ပြည်တွင်းကုန်သွယ်မှုသတင်း

              မန္တလေးမြို့တွင်းသို့ ရှမ်းပြည်နယ် တောင်ကြီး၊ အောင်ပန်း ၊ ပြင်ဦးလွင်နှင့် ကျောက်ဆည် မြို့များမှ အာတာလွတ်ဥများ ဝင်ရောက်လျှက်ရှိပြီး အာတာလွတ်ဥကို စားသုံးသူပြည်သူများက အလွန်ကြိုက်နှစ်သက်သောကြောင့် ဝယ်လိုအားရှိကြောင်း၊ အာတာလွတ်ဥကို ပြုတ်စား၍ သော် လည်းကောင်း၊ ဟင်းရည်ချက်စား၍သော်လည်းကောင်း စားသုံးကြပါသည်။ အာတာလွတ်စျေးနှုန်း အနေဖြင့်အောက်တိုဘာလ နောက်ဆုံးပတ်တွင် အသေး(၁)ပိဿာလျှင်(၃၅၀၀)ကျပ်၊ အကြီး(၁) ပိဿာလျှင်(၄၀၀၀)ကျပ် စျေးနှုန်းများဖြင့် အရောင်းအဝယ်ဖြစ်ခဲ့ပြီး နိုဝင်ဘာလပထမပတ်တွင် အသေး(၁)ပိဿာလျှင်(၃၀၀၀)ကျပ်၊ အကြီး(၁)ပိဿာလျှင်(၃၅၀၀)ကျပ် စျေးနှုန်းများဖြင့် အရောင်း အဝယ်ဖြစ်လျှက်ရှိကြောင်း အာတာလွတ်ဥရောင်းချသည့် ဈေးသည်များထံမှသိရှိရပါသည်။

Doca(မန္တလေး)

                 မန္တလေးမြို့တွင်းသို့ ရှမ်းပြည်နယ် တောင်ကြီး၊ အောင်ပန်း ၊ ပြင်ဦးလွင်နှင့် ကျောက်ဆည် မြို့များမှ ကန်စွန်းဥများ ဝင်ရောက်လျက်ရှိပြီး ကန်စွန်းဥကို စားသုံးသူပြည်သူများက အလွန်ကြိုက် နှစ်သက်သောကြောင့် ဝယ်လိုအားရှိကြောင်း၊ ကန်စွန်းဥအမျိုးအစားမှာ ရွှေဝါနှင့် ငချိတ်ဟူ၍ (၂)မျိုး ရှိပြီး ကန်စွန်းဥကို ပြုတ်စား၍သော်လည်းကောင်း၊ ယိုထိုးပြုလုပ်၍သော်လည်းကောင်း၊ ကန်စွန်းဥ ခြောက်ကြော်ပြုလုပ်၍သော်လည်းကောင်း စားသုံးကြပါသည်။ ကန်စွန်းဥစျေးနှုန်းအနေဖြင့် အောက်တို ဘာလနောက်ဆုံးပတ်တွင် အသေး(၁)ပိဿာလျှင်(၃၅၀၀)ကျပ်၊ အကြီး(၁)ပိဿာလျှင်(၄၀၀၀)ကျပ်စျေးနှုန်းများဖြင့်အရောင်းအဝယ်ဖြစ်ခဲ့ပြီး နိုဝင်ဘာလပထမပတ်တွင် အသေး(၁)ပိဿာလျှင်(၃၀၀၀) ကျပ်၊ အကြီး(၁)ပိဿာလျှင်(၃၅၀၀)ကျပ် စျေးနှုန်းများဖြင့် အရောင်းအဝယ်ဖြစ်လျှက်ရှိကြောင်း ကန်စွန်းဥရောင်းချသည့် ဈေးသည်များထံမှ သိရှိရပါသည်။

Doca(မန္တလေး)

          မိတ္ထီလာမြို့၊ မြို့မဈေးကြီးရှိ ကုန်ခြောက်ပွဲရုံများတွင် နိုဝင်ဘာလ ဒုတိယပတ်၌ ကြက်သွန်ဖြူ ဈေးငြိမ်နေကြောင်းသိရသည်။ ဈေးကွက်သို့ ကြက်သွန်ဖြူကို ရှမ်းပြည်နယ်တောင်ပိုင်းမှ အများဆုံးဝင်ရောက်လာကာ ရှမ်းကြက်သွန်ဖြူများ အရောင်းသွက်လျက်ရှိပါသည်။ ကြက်သွန်ဖြူတွင် ယခင်က ဗမာကြက်သွန်ဖြူ၊ ရှမ်းကြက်သွန်ဖြူ၊ ကြူကုတ်ကြက်သွန်ဖြူဟူ၍ ဗမာကြက်သွန်ဖြူမှာ မြင်းခြံ၊ တောင်သာနယ်မှလည်းကောင်း၊ ရှမ်းကြက်သွန်ဖြူမှာ တောင်ကြီး၊ အောင်ပန်းတို့မှလည်းကောင်း၊ ကြူကုတ်ကြက်သွန်ဖြူမှာ မန္တလေးမှလည်းကောင်း ဝင်ရောက်ခဲ့ပြီး၊ ယခုနှစ်မှာတော့ ရှမ်းကြက်သွန်ဖြူများ သာဈေးကွက်တွင်တွေ့ရပါသည်။ ကြက်သွန်ဖြူဈေးမှာ ယခုနှစ် ဈေးနှုန်းသိသာစွာမြင့်တက်မှုမရိဘဲ သီးနှံသစ်ပေါ်စမှ လက်ရှိအချိန်အထိ ဈေးနှုန်းသိသာစွာမြင့်တက်မှုမရှိကြောင်းနှင့် တစ်ပိဿာလျှင် ကြက်သွန်ဖြူဥအကြီး/ အသေးပေါ်မူတည်၍ (၄၀၀၀မှ ၈၀၀၀) ကျပ် ဈေးရှိကြောင်း ဈေးကွက်မှ သိရှိရပါသည်။

DOCA(မန္တလေး)

         မိတ္ထီလာဈေးကွက်သို့ ငှက်ပျောသီး(ဖီးကြမ်း)များအား ကျောက်ဆည်၊ ကူမဲဘက်မှဝင်ရောက်ကြောင်း သိရပါသည်။ ငှက်ပျောသီးကို ငှက်ပျော်သီးမှည့်အဖြစ်လည်း စားသုံးသလို ငှက်ပျောသီးကြော်၊ ငှက်ပျော်ရွေကြည်၊ ငှက်ပျောပေါင်း အစရှိသည့် သရေစာမများလုပ်၍လည်း စားသုံးနိုင်ပါသည်။ ငှက်ပျောသီးများကိုရှေးလူကြီးများအဆိုအရ (မနက်ငှက်ပျော၊ ညသင်္ဘော) ဆိုသလို မနက်စာဖီးကြမ်းမှည့်သီးတစ်လုံးကိုစားသုံးပေးခြင်းဖြင့် ကျန်းမာရေးကိုများစွာ အထောက်အကူပြုပြီး ကိုယ်ခံအားကောင်းစေပါသည်။ ငှက်ပျောသီးသည် အမျှင်ဓာတ်ပါ၍ဝမ်းချုပ်ခြင်းမှလည်းကာကွယ်ပေးပါသည်။

    ဈေးနှုန်းအနေဖြင့် နိုဝင်ဘာလ၊ ဒုတိယပတ်တွင်မြို့မဈေးနှင့် မြို့ပေါ်ရပ်ကွက်ဈေးများတွင် ငှက်ပျောသီး(ဖီးကြမ်း)တစ်ဖီးလျှင် (၄၀၀၀/၅၀၀၀/၆၀၀၀)ကျပ်ရောင်းချပြီး အဖီးအရွယ်အစားအလိုက် ဈေးနှုန်းပြောင်းလဲနိုင်ပြီး အခိုင်လိုက်လည်းရောင်းချလျက်ရှိကြောင်း စုံစမ်းသိရှိရပါသည်။

DOCA(မန္တလေး)

              မန္တလေးတိုင်းဒေသကြီးသည် လယ်မြေထက်ယာမြေများ ပိုမိုများပြားသော တိုင်းဒေသကြီး ဖြစ်သဖြင့် ယာမြေပေါ်တွင်စိုက်ပျိုးထွက်ရှိသော ပဲမျိုးစုံကို အဓိကထားစိုက်ပျိုးလျက် ရှိပါသည်။ ပဲမျိုးစုံကို နွားထိုးကြီးမြို့နယ်၊ မတ္တရာမြို့နယ်၊ ကျောက်ပန်းတောင်းမြို့နယ်၊ မလှိုင်၊ တောင်သာ၊ ရမည်းသင်း နှင့်ပျော်ဘွယ်မြို့နယ်များတွင် အများအပြား စိုက်ပျိုးလျက် ရှိပါသည်။ ယခုအချိန် အခါတွင်ဆောင်သီးနှံများဖြစ်သည့် မြေပဲ၊ မတ်ပဲ၊ ပဲတီစိမ်း၊ ပဲစဉ်းငုံနီ၊ ကုလားပဲနှင့် ပဲပုတ် သီးနှံ အသစ်များ  ဈေးကွက်သို့ စတင်ဝင်ရောက် အရောင်းအဝယ် ဖြစ်လျက်ရှိကြောင်း သိရှိရပါသည်။

           မြေပဲဆံနီတစ်ပိဿာလျှင် (၉၀၀၀)ကျပ်၊ မတ်ပဲတစ်ပိဿာလျှင် (၄၆၆၇)ကျပ်၊ ပဲတီစိမ်း တစ်ပိဿာလျှင် (၅၂၄၄)ကျပ်၊ ပဲစဉ်းငုံနီတစ်ပိဿာလျှင် (၄၅၅၀)ကျပ်၊ ကုလားပဲတစ်ပိဿာလျှင် (၄၆၂၂)ကျပ်နှင့် ပဲပုတ်(ဗမာ)တစ်ပိဿာလျှင် (၆၇၆၁)ကျပ်ဖြင့် အရောင်းအဝယ်ဖြစ်လျက်ရှိပြီး Exporten သမားများ၊ ဒေသတွင်းပဲခွဲစက်နှင့် ဆီစက် ကြိတ်ခွဲထုတ်လုပ်မှုများ ပုံမှန် အရောင်းအဝယ် ဖြစ်လျက်ရှိသည်။ မြေပဲဆံနီဈေးနှုန်းသည် ယခင်လထက် အနည်းငယ် မြှင့်တက် လျက်ရှိပြီး ပဲစဉ်းငုံနီဈေးနှုန်းမှာ ငြိမ်သက်လျက် ရှိကြောင်း၊ မတ်ပဲ၊ ပဲတီစိမ်း၊ ကုလားပဲနှင့် ပဲပုတ်ဈေးနှုန်းမှာ ယခင်လထက် အနည်းငယ်ကျဆင်းသွား ကြောင်းသိရပါသည်။

Doca(မန္တလေး)