ပြည်တွင်းကုန်သွယ်မှုသတင်း

         စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် မင်းကွက်သီးနှင့် သခွားမွှေးသီးများ ရောင်းချလျက်ရှိကြောင်း သိရှိရပါသည်။ ဈေးကွက်အတွင်း ရောင်းချနေသော မင်းကွက်သီးများကို မော်လမြိုင်ဒေသထွက် မင်းဂွတ်သီးများ ဈေးကွက်အတွင်း ဝင်ရောက်လျက်ရှိ ကြောင်း သိရှိရပါသည်။ မုံရွာဒေသထွက် သခွားမွေးသီးများ ဈေးကောင်းရလျက်ရှိနေကြောင်း သတင်းရရှိသည်။ သခွားမွေးသီးကို မုံရွာမြို့အနီးတဝိုက် ကျေးရွာများတွင် တနိုင်တပိုင် စိုက်ပျိုးကြသည့်အပြင် စီးပွားဖြစ်လည်း စိုက်ပျိုးကြပါသည်။

          ၂၀၂၅ ခုနှစ်၊ ဒီဇင်ဘာလ စတုတ္ထအပတ်အတွင်း မုံရွာမြို့ ကန်သာယာဈေးရှိ  သစ်သီးဆိုင်များတွင် မင်းကွက်သီးဈေးနှုန်းမှာ မင်းကွက်သီးအသေး (၁)လုံး လျှင် (၄၀၀) ကျပ်၊ အလတ်(၁)လုံးလျှင် (၆၀၀) ကျပ်နှင့် အကြီး (၁)လုံးလျှင် (၁၀၀၀) ကျပ် ဖြင့်ရောင်းချပြီး သခွားမွေးသီး အလုံးကြီး တစ်လုံးလျှင် (၂၅၀၀၊၄၅၀၀) ကျပ်၊ လတ်တစ်လုံးလျှင် (၂၅၀၀၊ ၃၀၀၀) ကျပ်၊ အလုံးသေး တစ်လုံးလျှင် (၈၀၀၊၁၀၀၀) ကျပ်နှုန်းဖြင့်  ရောင်းချလျက်ရှိရာ လူကြီးလူငယ်မရွေး ကြိုက်နှစ်သက်သည့်အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

           စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် မန်ကျည်းတောဒေသ ထွက်ပဲမြစ်နှင့်အာဒါလွတ်ဥများ ရောင်းချလျက်ရှိကြောင်းသိရှိရပါသည်။ မန်ကျည်းတောပဲမြစ်နှင့် အာဒါလွတ်ဥများကို ဒေသတွင်း တစ်နိုင်တစ်ပိုင် အနေဖြင့် စိုက်ပျိုးကြပြီး စားဖိုဆောင်သီးနှံများကို  စိုက်ပျိုးထားကြသည့်အတွက် မန်ကျည်းတောပဲမြစ်နှင့်အာဒါလွတ်ဥများ စိုက်ပျိုးသော တောင်သူများ ဝင်ငွေတိုးတက်လျက်ရှိကြောင်း သိရှိရပါသည်။   

       ၂၀၂၅ ခုနှစ်၊ ဒီဇင်ဘာလ စတုတ္ထအပတ်အတွင်း ရောင်းချနေသော မန်ကျည်းတောပဲမြစ်နှင့် အာဒါလွတ်ဥဈေးနှုန်းမှာ မန်ကျည်းတောပဲမြစ် ၂၅ကျပ်သားလျှင်(၁၂၅၀)ကျပ်၊ ၅၀ကျပ်သားလျှင် (၂၅၀၀)ကျပ်၊ တစ်ပိဿာလျှင်(၅၀၀၀)ကျပ်၊ အလားတူ အာဒါလွတ်ဥဈေးနှုန်းများမှာ ၂၅ကျပ်သားလျှင် (၉၀၀)ကျပ်၊ ၅၀ကျပ်သားလျှင်(၁၉၀၀)ကျပ်၊ တစ်ပိဿာလျှင်(၃၈၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကုန်စိမ်းသီးနှံမျိုးစုံ ရောင်းချနေသောဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် ပန်းသစ်တော်သီးနှင့် ပန်းသီးများ ရောင်းချလျက်ရှိကြောင်း သိရှိရပါသည်။ ပန်းသစ်တော်သီးနှင့် ပန်းသီးတို့သည် အေး၍ စိုစွတ်သောရာသီဥတုကို ကြိုက်နှစ်သက်သဖြင့် အေးမြသောရာသီဥတုရှိသည့် ရှမ်းပြည်နယ်တွင် အများဆုံးဖြစ်ထွန်းသော သီးနှံဖြစ်ကြောင်း သိရှိရပါသည်။

          ၂၀၂၅ ခုနှစ်၊ ဒီဇင်ဘာလ စတုတ္ထအပတ်အတွင်း မုံရွာမြို့ ကန်သာယာဈေးရှိ  သစ်သီးဆိုင်များတွင် ပန်းသစ်တော်သီး အသေးတစ်လုံးလျှင်(၂၅၀၀)ကျပ်၊ အလတ်တစ်လုံးလျှင် (၃၀၀၀)ကျပ်နှင့်   အကြီးတစ်လုံးလျှင် (၅၀၀၀)ကျပ်၊ ပန်းသီးဈေးနှုန်းမှာ အသေးတစ်လုံးလျှင် (၁၀၀၀)ကျပ်၊ အလတ်တစ်လုံးလျှင် (၂၀၀၀)ကျပ်နှင့်   အကြီးတစ်လုံးလျှင် (၃၀၀၀)ကျပ်နှုန်းဖြင့်  ရောင်းချလျက်ရှိရာ လူကြီးလူငယ်မရွေး ကြိုက်နှစ်သက်သည့်အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

                            မြင်းခြံမြို့ရှိ ပွဲရုံများ၌ လယ်ယာထွက်ကုန် ပဲမျိုးစုံသီးနှံများကိုရောင်းဝယ်လျက်ရှိသည့်အနက် ပြည်တွင်း၌စားသုံးမှုမြင့်မားသော ကုလားပဲများကိုလည်း အရောင်းအဝယ်ဖြစ်လျက်ရှိကြောင်း၊ ၂၀၂၅ခုနှစ်၊ ဒီဇင်ဘာလတွင် ကုလားပဲV2တစ်တင်းလျှင် (၇၈၀၀၀)ကျပ်၊ ကုလားပဲ929တစ်တင်းလျှင် (၇၇၀၀၀)ကျပ်ခန့်ပေါက်ဈေးများဖြင့်‌ ရောင်းချလျက်ရှိကြောင်း၊ ယခင်လ နိုဝင်ဘာလ၌ ကုလားပဲ V2တစ်တင်းလျှင် (၇၉၀၀၀)ကျပ်၊ ကုလားပဲ929တစ်တင်းလျှင် (၇၈၅၀၀)ကျပ်ခန့် ပေါက်ဈေး များဖြင့်‌ အရောင်းအဝယ်ဖြစ်ခဲ့ကြောင်း ၊  ယခင်လနှင့် နှိုင်းယှဉ်ပါက  ယခုလတွင် ကုလားပဲ V2တစ်တင်းလျှင် (၁၀၀၀) ကျပ်၊ ကုလားပဲ929 တစ်တင်းလျှင်(၁၅၀၀)ကျပ်ခန့်  ဈေးနှုန်းများကျဆင်းခဲ့ကြောင်း၊ နေ့စဉ်အိတ်ရေ ၁၀၀ အိတ်မှ ၂၀၀ အိတ်ခန့်အရောင်းအဝယ် ပြုလုပ်ကြကြောင်း၊ ကုလားပဲသည် ပရိုတင်းဓာတ်ပါဝင်မှု မြင့်မားသောကြောင့် မြို့နယ်အတွင်းရှိ ရပ်ကွက်ကျေးရွာများ၌ စားသုံးမှု များပြားသလို  ဒေသအတွင်းရှိ ပဲကြော်လုပ်ငန်းများမှလည်း ဝယ်ယူသုံးစွဲကြသလို  ပိုလျှံသောပဲကြီး များကို ရန်ကုန်မြို့နှင့် မန္တလေးမြို့များသို့လည်း တင်ပို့ရောင်း ချကြောင်း၊ ပွဲရုံလုပ်ငန်းလုပ်ကိုင်သူတစ်ဦး ပြောပြချက် အရသိရှိရသည်။

DOCA(မန္တလေး)

               မန္တလေးတိုင်းဒေသကြီး၊ညောင်ဦးခရိုင်၊ကျောက်ပန်းတောင်းမြို့နယ်တွင်ဆီထွက်သီးနှံဖြစ်သည့် မိုးနှမ်းကိုအဓိကထားစိုက်ပျိုးလျှက်ရှိပြီး နွေနှမ်းနှင့်ဆောင်းနှမ်းကို အနည်းငယ်သာစိုက်ပျိုးကြပါသည်။ ကျောက်ပန်းတောင်းမြို့နယ်တွင်  နှမ်းသီးနှံကို သီးသန့်စိုက်ပျိုးကြသလို ပဲစဉ်းငုံသီးနှံနှင့်သီးညှပ် စိုက်ပျိုးမှုမှာ ပို၍များကြောင်းသိရသည်။၂၀၂၅-၂၀၂၆ ခုနှစ်တွင် မိုးနှမ်းကို (၁၂၁၁၅၁)ဧကလျာထားခဲ့ပြီး စိုက်ဧက(၁၃၄၆၁၇)ဧက စိုက်ပျိုးခဲ့ပြီး တစ်ဧကအထွက်နှုန်းအနေဖြင့် (၄.၇၈)တင်းနှုန်းထွက်ရှိ၍ စုစု ပေါင်း (၆၅၅၅၈၅)တင်း ထွက်ရှိခဲ့ပါသည်။ လျာထားဧကထက် (၁၃၄၆၆ )ဧက ပိုမိုစိုက်ပျိုးခဲ့ကြသည်။ ဇွန်လ မိုးဦးကျချိန်တွင် စတင်စိုက်ပျိုး၍ ဇူလိုင်လကုန် ဩဂုတ်လ ပထမပတ်တွင် လှိုင်လှိုင်ထွက်ရှိပြီး  နွေနှမ်းကို မတ်၊ဧပြီလတို့တွင် စတင်စိုက်ပျိုး၍ ဇွန်၊ ဇူလိုင်လများတွင် ထွက်ရှိပါသည်။ ဇူလိုင်လကုန်နှင့် ဩဂုတ်လများတွင် ကျောက်ပန်းတောင်းမြို့နှင့် ထိဆက်လျက်ရှိသောကျေးရွာများမှ မြို့ပေါ်ရှိ ပွဲရုံများ၊ ဆီစက်များသို့ လာရောက်၍ရောင်းဝယ်မှု ပြုလုပ်ကြသည်။ ယခုနှစ်နှမ်းသီးနှံစတင်ထွက်ပေါ်ချိန်တွင် နှမ်းနီတစ်တင်းလျှင် (၉၅၀၀၀)ကျပ်၊နှမ်းဖြူတစ်တင်းလျှင် (၁၀၂၀၀၀)ကျပ်ဈေးဖြင့် ရောင်းဝယ်စတင်ခဲ့ပြီး ဩဂုတ်လနောက်ဆုံးပတ်တွင် နှမ်းနီတစ်တင်း (၈၈၀၀၀)ကျပ် ၊ နှမ်းဖြူတစ်တင်း (၉၁၀၀၀)ကျပ် ၊ ဒီဇင်ဘာလတွင်လည်း နှမ်းနီတစ်တင်းလျှင် (၈၈၀၀၀)ကျပ် ၊ နှမ်းဖြူတစ်တင်းလျှင် ( ၉၁၀၀၀ /၉၀၀၀၀ )ကျပ်ဖြင့်‌ ဈေးနှုန်းတည်ငြိမ်စွာ အရောင်းအဝယ်ဖြစ်လျှက်ရှိသည်။ ကျောက်ပန်းတောင်းမြို့နယ်တွင် မိုးနှမ်းစိုက်ပျိုးမှု တစ်ဧကကုန်ကျစရိတ်အနေဖြင့်(၂၆၉၀၀၀)ကျပ် ကျသင့်ပြီး တစ်ဧကပျှမ်းမျှအထွက် နှုန်းမှာ (၄.၈၇)တင်းနှုန်းထွက်ရှိ၍ တစ်တင်းရောင်းဈေး (၉၁၀၀၀) ကျပ်ဖြင့် ရောင်းချခဲ့ရသောကြောင့် တစ်ဧကအကျိုးအမြတ်မှာ (၁၇၄၁၇၀)ကျပ်ရရှိစေပါသည်။ ဒေသထွက်နှမ်းများကို ယခင်က အခြားဒေသများသို့ တင်ပို့ရောင်းချမှုများ ရှိခဲ့သော်လည်း ယခုအချိန်တွင်ပြင်ပသို့ ရောင်းချမှုနည်းပါးလာပြီး ဒေသတွင်း၌သာ ဆီကြိတ်ခွဲသုံးစွဲမှုများ များလာကြပါသည်။ တောင်သူအကျိုးအမြတ်ရရှိသော ဆီထွက်သီးနှံကို ပိုမိုစိုက်ပျိုးပြီး ပြည်ပသို့ရောင်းချခြင်း မပြုပဲပြည်တွင်း၌ သုံးစွဲခြင်း၊ ဆီကြိတ်ခွဲ ရောင်းချခြင်းများ ပြုလုပ်ပါက ဒေသတွင်းဆီစားသုံးမှုဖူလုံ လာခြင်း၊တိရစ္ဆာန်အစာများ ပေါများလာခြင်း၊ ဒေသတွင်းလုပ်သားများ အလုပ်အကိုင်အခွင့်အလမ်း များပိုမိုရရှိစေလာခြင်းအပြင် ဘေးအန္တရာယ်ကင်းသော ဆီများစားသုံးရခြင်းကြောင့် ကျန်းမာရေးညီညွတ်ကောင်းမွန်လာစေခြင်း စသည့်အကျိုးကျေးဇူးများရရှိစေသည့်အတွက် နှမ်းအပါအဝင် ဆီထွက်သီးနှံများအား ပိုမိုတိုးချဲ့စိုက်ပျိုး သင့်ပါကြောင်း ရေးသားတင်ပြလိုက်ပါသည်။

DOCA(မန္တလေး)