCA(မန္တလေး)                                                                                               

            ကုန်စိမ်းစျေးကွက်သို့ ဆောင်းဦးရာသီချိန်အတွင်း ပန်းငရုတ်သီးပွနှင့် ငရုတ်သီးစိမ်းများ ဝင်ရောက်မှု အနည်းငယ်လျော့နည်းသွားသော်လည်း စျေးငြိမ်နေကြောင်း သိရှိရပါသည်။  မန္တလေးတိုင်းဒေသကြီးအတွင်း ၂၀၂၄-၂၀၂၅ခုနှစ်တွင် ငရုတ်သီးစိုက်ပျိုးမှု ၁၀၈၉၇၃ ဧက၊ ရိတ်သိမ်းမှု ၉၇၆၆၂ ဧက၊ အထွက်နှုန်း ၂၈၃.၁၀ တင်း၊အထွက်ပေါင်း ၂၇၆၄၉၄၁၀ တင်း ထွက်ရှိကြောင်း သိရှိရပါသည်။အမရပူရခရိုင်၊ပြင်ဦးလွင်ခရိုင်၊ ကျောက်ဆည် ခရိုင်နှင့်မိတ္တီလာခရိုင်တို့မှ ထွက်သည့် ကုန်စိမ်းများ၊ စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ပန်းငရုတ်ပွနှင့် ငရုတ်သီး စိမ်းများဝင်ရောက်လျက်ရှိပြီး၊စျေးငြိမ်နေကြောင်း သိရှိရပါသည်။ စျေးကွက်အတွင်း ပန်းငရုတ်ပွ များကို အစိမ်းရောင်၊ အဝါရောင်၊ အနီရောင်၊ ခရမ်းရောင်၊ မရမ်း ရောင်နှင့်လိမေ္မာ်ရောင်တို့ တွေ့ရှိရ ပြီး၊ အလေးချိန်ဖြင့် ရောင်းချခြင်းနှင့် အလုံးအရွယ်အစားအလိုက် ရောင်းချခြင်းဟူ၍ နှစ်မျိုးတွေ့ ရှိရပါသည်။ မန္တလေးမြို့၊ သီရိမာလာစျေးနှင့် ၄၁လမ်းစျေးရှိ ကုန်စိမ်းစျေးကွက်တွင် ၂၀၂၅ခုနှစ် နိုဝင် ဘာလပထမပတ်အတွင်းဖြစ်ပေါ်သည့်ငရုတ်သီးပွစျေးနှုန်းများမှာ  ၁ပိဿာလျှင် လက္ကားစျေး ၅၅၀၀ ကျပ်နှင့် ၆၀၀၀ ကျပ်၊ လက်လီစျေး  ၇၅၀၀ ကျပ်နှင့် ၈၀၀၀ကျပ်၊ပန်းငရုတ်ပွ တစ်ခုချင်း စျေး အနေဖြင့် ၃၀၀ ကျပ်နှင့် ၅၀၀ ကျပ်စျေးတို့ဖြင့် ရောင်းချ လျက်ရှိပြီး၊ အောက်တိုဘာလ နောက်ဆုံး ပတ်စျေးနှင့်နှိုင်းယှဉ်ပါက ပေါက်စျေးကွာခြားမှုမရှိကြောင်း သိရှိရပါသည်။  သီရိမာလာစျေးအတွင်း နေ့စဉ် ကုန်စိမ်းသီးနှံဝင်ရောက်မှုမှာ ကုန်စည်အမျိုး အစား အလိုက် Canter ၁၂ဘီးနှင့်၆ဘီး) ယာဉ် (၄၀) စီးနှင့်(၆၀) စီးအကြား ဝင်ရောက်လျှက်ရှိကြောင်း သိရှိရပါသည်။

DOCA(မန္တလေး)                                                                                               

            မန္တလေးစျေးကွက်အတွင်းသို့ မြစ်ကြီးနား၊ရွှေကူ၊ကသာ၊မတ္တရာနှင့်ဆည်တော်လေးဒေသတို့မှ တန်ဆောင်းမုန်းပုရစ်များ ဝင်ရောက်မှုများပြားလျက်ရှိပြီး၊  အရောင်းသွက်လျက်ရှိကြောင်း သိရှိရပါသည်။ ပုရစ်စျေးကွက်အနေဖြင့် မိုးပုရစ်နှင့်ဆောင်းပုရစ်နှစ်မျိုးရှိရာ မိုးပုရစ်မှာ အထီးနှင့်အမ စျေးကွာခြားမှုမရှိဘဲရောင်းချလျက်ရှိကြောင်းသိရှိရပါသည်။ ဆောင်းပုရစ်မှာ သီးတင်းကျွတ်လဆန်းပိုင်း မှစ၍ စတင်ဝင်ရောက် လျက်ရှိပြီး၊ပုရစ်အမများတွင် ဥပါဝင်မှုများသဖြင့်  လူကြိုက်များသကဲ့သို့ စျေး အနည်းငယ်မြင့်ကြောင်းသိရှိရပါသည်။ မန္တလေး‌မြို့၊ရေကြည်ညောင်ပင်စျေးရှိဆောင်းပုရစ်စျေးကွက် တွင်  ၂၀၂၅  ခုနှစ် နိုဝင်ဘာလပထမပတ်အတွင်း လက္ကားစျေးမှာ  ပုရစ်အကောင်ကြီး (၂၀၀ပါ) တစ် ထုပ်လျှင်   ပုရစ်(အမ) ၅၅၀၀၀ ကျပ်နှင့် ၅၈၀၀၀ ကျပ်၊ ပုရစ်(အထီး) ၂၅၀၀၀ ကျပ်နှင့် ၂၇၀၀၀ ကျပ်၊   သဲပုရစ် ခေါ်ပဲပုရစ်(အကောင်သေး) (၂၀၀ပါ)တစ်ထုပ်လျင် ၁၅၀၀၀ကျပ် နှင့် ၁၆၀၀၀ ကျပ်၊ လက်လီ စျေးမှာ ပုရစ်အကောင်ကြီး(၁၀၀)လျှင်ပုရစ်(အမ) ၂၈၀၀၀ကျပ်နှင့်၃၀၀၀၀ကျပ်၊ပုရစ်(အထီး)၁၄၀၀၀ ကျပ် နှင့် ၁၅၀၀၀ ကျပ်၊ သဲပုရစ်(အကောင်သေး)(၁၀၀)လျှင် ၈၀၀၀ ကျပ်နှင့် ၈၅၀၀ ကျပ်စျေးတို့ဖြစ်ပေါ်လျက်ရှိပြီး၊ အောက်တိုဘာလနောက်ဆုံးပတ်စျေးနှင့်နှိုင်းယှဉ်ပါက ပုရစ်ဝင်ရောက်မှုများပြားလာသည့်အတွက် စျေးအနည်းငယ်ကျဆင်းသွားကြောင်း သိရပါတယ်။   

DOCA(မန္တလေး)                                                                                               

            ဇော်စိမ်း၊ ဇော်ကျား၊ ဇော်လုံး စသည့်ပန်းပင်များမှာ အမျိုးအစားတူညီကြပြီး မြန်မာလူမျိုး တို့နဲ့ ရင်နှီးသော ပန်းပင်များဖြစ်ပါသည်။ ဇော်စိမ်းကို အချို့သောဒေသများမှာ ကျောက်စိမ်းပင်၊ ကျောက်စိမ်းပန်း၊ နှစ်တစ်ရာပန်း ဟူ၍လည်း ခေါ်ဆိုကြပါသည်။ ပတ်ဝန်းကျင်မှာ အလေ့ကျ ပေါက်ရောက်တတ်သလို ဘုရားပန်းထိုးရန်အတွက် မိမိ၏ နေအိမ်ခြံဝန်းအတွင်း၌လည်း အလွယ် တကူ စိုက်ပျိုးနိုင်တဲ့ ပန်းပင်များဖြစ်ပါသည်။ ယနေ့ခေတ်မှာတော့ ဇော်စိမ်းကို Lucky Bamboo လို့ခေါ်တဲ့ ကံကောင်းလာဘ်ရွှင်စေတဲ့ အိမ်တွင်းအလှစိုက်အပင်အဖြစ်နဲ့ စိုက်ပျိုးနေကြပြီဖြစ်ပါသည်။ ဇော်စိမ်းပင်တွေဟာ သဘာဝအရ အကြမ်းခံပြီး အိမ်တွင်း အိမ်ပြင် အလွယ်တကူစိုက်ပျိုးနိုင်သည့်  အပင်များဖြစ်ပါသည်။ မြေအမျိုးအစားနဲ့ ရာသီမရွေးစိုက်ပျိုးနိုင်တဲ့ အပင်ဖြစ်ပါသည်။ အပင်ပိုင်း မျိုးပွားနည်းနဲ့ကိုင်း၊ အတက်တို့ကိုမြေကြီးထဲထိုးစိုက်ထားရုံနဲ့ ရှင်သန်ကြီးထွားနိုင်ကြပါသည်။ 

           အပင်ရဲ့ပတ်လည်မှာ အမြစ်တွေ ကြီးထွားပွားများနိုင်ဖို့အတွက် သင့်တင့်တဲ့နေရာရနိုင်မယ့် ပန်းအိုးဖြစ်ဖို့လိုပါသည်။ ပြီးရင်မိမိမှာရှိတဲ့ အပင် (သို့မဟုတ်) ကိုင်းကို အိုးထဲထည့်စိုက်ပြီး စိုက်ပျိုး နိုင်ပါသည်။ မိမိအိမ်မှာ ကံကောင်းလာဘ်ရွှင် စေဖို့(သို့မဟုတ်) ဘုရားပန်းကပ်လှူဖို့အတွက် တစ်နိုင်တစ်ပိုင်စိုက်ပျိုး ထားနိုင်ပါသည်။ ဒါ့အပြင် လေသန့်ပင်အမျိုးအစားထဲမှာလည်း ပါဝင်တာကြောင့် အိမ်တွင်းအလှစိုက်အပင်အနေနဲ့လည်း စိုက်ပျိုးနိုင်ပါသည်။ နွေရာသီတွင် အပူချိန်အလွန်ပြင်းသဖြင့် ဘုရားပူဇော်ရာတွင် အပွင့်ပန်းများ အစား တာရှည်ခံသည့် ဇော်စိမ်း(ခေါ်)အုန်းစိမ်းပန်းများဖြင့် ပူဇော်ကြသဖြင့် ၎င်းပန်းများမှာ အရောင်းသွက်လျက်ရှိပါသည်။ဇော်စိမ်းပန်းတွင် ပလပ်စတစ်အလှပန်းပွင့်များဖြင့် မွမ်းမံထားသော ပန်းများမှာ ၅ ပင်စည်း တစ်စည်းလျှင်(၂၀၀၀)ကျပ်၊ ရိုးရိုးဇော်စိမ်း/ဇော်ကြားပန်းများမှာ ၅ ပင်စည်းတစ်စည်း (၁၅၀၀) ကျပ်ဖြင့် အရောင်းသွက်လျက်ရှိကြောင်း မန္တလေးမြို့၊ မြို့ဟောင်းဈေးရှိ ဘုရားပန်းအရောင်းဆိုင်များမှ သိရပါသည်။

DOCA (မန္တလေး)