ပြည်တွင်းကုန်သွယ်မှုသတင်း

   ငွေနှင်းမှိုကို မြင်းခြံမြို့၊ မြို့သစ်ရပ်တွင် အများဆုံးစိုက်ပျိုးပြီး ဒေသတွင်းဖြန့်ဖြူးရောင်းချ လျက်ရှိပြီး  သဘာဝထွက် မှိုများမပေါ်သောအချိန်တွင် ဈေးကွက်ဝယ်လိုအားကောင်းသဖြင့် မန္တလေးဈေးကွက်မှ ဝင်ယူရောင်းချကြောင်းသိရသည်။ငွေနှင်းမှိုသည် အအေးဓာတ်ကို ကြိုက်နှစ် သက်သောမှိုဖြစ်ပြီး ယခင်က ပြင်ဦးလွင်ဒေသတွင် အများဆုံးစိုက်ပျိုးကြပြီး ယခုအခါ ဒေသ စုံစိုက်ပျိုးလာကြောင်း သိရသည်။ငွေနှင်းမှိုသည် နွေရာသီတွင် အထွက်နှုန်းကောင်းပြီး ဆောင်းရာ သီတွက် လူများလိုပင် ချမ်း၍ ကွေးနေသလိုပဲ အထွက်နှုန်း နည်းကြောင်း သိရသည်။ သန့်ရှင်းသော ပတ်ဝန်းကျင်တွင် ထားရှိရပြီး မှိုခူးရာတွင်လည်း သန့်ရှင်းစွာ ခူးရသည်။ ငွေနှင်းမှို ကို ငရုတ်သီးစိမ်းနှင့် အရည်ချို ချက်ပြုတ်၍လည်းကောင်း၊ မှိုနှင့်ကန်စွန်းရွက်ရော၍ ကြော်ချက်၍ လည်းကောင်း စသည့်ဖြင့် ချက်ပြုတ်စားသောက်မှုများပြားကြသောကြောင့် ပုံမှန်ရောင်းအား ကောင်းကြောင်း သိရသည်။ မြင်းခြံမြို့ အေးမြသီတာဈေး၊ မြို့မစည်ပင်သာယာဈေးနှင့် စံပြဈေးတို့တွင် သီးနှံများစုံလင်စွာရောင်းချလျက်ရှိရာ ငွေနှင်းမှိုမှာလည်းတစ်ခု အပါအဝင်ဖြစ် ပါသည်။ ဒီဇင်ဘာလ ပထမပတ်တွင် အေးမြသီတာဈေးရှိ ငွေနှင်းမှိုဈေးနှုန်းမှာ (၁၀) ကျပ်သားလျှင် (၁၅၀၀/ ၁၃၀၀)ကျပ်နှင့် တစ်ပိဿာလျှင် (၁၄၀၀၀/၁၁၀၀၀)ကျပ်ဖြင့် ရောင်းချလျက်ရှိကြောင်း၊ ရာသီအလိုက်မှိုထွက်နှုန်းကောင်းချိန်မကောင်းချိန်နှင့် သဘာဝမှိုများ ပေါ်ထွက်ချိန်တို့အလိုက် ဈေးနှုန်းအတက်အကျရှိကြောင်း သီးနှံရောင်းချသူတစ်ဦးထံမှ သိရသည်။

DOCA(မန္တလေး)

     ကုလားပဲသည် ကျန်းမာရေးနှင့် ညီညွတ်သည့် သီးနှံတစ်မျိုးဖြစ်သည့်အပြင် စားသောက် ချက်ပြုတ်ရာတွင် လွယ်ကူအဆင်ပြေသော ပဲတစ်မျိုးဖြစ်သည့်အတွက် စားသောက်သုံးစွဲသူ များပါသည်။ ကုလားပဲကို ကြာဇံဖြင့် ဟင်းချိုချက်စားခြင်းဖြင့် လည်းကောင်း၊ သီးစုံပဲကုလားချဉ် ဟင်းချက်ပြုတ်စားခြင်းဖြင့် လည်းကောင်း၊ ကုလားပဲနှပ်ချက်စားခြင်းဖြင့် လည်းကောင်း၊ အလှူမင်္ဂလာပွဲများတွင်လည်း အသုံးပြုများသော ကုလားပဲနှပ် ချက်၍ လည်းကောင်း၊ ကုလားပဲ ကြော် ကြော်၍ လည်းကောင်း စားသောက်အသုံးပြုမှုများခြင်းကြောင့် မြို့ပေါ်ရှိ ဈေးဆိုင်အများစုမှာ ကုလားပဲခြမ်း ရောင်းချသည့်ဆိုင်များကြောင်း သိရသည်။ မြင်းခြံမြို့ ကုလားပဲခြမ်းလက်လီ ဈေးနှုန်းမှာ  နို့ဆီဘူးတစ်ဘူးလျှင်(၁၁၀၀)ကျပ်နှင့် တစ်ပြည်(၈ဘူး) (၈၀၀၀)ကျပ် ဖြင့် အရောင်း အဝယ်ဖြစ်လျက်ရှိကြောင်း သိရသည်။

DOCA(မန္တလေး)

   မြင်းခြံမြို့သည် စိုက်ပျိုးရေးကို အခြေခံသောမြို့နယ်တစ်ခုဖြစ်ပြီး နှမ်း၊ မြေပဲ၊ နေကြာ၊ ပဲစဉ်းငုံ၊ ဝါ၊ ပဲတီစိမ်း၊  ပဲပုတ်၊ ကုလားပဲ စသည့်ဖြင့် သီးနှံမျိုးစုံစိုက်ပျိုးကြရာ ယခုအခါ နိုဝင်ဘာ လဆန်းပိုင်းတွင် အများဆုံးအရောင်းအဝယ်ဖြစ်သော သီးနှံမှာ မြေပဲသည်သာ အများဆုံးဖြစ် ကြောင်း သိရပါသည်။ ၂၀၂၅ ခုနှစ် ဒီဇင်ဘာလ ပထမပတ်တွင် ဖြစ်ပေါ်နေသော သီးနှံဈေးနှုန်း များမှာ ပဲစဉ်းငုံ တစ်ပိဿာလျှင် (၃၇၅၀)ကျပ်၊ ကုလားပဲ (V2) တစ်ပိဿာလျှင် (၃၈၀၀) ကျပ်၊ ပဲဇီးကွက် တစ်ပိဿာလျှင် (၆၅၀၀)ကျပ် ၊ ပဲပုတ် တစ်ပိဿာလျှင် (၅၈၅၀) ကျပ်၊ မြေပဲလုံးဆံ တစ်ပိဿာလျှင် (၈၀၀၀ မှ ၈၁၀၀ ) ကျပ်၊ ပြန့်လုံးဆံ တစ်ပိဿာလျှင်( ၈၀၀၀ မှ ၈၂၀၀) ကျပ်၊ ဒေသအခေါ် တပေါက်ကျ တစ်ပိဿာလျှင် (၇၈၀၀ မှ ၇၈၅၀ )ကျပ်၊ ဆီဆံ တစ်ပိဿာလျှင် (၇၅၀၀ မှ ၇၆၅၀) ကျပ်၊ နှမ်းညို တစ်ပိဿာလျှင် (၅၈၀၀) ကျပ် ဖြင့် အရောင်းအဝယ်ဖြစ်လျက်ရှိကြောင်း၊ နိုဝင်ဘာလ နောက်ဆုံးပတ်တွင် ပဲစဉ်းငုံ တစ်ပိဿာလျှင် (၃၈၅၀)ကျပ်၊ ကုလားပဲ (V2) တစ်ပိဿာလျှင် (၃၉၀၀) ကျပ်၊ ပဲဇီးကွက် တစ်ပိဿာလျှင် (၆၅၀၀)ကျပ် ၊ ပဲပုတ် တစ်ပိဿာလျှင် (၆၀၀၀) ကျပ်၊ မြေပဲလုံးဆံ တစ်ပိဿာလျှင် (၈၀၀၀ မှ ၈၁၀၀) ကျပ်၊ ပြန့်လုံးဆံ တစ်ပိဿာ လျှင်(၈၀၀၀ မှ ၈၂၀၀) ကျပ်၊ ဒေသအခေါ် တပေါက်ကျ တစ်ပိဿာလျှင် (၇၈၀၀ မှ ၇၈၅၀)ကျပ်၊ ဆီဆံ တစ်ပိဿာလျှင် (၇၅၀၀ မှ ၇၆၅၀) ကျပ်၊ နှမ်းညို တစ်ပိဿာလျှင် ( ၅၈၀၀) ကျပ် အရောင်းအဝယ်ဖြစ်ခဲ့ကြောင်း၊ ယခင်ပတ်ထက် သီးနှံဈေးနှုန်းများ အနည်းငယ်ကျဆင်းကြောင်း သိရပါသည်။

DOCA(မန္တလေး)

          ငါန်းဇွန်မြို့နယ်သည် လယ်ယာစိုက်ပျိုးရေးကို အဓိကလုပ်ကိုင်သောမြို့နယ်တစ်မြို့ဖြစ်ပြီး ဆီထွက်သီးနှံများ ဖြစ်သော မြေပဲ၊ နှမ်း၊ နေကြာနှင့် ပန်းနှမ်းတို့ကိုလည်း အဓိက စိုက်ပျိုးကြောင်း သိရသည်။ ၂၀၂၅-၂၀၂၆ ခုနှစ် ဆောင်းမြေပဲ လျာထားဧက (၃၃၂၃)ဧက လျာထားခဲ့ပြီး စိုက်ပျိုးမှု(၂၇၃၄)ဧက စိုက်ပျိုးထားကြောင်း သိရသည်။ ယခင်နှစ် ဆောင်းမြေပဲ လျာထားဧက (၃၃၁၅)ဧက၊ စိုက်ပျိုးဧက(၃၃၀၁)ဧက အထွက်နှုန်းမှာ (၆၃.၁၀)တင်းနှင့် အထွက်တင်း ပေါင်း(၂၀၈၂၉၃)တင်း ထွက်ရှိခဲ့ကြောင်း သိရသည်။ ငါန်းဇွန်မြို့နယ်သည် မိုးကောင်း ရေသောက် မြို့နယ်ဖြစ်သောကြောင့် စိုက်ပျိုးသောမျိုးများမှာ ဆင်း-၁၁၊ SP- 121 မျိုးနှင့် ကျောင်းကုန်းမျိုးများကိုသာ  အများဆုံးစိုက်ပျိုးကြောင်း သိရသည်။  ယခင်နှစ် ပေါ်စချိန်တွင် မြေပဲတောင့်  တစ်တင်းလျှင် ဈေးနှုန်းမှာ (၃၅၀၀၀)ကျပ်ဖြင့် ကျေးရွာများသို့ တိုက်ရိုက်ဝယ်ယူသော ပွဲစားများရှိသလို မန္တလေးမြို့သို့ ဆီဆံခွဲ၍ ရောင်းချကြောင်း သိရသည်။

DOCA(မန္တလေး)

   ငါန်းဇွန်မြို့နယ်သည် လယ်ယာစိုက်ပျိုးရေးကို အဓိကလုပ်ကိုင်သောမြို့နယ် တစ်မြို့ဖြစ်ပါ သည်။ ၂၀၂၄-၂၀၂၅ ခုနှစ်တွင် အစေ့ထုတ်ပြောင်းလျာထားဧက (၂၇၄၂)ဧက  လျာထားခဲ့ပြီး စိုက်ပျိုးဧက (၃၆၆၉)ဧက စိုက်ပျိုးခဲ့ပြီး အထွက်နှုန်းအနေဖြင့် (၇၈.၉၀)တင်း ထွက်ရှိပြီး အထွက်တင်းပေါင်း(၂၈၉၄၈၄)တင်း ထွက်ရှိကြောင်း သိရသည်။ ၂၀၂၅-၂၀၂၆ ခုနှစ် အစေ့ထုတ် ပြောင်းလျာထားဧက(၃၆၆၉)ဧက လျာထားခဲ့ပြီး စိုက်ပျိုးမှု(၄၂၅၉) ဧက စိုက်ပျိုးထာပြီး ဒီဇင်ဘာ လဆန်းထိ ရိတ်သိမ်းပြီးစီးမှုအနေဖြင့် (၇၂၀)ဧက ပြီးစီး၍ အထွက်နှုန်းမှာ(၇၈.၇၀)တင်းနှင့် အထွက် နှုန်းပေါင်း (၅၆၆၆၄)တင်းထွက်ရှိကြောင်း သက်ဆိုင်ရာဌာနစာရင်းအရ သိရှိရသည်။ ငါန်းဇွန်မြို့ နယ်သည် မိုးကောင်းရေသောက် မြို့နယ်ဖြစ်သောကြောင့် နွားစာတိရစ္ဆာန်အစာရှားပါး သောကြောင့် ဖူးစားပြောင်းရိုးများကို နွေရာသီနွားစာရှားပါးချိန် နွားစာဖူလုံရန်အတွက် အများဆုံး စိုက်ပျိုး ကြကြောင်း သိရသည်။ ကျောက်ဆည်မြို့နယ်၊ မြစ်သားမြို့နယ်နှင့် တံတားဦးမြို့နယ် များတွင် ဆည်ရေဖြင့်စိုက်ပျိုးသော နှမ်းစိုက်ခင်းများ  ပေါ်ချိန်တွင် နွားစာများ သွားရောက်ဝယ်ယူရပါ ကြောင်း သိရသည်။

DOCA(မန္တလေး)