ပြည်တွင်းကုန်သွယ်မှုသတင်း

    မန္တလေးတိုင်းဒေသကြီး ငါန်းဇွန်မြို့နယ်သည် စိုက်ပျိုးရေးကို အခြေခံသောမြို့တစ်မြို့ဖြစ် သည့်အပြင် ဆီကြိတ်စက်၊ ဆန်စက်များ၊ နို့ချက်လုပ်ငန်း၊ ပဲကြော်လုပ်ငန်းများ အများအပြားရှိပါ သည်။ ငါန်းဇွန်မြို့နှင့် မြို့သာမြို့ရှိ ဆီကြိတ်စက်များသို့ ကျေးရွာမှ မိမိတို့စားသုံးရန်အတွက် သော်လည်းကောင်း၊ မြေပဲဆီရောင်းချရန်အတွက်သော်လည်းကောင်း လာရောက်ကြိတ်ခွဲကြပါ ကြောင်း၊  ထိုသို့ကြိတ်ခွဲ၍ ရရှိလာသော မြေပဲဖတ်၊ နှမ်းဖတ်များကို အချို့က နွားစာအဖြစ် အသုံးပြုရန် ယူကြပြီး အချို့က ဆီကြိတ်ခွဲခ ရသည့်အပြင် အပိုဝင်ငွေရရှိရန် ရောင်းချခဲ့ကြကြောင်း၊ မြေပဲတစ်တင်းခွဲကြိတ်လျှင် ဆီ (၁၁)ပိဿာရရှိပြီး မြေပဲဖတ် (၁၃/၁၂.၅၀)ပိဿာ ထွက်ရှိကြောင်း၊ နှမ်းတစ်တင်းခွဲကြိတ်လျှင် ဆီ(၁၁)ပိဿာရရှိပြီး နှမ်းဖတ် (၁၀/၁၁)ပိဿာထွက်ရှိကြောင်း၊ သီးနှံ အရည်အသွေးပေါ်မူတည်၍ ဆီနှင့်နှမ်းဖတ် ထွက်ရှိကြောင်း  သိရသည်။ ၂၀၂၅ ခုနှစ် ဒီဇင်ဘာ လတွင် မြေပဲဖတ် တစ်ပိဿာလျှင် (၆၂၀၀)ကျပ်၊ နှမ်းဖတ် တစ်ပိဿာလျှင် (၃၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုအပတ်တွင် မြေပဲဖတ် တစ်ပိဿာလျှင် (၂၀၀)ကျပ် ဈေးနှုန်း မြင့်တက်လာကြောင်း၊ ဆီစက်များမှတစ်ဆင့်  မန္တလေးမြို့ရှိ ပွဲရုံများသို့ တင်ပို့ရောင်းချ ကြောင်း သိရသည်။

DOCA(မန္တလေး)

           ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် တောင်ပိုင်းခရိုင်ဦးစီးမှူးရုံး၏ညွှန်ကြားချက်နှင့်အညီ ဈေးကွက်အတွင်း ရောင်းချနေသော အခြေခံစားသောက်ကုန်ဈေးနှုန်းများအား စာရင်းကောက်ယူ ၍  ဒီဇင်ဘာလ(၁၅)ရက်နေ့၊ နံနက်(၁၀:၀၀)နာရီအချိန်တွင် ကွမ်းခြံကုန်းမြို့နယ် မြို့မဈေးသို့ ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သိရှိရသည်။

              ထိုသို့ ကွင်းဆင်းစာရင်းကောက်ယူခြင်းများ ဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့ အခွန်ကောက်စာရေး ဦးသန့်ဇင်ဝင်း၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်း၍ ကွမ်းခြံကုန်း မြို့နယ် မြို့မဈေးအတွင်း အခြေခံစားသောက်ကုန်ရောင်းချဆိုင်များဖြစ်သည့် ဒေါ်အိအိချော ကုန် စုံဆိုင်၊ ဒေါ်မိုးစန္ဒာကုန်စုံဆိုင်၊ ဒေါ်မာမာစိုး ကုန်စုံဆိုင်တို့မှ စားအုန်းဆီ တစ်ပိဿာလျှင် (၆၆၃၅) ကျပ်၊ မြေပဲဆီတစ်ပိဿာလျှင်(၂၂၀၀၀)ကျပ်၊ ကြက်သွန်နီဆိုဒ်စုံ တစ်ပိဿာလျှင် (၁၀၀၀မှ ၁၆၀၀)ကျပ်ထိ၊ ကြက်သွန်ဖြူ (ရှမ်းစ)ဆိုဒ်စုံ တစ်ပိဿာလျှင် (၉၀၀၀မှ ၁၀၀၀၀)ကျပ်၊ ငရုပ်တောင့်ရှည် တစ်ပိဿာလျှင် (၂၂၀၀၀)ကျပ်၊ မန်ကျည်းသီးမှည့် တစ်ပိဿာလျှင် (၁၄၀၀၀)ကျပ်၊ အိုင်အိုဒင်း ဆားတစ်ထုပ်လျှင်(၁၀၀၀)ကျပ်၊ ကုလားပဲခြမ်း တစ်ပိဿာလျှင် (၆၅၀၀)ကျပ်၊ သကြား တစ်ပိဿာလျှင်(၅၅၀၀)ကျပ်၊ အာလူးတစ်ပိဿာလျှင် (၇၀၀၀မှ ၇၅၀၀)ကျပ်ထိ အသီးသီး အရောင်းအဝယ်ဖြစ်လျှက်ရှိကြောင်း သိရှိရပါသည်။

                   ယခင်တစ်ပတ်နှင့် ယခုတစ်ပတ်ဈေးနှုန်း နှိုင်းယှဉ်ရာတွင် စားအုန်းဆီနှင့် ကြက်သွန်နီ ဈေးနှုန်း အနည်းငယ်ကျဆင်းလျှက်ရှိပြီး အခြားသောစားသောက်ကုန်ဈေးနှုန်းများမှာတည်ငြိမ်လျှက်ရှိကြောင်းတွေ့ရှိရပြီးလုပ်ငန်းရှင်များသို့မေးမြန်းရာရန်ကုန်ဝယ်ယူတင်သွင်းရသည့် ဈေးနှုန်း ကျဆင်း၍ အနည်းငယ်ကျဆင်းရခြင်း ဖြစ်ကြောင်း လုပ်ငန်းရှင်များ၏ ပြောကြားချက်အရသိရှိရပါသည်။

DOCA(ရန်ကုန်)

          ဘုရင့်နောင်ပွဲရုံအတွင်းသို့ ဧရာဝတီတိုင်းဒေသကြီး၊ မန္တလေးတိုင်းဒေသကြီး၊ ရှမ်းပြည်နယ်တို့မှ ငရုတ်သီးများဝင်ရောက်လျက်ရှိရာ ဧရာဝတီတိုင်းဒေသကြီးမှ အများဆုံးဝင်ရောက်ပြီး ငရုတ်သီးဈေးနှုန်းများမှာ ၁၆.၁၂.၂၀၂၅ ရက်နေ့တွင် ဘုရင့်နောင်ပွဲရုံဖြစ်ပေါ်ခဲ့သော ငရုတ်သီး တစ်ပိဿာ ဈေးနှုန်းများမှာ ပန်းရဲ(ဟောင်း) အမြင့်ဆုံးဈေး ကျပ် ၉၅၀၀ မှ  အနိမ့်ဆုံးဈေး ကျပ် ၈၅၀၀၊ ပန်းရဲ(AC) အမြင့်ဆုံးဈေး ကျပ် ၁၉၀၀၀ မှ  အနိမ့်ဆုံးဈေး ကျပ် ၁၈၀၀၀၊ မြှားနီ(ဟောင်း) အမြင့်ဆုံးဈေး ကျပ် ၁၀၅၀၀ မှ  အနိမ့်ဆုံးဈေး ကျပ် ၁၀၀၀၀၊ မြှားနီ(AC) အမြင့်ဆုံးဈေး ကျပ် ၁၉၀၀၀ မှ အနိမ့်ဆုံး ကျပ် ၁၈၀၀၀၊ ပျော်ဘွယ် မိုးထောင် ကျပ် ၁၄၀၀၀/၁၄၅၀၀၊ ဆင်ဖြူကျွန်း(ပု) အမြင့်ဆုံးဈေး ကျပ် ၃၂၀၀၀ မှ အနိမ့်ဆုံးဈေး ကျပ် ၃၁၀၀၀၊ မြစ်ဝ (ပု) (AC) အမြင့်ဆုံးဈေး ကျပ် ၃၀၀၀၀ ၊ ဇီးပွ(ပု) ကျပ် ၂၁၅၀၀/၂၃၀၀၀၊ ရှမ်း(ရှည်) ကျပ် ၁၆၀၀၀/၁၇၀၀၀ တို့အသီးသီးဖြစ်ကြောင်း၊ ယနေ့ ၁၆.၁၂.၂၀၂၅ ရက်နေ့တွင် ငရုတ်သီး (၂၅၀)အိတ်နှင့် (၅၀၀၀)ပိဿာ အရောင်းအဝယ်ဖြစ်ခဲ့ကြောင်း ဘုရင့်နောင် ကုန်စည်ဒိုင်မှ သိရှိရပါသည်။

DOCA(ရန်ကုန်)

    ဒီဇင်ဘာလတတိယပတ်တွင် သုံးခွမြို့နယ်ဈေးကွက်အတွင်း ရောင်းချနေသော အခြေခံ စားကုန်(ကုန်ခြောက်) ဈေးနှုန်းများ အနေဖြင့် ကြက်သွန်နီဆိုဒ်စုံ တစ်ပိဿာလျှင် (၁၀၀၀မှ ၂၀၀၀)ကျပ်ထိ၊ ကြက်သွန်ဖြူ (ရှမ်းစ) တစ်ပိဿာလျှင် (၁၂၀၀၀)ကျပ်၊ ငရုပ်တောင့်ရှည် တစ်ပိဿာလျှင် (၂၀၀၀၀)ကျပ်၊ ကုလားပဲခြမ်း တစ်ပိဿာလျှင် (၆၂၀၀)ကျပ်၊ မန်းကျည်းသီး တစ်ပိဿာလျှင် (၁၃၀၀၀)ကျပ်၊ အိုင်အိုဒင်းဆား တစ်ထုပ်လျှင်(၁၀၀၀)ကျပ်၊ သကြားတစ်ပိဿာ လျှင် (၄၅၀၀)ကျပ်၊ အာလူးတစ်ပိဿာလျှင် (၇၀၀၀)ကျပ် ဈေးနှုန်းအသီးသီး တို့ဖြင့် သုံးခွမြို့နယ် စည်ပင်သာယာမြို့မဈေးအတွင်း အရောင်းအဝယ်ဖြစ်လျှက်ရှိကြောင်း သိရသည်။

    အခြေခံစားကုန် (ကုန်ခြောက်)ဈေးနှုန်းများ အနေဖြင့် ယခင်အပတ်ဈေးနှုန်းအတိုင်း ပြောင်းလဲမှုမရှိသော်လည်း ဈေးအေးလျက်ရှိကြောင်း၊ ကုန်ခြောက်ပစ္စည်းများ အနေဖြင့် မြို့နယ် တွင်းသို့ တစ်ရက်ခြားတစ်ခါ ပုံမှန်ဝင်ရောက်လျက်ရှိကြောင်း အဆိုပါကုန်ခြောက်ပစ္စည်းများအား ဘုရင့်နောင်မှ ဝယ်ယူရောင်းချခြင်းဖြစ်ကြောင်း သိရှိရပါသည်။

DOCA(ရန်ကုန်)

               ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးတွင် တိုင်း/ပြည်နယ်များမှ သစ်သီးများ အများဆုံးဝင်ရောက်ကြောင်း သိရှိရပြီး ဒီဇင်ဘာလ (၁၀) ရက်နေ့ မှ ဒီဇင်ဘာလ (၁၅) ရက်နေ့ အထိဖြစ်ပေါ်ခဲ့သော သစ်သီးအဝင်များမှာ ပြင်ဦးလွင်မှ ဘောက်သီး တစ်ပိဿာ ကျပ် ၁၈၀၀၀/ ၂၀၀၀၀၊ ပြည်မှ ဇီးသီး(ချဉ်) တစ်ပြည် ကျပ် ၃၅၀၀၊ အောင်ပန်း မှ လိမ္မော်သီး တစ်ပိဿာ ကျပ် ၅၀၀၀/၇၀၀၀/ ၈၀၀၀၊ အောင်ပန်း မှ လိမ္မော်သီး တစ်သေတ္တာကြီး ကျပ် ၂၃၀၀၀၀၊ ပြင်ဦးလွင်မှ ထောပတ်သီး အိတ်ကြီးတစ်အိတ် ကျပ် ၄၅၀၀၀၊ မော်လမြိုင်မှ ကျွဲကောသီး တစ်လုံးကျပ် ၃၀၀၀/၆၀၀၀/၈၀၀၀၊ တိုက်ကြီး မှ ကလောဥ တစ်ပိဿာ ကျပ် ၂၀၀၀၊ ပဲခူးမှ စိမ်းစားဥ တစ်တွဲ ကျပ် ၂၀၀၀၊ ပုပ္ပါးမှ မာလာကာသီး အိတ်ကြီးတစ်အိတ် ၁၅၀၀၀၀ ကျပ်၊ ရေတာရှည်မှ ဖရဲသီး (855) တစ်လုံး ကျပ် ၁၅၀၀၀၊ ရေတာရှည် ဖရဲသီး(211) တစ်လုံး ကျပ် ၅၀၀၀၊ ၈၀၀၀၊ ၉၀၀၀၊  ယိုးဒယား ပန်းသီး တစ်သေတ္တာကြီး ကျပ် ၁၉၀၀၀၀၊ ရှမ်းပြည်မှ ပန်းသီးတစ်သေတ္တာကြီး ကျပ် ၁၅၀၀၀၀ တို့ရှိကြောင်း သစ်သီးဈေးနှုန်းများ သည့် ဈေးနှုန်းမြင့်တက်မှုမရှိဘဲ ယခင်တစ်ပတ်နှင့် ယခုတစ်ပတ် ဈေးနှုန်းများအနည်းငယ်သာ ပြောင်းလဲကြောင်း သီရိမင်္ဂလာဈေးရှိ မြန်မာနိုင်ငံသစ်သီးဝလံပန်းမန် ဟင်းသီးဟင်းရွက်စိုက်ပျိုး ထုတ်လုပ်တင်ပို့ရောင်းချသူများအသင်း (MFVP) မှ သိရှိရပါသည်။

DOCA(ရန်ကုန်)