ပြည်တွင်းကုန်သွယ်မှုသတင်း

     မုံရွာမြို့၊ ကျောက္ကာလမ်းဘေးတစ်လျောက်တွင် တွင်းမဒေသထွက် အုန်းသီးများ အဓိက ဝင်ရောက်လျက်ရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။  အုန်းပင်ကို  အရွက်အလက်မှစ၍ အုန်းမြစ်အထိ လူသုံးကုန်ပစ္စည်းအမျိုးမျိုးလည်း ပြုလုပ်နိုင်ပါသည်။ အုန်းသီးအသားကို စားသောက်ကုန်အမျိုးမျိုး အသုံးပြုနေကြပြီး အုန်းစိမ်းရည်ကို ကျန်းမာရေးအရ ဆေးဖက်ဝင်အဖြစ် သောက်သုံးနေကြပြီးလည်း ဖြစ်ပါသည်။

   မုံရွာမြို့၊ ကျောက္ကာလမ်းဘေးတွင် စက်တင်ဘာလ ဒုတိယပတ်၌ ဖြစ်ပေါ်နေသော အုန်းသီးဈေးနှုန်းများမှာ အုန်းစိမ်းရေသောက် အုန်းသီး အနု/အရင့် ပေါ်မူတည်၍  အုန်းသီး တစ်လုံးလျှင် (၂၅၀၀)ကျပ်မှ (၃၂၀၀)ကျပ်အထိ အကြီး/ အသေးပေါ်မူတည်၍ မုံရွာမြို့၊ ကျောက္ကာလမ်း‌ဘေးတစ်လျောက်တွင်  ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

  ပဲခူးတိုင်းဒေသကြီး၊ ပြည်ခရိုင်၊ ပြည်မြို့ရှိ စည်ပင်သာယာဈေးကြီးနှင့် အခြားဈေးများတွင် ရာသီပေါ် သီးနှံများ အသားငါးမျိုးစုံရောင်းဝယ်လျက်ရှိရာ ငါးခူငါးများလည်း အရောင်းအဝယ်ဖြစ် လျက်ရှိကြောင်းသိရသည်။ ငါးခူများကို ပြည်မြို့နယ်အတွင်းရှိ ဖိုးခေါင်ရွာမှ ဝင်ရောက်ကြောင်းသိရ သည်။ ငါးခူငါးသည် ရေချို/ရေငန် နှစ်မျိုးစလုံးတွင် နေထိုင်သည်။ မြန်မာလူမျိုးတို့သည် ငါးခူကို ဟင်းလျာအဖြစ် ချက်ပြုတ်စားသောက်ကြသလို ငါးခူငပိချက်အဖြစ်လည်း စားသောက်ကြပါသည်။ ငါးခူများကို ငပိကောင်အဖြစ်လည်း ပြုလုပ်စားသောက်ကြပါသည်။

    ၂၀၂၅ ခုနှစ်၊ စက်တင်ဘာလ၊ ဒုတိယပတ်တွင် ရောင်းချလျက်ရှိသော ငါးခူဈေးနှုန်းများမှာ (၁၀)ကျပ်သားလျင် (၂၀၀၀)ကျပ်နှုန်းဖြစ်ပြီး (၁)ပိဿာလျှင် (၁၈၀၀၀)ကျပ်ဖြင့် အရောင်းအဝယ် ဖြစ်နေကြောင်း ငါးရောင်းဝယ်ရေးလုပ်ငန်းရှင်ထံမှ သိရှိရပါသည်။

DOCA(ပဲခူး)

    စစ်ကိုင်းတိုင်းဒေသကြီး၊ ကန့်ဘလူခရိုင်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးကို အဓိကထားလုပ်ကိုင်ကြရာ ကန်ဇွန်းဥကို တစ်ပိုင်တစ်နိုင် အိမ်ခြံဝင်းများနှင့် မိမိယာ ကွက်များတွင် စိုက်ပျိုးကြပြီး ကန့်ဘလူမြို့မဈေးတွင် လာရောက်ရောင်းချကြောင်း၊ ကန်စွန်းဥကို အစိမ်းစားတာ၊ ပြုတ်စားတာနှင့် ကန်စွန်းဥပူတင်း စသည်ဖြင့် အမျိုးမျိုးပြုလုပ်စားသုံးကြကြောင်း၊ ကန်စွန်းဥကို  စားသုံးသူများနှင့် မုန့်လုပ်သူများက ဝယ်ယူလျက်ရှိကြောင်း သိရသည်။

    ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ကန့်ဘလူမြို့မဈေးတွင် ရောင်းချနေသော  ကန်ဇွန်းဥဈေးနှုန်းမှာ လက္ကားဈေး(၁)ပိဿာလျှင် (၄၀၀၀)ကျပ်၊ လက်လီ(၁)ပိဿာလျှင် (၄၅၀၀)ကျပ် နှင့်(၂၅)ကျပ်သားလျှင် (၁၀၀၀)ကျပ်ဈေးနှုန်းတို့ဖြင့် ရောင်းချလျက်ရှိကြောင်း  ယခင်အပတ်ဈေးနှုန်းများ နှင့်နှိုင်းယှဉ်ပါက ယခုပတ်အတွင်း ကန်စွန်းဥဈေးနှုန်း မြင့်တက်လာကြောင်း ကန်စွန်းဥရောင်းချသူများထံမှ သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရာသီပေါ် ခဝဲသီး၊ ရုံးပတီ သီး၊ ခရမ်းသီး၊ ဒန့်ဒလွန်သီး၊ ဘူးညွှန့်၊ မုန့်ညှင်းရွက်စသည်ဖြင့် ရောင်းချလျက်ရှိရာ  ပေါ်ရပ်ကွက်များနှင့် ကန့်ဘလူမြို့နယ် နတ်ပေးကျေးရွာနှင့် အခြားသောကျေးရွာများမှ ဒေသထွက်ခဝဲသီးများ ရောင်းချလျက်ရှိကြောင်း သိရသည်။

     ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ဒေသထွက် ခဝဲသီးဈေးနှုန်းများမှာ လက္ကား(၁) ပိဿာလျှင်(၁၅၀၀)ကျပ်၊ လက်လီ(၁)ပိဿာ (၁၈၀၀)ကျပ်၊ (၂၅)ကျပ်သားလျှင် (၄၀၀) ကျပ်တို့ဖြင့် ရောင်းချလျက်ရှိကြောင်း၊ ယခင်ပထမပတ်ဈေးနှုန်းများနှင့် နှိုင်းယှဉ်ပါက ယခုဒုတိယ ပတ်အတွင်း ခဝဲသီး(၁)ပိဿာလျှင် (၁၀၀၀)ကျပ်ဈေးနှုန်းကျဆင်းလာကြောင်း၊ ခဝဲသီးရောင်းချသူများထံမှ သိရှိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများ ဆောင်ရွက်လျက်ရှိသလို   ကန့်ဘလူခရိုင်အတွင်း ဖြစ်ပေါ်လျက်ရှိသော အခြေခံစားသောက်ကုန် များ၏ ဈေးနှုန်း၊ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း၊ ကန့်ဘလူ“မြို့မဈေး”တွင် ရောင်းချလျက်ရှိသည့် CPကြက်သား များကို ကန့်ဘလူမြို့နယ်နှင့် ကျွန်းလှမြို့နယ်အတွင်းမှ ဝင်ရောက်လျက်ရှိကြောင်း သိရသည်။

    ၂၀၂၅ ခုနှစ်၊ စက်တင်လာလ ဒုတိယပတ် မြို့မဈေးတွင်ရောင်းချနေသော CPကြက် ကောင်လုံးဈေး (၁)ပိဿာလျှင် (၂၄၀၀၀)ကျပ်၊ ကြက်ရင်ပုံသားသန့် (၅၀)ကျပ်သားလျှင် (၁၄၀၀၀) ကျပ်နှင့် (၂၅) ကျပ်သားလျှင် (၇၀၀၀)ကျပ်၊  ဒေသကြက်(၁)ပိဿာလျှင် (၃၃၀၀၀)ကျပ်ဖြင့် ရောင်း ချလျက်ရှိ ကြောင်း၊ ယခင်အပတ်ဈေးနှုန်းနှင့် နှိုင်းယှဉ်ပါက ယခုပတ်အတွင်း ဈေးနှုန်းအနည်းငယ်ကျဆင်းနေကြောင်း  ကြက်သားရောင်းဝယ်ရေး လုပ်ငန်းရှင်များထံမှ သိရှိရသည်။

DOCA(စစ်ကိုင်း)