ပြည်တွင်းကုန်သွယ်မှုသတင်း

          စစ်ကိုင်းတိုင်းဒေသကြီး၊ မုံရွာမြို့ပေါ်နှင့် အနီးတစ်ဝိုက်ရှိ တောင်သူများက မုန့်ညှင်းရွက်၊ ဂေါ်ဖီထုပ်၊ ပဲတောင့်ရှည်သီး၊ ရှမ်းနံနံ၊ အာလူး၊ ကန်စွန်းရွက်နှင့် အခြားဟင်းချက်သီးနှံများကို တစ်ပိုင်တစ်နိုင်စိုက်ပျိုး၍သော်လည်းကောင်း၊ စီးပွားဖြစ်စိုက်ပျိုး ပြီးထွက်ရှိသောသီးနှံများကို မန်းကျည်ပင် ဈေးတွင်လာရောက်ရောင်းချလျက်ရှိကြောင်းသိရပါသည်။ ၂၀၂၅ခုနစ်၊ စက်တင်ဘာလ ဒုတိယပတ်တွင် ‌ရောင်းချလျက်ရှိသော အာလူးဈေးနှုန်းမှာ (၅၀) ကျပ်သာလျှင် (၃၀၀၀) ဖြင့်လည်းကောင်း ရောင်းချလျက်ရှိကြောင်း ဈေးသည်များထံမှသိရပါသည်။ ယခင်ပတ်နှင့် အာလူးဈေးနှုန်းနှိုင်းယှဉ်ကြည့်ရာ  (၁) ပိသာလျှင် (၄၅၀၀)ကျပ်ဖြစ်ပြီး (၁၅၀၀)ကျပ် မြင့်တက်လျက်ရှိကြောင်း သိရပါသည်။

DOCA(စစ်ကိုင်း)

         စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင်  ရာသီစာအသီးအနှံများကို စိုက်ပျိုးရောင်းချလျက်ရှိရာ ယခုအခါ ကန့်ဘလူမြို့မဈေးတွင် ဩဇာသီးနှင့် မာလကာသီးများ  လှိုင်လှိုင်ရောင်းချလျက်ရှိပါသည်။ ဩဇာသီးပင်နှင့် မာလကာသီးပင်သည် အသီးတင်သာမက အရွက်ရော အခေါက်ပါဆေးဖက်ဝင်သော အပင်ဖြစ်သည်။ဩဇာသီးပင်နှင့် မာလကာသီးပင်များကို ကန့်ဘလူမြို့ပေါ်ရပ်ကွက်များနှင့် နတ်ပေးကျေးရွာ၊ နတ်အင်းကျေးရွာတို့မှ မိမိတို့၏နေအိမ်ခြံ ဝင်းများနှင့် ယာတောများတွင် တစ်နိုင်တစ်ပိုင်စိုက်ပျိုးကြပြီး လာရောက်ရောင်းချကြကြောင်း၊ ၂၀၂၅ခုနှစ်၊ စက်တင်ဘာလ ဒုတိယပတ်တွင်ရောင်းချသော ဩဇာသီးဈေးနှုန်းများမှာ ဩဇာသီး အကြီး(၁)လုံးလျှင်(၅၀၀)ကျပ်နှင့် အသေး(၁)လုံးလျှင် (၃၀၀)ကျပ်၊ (၄)လုံးလျှင် (၁၀၀၀)ကျပ်ဖြင့်လည်းကောင်း၊ မာလကာသီးအကြီး(၁)လုံးလျှင်(၇၀၀)ကျပ်၊ (၃)လုံးလျှင်(၂၀၀၀)ကျပ်၊ အသေး (၁)လုံးလျှင်(၅၀၀)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသူထံမှ သိရှိရပါသည်။

DOCA(စစ်ကိုင်း)

         စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင်  ရာသီစာအသီးအနှံများကို စိုက်ပျိုးရောင်းချလျက်ရှိရာ ယခုအခါ ကန့်ဘလူမြို့မဈေးတွင် သလဲသီးနှင့် ရှောက်ပန်းသီးများ လှိုင်လှိုင်ရောင်းချလျက်ရှိပါသည်။ သလဲသီးပင်နှင့် ရှောက်ပန်းသီးပင်များကို ကန့်ဘလူမြို့ပေါ် ရပ်ကွက်များနှင့်နတ်ပေးကျေးရွာ၊ နတ်အင်းကျေးရွာတို့မှ မိမိတို့၏နေအိမ်ခြံဝင်းများနှင့်ယာတောများတွင် တစ်နိုင်တစ်ပိုင်စိုက်ပျိုးကြပြီး လာရောက်ရောင်းချကြကြောင်း၊ ၂၀၂၅ခုနှစ်၊ စက်တင် ဘာလ ဒုတိယပတ်တွင် ရောင်းချသော သလဲသီးဈေးနှုန်းမှာ သလဲသီးအကြီး(၁)လုံးလျှင် (၁၀၀၀) ကျပ်၊ အသေး(၁)လုံးလျှင်(၅၀၀)ကျပ်၊ ရှောက်ပန်းသီးအကြီး(၁)လုံးလျှင်(၂၅၀၀)ကျပ်နှင့် အသေး (၁)လုံးလျှင် (၂၀၀၀)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသူထံမှ သိရှိရပါသည်။

DOCA(စစ်ကိုင်း)

    မြင်းခြံမြို့နယ်အတွင်း စိုက်ပျိုးဖြစ်ထွန်းမှုမရှိသော ဟင်းသီးဟင်းရွက်နှင့် သစ်သီးဝလံများကို ပြည်သူများစားသုံးရန်အတွက် ဈေးကွက်လိုအပ်ချက်အရ ရှမ်းပြည်နယ်တောင်းပိုင်း အောင်ပန်းမြို့တို့မှ မှာယူရောင်းချကြောင်း၊  ၂၀၂၅ခုနှစ်၊ စက်တင်ဘာလ ဒုတိယပတ်တွင် အေးမြသီတာဈေး၌ ရောင်းချနေသော ဂေါ်ရခါးသီးတစ်လုံးလျှင် (၂၅၀-၃၀၀) ကျပ်၊ (၁၀)လုံး လျှင် (၂၀၀၀) ကျပ်ပေါက်ဈေးများဖြင့်ရောင်းချကြောင်း၊ ယခင်လ ဩဂုတ်လဒုတိယပတ်တွင် ဂေါ်ရခါးသီးတစ်လုံးလျှင် (၄၀၀-၅၀၀) ကျပ်ခန့်ပေါက်ဈေးများဖြင့် ရောင်းချခဲ့ကြောင်း၊ ကာလ တူနှိုင်းယှဉ်ပါက ယခုလတွင် ဂေါ်ရခါးသီးတစ်လုံးလျှင် (၁၅၀-၂၀၀) ကျပ်ခန့်ဈေးနှုန်းများ ကျဆင်းခဲ့ကြောင်း၊  အလုံးအကြီးအသေးနှင့် အရည်အသွေးပေါ်တွင် မှုတည်ပြီးဈေးနှုန်းများ ကွာခြားကြောင်း၊ ရာသီကာလထွက်ပေါ်ချိန်ဖြစ်သောကြောင့် ဈေးနှုန်းကျဆင်းခြင်းဖြစ်ကြောင်း၊ ဒေသတွင်း စိုက်ပျိုး ဖြစ်ထွန်းမှုမဖြစ်သော သီးနှံဖြစ်ပြီး ရာသီပေါ် ဂေါ်ရခါးသီး သီးနှံသည် စားသုံးမှုများပြား၍ အရောင်းအဝယ်ကောင်းကြောင်း၊ လက်လီ၊လက်ကားအနေဖြင့် နေ့စဉ် အလုံးအရေအတွက် (၃၀၀-၅၀၀) လုံးခန့်ရောင်းချရကြောင်း၊ ကုန်စိမ်းရောင်းချသူ၏ ပြောပြချက်အရ သိရှိရသည်။

DOCA(မန္တလေး)

     မြင်းခြံမြို့နယ်သည် ဧရာဝတီမြစ်၏အနီးဝန်းကျင်တွင် တည်ရှိပြီး မြစ်ရေတက်ချိန်များတွင် မြို့အစွန်ရှိ ရပ်ကွက်နှင့်ကျေးရွာများထိ ရေရောက်ရှိတတ်ပါသည်။ မြို့နယ်အတွင်းရှိ လှိုင်းတက်၊အနိမ့်၊လေးအိမ်တန်းကျေးရွာများသည် တံငါလုပ်ငန်းကိုလုပ်ကိုင်ကြပြီး ငါးဖမ်းရာသီ အချိန်များတွင် မြစ်ရိုး အနီးရှိကျေးရွာများမှ ငါးများမြင်းခြံဈေးကွက်သို့လာရောက်ရောင်းချခြင်း၊ ငါးရောင်းဝယ်သူများထံသို့ ရောင်းချခြင်းများရှိပါသည်။ မြစ်ငါးများသည် အရသာရှိခြင်း၊ လတ်ဆတ်ခြင်းများကြောင့် ဒေသခံများ အများဆုံးဝယ်ယူ စားသုံးကြသည်။ မြင်းခြံဒေသ တွင်ဒေသထွက်ငါးများအပြင် ငါးနှင့်ပုဇွန်များကို ရန်ကုန်ဘက်မှ အများဆုံးဝယ်ယူ ရောင်းချ ကြောင်းသိရပါသည်။ ဒေသခံနယ်သားများအနေဖြင့် ငါးမျိုး စုံကို ဝယ်ယူစားသောက်ကြ လျက်ရှိရာ ဒေသမှထွက်ရှိသော အရိုးပါစားနိုင်သည့်ငါးသေးလေးများ ကိုလည်း အိုးကပ်ချက် စားခြင်း၊ ကြော်စားခြင်းများဖြင့် ကြိုက်နှစ်သက်စွာ စားသုံးလျက်ရှိပါသည်။  ငါးသေးလေးများ တွင် အများခေါ် ငါးမှီးဝါ(ရင်မောင်စာ)ငါးများကို အများဆုံးဝယ်ယူစားသုံးလျက်ရှိရာ ယခု စက်တင်ဘာပထမပတ်တွင် (၂၅)ကျပ်သားလျှင်(၄၀၀၀)ကျပ်၊ တစ်ပိဿာလျှင်(၁၅၀၀၀)ကျပ် များဖြင့် အရောင်းသွက်လျက်ရှိကြောင်း၊ ယခင် ဩဂုတ်လတွင် မြစ်ရေတက်ချိန် ငါးရရှိမှုနည်းပါး ခဲ့၍ (၂၅) ကျပ်သားလျှင်(၄၅၀၀) ကျပ် ခန့်ဈေးနှုန်းများရှိခဲ့ကြောင်း၊ ငါးဇင်စပ်(ခေါ်) ငါးဖြူဇလွန်ငါးများကိုလည်း ရောင်းချလျက်ရှိရာ ဆူးတောင်များပေါများ၍ ကိုင်တွယ်လုပ် ကိုင်ရလက်ဝင်သဖြင့် စားသုံးမှု နည်းသော်လည်း အိမ်ကြောင် မွေးသူများ ကြောင်စာအတွက် ဝယ်ယူမှုရှိသောကြောင့် အဆိုပါငါးသည် လည်း အရောင်းသွက်လျက်ရှိပါသည်။ အကောင်ကြီး များကိုရွေး၍ ဆူးတောင်များကိုကပ်ကြေးဖြင့် ညှပ်ပြီး ကြော်စားခြင်း၊ ဆန်မှုန့်ဖြင့်ရော၍ ကြော်စားခြင်းများလည်းရှိရာ ငါးရရှိမှုနည်းပါးသည့် ရက်များတွင် နံနက်အစောပိုင်းမှာတင် ကုန်တတ်၍ အစောပိုင်းလာရောက်ဝယ်ယူသူများလည်းရှိ ကြောင်းနှင့် (၂၅)ကျပ်သားလျှင် (၁၅၀၀)ကျပ်၊ တစ်ပိဿာလျှင်(၅၀၀၀)ကျပ်ဈေးများရှိကြောင်း အေးမြသီတာဈေးရှိ ငါးရောင်းချ သူများထံမှ သိရှိရသည်။

DOCA(မန္တလေး)