ပြည်တွင်းကုန်သွယ်မှုသတင်း

             သောကြာနေ့တိုင်း တစ်ပတ်တစ်ကြိမ် စက်သုံးဆီဈေးနှုန်းများ ပြောင်းလဲလျက်ရှိရာ ယခုတစ်ပတ်(၂၃.၁.၂၀၂၆) ရက်နေ့တွင် ဒီဇယ်(ရိုးရိုး) (အဆင့်မြင့်)၊ ဓါတ်ဆီ(ရိုးရိုး) (အဆင့်မြင့်) တို့၏ ဈေးနှုန်းပြောင်းလဲမှုမှာ 95 Octance ဓါတ်ဆီ(အဆင့်မြင့်) ဈေးနှုန်းတစ်လီတာမှာ ၂၃၆၀ ကျပ်၊ 92 Octance ဓါတ်ဆီ (ရိုးရိုး) ဈေးနှုန်းတစ်လီတာမှာ ၂၃၂၅ ကျပ်၊ ဒီဇယ်(ရိုးရိုး) ဈေးနှုန်းတစ်လီတာ မှာ ၂၂၈၅ ကျပ်၊ ဒီဇယ် (အဆင့်မြင့်) ဈေးနှုန်းတစ်လီတာမှာ ၂၅၉၅ ကျပ်ဖြစ်ကြောင်း သိရှိရပါသည်။ ယခင်တစ်ပတ် သောကြာနေ့ စက်သုံးဆီဈေးနှုန်းမှာ 95 Octance ဓါတ်ဆီ (အဆင့်မြင့်) ဈေးနှုန်း တစ်လီတာမှာ ၂၃၃၅ ကျပ်၊ 92 Octance ရိုးရိုး ဓါတ်ဆီဈေးနှုန်း တစ်လီတာမှာ ၂၂၉၀ ကျပ်၊ ဒီဇယ် (ရိုးရိုး) ဈေးနှုန်းတစ်လီတာမှာ ၂၁၆၅ ကျပ်၊ ဒီဇယ်(အဆင့်မြင့်) ဈေးနှုန်း တစ်လီတာ မှာ ၂၅၁၀ ကျပ် ဖြစ်ကြောင်း၊ စက်သုံးဆီဈေးနှုန်းများမှာ ယခင်တစ်ပတ်ထက် ယခုတစ်ပတ်တွင် ဒီဇယ်(အဆင့်မြင့်) မှာ ၈၅ ကျပ် ဈေးနှုန်းတက်ပါကြောင်း၊ ဒီဇယ်(ရိုးရိုး) မှ ၁၂၀ ဈေးနှုန်းတက်ပါကြောင်း၊ ဓါတ်ဆီ (အဆင့်မြင့်) မှာ ၂၅ ကျပ်ဈေးနှုန်းတက်ပြီး  ဓါတ်ဆီ(ရိုးရိုး) မှာ ၃၅ ကျပ် ဈေးနှုန်းတက်လျက်ရှိကြောင်း သိရှိရပါသည်။

DOCA(ရန်ကုန်)

       ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်  ကွင်းကလေးကျေးရွာတွင်   လယ်ယာ စိုက်ပျိုးရေးလုပ်ငန်းကို လုပ်ကိုင်ကြပြီး အခြားဟင်းသီးဟင်းရွက် သီးနှံမျိုးစုံကို စီးပွားဖြစ် စိုက်ပျိုးလျက်ရှိကြသည်။ ဟင်းသီးဟင်းရွက်အမျိုးမျိုးစိုက်ပျိုးကြပြီး ရုံးပတီသီးကို မိသားစုအပိုဝင်ငွေရရှိရန်အတွက် တစ်နိုင် တစ်ပိုင်စိုက်ပျိုး ရာမှ စီးပွားဖြစ်စိုက်ပျိုးလာ ကြကြောင်း သိရသည်။ မအူပင်မြို့နယ်တွင် အသီးအရွက်စိုက်ပျိုးသူပေါများ၍ ဟင်းသီး ဟင်းရွက်ဈေးနှုန်းများ သက်သာလျက်ရှိသည်။

     ကွင်းကလေးကျေးရွာတွင် ရုံးပတီသီးနှံကို ရာသီမရွေးစိုက်ပျိုးပြီး  စိုက်ပျိုးပြီး ၂ လခန့်အကြာတွင် စတင်ခူးဆွတ်ရ ကြောင်း၊ မျိုးအနေဖြင့် ပင်မြင့်မျိုးများဖြစ်ပြီး အပင်ပု ရုံးပတီမျိုးများကို စိုက်ပျိုးကြကြောင်း သိရသည်၊၊ စိုက်ပျိုးမှုအနေဖြင့် ၁ဧက စိုက်ပျိုးပြီး တန်းခြား ၂ ပေ၊ ပင်ခြား ၁ ပေခွဲထား၍ ဘောင်ခတ်စနစ် ဖြင့် စိုက်ပျိုးရပြီး ကုန်ကျစရိတ်အနေဖြင့် မျိုး၊ သွင်းအားစု၊ မြေပြုပြင်ခ၊ လုပ်သားခအပါအဝင် တစ် ဧကလျှင် စုစုပေါင်းငွေကျပ် ၁၅၀၀၀၀၀ ခန့် ကုန်ကျကြောင်း၊ ၁ဧကတွင် အပင်ရေ ၅သောင်းကျော်ခန့် ရှိကြောင်း၊  ထွက်ရှိမှုအနေဖြင့် ရုံးပတီသီးကို တစ်ရက်ခြားတစ်ကြိမ် ခူးဆွတ်ရပြီး တစ်ဧကလျှင် စုစုပေါင်း ရုံးပတီသီးအတောင့်ရေ ၁၅၀၀၀၀ တောင့်ခန့် ထွက်ရှိကြောင်း၊ ရုံပတီသီးများကို မအူပင်မြို့နယ်တွင် ရောင်းချသလို ရန်ကုန်မြို့နှင့် အခြားတိုင်းဒေသကြီးအတွင်းမြို့နယ်များသို့လည်းရောင်းချကြောင်း သိရသည်၊၊ မအူပင်မြို့နယ် ကုန်စိမ်းဈေးကွက်တွင် ၈တောင်ပါ ၁စီးလျှင် ၅၀၀ကျပ်ဖြင့် လက်လီရောင်းချလျက်ရှိကြောင်း ဈေးကွက်အတါင်းမှ သိရသည်။ စိုက်ပျိုးမှု အကျိုးအမြတ်အနေဖြင့် တစ်ဧကလျှင် ငွေကျပ် ၁၂ သိန်း ကျော်ခန့်ရရှိကြောင်း ရုံးပတီသီး သည် စိုက်ပျိုးရလွယ်ကူပြီး အကျိုးအမြတ်ရရှိသောကြောင့် နွေ၊ မိုး၊ ဆောင်း ရာသီမရွေး စိုက်ပျိုးလျက်ရှိပြီး  တောင်သူများအနေဖြင့် မိသားစု အပိုဝင် ငွေရရှိကြောင်း သိရသည်။ 

DOCA(ဧရာဝတီ)

      မအူပင်မြို့တွင် မတ္တရာ၊ ထုံးဘို၊‌ ကျောက်ဆည်မြို့နယ်တို့မှ ဇီးသီးများ မအူပင်မြို့နယ် သစ်သီးရောင်းချမှု ဈေးကွက်တွင် ဝယ်ယူရောင်းချရန် လွယ်ကူသည့် ရာသီပေါ်စားသုံးကုန် ဗမာဆီးသီးများကို ရောင်းချလျက်ရှိပြီး ဗမာဆီးသီးမှာ ပေါ်ဦးပေါ်ဖျား ဆိုသော်လည်း ဈေးနှုန်းသက်သာစွာ ဝယ်ယူစားသုံးနိုင်သည့် အသီးတစ်မျိုးဖြစ်သည့်အတွက် ရောင်းအားကောင်းလျက်ရှိကြောင်း သစ်သီးစုံရောင်းချသူ ဈေးသည်တစ်ဦး ထံမှ သိရသည်။

    ဗမာ ဆီးသီးများမှာ ၂၀၂၅ခုနှစ် အောက်တိုဘာလမှ စတင်းဝင်ရောက် ရောင်းချလျက်ရှိနေပြီးဖြစ်ကြောင်း၊ ဗမာဇီးသီး(၁)ပိဿာလျှင် (၂၅၀၀) ကျပ် ရောင်းချရပြီး (၅)ပြည်အထက်ဝယ်လျှင် တစ်ပြည် (၂၀၀၀) ကျပ်နှင့် ရောင်းချပေးကြောင်း၊ အခြားသစ်သီးများကိုလည်း အများဈေးဝယ်ယူပါက လျှော့ဈေးတစ်မျိုးထားကာ ရောင်းချကြောင်း၊ သစ်သီးစုံရောင်းရသည့်အမြတ်ငွေ ၁၈၀၀၀ ခန့် ကျန်ရှိကြောင်း သိရသည်။

    အများပြည်သူများ အလွယ်တကူ စားသုံးနိုင်ရန် ဇီးသီး ၄၀ ကျပ်သားပါ ၁အိတ်လျှင် ၁၀၀၀/- ကျပ်ဖြင့်လည်း ထုတ်ပိုး ရောင်းချကြောင်း၊ အခြားသော ကားများဖြင့်ရောင်းချသူများက ဇီးသီး ၁ပြည်လျှင် ၃၀၀၀/-ကျပ်ဖြင့် ပြန်လည် ရောင်းချကြကြောင်း ဈေးကွက်အတွင်းမှ သိရသည်။ ထုံးဖြူဗမာဇီးသီးများကို ရန်ကုန်သီရိမင်္ဂလာဈေးမှ မှာယူရောင်းချပြီး ဇီးသီး ၁အိတ်လျှင် အချိန် ၂၀ခန့်ပါရှိကြောင်း ၁အိတ်လျှင် ၃၀၀၀၀/-ကျပ်ဖြင့် ဝယ်ယူရကြောင်း၊ ယခုအခါ ရာသီပေါ်အသီးအနှံများ လှိုင်လှိုင်ပေါများသည့် ဆောင်းရာသီသို့ ရောက်ရှိလာပြီဖြစ်သည့်အတွက် သစ်သီးရောင်းချသူများအနေဖြင့် လတ်ဆတ်သည့်သစ်သီးများ ရရှိရေး ချိတ်ဆက်ဝယ်ယူကာ သင့်တင့်သည့်ဈေးနှုန်းများဖြင့် လက်လီ/လက်ကား ပြန်လည်ရောင်းချ ပေးလျက်ရှိကြောင်း သစ်သီးရောင်းသူများထံမှ သိရသည်။

DOCA(ဧရာဝတီ)

              စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ နဂါးတွင်း၊ ဗုံတို၊ ဘုမ္မနိုး စသည့်ကျေးရွာများတွင် လယ်ယာလုပ်ငန်းကို အဓိကလုပ်ကိုင်လျက်ရှိရာ ကြက်သွန်နီ၊ နှမ်း၊ ပဲမျိုးစုံသီးနှံများကို အဓိက စိုက်ပျိုးကြပြီး စားဖိုဆောင်သုံး သီးနှံတစ်မျိုးဖြစ်သည့် ငရုတ်သီးနှံကို  ဘုမ္မနိုးကျေးရွာတွင် စိုက်ဧက ၁၀၀ ခန့် စိုက်ပျိုးထားကြောင်း သိရသည်။

              ငရုတ်သီးစိုက်ပျိုးရန် မျိုးစေ့များကို သာမိုတစ်ထုပ်(၆၅၀၀၀)ကျပ် ၊မောင်တိန်တစ်ထုပ် (၉၅၀၀) ကျပ်နှုန်းဖြင့် ဝယ်ယူရပါကြောင်း၊  စိုက်ပျိုးရာတွင် ငရုတ်မျိုးစေ့များကို စက်တင်ဘာလတွင် ပျိုးအိတ်ဖြင့် ပျိုးထောင်ကာ အောက်တိုဘာလတွင် ပျိုးပင်သက်တစ်လသားခန့်အပင်အား မြေချ ၍ မြေအောက် ရေတင်စနစ်ဖြင့် စိုက်ပျိုးကြကြောင်း၊ စိုက်ပျိုးရာတွင် သာမိုစိုက်ပျိုးလျှင် တစ်ဧက (၆)ထုပ်၊ မောင်တိန်စိုက်ပျိုးလျှင် (၇)ထုပ် စိုက်ပျိုးရပြီး တစ်ပင်နှင့် တစ်ပင် တစ်တောင်ကွာ စိုက်ပျိုးရပါကြောင်း၊ ဒီဇင်ဘာလနှင့်ဇန်နဝါရီတွင် ခူးဆွတ်ရကြောင်း၊ မျိုးအနေဖြင့် သာမို-၁၁ ငရုတ်မျိုးနှင့် မောင်တိန်- ၀၄၄  ငရုတ်မျိုးများကို စိုက်ပျိုးကြကြောင်း၊ စိုက်ပျိုးထုတ်လုပ်မှု ကုန်ကျ စရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် တစ်ဧကလျှင် ငွေကျပ် ၁၇၀၀၀၀၀ ခန့် ကုန်ကျပြီး တစ်ဧကလျှင် အထွက်နှုန်း ငရုတ်အစို ပိဿာ ၁၅၀၀ ခန့် ထွက်ရှိကြောင်း၊ ဇန်နဝါရီလ တတိယပတ်တွင် ရောင်းချနေသော ဈေးနှုန်းများမှာ ငရုတ်သီးစိမ်းလက်ကားဈေး တစ်ပိဿာလျှင် ငွေကျပ် ၃၅၀၀ ဖြင့် ရောင်းချရပြီး အကျိုးအမြတ်အနေဖြင့် ငွေကျပ် ၃၅ သိန်း ခန့် ရရှိကြောင်း၊  ဈေးကွက်အနေဖြင့် မုံရွာနှင့် ပွဲစားများက မန္တလေးကုန်စိမ်းဒိုင်များသို့ တိုက်ရိုင်တင်ပို့ ရောင်းချကြောင်း၊ ယခုနှစ်တွင် ငရုတ်သီးနှံ အထွက်နှုန်းကောင်းမွန်ပြီး ဈေးကောင်းရရှိ သောကြောင့် တောင်သူများ အကျိုးအမြတ်ရရှိကြောင်း သိရသည်။

DOCA(စစ်ကိုင်း)

    နတ်တလင်းခရိုင်၊ နတ်တလင်းမြို့၊ တာပွန်လမ်းရှိ ရတနာမှူး အိမ်ဆောက်ပစ္စည်းဆိုင်သို့သွားရောက်၍  ၂၀၂၆ခုနှစ် ဇန်နဝါရီလ တတိယပါတ်အတွင်း အိမ်ဆောက်ပစ္စည်းဈေးနှုန်းများ အတက်အကျရှိ/ မရှိ ဈေးနှုန်းစုံစမ်းခဲ့ပါသည်။

       ၂၀၂၆ ခုနှစ် ဇန်နဝါရီလ  တတိယပတ်တွင် ရောင်းချနေသော အိမ်ဆောက်ပစ္စည်းဖြစ်သော ကြံ့တံဆိပ်ဘိလပ်မြေ တစ်အိတ်(၂၁၀၀၀)ကျပ်၊ လက်အုတ်တစ်လုံး(၃၂၀)ကျပ်၊ မြစ်သဲ တစ်ကျင်း (၇၀၀၀၀)ကျပ်၊ ကျောက် တစ်ကျင်း(၁၄၀၀၀၀)ကျပ်၊ ပြည်တွင်းဖြစ် (မောင်းတကာ) သံချောင်း (၃)မူးတစ်တန် (၁၇၅၀၀၀၀)ကျပ်၊ (၅)မူး တစ်တန် (၁၆၇၀၀၀၀)ကျပ်၊ (၆)မူး တစ်တန်(၁၅၉၀၀၀၀)ကျပ်၊ ကြယ်စိမ်းသွပ်(အစိတ်) တစ်ပေ(၁၄၅၀)ကျပ်၊ အိမ်ရိုက်သံအမျိုးမျိုး တစ်ပိဿာ(၉၀၀၀)ကျပ်၊ သွပ်ရိုက်သံ တစ်ပိဿာ(၁၀၀၀၀)ကျပ် ဈေးနှုန်းဖြင့် အရောင်းအဝယ်ရှိပါကြောင်း သိရှိရပါသည်။

      အိမ်ဆောက်ပစ္စည်းဈေးနှုန်းများမှာ မြစ်သဲနှင့် ကျောက်သည် ဝယ်ယူရသောနေရာဒေသ အကွာအဝေးပေါ်မူတည်၍ ဈေးနှုန်းအတက်အကျ အနည်းငယ်ရှိပါကြောင်း သိရှိရပါသည်။

DOCA(ပဲခူး)