ပြည်တွင်းကုန်သွယ်မှုသတင်း

          မကွေးတိုင်းဒေသကြီး၊ မကွေးမြို့ပေါ်ရှိ ရပ်ကွက်ဈေးများနှင့် အရောင်းအဝယ်ပြုလုပ်သည့်နေရာ များတွင် မိုးတွင်းကာလနှောင်းပိုင်းနှင့် စက်တင်ဘာလ အလယ်ပိုင်းတို့၌ ရာသီပေါ်သစ်သီးဝလံ တစ်မျိုးဖြစ်သော ဩဇာသီးများ စတင်ဝင်ရောက်လာပြီး အရောင်းအဝယ်သွက်လျက်ရှိကြောင်း ဒေသခံ သစ်သီးရောင်းဝယ်လုပ်ကိုင်သူများထံမှသိရသည်။

          ဩဇာသီးသည် မြန်မာနိုင်ငံ၏ ရာသီဥတုအခြေအနေအရ မိုးတွင်းကာလများတွင် အထူးပေါများပြီး အာဟာရဓာတ်ကြွယ်ဝကာ ချိုမြိန်သောအရသာကြောင့် စားသုံးသူပြည်သူများ နှစ်သက်စွာ စားသုံးကြ သည့် သစ်သီးတစ်မျိုးဖြစ်သည်။ ဩဇာသီးတွင် ဗီတာမင်စီ၊ ဗီတာမင်ဘီ၊ မဂ္ဂနီဆီယမ်နှင့်ပိုတက်ဆီယမ် စသည့် သတ္ထုဓာတ်များ ကြွယ်ဝစွာပါဝင်သည်။ ဩဇာသီးစားသုံးခြင်း၏ အကျိုးရလဒ်သည် ကိုယ်ခံအား စနစ်ကိုမြှင့်တင်ပေးခြင်း၊ အစာခြေစနစ်ကိုအထောက်အကူပြုခြင်းနှင့် နှလုံးကျန်းမာရေးကို ထိန်းသိမ်း ပေးနိုင်ခြင်း စသည့် ကျန်းမာရေးဆိုင်ရာ အကျိုးကျေးဇူး များကို ပေးစွမ်းနိုင်သောကြောင့် ကျန်းမာရေးနှင့် ညီညွတ်သော သစ်သီးတစ်မျိုးအဖြစ် သိရသည်။ စက်တင်ဘာလအတွင်း မကွေးဈေးကွက်သို့ ရာသီပေါ် ဩဇာသီများ ပုံမှန်ဝင်ရောက်မှုကြောင့် စားသုံးသူ ပြည်သူများအနေဖြင့် အလွယ်တကူစားသုံးနိုင်ပြီဖြစ် ကြောင်း သိရသည်။၂၀၂၆ခုနှစ်၊ စက်တင်ဘာလ (တတိယပတ်) အတွင်း မကွေးမြို့၊ ရန်ပယ်ဈေးအတွင်း ရောင်းချလျက်ရှိသော ဩဇာသီးဈေးနှုန်းများမှာ ဩဇာသီး အလုံးသေး (၁)လုံးလျှင် (၅၀၀)ကျပ်၊ အလုံးကြီး (၁)လုံးလျှင် (၁၀၀၀)ကျပ်တို့ဖြင့် ရောင်းချ လျက်ရှိပြီး ဩဇာသီး၏ အရွယ်အစားနှင့် ဒေသအလိုက် ဈေးနှုန်းကွာခြားမှုရှိကြောင်း ဈေးသည်များထံ မှ သိရှိရပါသည်။

DOCA(မကွေး)

     မကွေးတိုင်းဒေသကြီး၊ဂန့်ဂေါခရိုင်အတွင်းရှိ မောက်၊ကျွဲနန်း၊မြင်းစာ၊တောင်ခရမ်း၊မြောက်ခရမ်း၊ ဇဟော ကျေးရွာများတွင် နှမ်းမျိုးစုံ၊ထောပတ်ပဲ ၊ပဲယင်း၊ မြေပဲနှင့် အခြားသီးနှံများ စိုက်ပျိုးထုတ်လုပ် လျက်ရှိပါသည်။ ဂန်ဂေါမြို့နယ်အတွင်းရှိ ကျေးရွာများတွင် နှမ်းများကို ကဆုန်တွင် စတင်စိုက်ပျိုးပြီး ဝါခေါင်လဆန်းတွင်စတင်ရိတ်သိမ်းပြီး ဝါခေါင်လကုန်တွင် နှမ်းများကို ခါ၍ ရိတ်သိမ်းမှုပြီးကြောင်း  တောင်သူထံမှ သိရှိရပါသည်။ နှမ်းတစ်ဧကစိုက်ပျိုးလျှင်မျိုးသုံးစွဲမှုအနေဖြင့် (၆)ပြည်သုံးစွဲရပြီး၊ နှမ်းတစ် ဧကစိုက်ပျိုးထွက်ရှိမှုမှာ ရာသီဥတုနှင့်မြေအမျိုးအစားပေါ်မှုတည်၍ အထွက်တင်း (၈)တင်းမှ (၁၀)တင်း အထိထွက်ရှိကြောင်း၊ နှမ်းနီ၊ နှမ်းနက်၊ စမုံနှမ်းနက်များကို အဓိကအားထားစိုက်ပျိုးကြ ကြောင်း တောင်သူများထံမှ သိရှိရပါသည်။

          နှမ်းတစ်ဧကထုတ်လုပ်မှု ကုန်ကျစရိတ်အနေဖြင့် မျိုး (၆)ပြည် လျှင် ကျပ် (၅၀၀၀၀၀) ၊နှမ်းကျဲခ ကျပ် (၁၄၀၀၀) ခန့်ကုန်ကျကြောင်း၊ စတင်စိုက်ပျိုးပြီး ရက်ပေါင်း (၅၀)တွင် နှမ်းပေါင်းပင်များ စတင် ထိုးရပြီး တစ်ဦးလျှင် ကျပ် (၇၀၀၀)ဖြင့် ဦးရေ (၅၀)ခန့် နှမ်းပေါင်းများ ထိုးရကြောင်း၊ ဓာတ်မြေဩဇာ သုံးစွဲမှုမှာ တစ်ဧကလျှင် ကျပ် (၅၀၀၀၀)၊ စတင်စိုက်ပျိုးသည်မှ သီးနှံပေါ်သည် ထိစုစုပေါင်း  ကျပ်(၉၅၀၀၀၀)ထိ ကုန်ကျ‌ကြောင်း၊ နှမ်းဈေးနှုန်းအနေဖြင့် နှမ်းနီ တစ်တင်းလျှင်ကျပ် (၁၅၅၀၀၀)၊ နှမ်းဝါတစ်တင်းလျှင်ကျပ် (၁၃၀၀၀၀)ဖြစ်ပြီး တောင်သူများအနေဖြင့် ယခုပေါက်ဈေးနှုန်း ဖြင့်ရောင်းချ မည်ဆိုပါက တစ်ဧကလျှင် ကျပ် (၆၀၀၀၀၀)ကျန်ရှိ နိုင်ရှိကြောင်း တောင်သူများထံမှ သိရှိရပါသည်။

DOCA(မကွေး)

           မကွေးတိုင်းဒေသကြီး၊ ပခုက္ကူခရိုင် ကြက်သွန်နီ စိုက်ပျိုးရာဒေသများဖြစ်သော ပေါက်၊ ဆိပ်ဖြူ၊ ကမ္မ၊ ရေပြာတို့မှ ဆောင်းစိုက် (ပင်စိုက်) ကြက်သွန်နီများကို စိုက်ပျိုးထုတ် လုပ်လျက်ရှိပါသည်။ ပခုက္ကူ ကြက်သွန်နီကုန်စည်ဒိုင်သို့ ပခုက္ကူမြို့နယ်အတွင်းရှိ ကျွန်းနယ်များ သာမက ရေနံချောင်း၊ မန္တလေးတိုင်း ဒေသကြီး၊ ညောင်ဦးခရိုင်အတွင်းရှိ ကျေးရွာများမှလည်း ဥပုသ်နေ့မှလွဲ၍ အရောင်းအဝယ် ဖြစ်လျက် ရှိပါသည်။ ပခုက္ကူကြက်သွန်နီ ဈေးကွက်အနေဖြင် ယခုတစ်ပတ်တွင် ဈေးငြိမ်လျက်ရှိပြီး တစ်ရက်လျှင် ပျမ်းမျှကုန်ချိန်(၁၀၀၀၀)ခန့် အရောင်းအဝယ်ဖြစ်ကြောင်း သိရှိရသည်။

          ၂၀၂၆ခုနှစ်၊ စက်တင်ဘာ(ဒုတိယပတ်)တွင် ကြက်သွန်နီ ကုန်စည်ဒိုင်သို့ ပုလဲစ၊ ယောစနှင့်ပခုက္ကူ ကျွန်းများမှ  ဝင်ရောက်အရောင်းအဝယ်ဖြစ်လျက်ရှိပါသည်။  ဈေးနှုန်းအနေဖြင့် ကြက်သွန်နီ အလုံးကြီး   တစ်ပိဿာလျှင် ထိပ်စ ကျပ် (၅၅၀၀) ၊ အလတ် ကျပ် (၅၀၀၀)၊ အနိမ့်စကျပ်(၄၀၀၀) ဖြစ်ပြီး ယခုလ(ပထမပတ်)နှင့် နှိုင်းယှဉ်ပါက တစ်ပိဿာလျှင်  ကျပ်(၂၀၀)ခန့် ဈေးတက်နေပြီး  အရောင်း အဝယ်အေးနေကြေင်း၊ တင်ပို့မှုအနေဖြင့် ရန်ကုန်၊ ဟင်္သာတမြို့များသို့ နေ့စဉ် တင်ပို့နေပြီး မြဝတီမြို့နှင့် မြန်မာ ပြည်အောက်ပိုင်း ဒေသများသို့ အဓိကတင်ပို့နေကြောင်း နေ့စဉ် ပိဿာ ချိန်(၃၀)ဝင်အိတ် (၁၀၀၀ မှ ၂၀၀၀ ထိ)တင်ပို့နေကြောင်း ကုန်သည် များထံမှ သိရှိရပါသည်။

          ပခုက္ကူမြို့မစည်ပင်ဈေးနှင့် အမှတ်(၂)ဈေးတွင် ရောင်းချနေသော ကြက်သွန်နီ လက်လီ ဈေးမှာ တစ်ပိဿာလျှင် အမြင့်ဈေး ကျပ်(၁၆၀၀)မှ အနိမ့်ဈေး ကျပ်(၁၀၀၀)ထိ အရောင်းအဝယ်ဖြစ်လျက်ရှိ ပါသည်။

DOCA(မကွေး)

      ဧရာဝတီတိုင်းဒေသကြီး၊ ညောင်တုန်းမြို့နယ်အတွင်း ထုတ်လုပ်လျက်ရှိသော ဆန်နှင့် ဆန်ကွဲများကို ပြည်တွင်း၊ ပြည်ပဈေးကွက်များသို့ စနစ်တကျတင်ပို့နိုင်ရေးအတွက် ဆန်စက် လုပ်ငန်းရှင်များမှ သတ်မှတ်ကုန်ပို့လွှာများဖြင့် ဩဂုတ်လ ၁လအတွင်း ပုံမှန် တင်ပို့ဆောင်ရွက်လျက်ရှိကြောင်း သိရသည်။       

  စုံစမ်းရရှိချက်များအရ ပြည်ပသို့ ဆန် ၁၁၉၀၀ အိတ်ကို ကုန်တင်ယာဉ် ၁၈ စီးဖြင့် တင်ပို့ခဲ့ပြီး၊ ပြည်တွင်းသို့ ဆန် ၄၂၄၂ အိတ်ကို ကုန်တင်ယာဉ် ၁၈ စီးဖြင့် တင်ပို့ခဲ့သည်။ ထို့ကြောင့် ဆန်စုစုပေါင်း ၁၆၁၄၂  အိတ်ကို ကုန်တင်ယာဉ် ၃၆ စီးဖြင့် တင်ပို့ခဲ့ကြောင်း သိရသည်။

      အလားတူ ဆန်ကွဲတင်ပို့မှုအနေဖြင့် ပြည်ပသို့ ယခုလတင်ပို့မှု မရှိပဲ ပြည်တွင်းသို့ ၄၅၃၉ အိတ်ကို ကုန်တင်ယာဉ် ၃၆ စီးဖြင့်လည်းကောင်း တင်ပို့ခဲ့ရာ ဆန်ကွဲစုစုပေါင်း ၂၄၅၃၉ အိတ်ကို ကုန်တင်ယာဉ် ၃၆ စီးဖြင့် တင်ပို့ခဲ့ကြောင်း သိရသည်။

     ကွင်းဆင်းလေ့လာချက်များအရ လက်ရှိကာလတွင် ဆန်နှင့် ဆန်ကွဲတင်ပို့မှုများမှာ ယခင် ကာလထက် အနည်းငယ် တင်ပို့လာပြီး ဆန်ကွဲတင်ပိုမှု မရှိကြောင်း သိရသည်။  

       ယင်းသို့ ကုန်ပို့လွှာဖြင့် စနစ်တကျတင်ပို့ဆောင်ရွက်ခြင်းသည် ဆန်နှင့် ဆန်ကွဲများ၏ ထုတ်လုပ်မှုမှ ဈေးကွက်သို့ စီးဆင်းမှုအခြေအနေကို မှန်ကန်စွာသိရှိနိုင်စေပြီး ဆန်စပါးဈေးကွက် တည်ငြိမ်ရေးအတွက်လည်း အထောက်အကူဖြစ်စေကြောင်း သိရသည်။

DOCA(ဧရာဝတီ)

               ကြက်သွန်နီကို မန္တလေးတိုင်းအတွင်း၌ ကျောက်ဆည်၊ မြစ်သား၊ စဉ့်ကိုင်၊ တံတားဦး၊ မြင်းခြံ၊ တောင်သာ၊ နွားထိုးကြီး၊ ပျော်ဘွယ်၊ ရမည်းသင်းစသည့် ဒေသများတွင် စိုက်ပျိုးကြသည်။ ကြက်သွန်နီကို မိုးကြက်သွန်နီနှင့်‌ ဆောင်းကြက်သွန်နီဟူ၍ လအလိုက် ခွဲခြားစိုက်ပျိုးကြသည်။ မိုးကြက်သွန်ကို ကြက်သွန်ဥ မျိုးဥအသေးလေးများကို ပြန်လည်စိုက်ပျိုးခြင်းတို့ကြောင့် အစို အတိုင်းတူးဖော်ရောင်းချကြပြီး ကြာရှည်စွာအထားမခံပဲ ပုပ်လွယ်သည်။ မိုးကြက်သွန်နီကို လှောင်လက်များက သိုလှောင်ရောင်းချခြင်းမရှိကြပေ။ ဆောင်းကြက်သွန်နီသည် ကြက်သွန်မျိုး စေ့ကို ပျိုးထောင်၍ အပင်ငယ်ကလေးများ တစ်လခွဲသားအရွယ်တွင် ပျိုးပင်ကိုနုတ်၍ နေရာ ပြောင်းရွှေ့စိုက်ပျိုးကြသည်။ ကြက်သွန်နီကို မိုးရာသီကုန်၍ တန်ဆောင်မုန်းလနှင့် နတ်တော်လ တို့တွင် စိုက်ပျိုးကြပြီး တပို့တွဲလနှင့် တပေါင်းလများတွင် ဖြိုင်ဖြိုင်ထွက်ပေါ်ကြသည်။ကြက်သွန်မြိတ်ခြောက်မှသာတူးဖော်ရောင်းချကြသောကြောင့်ကြာရှည်စွာထားခံပါသည်။ ထို့ကြောင့် ဆောင်းကြက်သွန်နီကို ပိုမိုစိုက်ပျိုးကြကြောင်း သိရှိရသည်။ ကြက်သွန်နီမျိုးမှာ မြင်းခြံမျိုးနှင့် မြစ်သားမျိုး ဟူ၍ ရှိကြသည်။ မြစ်သားကြက်သွန်နီမှာ ဥဝိုင်းမျိုးဖြစ်ပြီး အခွံပါး၍ အသားနုသည်။ မြင်းခြံမျိုးမှာ ဥရှည်ပြီး အခွံထူကာ အသားကြမ်းသည်။ ယခင်အခါ ဈေးကွက်အတွင်း၌ ကြက်သွန် နီဝင်ရောက်မှုနည်းပါးလာသောကြောင့် ဈေးမြင့်တက်လျက်ရှိပြီး ၂၀၂၆ ခုနှစ်၊ ဩဂုတ်လ၌ ကြက် သွန်နီ(၁၀)ပိဿာလျှင်(၄၅၀၀၀-၅၀၀၀၀-၅၅၀၀၀)ကျပ် ဈေးရှိခဲ့ကြပြီး ယခု စက်တင်ဘာလ ဒုတိယပတ်တွင်ကြက်သွန်နီ(၁၀)ပိဿာလျှင်အလုံးအရွယ်အစားလိုက် (၅၅၀၀၀-၆၂၀၀၀-၇၀၀၀၀)ကျပ်တို့ဖြင့် အရောင်းအဝယ်ရှိခဲ့ကြသည်။ ကြက်သွန်စိုက်တောင်သူများမှာ အထွက်နှုန်းကောင်းသော်လည်း ဈေးကောင်းမရရှိသည့်အချိန်တွင် ရောင်းချခြင်းမရှိဘဲ တောင်သူ လက်ဝယ်သိမ်းဆည်းထားပြီး ယခု ဇူလိုင်လမှစ၍ ကြက်သွန်နီများ ဈေးမြှင့်တက်လာသည့် အချိန်တွင်ထုတ်၍ရောင်းချသူများအနည်းငယ်သာရှိသောကြောင့် ကြက်သွန်နီဈေးများ မြင့်တက် ကြောင်း၂၉လမ်း၊ကိုင်းတန်းဈေး၊ဈေးချိုရှိပွဲရုံများမှသိရှိရသည်။DOCA(မန္တလေး)