ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူ၊ မြိုင်၊ ပေါက်၊ ရေစကြို၊ ဆိပ်ဖြူ မြို့နယ် များတွင် စပါး၊ ဆီထွက်သီးနှံမျိုးစုံ၊ ကုန်စိမ်းသီးနှံမျိုးစုံနှင့် သစ်သီးဝလံများကို နှစ်စဉ်စိုက်ပျိုးလျက် ရှိသည်။ သီးနှံမျိုးစုံအနက် မတ်ပဲသီးနှံကို စိုက်ပျိုးရာတွင် စိုက်ဧက(၃၀၀၀)ခန့် စိုက်ပျိုးပြီး ရေစကြို မြို့နယ်တွင် အဓိကစိုက်ပျိုးပြီး ပခုက္ကူ ဈေးကွက်သို့ ဝင်ရောက်အရောင်းအဝယ်ဖြစ်သည့်အပြင် အခြားမြို့နယ်များမှလည်း ဝင်ရောက်ကြောင်း သိရှိရသည်။

          မတ်ပဲဈေးနှုန်းမှာ ၂၀၂၅ခုနှစ်၊ ဒီဇင်ဘာလ (စတုတ္ထပတ်)တွင် တစ်တင်းလျှင် ကျပ်(၇၀၀၀၀ မှ ၇၄၅၀၀)ဖြစ်ပြီး   ဈေးကျပြီး အရောင်း အဝယ်ဖြစ်ကြောင်း၊ ဒီဇင်ဘာလ(ပထမပတ်)နှင့် (ဒုတိယပတ်) တွင်  မတ်ပဲတစ်တင်းလျှင် သီးနှံအရည်အသွေးလိုက်၍ ကျပ်(၇၀၀၀၀ မှ ၇၇၀၀၀) ဈေးရှိပြီး အရောင်း အဝယ်ဖြစ်ခဲ့၍ ဈေးနှုန်းနှိုင်းယှဉ်ပါက ယခု တစ်ပတ် အတွင်း မတ်ပဲတစ်တင်းလျှင် ကျပ်(၂၅၀၀) ခန့် ဈေးကျနေကြောင်း သိရှိရသည်။ မတ်ပဲသီးနှံသည် ပြည်တွင်းစားသုံးမှုနည်းသော်လည်း ပြည်ပ နိုင်ငံ များမှ ဝယ်လိုအားကောင်းသော သီးနှံတစ်မျိုးဖြစ်၍ ဈေးကွက်ခိုင်မာ မှုရှိကြောင်း၊ ပြည်ပဈေးကွက် အပေါ်မူတည်၍ ဈေးနှုန်းအနိမ့်အမြင့်ရှိကြောင်း ပဲဈေးကွက်မှ သိရှိရသည်။

DOCA(မကွေး)

     မကွေးတိုင်းဒေသကြီး၊ ပခုက္ကူခရိုင်အတွင်း ပခုက္ကူ၊ ရေစကြို၊ မြိုင်၊ ပေါက်၊ ဆိပ်ဖြူ မြို့နယ် များရှိကျေးရွာများတွင် လယ်ယာစိုက်ပျိုးရေးလုပ်ငန်းကို အဓိကအားထားပြီး ရာသီအလိုက် သီးနှံ မျိုးစုံစိုက်ပျိုးလျက်ရှိပါသည်။ ပခုက္ကူခရိုင်အတွင်းရှိ မြို့နယ်များတွင် ဆီထွက်သီးနှံဖြစ်သော မြေပဲ၊ နှမ်းသီးနှံများကို နှစ်စဉ် မိုးသီးနှံနှင့် ဆောင်းသီးနှံဟူ၍ ရာသီအလိုက်စိုက်ပျိုးကြပါသည်။ ယခုနှစ်တွင် ဆောင်းသီးနှံဖြစ်သော စမုံနှမ်းနက်များ စိုက်ပျိုးထွက်ရှိပြီး ဈေးကွက်အတွင်း၌ နေ့စဉ်အရောင်းအဝယ်ဖြစ်၍ ဈေးကောင်းရလျက်ရှိကြောင်း သိရှိရပါသည်။ ပခုက္ကူခရိုင်အတွင်း နှမ်းစိုက်ဧကများအနေ ဖြင့် ပခုက္ကူမြို့တွင် (၄၆၅၆၇)ဧက၊ ရေစကြိုမြို့တွင် (၉၁၁၁)ဧက၊ မြိုင်မြို့တွင် (၅၂၆၇၃)ဧက၊ ပေါက်မြို့တွင် (၈၅၆၄)ဧကနှင့် ဆိပ်ဖြူမြို့နယ်တွင် (၆၂၉၀)ဧက၊ စုစုပေါင်း (၁၂၃၂၀၅)ဧက ပခုက္ကူ ခရိုင်အတွင်း စိုက်ပျိုးလျက်ရှိကြောင်း စိုက်ပျိုးရေးဦးစီးဌာနမှသိရှိရပါသည်။

တစ်ဧက ကုန်ကျစရိတ်

 ပခုက္ကူခရိုင်အတွင်း မြို့နယ်အလိုက် ဆီးထွက်သီးနှံဖြစ်သည့် စမုံနှမ်းနက် (၁)ဧက ကုန်ကျ စရိတ်များကို-၂၀၂၃ ခုနှစ်၊ ၂၀၂၄ ခုနှစ်နှင့် ၂၀၂၅  ခုနှစ်များ၏ ကုန်ကျစရိတ်များကို နှိုင်းယှဉ်ကြည့်ရာ တွင် ၂၀၂၃ ခုနှစ်တွင် မျိုး၊ သွင်းအားစု၊ ရိတ်သိမ်းစရိတ် စုစုပေါင်း (၇)သိန်းခန့်၊ ၂၀၂၄ ခုနှစ်တွင် မျိုး၊ သွင်းအားစု၊ ရိတ်သိမ်းစရိတ် စုစုပေါင်း (၉)သိန်းခန့်၊ ၂၀၂၅ ခုနှစ်တွင် မျိုး၊ သွင်းအားစု၊ ရိတ်သိမ်း စရိတ် စုစုပေါင်း (၁၂)သိန်းခန့် ကုန်ကျပြီး၊ မြို့နယ်များအနေဖြင့် တစ်မြို့နှင့်တစ်မြို့ သွင်းအားစုနှင့် ရိတ်သိမ်းစရိတ်များမှာ အနည်းငယ်ကွာခြားလျက်ရှိသည့်အတွက် ယခုကုန်ကျစရိတ်များမှာ ပျမ်းမျှ ကုန်ကျစရိတ်များဖြစ်ကြောင်း  သိရှိရပါသည်။

တစ်ဧက ထွက်ရှိမှု

ပခုက္ကူခရိုင်အတွင်း မြို့နယ်အလိုက် ဆီးထွက်သီးနှံဖြစ်သည့် စမုံနှမ်းနက် တစ်ဧကထွက်ရှိမှု များကို  ၂၀၂၃ ခုနှစ်၊ ၂၀၂၄ ခုနှစ် နှင့် ၂၀၂၅  ခုနှစ်များ၏ ထွက်ရှိမှုများကို နှိုင်းယှဉ်ကြည့်ရာတွင်  -

မြို့နယ်         ၂၀၂၃ ခုနှစ်              ၂၀၂၄ ခုနှစ်                 ၂၀၂၅ ခုနှစ်

ပခုက္ကူ          ၁၁ တင်း                 ၁၂ တင်း                      ၈ တင်း

ရေစကြို        ၁၂ တင်း                  ၁၃ တင်း                     ၈ တင်း

မြိုင်              ၁၃ တင်း                 ၁၆ တင်း                   ၁၀ တင်း

ပေါက်           ၁၃ တင်း                 ၁၅ တင်း                   ၁၀ တင်း

ဆိပ်ဖြူ          ၁၁ တင်း                 ၁၂ တင်း                      ၈ တင်း

ပခုက္ကူခရိုင်အတွင်း မြို့နယ်အလိုက် ဆီထွက်သီးနှံဖြစ်သည့် စမုံနှမ်းနက် (၁) ဧက ထွက်ရှိမှု များကို          နှိုင်းယှဉ်ကြည့်ရာတွင် မြို့နယ်အလိုက် ရာသီဥတု၊ ရေ၊ မြေ၊ သဘာဝနှင့် မိုးရေချိန် ကွာခြား ချက်ကြောင့် (၁)ဧက အထွက်တင်းများ မတူညီခြင်း၊ ထွက်ရှိမှုကို နှစ်အလိုက် နှိုင်းယှဉ်ကြည့်မည်ဆို လျှင် ၂၀၂၃ ခုနှစ်၊ ၂၀၂၄ ခုနှစ်များတွင် ရာသီဥတု ကောင်းမွန်ပြီး နှမ်းသီးနှံအကြိုက် မိုးများရွာသွန်းခဲ့ သည့်အတွက် အထွက်နှုန်းကောင်းသည်ကို တွေ့ရှိရပါသည်။ ယခုနှစ် ၂၀၂၅ ခုနှစ်တွင် နှမ်းသီးနှံ စိုက်ပျိုးချိန်ဖြစ်သည့် ဩဂုတ်လနှင့် စက်တင်ဘာလများတွင် မိုးများရွာသွန်းခဲ့သဖြင့် မြို့နယ်အလိုက် စိုက်ပျိုးဖြစ်ထွန်းခဲ့ပြီး  နှမ်းသီးနှံများ အပင်ပေါက်၊ အဖူး၊ အပွင့် အားကောင်းသော်လည်း သီးနှံရင့် မှည့်ချိန်တွင် မိုးများ ရွာသွန်းခဲ့ခြင်းမရှိသောကြောင့် ဒေသတောင်သူများအခေါ် နောက်မိုးမကောင်း သည့် အတွက်  အထွက်နှုန်းမှာ ယခင်နှစ်များထက် လျှော့နည်းခဲ့ပါသည်။

ဈေးနှုန်းဈေးကွက်

ပခုက္ကူခရိုင်အတွင်း မြို့နယ်အလိုက် စိုက်ပျိုးထွက်ရှိသောဆီထွက်သီးနှံဖြစ်သည့် စမုံနှမ်းနက် များကို ဈေးနှုန်း၊ ဈေးကွက်နှင့် ရောင်းဝယ်မှု အချက်အချာကျသည့် ပခုက္ကူမြို့ကုန်စည်ဒိုင်တွင် အ ရောင်းအဝယ်ဖြစ်လျက်ရှိပါသည်။ ပခုက္ကူမြို့ကုန်စည်ဒိုင်တွင် ဒီဇင်ဘာလအတွင်း အရောင်းအဝယ် ဖြစ်ခဲ့သည့် ဈေးနှုန်းများမှာ ၂၀၂၃ ခုနှစ်၊ ၂၀၂၄ ခုနှစ်နှင့် ၂၀၂၅ ခုနှစ်များ၏ ဈေးနှုန်းဈေးကွက်များကို နှိုင်းယှဉ်ကြည့်ရာတွင် -

   အမျိုးအစား    ၂၀၂၃ ခုနှစ်ဈေးနှုန်း      ၂၀၂၄ ခုနှစ်ဈေးနှုန်း        ၂၀၂၅ ခုနှစ်ဈေးနှုန်း

                          အနိမ့်/အမြင့်                အနိမ့်/အမြင့်                  အနိမ့်/အမြင့်

        ရှယ်         ၁၁၀၀၀၀/၁၂၂၀၀၀        ၂၀၀၀၀၀/၂၃၀၀၀၀          ၂၃၆၀၀၀/၂၄၂၀၀၀

        ပုံမှန်          ၉၀၀၀၀/၁၁၈၀၀၀        ၂၀၀၀၀၀/၂၂၈၀၀၀          ၂၀၀၀၀၀/၂၃၅၀၀၀

ဈေးကွက်အနေဖြင့် စမုံနှမ်းနက်များကို ရန်ကုန်၊ မန္တလေးမြို့များသို့ တင်ပို့ပြီး ပြည်ပသို့လည်း တင်ပို့လျက်ရှိကြောင်း သိရှိရပါသည်။

DOCA(မကွေး)

                        မြင်းခြံမြို့နယ်အတွင်း ရောင်းချနေသော နေကြာစေ့လှော်များကို မုံရွာမြို့နှင့် မန္တလေးမြို့ တို့မှမှာယူရောင်းချကြောင်း၊ နေကြာစေ့လှော်သည် ဗီတာမင်အီးပြည့်ဝပြီး အသားအရည်လှပသဖြင့် မြန်မာအမျိုးသမီးထုအနေဖြင့် အများဆုံးစားသုံးကြသလို လူမျိုးဘာသာမရွေး အပျင်းပြေ သရေစာအဖြစ် စားသုံးကြကြောင်း၊ ၂၀၂၅ခုနှစ်၊ ဒီဇင်ဘာလ၌ နေကြာစေ့လှော် လက်လီဈေးအနေဖြင့် နို့ဆီဗူး (၄)ဗူးလျှင် (၇၅၀၀) ကျပ် လက်လီဈေးတစ်ပြည်လျှင် (၁၄၀၀၀)ကျပ်၊ လက်ကား ဈေးတစ်ပြည်လျှင် (၁၅၀၀၀)ကျပ် ဖြင့်ရောင်းချလျက်ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် နေကြာစေ့ လှော် လက်လီ၊လက်ကားဈေးတစ်ပြည်လျှင် (၅၀၀-၁၀၀၀)ကျပ်ခန့် ဈေးနှုန်းမြင့်တက်ခဲ့ကြောင်း၊ ထိုသို့ ဈေးနှုန်းမြင့်တက်ခြင်းမှာ သယ်ယူစရိတ်မြင့်တက်လာခြင်းကြောင့်ဖြစ်ပြီး၊ စားသုံးမှုများသောကြောင့် ‌ဒေသတွင်းနေ့စဉ်ကုန်ချိန် (၁၅-၂၅) ပြည်ခန့် ရောင်းချရကြောင်း၊  အရောင်းအဝယ်ဖြစ်လျက်ရှိကြောင်းနေကြာစေ့လှော်ရောင်းချသူ၏ပြောပြချက်အရသိရှိရသည်။နေကြာစေ့တွင်ပါဝင်သောဗီတာမင် အီးသည် အရေပြားရောင်ရမ်းခြင်းကို သက်သာစေပြီး အသားအရေကိုနူးညံ့ ကြောင်းသိရှိရသည်။

DOCA(မန္တလေး)

                  စားဖိုဆောင်အုပ်စုဝင်ဖြစ်သော ချင်းသီးနှံကို  ဟင်းခက်အမွှေးအကြိုင်အဖြစ် လူအများအသုံး ပြုကြကြောင်း၊ မြင်းခြံမြို့နယ်အတွင်းရောင်းချနေသော ချင်းများကို ရှမ်းပြည်နယ်တောင်ပိုင်း၊ အောင်ပန်းမြို့နှင့် မန္တလေးမြို့ကုန်စိမ်းပွဲရုံများမှ တင်သွင်းရောင်းချကြောင်း၊ ၂၀၂၅ခုနှစ်၊ ဒီဇင်ဘာလ၌ အေးမြသီတာဈေးနှင့် စံပြဈေးများတွင်ရောင်းချနေသော ချင်းတစ်အသစ်အခက်ကြီး တစ်ပိဿာ လျှင် (၅၅၀၀)ကျပ်၊ ချင်းတက်အလတ် တစ်ပိဿာလျှင်(၄၀၀၀)ကျပ်၊ ချင်းတက်အသေး တစ်ပိဿာလျှင် (၃၀၀၀)ကျပ်ခန့်ပေါက်ဈေးများဖြင့် အရောင်းအဝယ် ဖြစ်လျက်ရှိကြောင်း၊ ယခင်လ နှင့်နှိုင်းယှဉ်ပါက ယခုလတွင် ချင်းတက်အစစုံ တစ်ပိဿာလျှင် (၁၀၀၀)ကျပ်ခန့် ဈေးနှုန်းများ ကျဆင်းခဲ့ကြောင်း၊ ဂျင်းတက်အသစ်များ ထွက်ပေါ်ချိန်ဖြစ်သောကြောင့် ဈေးနှုန်းများကျဆင်းခြင်းကြောင်း၊ ချင်းတက် သည် ကိုယ်ခံအားကောင်းသောကြောင့် စားသုံးမှုများပြားပြီး အရောင်းအဝယ် ကောင်းကြောင်း၊ နေ့စဉ်ကုန်ချိန်(၅၀-၁၅၀)ပိဿာခန့် ရောင်းချရကြောင်း ကုန်စိမ်းရောင်းချသူတစ်ဦး၏ပြောပြချက် အရသိရှိရသည်။

DOCA(မန္တလေး)

        ရွှေဘိုမြို့ ဈေးကွက်အတွင်း ဒီဇင်ဘာလ၊ စတုတ္ထအပတ်တွင်ရောင်းချသည့် ပဲလွန်းပြာဈေးနှုန်းမှာ (၁)ပြည်လျှင်(၅၅၀ဝိ/-)ကျပ်နှင့် တစ်တင်းလျှင်(၈၈၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ် တို့၏အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲလွန်းပြာ(၁)ပြည်လျှင် (၅၅၀ဝိ/-)ကျပ်ပေါက်ဈေးရှိခဲ့သဖြင့်  ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်း တူညီကြောင်း၊ ဈေးကွက်အနေဖြင့်ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ကောက်ညှင်းပေါင်း ရောင်းချသည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

         ရွှေဘိုမြို့ဈေးကွက်အတွင်း နိုဝင်ဘာလ၊ စတုတ္ထအပတ်မှစတင်၍ ရွှေဘိုဈေးကွက်သို့ ဝင်ရောက်ခဲ့ကြောင်း၊ ဒီဇင်ဘာလ၊ စတုတ္ထအပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲလွန်းဖြူ (၁)ပြည်လျှင်(၆၀၀ဝိ/-)ကျပ်နှင့် တစ်တင်းလျှင်(၉၆၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲလွန်းဖြူ (၁)ပြည်လျှင် (၇၀၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်အောက် ပဲလွန်းဖြူ (၁)ပြည်လျှင်(၁၀၀ဝိ/-)ကျပ် ဈေးလျော့နည်းခဲ့ကြောင်း၊  ဈေးကွက်အနေဖြင့်ဒေသတွင်းရှိ စားသုံးသူများ၊ တစ်ဆင့်ပြန်လည်ရောင်းချမည့်သူများ၊ ကောက်ညှင်းပေါင်း ရောင်းချသူများမှ ဝယ်ယူကြကြောင်း၊ ဈေးကွက်အတွင်း ပဲလွန်းဖြူအဟောင်း(၁)ပြည်လျှင်(၆၈၀ဝိ/-)ကျပ်နှင့် အရောင်းအဝယ်ပိတ်သွားပြီး အသစ်ပေါ်ချိန်တွင် အမြင့်ဈေးဖြင့် အရောင်းအဝယ်ဖြစ်လျက်ရှိကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)