ပြည်တွင်းကုန်သွယ်မှုသတင်း

                        ကျွန်းလှမြို့တွင် ရိုးရာအစားအစာဖြစ်သည့် မုန့်ပြားသလက် နှင့် မုန့်လင်မယားကို ပြုလုပ် ရောင်းချလျက်ရှိပါသည်။

              ၂၀၂၅ခုနှစ်၊ ဇူလိုင်လ နောက်ဆုံးပတ် ကျွန်းလှမြို့တွင် ရောင်းချလျက်ရှိသော မုန့်ပြားသလက် အဖြူဈေးနှုန်းမှာ(၁)ခုလျှင်(၂၅၀)ကျပ်၊ မုန့်ပြားသက်အနီဈေးနှုန်းမှာ(၁)ခုလျှင်(၃၀၀)ကျပ်နှင့်ကြက်ဥ မုန့်ပြားသလက် ဈေးနှုန်းမှာ (၁)ခုလျှင်(၈၀၀)ကျပ်ဈေးနှုန်းတို့ဖြင့်လည်းကောင်း မုန့်လင်မယား ဈေး နှုန်းအနေဖြင့် မုန့်လင်မယား(၁)ခုလျှင်(၁၀၀)ကျပ်၊ ငွေကျပ်(၁၀၀၀)ဖိုးလျှင်(၁၁)ခုတို့ဖြင့် အရောင်း အဝယ်ဖြစ်လျက်ရှိကြောင်း သတင်းရရှိပါသည်။

DOCA (စစ်ကိုင်း)                

               ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များ နှင့် ဆီသန့်စက်များတွင် မြေပဲလုံးဆံများကို ဒေသ တွင်း ထွက်ရှိသည်များနှင့် မန္တလေးမြို့မှ မှာယူရောင်းချ လျက်ရှိကြောင်း သိရှိရပါသည်။

            ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ကျွန်းလှမြို့ ကုန်မျိုးစုံရောင်းချသည့် ဆိုင်များတွင် ဖြစ်ပေါ်နေ‌သော မြေပဲလုံးဆံ ဈေးနှုန်း အနေဖြင့် မြေပဲလုံးဆံ တစ်ပြည့်လျှင်(၁၂၀၀၀)ကျပ်၊ နို့ဆီဘူး (၄)ဘူးလျှင်(၆၀၀၀)ကျပ် နှင့် နို့ဆီ(၁)ဘူးလျှင်(၁၅၀၀)ကျပ် ဈေးနှုန်းတို့ဖြင့် လည်းကောင်း မြေပဲဆီ ဈေးနှုန်းအနေဖြင့် မြေပဲဆီ တစ်ပိဿာလျှင်(၁၉၀၀၀)ကျပ်၊ မြေပဲဆီ(၁၀)ပိဿာ တစ်ပုံးလျှင်(၁၈၅၀၀၀) ကျပ် ဈေးနှုန်းတို့ဖြင့် လည်းကောင်း မြေပဲပတ် ဈေးနှုန်းအနေဖြင့် မြေပဲပတ် တစ်ပိဿာလျှင်(၄၀၀၀)ကျပ် ဈေးနှုန်း ရှိပြီး မြေပဲပတ်ကို မိမိတို့ ဒေသတွင်း ဝက်စာ၊ ကြက်စာ အပြင်ပိုလျှံသည့်ပဲပတ်များကို  မန္တလေးမြို့သို့ ပို့ဆောင် ရောင်းချလျက် ရှိကြောင်း ဆီစက်လုပ်ငန်းရှင်ထံမှ သတင်းရရှိပါသည်။

DOCA (စစ်ကိုင်း) 

            ကျွန်းလှမြို့၊သစ်ရာမြိုင်ဈေးတွင် စားသောက်ကုန် ပစ္စည်းမျိုးစုံရောင်းချသည့် ဆိုင်များတွင် ခါကြာ မုန့်များကို ကန့်ဘလူမြို့မှ မှာယူ ရောင်းချလျက်ရှိကြောင်း လဖက်ရည်ဆိုင်များတွင် မနက်အစောစာ လဖက်ရည်နှင့်တွဲဖက်စားသုံးနိုင်သည့် မုန့်မျိုးစုံ ရောင်းချကြောင်း သိရှိရပါသည်။

           ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ကျွန်းလှမြို့ သစ်ရာမြိုင်ဈေးတွင် စားသောက်ကုန် ပစ္စည်းမျိုးစုံ နှင့် လဖက်ရည်ဆိုင်များတွင် ရောင်းချနေသည့် ခါကြာမုန့် ၊ ပေါက်ဆီ၊ ပေါက်ဆီကြော်၊ ထပ်တစ်ရာ၊ ပလာတာ၊ အီကြာကွေး၊ မုန့်တီ၊ မုန့်ဟင်းခါး၊ ရှမ်းခေါက်ဆွဲ နှင့် စမူစာကြော် ဈေးနှုန်းများအနေဖြင့် ခါကြာမုန့် တစ်ခုလျှင်(၇၀၀)ကျပ်၊ ခါကြာမုန့်(၃)ခုလျှင်(၂၀၀၀)ကျပ် နှင့် စမူစာ တစ်ခုလျှင်(၅၀၀)ကျပ်၊ အုန်းသကြား ပေါက်ဆီ (၁)လုံးလျှင်(၅၀၀)ကျပ်၊ ကြက်သား/ဝက်သား ပေါက်ဆီ (၁)လုံးလျှင်(၁၅၀၀)ကျပ် နှင့် ပေါက်ဆီကြော်(၁)လုံးလျှင်(၇၀၀)ကျပ်(၃)လုံးလျှင်(၂၀၀၀)ကျပ်၊ ပဲ ထပ်တစ် ရာ/ပလာတာ၊ သကြား ထပ်တစ်ရာ/ပလာတာ တစ်ခုလျှင် (၁၀၀၀)ကျပ်၊ ပဲအီကြာ တစ်ချောင်းလျှင် (၁၀၀၀)ကျပ်၊ နို့အီကြာ တစ်ချောင်းလျှင်(၁၂၀၀)ကျပ် နှင့် မုန့်တီ/မုန့်ဟင်းခါး/ရှမ်းခေါက်ဆွဲ တစ်ပွဲလျှင် (၁၅၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း သိရပါသည်။

DOCA (စစ်ကိုင်း) 

           ကျွန်းလှမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များမှ မိမိတို့တောင်ယာများတွင် တစ်ပိုင်တစ်နိုင် စိုက်ပျိုးရေးကို လုပ်ကိုင်လျက်ရှိရာ ပဲမျိုးစုံ၊ ပြောင်း၊ နှမ်း၊ နေကြာ စသည့်တို့အနက်မှ စွန်တာနီပဲ(ခေါ်)ပဲနီ နှင့် စားတော်ပဲတို့ကိုလည်း ကန့်ဘလူမြို့ပွဲရုံများနှင့်ကျွန်းလှမြို့ပေါ်ဈေးကွက်သို့ လာရောက်ရောင်းချကာ ဈေး‌ကောင်ရရှိ၍ အရောင်းအဝယ် ဖြစ်လျက်ရှိ ကြောင်းသိရသည်။

          စက်တင်ဘာလ ဒုတိယပတ်အတွင်း ဖြစ်ပေါ်နေသော ပိတောက်မြိုင်ဈေး၏ စွန်တာနီပဲ(ခေါ်)ပဲနီရေပွ ဈေးနှုန်းများမှာ စွန်တာနီပဲ(ခေါ်)ပဲနီရေပွ တစ်ပြည်လျှင်(၄၈၀၀)ကျပ်၊ စွန်တာနီ ပဲ(ခေါ်)ပဲနီရေပွ နို့ဆီဘူး(၄)ဘူးလျှင်(၂၄၀၀)ကျပ်နှင့် နို့ဆီတစ်ဘူးလျှင်(၆၀၀)ကျပ် နှင့် စားတော်ပဲပြုတ် လဖက်ရည်သောက်ပန်ကန် တစ်လုံးလျှင်(၅၀၀)ကျပ် (၂၀၀၀)ကျပ်ဖိုးလျှင် (၅)ပန်ကန်တို့ဖြင့် အရောင်း အဝယ် ဖြစ်လျက်ရှိကြောင်း ပဲရေပွနှင့်စားတော်ပဲပြုတ် ရောင်းချသူထံမှ သတင်းရရှိပါသည်။

DOCA (စစ်ကိုင်း) 

          ကျွန်းလှမြို့တွင် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ စပျစ်သီး၊ သင်္ဘောသီး၊ ဖရဲသီး၊ ဩဇာသီး၊ သခွားမွှေးသီး၊ ကျောက်သခွားမွှေးသီး၊ ပန်းသီး၊ ပန်းသစ်တော်သီး၊ မင်းဂွတ်သီး၊  ဒညှင်းသီး နှင့် ဖရဲသီးများကို  ရောင်းချလျက်ရှိကြောင်း သိရသည်။

          ၂၀၂၅ ခုနှစ်၊ စက်တင်ဘာလ ဒုတိယပတ်ပတ်အတွင်း ဖြစ်ပေါ်နေသော ကျွန်းလှမြို့၏ ပန်းသစ်တော်သီး ဈေးနှုန်းများမှာ ပန်းသစ်တော်သီး အကြီး(၁)လုံးလျှင်(၅၀၀၀)ကျပ်၊ အသေး(၁)လုံးလျှင် (၄၀၀၀)ကျပ်ဈေးနှုန်း တို့ဖြင့်လည်းကောင်း ပန်းသီးဈေးနှုန်းများမှာ အကြီး(၁)လုံးလျှင်(၃၅၀၀)ကျပ်၊ (၁၀၀၀၀)ဖိုး(၃)လုံး၊ အသေး(၁)လုံးလျှင်(၂၀၀၀)ကျပ်၊ (၅၀၀၀)ဖိုးလျှင်(၃)လုံး တို့ဖြင့်‌ အရောင်းအဝယ်ဖြစ်လျက်ရှိကြောင်း သီးနှံမျိုးစုံထဲမှ ဖရဲသီး၊ ဩဇာသီး၊ ငှက်ပျောသီး နှင့် မာလကာသီးတို့ကို မိမိတို့ ဒေသထွက်နှင့် အခြားသစ်သီးများကိုမူ မြစ်ကြီးနားမြို့တို့မှ မှာယူရောင်းချလျက်ရှိကြောင်း သစ်ရာမြိုင်ဈေးတိုက်တန်းတွင် သစ်သီးမျိုးစုံ ရောင်းချနေသော ဈေးသည်ထံမှ သိရှိရပါသည်။

DOCA(စစ်ကိုင်း)