ပြည်တွင်းကုန်သွယ်မှုသတင်း

            ကျွန်းလှမြို့၊ သစ်ရာမြိုင်ဈေးတွင် အသား/ငါးနှင့် အခြားစား‌သောက် ကုန်ပစ္စည်းများ၊ လူသုံးကုန် ပစ္စည်းများရောင်းချသည့်အနက်မှ အသား/ငါး ဈေးနှုန်းများထဲမှ ဝက်သားဈေးနှုန်းသည်လည်း မြင့်တက် လျက်ရှိပါသည်။

          ယခု နိုဝင်ဘာလ တတိယအပတ်၏ ဝက်သားဈေးနှုန်းများ အနေဖြင့် ဝက်သားရှယ် (အသားသီးသန့်) လက်လီ တစ်ပိဿာလျှင်(၃၅၀၀၀)ကျပ်၊ ဝက်သား(ပေါင်သား) လက်လီတစ်ပိဿာလျှင်(၃၃၀၀၀)ကျပ်၊ဝက်သားရိုးရိုး(နံကိုင်းသား) လက်လီ တစ်ပိဿာလျှင်(၃၂၀၀၀)ကျပ်၊ ဝက်သား ဝမ်းတွင်းကလီစာ လက်လီ တစ်ပိဿာလျှင်(၂၅၀၀၀)ကျပ် နှင့် ဝက်သား(မေးဖျား၊ နားရွက်) တစ်ပိဿာ လျှင်(၂၅၀၀၀)ကျပ်၊ ဝက်သွေးခဲ(၁)ပိဿာလျှင်(၆၀၀၀)ကျပ်၊ ဝက်ရိုးအကြမ်း တစ်ပိဿာ (၁၂၀၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း အလားတူပင် ဝက်အူချောင်း ဈေးနှုန်းအနေဖြင့် ဝက်အူချောင်း တစ်ပိဿာလျှင်(၄၅၀၀၀)ကျပ်၊ (၅၀)ကျပ်သားလျှင်(၂၂၅၀၀)ကျပ်၊ (၂၅)ကျပ်သားလျှင် (၁၁၃၀၀)ကျပ် နှင့် (၁၀)ကျပ်သားလျှင်(၄၅၀၀ကျပ် ဈေးနှုန်းတို့ဖြင့်  အရောင်းအဝယ် ဖြစ်လျက်ရှိ ကြောင်း ဝက်သားသည် ဈေးနှုန်းကြီးမြင့်သော်လည်း ကမ္ဘာ့ဟင်းလျာဖြစ်သည့်အတွက် ရောင်းအား ကောင်းလျက်ရှိကြောင်း သိရပါသည်။

DOCA(စစ်ကိုင်း)

           ကျွန်းလှမြို့နယ်အတွင်းရှိ ကျေးရွာများမှ စိုက်ပျိုးရေးနှင် မွေးမြူရေးလုပ်ငန်းကို လုပ်ကိုင် ကြာရာမှ ရာသီအလိုက် စားဖိုဆောင်သီးနှံများကို မြေအောက်ရေတင် စနစ်ဖြင့် စိုက်ပျိုးရောင်းချ လျက်ရှိရာမှ မြင်းခွာရွက်ကိုလည်း အနည်းငယ်မျှသာ စိုက်ပျိုးထားသော်လည်း သဘာဝအရ မျိုးပွားသည့်အတွက် နေ့စဉ်ခူးဆွတ်ပြီး ကျွန်းလှမြို့၊ သစ်ရာမြိုင်‌ဈေး ကွက်အတွင်းသို့ လာရောက် ပို့ဆောင် ရောင်းချရကြောင်း သိရှိရပါ သည်။

       ၂၀၂၅ ခုနှစ်၊ နိုဝင်ဘာလ တတိယပတ်အတွင်း ကျွန်းလှမြို့၊ သစ်ရာမြိုင်ဈေးတွင် ရောင်းချ လျက်ရှိသော မြင်းခွာရွက် ဈေးနှုန်းမှာ မြင်းခွာရွက် တစ်ပိဿာလျှင်(၁၅၀၀၀)ကျပ်၊ မြင်းခွာရွက် (၅၀)ကျပ်သားလျှင်(၈၀၀၀)ကျပ်၊ ပူစီနံနံရွက် တစ်ပုံလျှင် (၃၀၀)ကျပ် (၂)ပုံလျှင်(၅၀၀) ကျပ် ဈေးနှုန်းတို့ဖြင့်လည်းကောင်း၊  မုန့်ညှင်းရွက် တစ်စီးလျှင်(၃၀၀)ကျပ်၊ မုန့်ညှင်းရွက် (၂)စီးလျှင် (၅၀၀)ကျပ်နှင့် မုန့်ညှင်းရွက်(၄)စီးလျှင်(၁၀၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ယခင်အပတ်ထက် မြင်းခွာရွက် ဈေးနှုန်း တစ်ပိဿာလျှင်(၃၀၀၀)ကျပ် ဈေးနှုန်းကျဆင်းပြီး အရောင်းအဝယ်ဖြစ် လျက်ရှိကြောင်း သိရသည်။

DOCA(စစ်ကိုင်း)

              ငါးပတ်နှင့်ငါးပေါက်စကို ကန့်ဘလူခရိုင်၊ ကျွန်းလှမြို့နယ်အတွင်းရှိ သဖန်းဆိပ်ဆည်အတွင်းမှ ထွက်ရှိသည့် ဒေသထွက်ရေချိုငါးများကို  လက်လီ/လက္ကား ငါးအရောင်းအဝယ်ပြုလုပ်သည့် ဒိုင်များမှ ဝယ်ယူရောင်းချကာ  ဈေးကောင်းရရှိပြီး အရောင်းအဝယ် ဖြစ်လျက်ရှိကြောင်း သိရသည်။

                      ၂၀၂၅ ခုနှစ်၊ နိုဝင်ဘာလ တတိယပတ်တွင် ကျွန်းလှမြို့၏ ငါးချောင်း၊ ငါးပတ် နှင့် ငါးပေါက်စ ဈေးနှုန်းများ အနေဖြင့် ငါးချောင်း(အကြီး) ရှယ်ဆိုက်ဝင် လက္ကား တစ်ပိဿာလျှင်(၁၈၀၀၀)ကျပ်၊လက်လီတစ်ပိဿာလျှင်(၂၀၀၀၀)ကျပ်၊ငါးချောင်း(အလတ်)နှင့်(အသေး)လက္ကားတစ်ပိဿာလျှင်(၁၃၀၀၀)ကျပ်၊လက်လီတစ်ပိဿလျှင်(၁၆၀၀၀) ကျပ်  နှင့် (၅၀)ကျပ် သားလျှင်(၈၀၀၀)ကျပ်၊ (၂၅)ကျပ်သားလျှင်(၄၀၀၀)ကျပ်၊ ငါးပတ် ရှယ်ဆိုက်ဝင်(အကြီး) တစ်ပိဿာလျှင် (၃၀၀၀၀)ကျပ်၊ (၅၀)ကျပ်သားလျှင်(၁၅၀၀၀)ကျပ်၊ ငါးပတ် အကောင်သေး တစ်ပိဿာလျှင်(၂၅၀၀၀)ကျပ်၊ (၅၀)ကျပ်သားလျှင်(၁၃၀၀၀)ကျပ် နှင့် ငါးပေါက်စဈေးနှုန်းများမှာ ငါးပေါက်စ(ခေါင်းဖြတ် ချေးဖောက်ပြီး) လက်လီ တစ်ပိဿာလျှင်(၁၅၀၀၀)ကျပ်၊ (၅၀)ကျပ်သားလျှင်(၇၅၀၀)ကျပ် နှင့် (၂၅)ကျပ် သားလျှင်(၄၀၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း ငါးအရောင်း အဝယ်လုပ်ကိုင်သူ ထံမှ သိရပါသည်။

DOCA(စစ်ကိုင်း)

              ကျွန်းလှမြို့၊ သစ်ရာမြိုင်ဈေးတွင် ဘုရားပန်း အမျိုးမျိုးဖြစ်သော ဂန္ဓာမာပန်း၊ သစ္စာပန်း၊ စိန်လည်တုံ၊ နှင်းဆီ၊ ဇွန်ပန်း၊ ရှင်မွေးလွန်း၊ မေမြို့ပန်း(အက်စတာ)၊ မြေမြို့ပန်း (ကြက်လည်ဆံ) သပြေပန်း (အောင်သပြေ) အငုတ်၊ အောင်သပြေ အခက်များနှင့် အာစီယံသပြေ တို့ကို မိမိတို့ ဒေသထွက်နှင့် မန္တလေးမြို့၊ ပြင်ဦးလွင်မြို့၊ တောင်ကြီးမြို့တို့မှ တဆင့် မှာယူရောင်းချကြောင်းသိရှိရပါသည်။

           ဂန္ဓာမာပန်းသည် မျိုးကွဲပေါင်းများစွာ မှ နှင်းကမ္ဘာ၊ စံပါယ်ဖြူ နှင့် ဆန်းပန်းစသည့်မျိုးများဖြစ်ပြီး အရောင်းအသွေးများမှာ အဖြူရောင်၊ အဝါရောင်၊ ပန်းရောင်၊ ပန်းခရမ်းရောင်၊ လိမ္မော်ရောင် စသည့် တို့ကိုသာ  လူအများကြိုက်နှစ်သက်သည့်အတွက် စိုက်ပျိုးရောင်းချမှုများသည်ကိုတွေ့ရပါသည်။

         ၂၀၂၅ ခုနှစ်၊ နိုဝင်ဘာလ တတိယပတ်တွင် ကျွန်းလှမြို့နယ်အတွင်း ရောင်းချနေသော သစ္စာပန်း ဈေးနှုန်းများမှာ ဂန္ဓမာပန်း စံပါယ်ဖြူ အပွင့်ကြီး(၅)ခက်ပါ တစ်စီးလျှင်(၃၅၀၀)ကျပ်၊ ဂန္ဓာမာပန်း စံပါယ်ဖြူ အပွင့်သေး တစ်စီးလျှင်(၁၅၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ် လျက်ရှိကြောင်း သိရသည်။

DOCA(စစ်ကိုင်း)

      တနင်္သာရီတိုင်းဒေသကြီး၊မြိတ်ခရိုင်၊ မြိတ်မြို့ပေါ်တွင် ဒေသတွင်းထွက်ရှိသော စားဖိုဆောင် သီးနှံများ၊ တနင်္သာရီမြို့မှထွက်ရှိသောစိုက်ပျိုးသီးနှံများနှင့် မြိတ်အနီးရှိကျေးရွာများမှ လာရောက် ရောင်းချသော သီးပင်စားပင်များအား မြို့ပေါ်ရှိ ဈေးများပေါ်တွင်စည်ကားစွာရောင်းချနေကြပါသည်။ ဒေသတွင်းထွက်ရှိသော်လည်း တနင်္သာရီမြို့မှ သယ်ယူရောင်းချသော တညင်ရွက်များသာ ဈေး ကောင်းရရှိ၍ မြိတ်သူ/မြိတ်သားတို့အကြိုက်များကြောင်း ကုန်စိမ်းရောင်းချသူထံမှသိရှိရပါသည်။ တညင်ရွက်ဟင်းချို၊ တညင်ရွက်ကို ဘူးသီး၊ဂုံး(ခေါ်)ရှပ်တို့နှင့်ရော၍ ပေါင်းလှော်၊ သီးစုံအချဉ်ဟင်း တို့တွင်ထည့်သွင်း၍ချက်ပြုတ်လျှင် အဝေးရောက်နေသော မြိတ်သူ၊မြိတ်သားတို့အတွက် အိမ်လွမ်း စရာဟင်းတစ်ခွက်ဖြစ်မှာ အမှန်ပင်ဖြစ်ပါသည်။

          ယခု နိုဝင်ဘာလ တတိယပတ်တွင် အောင်မင်္ဂလာဈေး၊ ဆိပ်ငယ်ဈေးနှင့် မြို့သစ်ဇေယျာသီရိ ဈေးတို့တွင် ညနေပိုင်းကားဖြင့်ဝင်ရောက်လာသော ကုန်စိမ်းများထဲမှတညင်ရွက်ကို လက်လီ တစ် စည်းလျှင်(၁၀၀၀)ကျပ်၊လက်ကားတစ်စည်းလျှင်(၉၀၀)ကျပ်ဖြင့် ရောင်းချနေကြောင်း ကုန်စုံရောင်း ချသူထံမှ သိရှိရပါသည်။

DOCA(တနင်္သာရီ)