ပြောင်းဖူးအမျိုးအစားများမှာ သကြားပြောင်း၊ ထောပတ်ပြောင်း၊ ပလို့ပြောင်းနှင့် အနီရောင် ရှမ်းပြောင်းဟူ၍အမျိုးမျိုးရှိပြီး များသောအားဖြင့် အဝါမျိုးသည်အချိုဓာတ်များပြီး အနီမျိုးသည် အရ သာဆိမ့်သည်။ ပြောင်းဖူးကို အပြုတ်၊ အသုပ်၊ အကင်၊ အကြော်စသည်ဖြင့် သရေစာအဖြစ် စားကြသလို ဟော့ပေါ့အပါအဝင် အချို့ဟင်းလျာများတွင်လည်း ထည့်သုံးလေ့ရှိကြသည်။ ပြောင်းဖူးစားသုံး ခြင်းဖြင့်ရရှိလာနိုင်သော ကျန်းမာရေးအကျိုးကျေးဇူးများမှာ ဆီးအိမ်ကိုကောင်းစွာအလုပ် လုပ်စေပြီး ကျောက်ကပ်နှင်ဆိုင်သောရောဂါအမျိုးမျိုးကို ကုသပေးနိုင်ခြင်း၊ ကယ်လိုရီဓာတ်မြင့်မားစွာပါဝင်သောကြောင့် ခွန်အားဖြစ်စေခြင်း၊ ခန္ဓာကိုယ်ထဲရှိမကောင်းသော အဆီဓာတ်များကိုလျော့ချပေးနိုင်ခြင်း၊ သွေးအားနည်းရောဂါများကို ကာကွယ်တားဆီးပေးနိုင်ခြင်း၊ ဦးနှောက်ဆဲလ်များကို အားကောင်းစေပြီးမှတ်ဉာဏ်နှင့်သိမြင်နိုင်စွမ်းတို့ကို တိုးတက်ကောင်းမွန်စေခြင်း၊ ကိုယ်ဝန်ဆောင်မိခင်များအနေဖြင့်လည်း ပြောင်းဖူးစားသုံးပေးခြင်းဖြင့် သွေးတိုးခြင်းနှင့် သွေးဆိပ်တက်ကာ ခြေ၊လက်ဖောရောင်ခြင်း များကိုသက်သာစေနိုင်ပါသည်။ ကျန်းမာရေးအတွက်အထောက်အကူများစွာ ပေးသည့်အပြင် ရာသီမရွေးစားသုံးနိုင်သောပြောင်း ဖူးကို ကလေးလူကြီးမရွေးကြိုက်နှစ်သက်ကြပါသည်။
DOCA(မန္တလေး)