လိုင်ချီးသီးလေးများသည် ရာသီစာအသီးဖြစ်သဖြင့် ပေါ်ဦးပေါ်ဖျားအချိန်တွင် ဈေးကောင်း ရလေ့ရှိသည်။ အသီးအလုံးကြီး၍ အစေ့သေးသည့် မျိုးကောင်းများကို လူအများ ကြိုက် နှစ်သက် ကြပါသည်။ လိုင်ချီးသီးများ စားသုံးခြင်းဖြင့် ကျန်းမာရေးအတွက် အကျိုးကျေးဇူးများစွာ ရရှိပါသည်။ ဗီတာမင် C ကြွယ်ဝစွာပါဝင်သောကြောင့် ခန္ဓာကိုယ်၏ ခုခံအားကို ကောင်းမွန် စေ ခြင်း၊ အမျှင်ဓါတ်(Fiber) ပါဝင်မှုကြောင့် အူလမ်းကြောင်း လှုပ်ရှားမှုကိုကောင်းမွန်စေပြီး ဝမ်းချုပ် ခြင်းကို ကာကွယ်ပေးခြင်း၊ ပိုတက်စီယမ် ပါဝင်သဖြင့် သွေးဖိအားကို ထိန်းညှိပေးပြီး နှလုံးရောဂါ ဖြစ်ပွားမှု အန္တရာယ်ကို လျော့ချပေးနိုင်ခြင်း၊ ကိုယ်အလေးချိန် ကျခြင်း၊ အသားအရေကို စိုပြေ စေနိုင်ခြင်း၊ သွေးလည်ပတ်မှု ကောင်းမွန်စေခြင်းစသော အကျိုးကျေးဇူများစွာ ရရှိကြောင်း လေ့လာသိရှိရပါသည်။ လိုင်ချီးသီးများကို အပူပိုင်းနှင့် သမပိုင်းဒေသများတွင် ပို၍ပေါများစွာ တွေ့ရှိရပါသည်။ လိုင်ချီးသီး၏ အခွံမှာနီ၍ အတွင်းသားများမှာ ဖြူဖြူလေးဖြစ်ပြီး စားလိုက်ရင်လည်း အရည်ရွမ်း၍ ချိုပါသည်။
လိုင်ချီးသီး ၁ပိဿာခန့် တစ်ထုပ်လျှင် ၁၀၀၀၀ ကျပ် မှ ၁၂၀၀၀ ကျပ်အထိ ရောင်းချ နေကြောင်း အသီးဆိုင်များအား မေးမြန်းခြင်းမှ သိရှိရပါသည်။
DOCA(ပဲခူး)