ပြည်တွင်းကုန်သွယ်မှုသတင်း

ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ် စားသုံးသူရေးရာဦးစီးဌာန ခရိုင်တာဝန်ခံရုံး၌ (၃.၄.၂၀၂၅) ရက်နေ့၊ နံနက် (၁၀:၀၀)နာရီ တွင်နတ်တလင်းခရိုင် အတွင်းရှိ ပဲပွဲရုံများ၊ ပဲကုန်သည်များနှင့် တွေ့ဆုံ၍ ဆွေးနွေးညှိနှိုင်းမှုများ ပြုလုပ်ခဲ့ပါသည်။

အဆိုပါ တွေ့ဆုံဆွေးနွေးပွဲတွင် စားသုံးသူရေးရာဦးစီးဌာန၊ နတ်တလင်း ခရိုင်တာဝန်ခံ ဦခင်မောင်ထွန်းက  ပဲပွဲရုံများ၊ ပဲကုန်သည်များအား တွေ့ဆုံ၍ ဈေးကွက်အတွင်း မတ်ပဲများ ရောင်းဝယ်ရာတွင် ပဲများအတွင်းခဲများ ရောနှောရောင်းချခြင်းမပြုစေရေး၊ ဈေးနှုန်းမှန်ကန်ရေး ၊ အလေးချိန်မှန်ကန်ရေးနှင့် ပက်သက်၍  ဆွေးနွေးခဲ့ရာ တက်ရောက်လာသူများမှ ပြန်လည် ဆွေးနွေးမှုများပြုလုပ်ခဲ့ကြောင်းသိရပါသည်။

DOCA(ပဲခူး)

နတ်တလင်းခရိုင် ၊ နတ်တလင်းမြို့ ၊ မြို့မဈေး၊ အာရုံဈေးနှင့် ညဈေးတို့တွင် ငါးကြင်း ၊ ငါးခူ၊ ငါးရံ့ ၊ ငါးဇရိုင်းစသည့် ငါးများကိုရောင်းချလျှက်ရှိပါသည်။

၂၀၂၅ ခုနှစ်  ဧပြီလ ပထမအပတ်တွင် ရောင်းချနေသော ငါးဈေးနှုန်းများမှာ ရန်ကုန် ငါးကြင်း တစ်ပိဿာ (၂၂၀၀၀)ကျပ် ၊ ငါးကြင်းဖြူ တစ်ပိဿာ (၂၄၀၀၀)ကျပ် ၊ အင်းမငါးကြင်း တစ်ပိဿာ (၁၅၀၀၀) ကျပ် ၊ ငါးခူ တစ်ပိဿာ (၂၀၀၀၀)ကျပ် ၊ငါးရံ့ တစ်ပိဿာ (၁၅၀၀၀)ကျပ် ၊ ငါးဇရိုင်းတစ်ပိဿာ (၁၀၀၀၀)ကျပ်၊  ၊ ငါးကြင်းခြစ် တစ်ပိဿာ (၂၂၀၀၀)ကျပ် ၊ ငါးဖယ်ခြစ် တစ်ပိဿာ (၃၀၀၀)ကျပ် ၊ ငါးကျည်းတစ်ပိဿာ (၂၀၀၀၀)ကျပ်နှုန်းများဖြင့် ရောင်းချလျှက်ရှိပြီး ငါးသလောက် တစ်ပိဿာ (၃၀၀၀၀)ကျပ်နှင့် ငါးဘတ် တစ်ပိဿာ ဈေးနှုန်းမှာ (၁၅၀၀၀)ကျပ်နှုန်းဖြစ်ပြီး ယခင်ဖေဖေါ်ဝါရီလ နောက်ဆုံးပတ်တွင် ရောင်းချနေသော ငါးဈေးနှုန်းများနှင့် နှိုင်းယှဉ်ပါက တချို့ငါးဈေးနှုန်းများက ပြောင်းလဲမှုမရှိဘဲ ငါးကြင်း ခြစ်နှင့်ငါးဖယ်ခြစ် ဈေးနှုန်းများကတော့ အနည်းငယ် မြင့်တက်နေကြောင်း သိရှိရပါသည်။

DOCA(ပဲခူး)

          နတ်တလင်းခရိုင်၊ သဲကုန်းမြို့နယ်တွင် အိမ်တိုင်းလိုလိုတွင် နှစ်ရှည်ပင် မကျည်းသီးပင်များ စိုက်ပျိုးကြပါသည်။ ယခုအခါ ရာသီပေါ် မကျည်းသီးမှည့်ရည့်မှည့်ချိန် ဖြစ်ပါသည်။ မန်ကျည်းသီးမှည့် သည်အပူဒဏ်ကို ကောင်းစွာခံနိုင်ပြီး  အပူကိုအကြောင်းပြုဖြစ် သောရောဂါများ အပူလွန်များ အတွက်  အကိုးအားထားပြုရသော ဆေးဖက်ဝင် အစာအဟာရ တစ်မျိုးလည်း ဖြစ်ပါသည်။ မန်ကျည်း မှည့်သည် မြန်မာဟင်းလျာများ ချက်ပြုတ်ရာတွင် အလွန်အသုံးဝင်ပြီး  အစာလည်းဆေး ဆေးလည်း အစာ ဆိုသလို အိမ်ရှင်မများ၏ မီးဖိုချောင်တွင် နေရာယူထားသည့် ဆေးဖက်ဝင်သီးနှံလည်း ဖြစ်ပါသည်။

          ဇန်နဝါရီလ မကျည်းသီးမှည့်များ စတင်ထွက်ရှိချိန် တွင်အခွံချွတ်ပြီး တစ်ပိဿာ ငွေကျပ် (၅၅၀၀)နှုန်း၊ အစေ့ထွတ်ပြီးတစ်ပိဿာ ငွေကျပ် (၈၀၀၀) နှုန်းပေါက်ဈေးရှိခဲ့ပြီး ယခု ဧပြီလ ပထမအပတ်တွင် မကျည်းသီးများလှိုင်လှိုင်ထွက်သည့် အတွက်  အခွံချွတ်ပြီး တစ်ပိဿာ ငွေကျပ် (၄၀၀၀)နှုန်း၊ အစေ့ထွတ်ပြီးတစ်ပိဿာ ငွေကျပ် (၇၈၀၀) နှုန်းပေါက်ဈေးရှိသဖြင့် ဈေးနှုန်း အနည်းငယ်ကျဆင်းသွားကြောင်းသိရပါသည်။  ယခုနှစ်တွင် မကျည်းသီးမှည့်များ အထွက်နှုန်း   ကောင်း၍ ဈေးကောင်းလည်းရရှိပါကြောင်း မကျည်းစိုက်တောင်သူများထံမှသိရပါသည်။

DOCA(ပဲခူး)

ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်တွင် အိမ်ရှင်မများ ချက်ပြုတ်ရာ မီးဖိုချောင် အသုံးပြုသည့် လောင်စာများဖြစ်သည့် ထင်း၊ မီးသွေး ၊ လွှစာများကို  စိုစွတ် သည့်မိုးရာသီတွင်  အသုံးပြုလုပ်ရန် အတွက် ယခုလိုခြောက်သွေ့ရာသီတွင်   ဝယ်ယူ စုဆောင်း  ကြောင်းသိရပါသည်။

ယခု မတ်လစတုတ္တပတ်တွင် နတ်တလင်းမြို့နယ် လောင်စာဈေးကွက်အတွင်း မကျည်းသား   မီးသွေး တစ်တင်းခွဲဝင် တစ်အိတ် (၁၆၀၀၀)ကျပ်၊ မကျည်သား နံပြား တစ်တင်းခွဲဝင် တစ်အိတ် (၈၀၀၀) ကျပ်၊ အင်သားထင်း ၇ချောင်းခန့်ပါ တစ်စီးလျှင် (၈၀၀)ကျပ်၊ လွှစာ တစ်တင်းခွဲဝင် တစ်အိတ် (၁၀၀၀) ကျပ်၊ မကျည်းသား ခွဲခြမ်း တစ်ချောင်း (၂၀၀)ကျပ် နှုန်း၊ ဂတ်စ် တစ်ပိဿာ (၁၀၀၀၀)ကျပ်ဖြင့် ရောင်းချလျက်ရှိကြောင်းသိရပါသည်။

DOCA(ပဲခူး)

         မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ စိန်တစ်လုံးသရက် သီးကို မကွေးမြို့၊ မင်းဘူးမြို့အပြင် မြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်ရှိ သရက်ခြံ များမှ ၂၀၂၅ခုနှစ်၊ ဧပြီလ(စတုတ္ထပတ်)မှစတင်၍ ထွက်ပေါ်လျက်ရှိရာ မေလ(ဒုတိယပတ်)တွင် လှိုင်လှိုင်ထွက်ရှိပြီး ဈေးအတွင်းသို့ ဝင်ရောက်မှုများလျက်ရှိကြောင်း သိရသည်။

          မေလ(ဒုတိယပတ်)တွင် စိန်တစ်လုံးသရက်သီး(အလုံးကြီး)(၁)လုံးလျှင် ကျပ်(၆၀၀)၊ အလုံး လတ်(၁)လုံးလျှင် ကျပ်(၄၀၀)နှင့် အလုံးသေး(၁)လုံးလျှင် ကျပ်(၃၀၀)ဖြင့် ရောင်းချလျက်ရှိပြီး ယခင် သရက်သီးပေါ်စအချိန် ဧပြီလ(စတုတ္ထပတ်)တွင် စိန်တစ်လုံးသရက်သီး(အလုံးကြီး)(၁)လုံးလျှင် ကျပ် (၁၀၀၀)၊ အလုံးလတ်(၁)လုံးလျှင် ကျပ်(၈၀၀)နှင့် အလုံးသေး(၁)လုံးလျှင် ကျပ်(၄၀၀)ဖြင့် ရောင်းချ လျက်ရှိရာ ဈေးနှုန်းနှိုင်းယှဉ်ပါက ယခုတစ်ပတ်တွင် အလုံးကြီးနှင့် အလုံးလတ်(၁)လုံးလျှင် ကျပ် (၄၀၀)နှင့် အလုံးသေး(၁)လုံးလျှင် ကျပ်(၁၀၀)ဈေးနှုန်းကျဆင်းသွားကြောင်း သိရသည်။ ယခု အချိန်တွင် မကွေး၊ မင်းဘူးမြို့တို့မှ စိန်တစ်လုံးသရက်သီးဝင်ရောက်မှုများသည့်အပြင် ဒေသတွင်း သရက်ခြံများတွင်လည်း အထွက်နှုန်းများလျက်ရှိသောကြောင့် ဈေးနှုန်းများမှာ ကျဆင်းလာရခြင်း ဖြစ်ကြောင်း သိရှိရသည်။

DOCA(မကွေး)