ပြည်တွင်းကုန်သွယ်မှုသတင်း

       ကျွန်းလှမြို့တွင်  ကုန်မျိုးစုံရောင်းဝယ်ရေးဆိုင်များ နှင့် မြို့တွင်းရပ်ကွက်ဈေးများတွင် မလိုင်လုံးနှင့် မလိုင်ချောင်းကလေးများကို မန္တလေးမြို့တို့မှ တဆင့်မှာယူ ရောင်းချလျက်ရှိကြောင်း သိရှိရပါသည်။

         ၂၀၂၅ ခုနှစ်၊ စက်တင်ဘာလ ပထမပတ်အတွင်း ကုန်မျိုးစုံ ရောင်းချသည့်ဆိုင်များတွင် ရောင်းချနေ‌သော မလိုင်လုံး ဈေးနှုန်းအနေဖြင့် မလိုင်လုံး လက္ကား တစ်ပိဿာလျှင်(၁၂၀၀၀)ကျပ်၊ လက်လီ တစ်ပိဿာလျှင်(၁၃၀၀၀)ကျပ်၊ (၅၀)ကျပ် သားလျှင်(၆၅၀၀)ကျပ်နှင့် မလိုင်လုံး(၂၅) ကျပ်သား လျှင်(၃၅၀၀)ကျပ် ဈေးနှုန်းတို့ဖြင့် ရောင်းချလျက် ရှိကြောင်း ကျွန်းလှမြို့ ကုန်မျိုးစုံရောင်း ချနေသည့် လုပ်ငန်းရှင်များထံမှ သတင်း ရရှိပါသည်။

DOCA (စစ်ကိုင်း)

       ကျွန်းလှမြို့နယ်အတွင်းရှိ ကျေးရွာများမှ စိုက်ပျိုးရေးနှင် မွေးမြူရေးလုပ်ငန်းကို လုပ်ကိုင် ကြာရာမှ ရာသီအလိုက် စားဖိုဆောင်သီးနှံများကို မြေအောက်ရေတင် စနစ်ဖြင့် စိုက်ပျိုးရောင်းချ လျက်ရှိရာမှ မြင်းခွာရွက်ကိုလည်း အနည်းငယ်မျှသာ စိုက်ပျိုးထားသော်လည်း သဘာဝအရ မျိုးပွားသည့်အတွက် နေ့စဉ်ခူးဆွတ်ပြီး   ကျွန်းလှမြို့၊ သစ်ရာမြိုင်‌ဈေး ကွက်အတွင်းသို့ လာရောက် ပို့ဆောင် ရောင်းချရကြောင်း သိရှိရပါ သည်။

      ၂၀၂၅ ခုနှစ်၊ စက်တင်ဘာလ ပထမပတ်အတွင်း ကျွန်းလှမြို့၊ သစ်ရာမြိုင်ဈေးတွင် ရောင်းချ လျက် ရှိသောမြင်းခွာရွက် ဈေးနှုန်းမှာ မြင်းခွာရွက် တစ်ပိဿာလျှင်(၁၅၀၀၀)ကျပ်၊ မြင်းခွာရွက် (၅၀)ကျပ်သားလျှင်(၈၀၀၀)ကျပ်၊ မြင်းခွာရွက် တစ်ပုံလျှင်(၁၀၀၀)ကျပ်ဈေးနှုန်း တို့ဖြင့်လည်း ကောင်း၊ ပူစီနံနံရွက် လက်တွင်းတစ်ဆုပ်စာ တစ်ပုံလျှင်(၃၀၀)ကျပ်(၂)ပုံလျှင်(၅၀၀)ကျပ် ဈေးနှုန်း တို့ဖြင့်လည်းကောင်း အလားတူပင်  မုန့်ညှင်းရွက် တစ်စီးလျှင်(၃၀၀)ကျပ်၊ မုန့်ညှင်းရွက်(၂)စီးလျှင် (၅၀၀)ကျပ် နှင့် မုန့်ညှင်းရွက်(၄)စီးလျှင်(၁၀၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း သိရသည်။

DOCA (စစ်ကိုင်း)

     ကျွန်းလှမြို့နယ်အတွင်းရှိ ကျေးရွာများတွင် ဒေသထွက် ပေါ်ဦးပေါ်ဖျား မျှစ်စိမ်းများကို  ရှာဖွေ၍ ဈေးကွက်အတွင်းသို့ ရောင်းချကြသလို ရောင်းချမကုန်သည်များကို ဟင်းရှားပါးသည့် အရာသီများ အတွက် အခြောက်လှမ်းထားပြီး ယခုလို ဩဂုတ်လ စတုတ္ထပတ်လောက်တွင် ပေါ်ဦးပေါ်ဖျား မျှစ်ခြောက် ကို စတင်ရောင်းချလျက်ရှိကြောင်း သိရှိရပါသည်။

       ၂၀၂၅ ခုနစ်၊ စက်တင်ဘာလ ပထမပတ်တွင် မျှစ်ခြောက်ဈေးနှုန်းအနေဖြင့် တစ်ပိဿာလျှင် (၂၆၀၀၀)ကျပ်၊ (၅၀)ကျပ် သားလျှင်(၁၃၀၀၀)ကျပ်၊ (၂၅)ကျပ်သားလျှင်(၆၅၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး ယခင်အပတ်ထက် မျှစ်ခြောက်ဈေးနှုန်း တစ်ပိဿာလျှင်(၂၀၀၀)ကျပ် ဈေးနှုန်း ကျဆင်းလျက်ရှိကြောင်းသိရသည်။

DOCA (စစ်ကိုင်း)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာ ဝန်ခံရုံးအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုး တိုးတက် ရေးလုပ်ငန်းများကိုပါဆောင်ရွက်လျှက်ရှိရာ ကျွန်းလှမြို့နယ်အတွင်းရှိကျေးရွာများတွင် တစ်ပိုင်တစ်နိုင် အနေဖြင့် ရိုးရိုးဗမာပြောင်းဖူးပင်များကို မိမိတို့ တောင်ယာများတွင် စိုက်ပျိုးလျက်ရှိကြောင်းသိရသည်။

     ၂၀၂၅ ခုနှစ်၊ စက်တင်ဘာလ ပထမပတ်တွင် ကျွန်းလှမြို့တွင် ရောင်းချနေသော ရိုးရိုးဗမာပြောင်းဖူး ဈေးနှုန်းများမှာ ရိုးရိုးဗမာပြောင်းဖူး အဖူးကြီး တစ်ဖူးလျှင်(၃၀၀)ကျပ်၊ အဖူးသေး တစ်ဖူးလျှင် (၂၅၀)ကျပ်၊ ငွေကျပ်(၁၀၀၀)ဖိုးလျှင်(၄)ဖူး ဈေးနှုန်းတို့ဖြင့် အ‌ရောင်းအဝယ်ဖြစ်လျက်ရှိလျက်ရှိကြောင်း သတင်းရရှိပါသည်။

DOCA (စစ်ကိုင်း)

     ကျွန်းလှမြို့နယ်အတွင်း ကုန်ဈေးနှုန်းများ အနည်းငယ်မြင့်တက်လျက်ရှိရာမှ အသား/ငါး ဈေးနှုန်း များထဲမှ ပုဇွန်ထုတ် ဈေးနှုန်းသည်လည်း မြင့်တက်လျက်ရှိရာမှပုဇွန်ထုတ်များကို  ဧရာဝတီတိုင်းဒေသ ကြီး၊ မွန်ပြည်နယ် မော်လမြိုင်မြို့နှင့် ရန်ကုန်တိုင်းဒေသကြီးတို့မှ  တစ်ဆင့်ဝယ်ယူရောင်းချကာ ထမင်းဆိုင်များ၊ စားသောက်ဆိုင်များ နှင့် စားဖွယ်စုံရောင်းချသည့် ဆိုင်မျာမှဝယ်ယူအသုံးပြုနေသည့် အတွက် ဈေးကောင်းရရှိနေကြောင်း သိရသည်။

    ၂၀၂၅ ခုနစ်၊ စက်တင်ဘာလ ပထမပတ်တွင် ကျွန်းလှမြို့၏ ပုဇွန်ထုတ် ဈေးနှုန်းများ အနေဖြင့် လက္ကား ဈေး(၁)ပိဿာလျှင်(၅၈၀၀၀)ကျပ်၊ လက်လီဈေး (၁)ပိဿာ လျှင် (၆၀၀၀၀)ကျပ်၊ (၅၀)ကျပ် သားလျှင်(၃၀၀၀၀)ကျပ်၊ (၂၅)ကျပ်သားလျှင်(၁၅၀၀၀)ကျပ် ဈေးနှုန်းဖြင့် ရောင်းချလျက်ရှိပြီး ယခင် အပတ်ထက် ပုဇွန်ထုတ်ဈေး တစ်ပိဿာလျှင်(၃၀၀၀)ကျပ် ကျဆင်းလျက်ရှိကြောင်း သိရသည်။

DOCA (စစ်ကိုင်း)