ပြည်တွင်းကုန်သွယ်မှုသတင်း

            မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်း ဒေသကြီးနှင့်ရှမ်းပြည်နယ်တို့မှထွက်သည့်ပဲစင်းငုံသီးနှံများ ဝင်ရောက်လျက်ရှိကြောင်းသိရပါသည်။ ပဲစင်းငုံမှာ ပြည်တွင်းစားသုံးမှုနည်းပြီး ပြည်ပသို့တင်ပို့ရောင်းချသည့် ပဲတစ်မျိုးဖြစ်ပါသည်။ မန္တလေး တိုင်းဒေသကြီးတွင် ပဲမျိုးစုံစိုက်ပျိုးမှုများပြားပြီး၊၃၁.၁.၂၀၂၅ ရက်နေ့အထိ ၂၀၂၄-၂၀၂၅ ခုနှစ် ပဲစင်းငုံ သီးနှံ စိုက်ပျိုးမှု(၃၈၀၀၇၇)ဧက၊ ရိတ်သိမ်း(၃၁၁၀၀၇)ဧက၊ အထွက်နှုန်း (၉.၃၃)တင်း နှင့်အထွက် (၂၉၀၁၃၃၃)တင်းဖြစ်ကြောင်း သိရပါတယ်။ မန္တလေးပွဲစား၊ကုန်သည်၊ စက်ပိုင်များမဟာကထိန်တော် အသင်းတွင် ၂၀၂၅ ခုနှစ်နိုဝင်ဘာလဒုတိယပတ်အတွင်း ဖြစ်ပေါ်လျက်ရှိသောပေါက်စျေးမှာ ၃တင်း ဝင် တစ်အိတ်လျှင်ပဲစင်းငုံ(နီ) ၂၄၅၀၀၀ကျပ်နှင့်၂၄၆၀၀၀ကျပ်၊ပဲစင်းငုံ(ဖြူ)၂၂၅၀၀၀ကျပ်၊ တစ်ပိဿာ ပေါက်စျေးမှာ ပဲစင်းငုံ (နီ)၄၀၈၃ကျပ်နှင့် ၄၄၁၇ကျပ်၊ ပဲစင်းငုံ(ဖြူ)၃၇၅၀ကျပ်တို့ဖြစ်ကြောင်းသိရှိရပါသည်။ယခင်နှစ်ကာလတူပေါက်စျေးမှာ၃တင်းဝင်တစ်အိတ်လျှင်ပဲစင်းငုံ(နီ)၄၆၀၀၀၀ကျပ်၊တစ်ပိဿာစျေးမှာပဲစင်းငုံ(နီ)၇၆၆၇ကျပ်ပြီး၊ ယခင်နှစ်စျေးနှင့်ယခုနှစ်နှိုင်းယှဉ်ပါက ပဲစင်းငုံသီးနှံပေါက် စျေးမှာ လျော့နည်းသွားကြောင်း တွေ့ရှိရပါသည်။

  DOCA(မန္တလေး)

               မြေထောက်ပဲမှာ ပြည်တွင်းစားသုံးမှုများပြားပြီး၊ပြည်ပသို့တင်ပို့သည့် ပဲတစ်မျိုး ဖြစ်ပါသည်။ မန္တလေးတိုင်းဒေသကြီးတွင် ပဲမျိုးစုံစိုက်ပျိုးမှုများပြားပြီး၊ ၂၀၂၄-၂၀၂၅ ခုနှစ် မြေထောက်ပဲ သီးနှံ အပါအဝင်ပဲမျိုးစုံ စိုက်ပျိုးမှု(၁၀၁၉၄၇၇)ဧကဖြစ်ကြောင်း သိရှိရပါသည်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ခုနှစ်နိုဝင်ဘာလဒုတိယပတ်အတွင်း ဖြစ်ပေါ် လျက် ရှိသော ၃တင်းဝင်တစ်အိတ်လျှင်မြေထောက်ပဲပေါက်စျေးမှာ ၂၄၀၀၀၀ ကျပ်နှင့် ၂၈၅၀၀၀ ကျပ်၊ တစ်ပိဿာပေါက်စျေးမှာ ၄၄၄၄ကျပ်နှင့် ၅၂၈၇ကျပ်တို့ဖြစ်ကြောင်း သိရှိရပါသည်။ ယခင် နှစ် ကာလတူ မြေထောက်ပဲပေါက်စျေးမှာ ၃တင်းဝင်တစ်အိတ်လျှင် ၂၉၀၀၀၀ ကျပ်နှင့် ၃၃၀၀၀၀ ကျပ်၊ တစ်ပိဿာစျေးမှာ ၅၃၇၀ကျပ်နှင့် ၆၁၁၁ ကျပ်ဖြစ်ပြီးယခုနှစ်နှင့်ယခင်နှစ်စျေးနှိုင်းယှဉ်ပါက မြေထောက်ပဲစျေးမှာ အနည်းငယ်ကျဆင်းသွားကြောင်း တွေ့ရှိရပါသည်။

 DOCA(မန္တလေး)

  ကျောက်ဆည်ခရိုင်အတွင်းတွင် သီးနှံမျိုးစုံ စိုက်ပျိုးလျက်ရှိရာ ကုန်စိမ်းသီးနှံဖြစ်သော ကျောက်ဖရုံသီး သီးနှံကိုလည်း တစ်နှစ်ပတ်လုံးစိုက်ပျိုးကြကြောင်း ၊ ကျောက်ဖရုံသီးမျိုးများမှာ အိုမီကာ(ထိုင်ဝမ်)မျိုးနှင့် ဗမာမျိုးများဖြစ်ပြီး အိုမီကာ(ထိုင်ဝမ်)မျိုးကိုသာ အများဆုံး စိုက်ပျိုးကြ ကြောင်း၊ ကျောက်ဖရုံသီးစိုက်ပျိုးမည်ဆိုပါက(၁)ဧကလျှင်(၄/၅)ထုပ်စိုက်ပျိုးရကြောင်း၊ မျိုးစေ့ (၁)ထုပ် ဈေးနှုန်းအနေဖြင့် အိုမီကာ(ထိုင်ဝမ်)မျိုး (၁၈၀၀၀/-)ကျပ် ဗမာမျိုး(၁)ထုပ်လျှင် (၁၂၀၀၀/- ) ကျပ်ရှိကြောင်း၊ ကျောက်ဖရုံသီးကို ဘောင်ဖြင့်စိုက်ပျိုးရကြောင်း တစ်ပင်နှင့်တစ်ပင် (၅)တောင်ခန့် ခြား၍စိုက်ပျိုးရကြောင်း၊ အများဆုံးစိုက်ပျိုးသည့် ကျေးရွာများမှာ မြစ်သားမြို့နယ်ရှိ ပေါက်မြိုင်ရွာ၊ စမုံဘောက် ၊ ဝက်ထိန်းကျေးရွာများဖြစ်ကြောင်း၊ ကျောက်ဖရုံသီးကို သီးသန့် စိုက်ပျိုးကြသလို နနွင်းခင်း ၊ နှမ်းခင်းများတွင်လည်း သီးထပ် ၊ သီးညှပ်အဖြစ် စိုက်ပျိုး၍ရကြောင်း၊ (၁)ဧက ကုန်ကျစရိတ် အနေဖြင့် မျိုး ၊သွင်းအားစု၊ လုပ်သားခအပါအဝင် စုစုပေါင်း(၆၀၀၀၀၀/-)ကျပ် ဝန်းကျင်ခန့်ကုန်ကြကြောင်း၊ အကျိုးအမြတ်အနေဖြင့် (၃၀၀၀၀၀၀ -၃၅၀၀၀၀၀) ကျပ် ရရှိကြောင်း ၊ ကျောက်ဖရုံသီးကို စိုက်ခင်းထဲအထိ ပွဲစားများမှလာရောက်ဝယ်ယူကြပြီး၊ ပွဲစားများမှ လည်း ရန်ကုန်၊ မန္တလေးနှင့်မိတ္ထီလာမြို့များသို့ တင်ပို့ရောင်းချကြောင်း ၊ ကျောက်ဖရုံသီးနှံသည် ဆေးဖြန်းစရာမလို ရေပုံမှန်ပေး၍ စိုက်ပျိုးရသော သီးနှံဖြစ်ကြောင်း ၊ ဈေးနှုန်းအနေဖြင့် ကျောက်ဖရုံးသီးအိုမီကာ (ထိုင်ဝမ်)တစ်လုံးလျှင် (၄၀၀၀-၅၀၀၀) ကျပ်၊  ဗမာသီးတစ်လုံးလျှင် (၅၀၀၀-၆၀၀၀)ကျပ် စျေးနှုန်းများဖြင့်ရောင်းချရပြီး ယခုအခါကထိန်ရာသီဖြစ်သည့်အတွက် စတုဒီသာများကျွေးမွေးရာတွင် အသုံးပြုသောကြောင့်အရောင်းအဝယ်သွက်နေကြောင်း သိရှိရပါသည်။

DOCA(မန္တလေး)

  မန္တလေးတိုင်းဒေသကြီးကျောက်ဆည်ခရိုင် အညာဒေသဖြစ်သည့်အတွက် ရာသီပေါ်ဟင်းသီး ဟင်းရွက်သစ်သီးဝလံများ လာရောက်ရောင်းချလျှက်ရှိရာ မိုးတွင်းကာလတွင် ကင်ပွန်းချဉ်ပင်များမှ အရွက်အညွန့်များ တလူလူနှင့်စတင်ထွက်ရှိပြီးကင်ပွန်းချဉ်ပင်များကိုအိမ်နောက်ဖေး မြေပိုမြေလွတ် များတွင် စနစ်တကျစိုက်ပျိုး ထားကြသလိုစီးပွားဖြစ်အနေဖြင့်လည်း တစ်ပိုင်တစ်နိုင် စိုက်ပျိုး လာကြပါသည်။ ပူပြင်းသော ရာသီဥတုအချိန်အခါများတွင်ကင်ပွန်းချဉ် ကိုဟင်းအရံအနေဖြင့် ဟင်းချို အရေကျဲလေးချက်ပြုတ်၍စားသုံးခြင်းဖြင့် အပူဒဏ်ကို လျော့စေပြီး ခံတွင်းမြိန်စေ ပါသည်။ကင်ပွန်းချဉ်အရွက်သာမက ကင်ပွန်းဥ၊ကင်ပွန်းသီးပါ အသုံးဝင်းသည့်အပြင် ကင်ပွန်းချဉ်ပင်သည် ဆေးအနေဖြင့်လည်းသုံး၍ရကြောင်း၊အရွက်ကိုကြိတ်ပြီး အသည်းရောင် အသားဝါရောဂါသည်တွေကို တိုက်ရင်သက်သာစေပြီး၊ အသည်းရောင်နေတဲ့နေရာကို လိမ်းပေးခြင်းဖြင့် အရောင်ကျစေကြောင်း၊ ကင်ပွန်းချဉ်ရွက်သည် လေနဲ့ပတ်သက်တဲ့ရောဂါကို သက်သာစေပြီး ဝမ်းကိုလည်းပျော့စေကြောင်း၊ ကျောက်ကပ်ကို အားပေးတဲ့အတွက် သောက်သုံး လျှင်ဆီးရွှင်စေကြောင်း၊ ကင်ပွန်းချဉ်ရွက်ကို ရေနွေးဖျောပြီး ငှက်ဖျားရောဂါသည်တွေ သောက်သုံးခြင်းဖြင့် ပျောက်စေကြောင်းစသည့် ရောဂါများ သက်သာစေသည်ဟုလေ့လာ သိရှိရပါသည်။ ကင်ပွန်းချဉ်ဈေးကွက်အနေဖြင့် ကင်ပွန်းချဉ်(၁၀)ကျပ်သားလျှင် (၈၀၀)ကျပ်၊ (၁)ပိဿာလျှင်   (၇၀၀၀)ကျပ် ဖြင့် ရောင်းဝယ်လျှက်ရှိကြောင်း ကုန်းစိမ်းရောင်းသူ တစ်ဦးထံမှ သိရှိရပါသည်။

DOCA(မန္တလေး)

            ပဲနီပြားမှာ ပြည်တွင်း စားသုံးမှုများပြားပြီး မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ် တွင်ပဲနီပြားသီးနှံအပါအဝင်ပဲမျိုးစုံစိုက်ပျိုးမှု(၁၀၁၉၄၇၇)ဧကဖြစ်ကြောင်း သိရှိရပါသည်။   မန္တလေး ပွဲစား၊ကုန်သည်၊စက်ပိုင်များ မဟာကထိန်တော်အသင်းတွင်  ၂၀၂၅ ခုနှစ် နိုဝင်ဘာလဒုတိယပတ် အတွင်းဖြစ်ပေါ်သည့်ပေါက်စျေးမှာ ၃တင်းဝင်တစ်အိတ်လျှင် ပဲနီပြား(ကျွန်း) ၅၀၀၀၀၀ ကျပ်နှင့် ၅၃၀၀၀၀ ကျပ်၊ ပဲနီပြား(တံတားဦး) ၄၂၀၀၀၀ကျပ်၊  တစ်ပိဿာလျှင် ပဲနီပြား (ကျွန်း) ၉၀၅၀ ကျပ် နှင့် ၉၅၉၃ကျပ်၊ပဲနီပြား(တံတားဦး)၇၆၀၂ကျပ်တို့ဖြစ်ကြောင်း သိရှိရပါသည်။ ယခင်နှစ်ကာလ တူစျေးမှာတစ်ပိဿာလျှင်ပဲနီပြား(ကျွန်း) ၉၄၁၂ကျပ်နှင့်၉၇၇၄ကျပ်၊ပဲနီပြား(တံတားဦး) ၈၃၂၆ကျပ် တို့ဖြစ်ကြောင်း သိရှိရပါသည်။ ယခင်နှင့်ယခုနှစ်စျေးနှိုင်းယှဉ်ပါက ပဲနီပြားမှာ စျေးအနည်းငယ်လျော့ကျသွားကြောင်း သိရှိရပါသည်။

DOCA(မန္တလေး)