ပြည်တွင်းကုန်သွယ်မှုသတင်း

   ပင်လယ်ကမ်းရိုးတန်းဒေသဖြစ်သည့်အလျောက် ‌ရေထွက်ကုန်များ အများအပြား ထွက်ရှိပြီး ဒေသထွက်ကုန်များ၊ ရေထွက်ကုန်များနှင့် စိုက်ပျိုးသီးနှံများကို တစ်နိုင်တစ်ပိုင်ရောင်းချလျက် ရှိပါသည်။ မြိတ်မြို့ပေါ်တွင် ခရု၊ ပုဇွန်၊ ကဏန်း စသည့်တို့ကို လတ်ဆတ်စွာရနိုင် သောကြောင့် ခရီးသွားများလည်း အင်မတန် ကြိုက်နှစ်သက်ကြသော နေရာဒေသတစ်ခု ဖြစ်သည်။ ဈေးများ ပေါ်တွင် ရေထွက်ပစ္စည်းများရောင်းချရာမှ ခရုတရွင်းပြားသည်လည်း ဈေးကောင်း ရရှိကြောင်း သိရှိရပါသည်။ခရုတရွင်းပြားကို အခွံမာကိုချွတ်၍ အသားချည်းသာ ရောင်းချကြပါသည်။

   ယခုလ စက်တင်ဘာလတတိယပတ်တွင် ခရုတရွင်းပြားကို ဆယ်လုံးတစ်ထုတ်လျှင် (၁၂၀၀၀) ကျပ်ဖြင့် ရောင်းချကြကြောင်း သိရှိရပါသည်။

DOCA(တနင်္သာရီ)

   တနင်္သာရီတိုင်း‌ဒေသကြီးတွင် မြန်မာ့ရိုးရာနွေရာသီအစားအစာ တစ်မျိုးဖြစ်သည့် မုန့် လက်ဆောင်းများကို ဈေးကြီးများနှင့် အခြားသောနေရာအနှံ့အပြားများတွင် ရောင်းချနေကြောင်း သိ ရှိရပါသည်။ မုန့်လက်ဆောင်းသည် လူကြိုက်များသော အစားအစာတစ်မျိုးလည်းဖြစ်သည်။ မုန့် လက်ဆောင်းများကို သရေစာအဖြစ် အိမ်များတွင်လည်း လုပ်ကိုင်ကြကြောင်း သိရှိရပါသည်။ မြိတ်မြို့ပေါ်တွင် မုန့်လက်ဆောင်းများကို ငစိန်ဆန်ဟောင်းများ၊ ကွမ်းရွက်မွှေး၊ထုံးရည်ကြည်များ ဖြင့် ပြုလုပ်ကြကြောင်း မုန့်လက်ဆောင်းရောင်းချသူများထံမှသိရှိရပါသည်။ ငစိန်ဆန်လေးပြည် လျှင် အုန်းသီးအလုံး(၂၀)လုံးနှင့် ပြုလုပ်ကြကြောင်းလည်း မုန့်လက်ဆောင်းရောင်းချနေသူများထံ မှ သိရှိရပါသည်။

      ၂၀၂၅ ခုနှစ်တွင် စက်တင်ဘာလများတွင် မြိတ်မြို့ပေါ်ရှိဈေးများနှင့် အခြားသောဈေးများ တွင် မုန့်လက်ဆောင်းတစ်ခွက်လျှင် (၁၀၀၀)ကျပ်နှင့် ပေါင်မုန့်ပါတစ်ခွက်လျှင် (၁၅၀၀)ကျပ်ဖြင့် ရောင်းချနေကြောင်း သိရှိရပါသည်။

DOCA(တနင်္သာရီ)

  တနင်္သာရီတိုင်းဒေသကြီး၊မြိတ်မြို့ပေါ်တွင် ဒေသထွက်ကုန်နှင့် အနယ်နယ်အရပ်ရပ်မှ တင်သွင်းလာသောလူသုံးကုန်၊စားသောက်ကုန်များ အများအပြားရောင်းချလျက်ရှိသည်။ ထိုသို့ ရောင်းချရာတွင် မာလကာသီးသည်လည်း အ‌ရောင်းသွက်လျက်ရှိသည်။ စားတွင်းကောင်း၍ အနံ့မွှေးသောကြောင့် စားသုံးသူများ အလွန်ကြိုက်နှစ်သက်သော သီးနှံတစ်မျိုးဖြစ်သည်။ မာလကာသီးကိုမြိတ်မြို့ပေါ်ရှိ ဆိပ်ငယ်ဈေး၊သီရိမင်္ဂလာဈေးနှင့် သစ်သီးဆိုင်အများအပြားတွင် ရောင်းချလျက်ရှိပါသည်။ မာလကာသီးများကို မြိတ်မြို့ပေါ်တွင် နေရာအနှံ့အပြားတွင် စိုက်ပျိုး ကြပါသည်။ မြိတ်မြို့ပေါ်ရှိ ကမ်းနားဈေးများတွင် သစ်သီးဈေးကားများဖြင့် ရောင်းချကြကြောင်း လည်း တွေ့ရှိရပါသည်။

  ယခု၂၀၂၅ခုနှစ်စက်တင်ဘာလတတိယပတ်တွင် မြိတ်မြို့ပေါ်ရှိ မာလကာသီးဈေးနှုန်းမှာ တစ်လုံးလျှင် (၂၀၀၀)ကျပ်ရှိပြီး တစ်ပိဿာလျှင် (၄၅၀၀)ကျပ်ရှိကြောင်း သစ်သီးရောင်းချနေသူ တစ်ဦးထံမှ သိရှိရပါသည်။

DOCA(တနင်္သာရီ)

      ကျွန်းလှမြို့၊ ပိတောက်မြိုင်ဈေးတွင် အသား/ငါးနှင့် အခြားစား‌သောက် ကုန်ပစ္စည်းများ၊ လူသုံး ကုန်ပစ္စည်းများကို ဒေသတွင်းနှင့် အခြားဒေသများမှ ဝယ်ယူရောင်းချလျက်ရှိရာ ယခုအခါ တွင် လမ်းပန်း ဆက်သွယ်ရေး အခက်ခဲများကြောင့်  ကုန်ဈေးနှုန်းများ အနည်းငယ် မြင့်တက်လျက်ရှိရာမှ အသား/ငါး ဈေးနှုန်းများထဲမှ အမဲသားဈေးနှုန်းသည်လည်း မြင့်တက်လျက်ရှိပါသည်။

         အမဲသားများကို ကျွန်းလှမြို့ ဒေသတွင်းဟင်းစလေများမှ လက်လီ/လက္ကား ရောင်းချလျက်ရှိရာ ၂၀၂၅ ခုနှစ်၊ စက်တင်ဘာလ ဒုတိယပတ်၏ အမဲသား ဈေးနှုန်းများ အနေဖြင့် အမဲသားရှယ်(တစ်တုံး ထဲသား)လက္ကားတစ်ပိဿာလျှင်(၂၈၀၀၀)ကျပ်၊အမဲသားရှယ်(တစ်တုံးထဲသား)လက်လီ တစ်ပိဿာလျှင် (၃၀၀၀၀)ကျပ်၊ အမဲသားရိုးရိုး(အသားပြွန်း) လက္ကား တစ်ပိဿာလျှင်(၂၆၀၀၀)ကျပ်၊ အမဲသားရိုးရိုး (အသားပြွန်း) လက်လီ တစ်ပိဿာလျှင်(၂၈၀၀၀)ကျပ်၊ အမဲပုဆိုးကြမ်း တစ်ပိဿာလျှင်(၁၄၀၀၀)ကျပ်၊ အမဲသား အတိုအစ တစ်ပိဿာ(၈၀၀၀)ကျပ်၊ အမဲသွေးခဲ တစ်ပိဿာလျှင်(၄၀၀၀)ကျပ်၊ အမဲအူ တစ်ပိဿာလျှင်(၆၀၀၀)ကျပ် နှင့် အမဲရိုး တစ်ပိဿာ(၆၀၀၀)ကျပ် ဈေးနှုန်းများဖြင့် အရောင်းအဝယ် ဖြစ်လျက်ရှိကြောင်း အမဲသားသည် ထံမှ သိရပါသည်။

DOCA (စစ်ကိုင်း) 

             စစ်ကိုင်းတိုင်းဒေသကြီး၊ ကျွန်းလှမြို့တွင် စိုက်ပျိုးရေး၊ မွေးမြူရေး လုပ်ငန်းများကို လုပ်ကိုင် ပြီး အသက်မွေးဝမ်းကြောင်းပြုကြသူများရှိသလို တောတောင်ကို အမှီပြုပြီး သပြေပန်းချိုးရောင်း ခြင်း၊ မျှစ်ချိုရောင်းခြင်း၊ မှိုရှာရောင်းခြင်း၊ အသီးအရွက်ခူးရောင်းခြင်း၊ အင်ဖက်ခူးရောင်းခြင်းနှင် ပျားရှာသည့်လုပ်ငန်းတို့ကိုလည်း လုပ်ကိုင်ပြီး မိသားစုစားဝတ်နေရေးတွက် အသက်မွေးဝမ်းကြောင်း ပြုသူများရှိသည့်အနက် သပြေပန်းကိုလည်းချိုးပြီး ကျွန်းလှမြို့သစ်ရာမြိုင်ဈေးတွင် လာရောက် ရောင်းချလျက်ရှိကြောင်း သိရသည်။

        သပြေပန်းကို ဘုရားပန်းကပ်လှူရန်အတွက်လည်းကောင်း၊ လှူပွဲ မင်္ဂလာပွဲ အခမ်းအနားများ တွင် အောင်ပန်းအဖြစ်လည်းကောင်း   အသုံးပြုကြပြီး  ယခု ၂၀၂၅ ခုနှစ်၊ စက်တင်ဘာလ ဒုတိယပတ် အတွင်း သပြေပန်းအခက် တစ်စည်းလျှင်(၁၅၀၀)ကျပ်၊ သပြေပန်း အငုတ်ကြီး(၁)ငုတ်လျှင် (၃၀၀၀/၄၅၀၀)ကျပ် နှင့် သပြေပန်း အငုတ်သေး(၁)ငုတ်လျှင်(၁၅၀၀/၂၀၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး လူကြိုက်များသော ပန်းဖြစ်သည့်အတွက် ဈေးကောင်းရရှိပြီး အရောင်းအဝယ် သွက်လျက် ရှိကြောင်း ပန်းရောင်းချသူ များထံမှ သိရသည်။

DOCA (စစ်ကိုင်း)