ပြည်တွင်းကုန်သွယ်မှုသတင်း

       (၂၀.၇.၂၀၂၆) ရက်နေ့အထိ မအူပင်ခရိုင်အတွင်း ကွင်းဆင်းစုံစမ်းရရှိသော အချက်အလက်များအရ မအူပင်ခရိုင်အတွင်း ၂၀၂၅-၂၀၂၆ ခုနှစ်ထွက် မတ်ပဲဈေးနှုန်းများနှင့် ဆန်တင်ပို့မှုအခြေအနေမှာ ပုံမှန်အရောင်းအဝယ်ဖြစ်ပေါ်လျက်ရှိကြောင်း သိရသည်။

      မြို့နယ်အလိုက် မတ်ပဲတစ်တင်းဈေးနှုန်းများမှာ မအူပင်မြို့နယ်တွင် ကျပ် ၁၀၁,၀၀၀၊ ပန်းတနော်မြို့နယ်တွင် ကျပ် ၁၀၁,၅၀၀၊ ညောင်တုန်းမြို့နယ်တွင် ကျပ် ၁၀၁,၈၀၀ နှင့် ဓနုဖြူမြို့နယ်တွင် ကျပ် ၁၀၁,၀၀၀ ဖြင့် အရောင်းအဝယ်ဖြစ်ပေါ်လျက်ရှိကြောင်း ကွင်းဆင်းစစ်ဆေးချက်များအရ သိရသည်။

       ဆန်တင်ပို့မှုအခြေအနေအရ မအူပင်မြို့နယ်တွင် တင်ပို့မှုမရှိသေးဘဲ ပန်းတနော်မြို့နယ်မှ ၄၈၀ အိတ်၊ ညောင်တုန်းမြို့နယ်မှ ၄၉ အိတ် နှင့် ဓနုဖြူမြို့နယ်မှ ၂,၇၆၄ အိတ် တင်ပို့ခဲ့သဖြင့် မအူပင်ခရိုင်အတွင်းမှ စုစုပေါင်း ၃,၂၉၃ အိတ် တင်ပို့ခဲ့ကြောင်း သိရသည်။

      ကွင်းဆင်းလေ့လာမှုများအရ မအူပင်ခရိုင်အတွင်း မတ်ပဲဈေးကွက်မှာ ပုံမှန်အရောင်း အဝယ်ဖြစ်ပေါ်လျက်ရှိပြီး ပြည်တွင်းဝယ်လိုအားနှင့် တင်ပို့မှုအခြေအနေများအပေါ်မူတည်၍ ဈေးနှုန်းများ အနည်းငယ်ကွာခြားမှုရှိသော်လည်း ဈေးကွက်တည်ငြိမ်လျက်ရှိကြောင်း သိရှိရပါသည်။

DOCA(ဧရာဝတီ)

            မန္တလေးတိုင်းဒေသကြီးအတွင်း ကော်ဖီသီးနှံကို ပြင်ဦးလွင်နှင့်မိုးကုတ်မြို့နယ်များတွင် အဓိက စိုက်ပျိုးပြီး သာစည်မြို့နယ်လှိုင်းတက်တွင်လည်း စိုက်ပျိုးပါသည်။ ကော်ဖီသီးနှံကို စိုက်ပျိုးရန် ပျိုးထောင်ကာလ မေ၊ဇွန်၊ဇူလှိုင်လများတွင် ပျိုးထောင်စိုက်ပျိုးပြီး ကော်ဖီသီး ခူးစွတ်ချိန်အနေနှင့် နို၀င်ဘာ၊ဒီဇင်ဘာ၊ဇန္န၀ါရီလများတွင် ခူးစွတ်ကြပါသည်။ ကော်ဖီပင်ကိုမိုးရာသီတွင် စိုက်ပျိုးလေ့ရှိပြီး နွေရာသီတွင်စိုက်ပျိုးမည်ဆိုပါက ရေသွင်း၍စိုက်ပျိုးကြပါသည်။ မန္တလေးတိုင်းအတွင်းစိုက်ပျိုးသော ကော်ဖီမျိုးများမှာဒေသရေမြေရာသီဥတုနှင့်ကိုက်ညီမှုရှိသော စိုက်ပျိုးရေးဦးစီးဌာန၊ ကော်ဖီသုတေသန ခြံများမှ ပျိုးပင်များကိုသာစိုက်ပျိုးကြပါသည်။ ပြင်ဦးလွင်မြို့နယ် တွင် ကန်တော်ကြီးအနီးတ၀ိုက်ရှိ ကျေးရွာများဖြစ်သည့်ညောင်နီ၊ ဆင်ဂေါင်းလေး၊သပြေရေ၊ ကျေးရွာများနှင့် မိုးကုတ်မြို့တွင် လယ်ဦးရပ်၊ ပန်းမားထိပ်၊ ဆင်ခွာဒေသများတွင် စိုက်ပျိုးကြပါသည်။ ပြင်ဦးလွင်မြို့နယ်တွင် ကော်ဖီကို ပင်ကြားတန်းကြား (၈ပေ_-၄ပေ)တစ်ဧက အပင်ရေ (၁၃၆၀)ပင်စိုက်ပျိုးနိုင်ပြီး မိုးကုတ်မြို့တွင် လှေကားထစ်စ်ုက်ပျိုးနည်းစနစ်ဖြင့် စိုက်ပျိုးကြပါသည်။ ကော်ဖီသီးနှံသည်စိုက်ပျိုးပြီး (၃နှစ်မှ၇နှစ်) အတွင်း အသီးခူးဆွတ်နိုင်ပြီး နှစ်စဥ်ဒီဇင်ဘာမှ ဖေဖေါ်၀ါရီလအထိကော်ဖီ သီးချယ်ရီသီးအရောင် ဖြစ်ပေါ်ချိန်တွင် ခူးဆွတ်ကြပါသည်။ပြင်ဦးလွင်မြို့တွင် လတ်ရတနာ၊ ဆွေသဟာ၊ မယ်သီတာ၊ လူငယ်ဂုဏ်ရောင်၊ မြောက်ကျွန်းသူမမ၊ မြန်မာ ၁/၂၊Golden Lionတို့ဖြစ်ပြီး မိုးကုတ်ဒေသတွင် ရတနာနှင်းဆီ၊ယမုံနာ၊အောင်၊ Arrow  Brother  များဖြစ်ပြီး ထွက်ရှိသောကော်ဖီစေ့များကို  Myanmar  Coffee  Association နှင့်ချိတ်ဆက်ပြီး ရောင်း၀ယ်လျှက်ရှိပါသည်။ ကော်ဖီသည် မြန်မာလူမျိုးများ ကြိုက်နှစ်သက်သည့် အရာဖြစ်ပါသည်။ကော်ဖီသောက်သုံးခြင်းဖြင့် ဦးနှောက်စွမ်းဆောင်ရည် တက်ကြွလန်းဆန်းခြင်း၊ အာရုံစူးစိုက်မှုကောင်းမွန်ခြင်း၊ သွေးပေါင်ချိန်မြှင့်တက်စေခြင်း၊ သွေးပေါင်ကျ နေသည့်အချိန်တွင် ကော်ဖီသောက်သုံးခြင်းဖြင့် သွေးပေါင်ကိုမြှင့်တင်စေခြင်း၊ ဖျားနာပြီးခါစချိန် ကော်ဖီသောက်သုံးပါက မြန်စွာကျန်းမာလန်းဆန်းစေခြင်း၊ သဘာ၀ကော်ဖီစစ်စစ်ကို သောက်သုံး ခြင်းသည်အသည်းကို ကောင်းကျိုးပေးပြီး အစာချေဖျက်မှုကိုလည်းကောင်းမွန်စေပါသည်။ ကော်ဖီတွင် ပါ၀င်သော ကဖိန်းဓါတ်သည် ခေါင်းကိုက်ခြင်းနှင့်ခေါင်းတခြမ်းကိုက်ခြင်းတို့ကို သက်သာစေခြင်း၊ မှတ်ဥာဏ် အားကောင်းစေခြင်း၊ ကော်ဖီသည်စိတ်ပိုင်းဆိုင်ရာကိုပါ လန်းဆန်းစေခြင်းသာမက မှတ်ဥာဏ် အားကိုပါကောင်းမွန်စေကြောင်းကိုလည်းလေ့လာသိရှိရပါသည်။  စားသုံးသူရေးရာဦးစီးဌာန၊ မန္တလေး တိုင်းအနေနှင့် မန္တလေးတိုင်းဒေသကြီးကော်ဖီအစုအဖွဲ့ကို ၂၀၁၉ ခုနှစ်မတ်လ ၃၁ရက်နေ့တွင် မန္တလေးတိုင်းဒေသကြီး သစ်သီး၀လံအသင်းနှင့် ဌာနတို့ပူးပေါင်း၍ ကော်ဖီအစုအဖွဲ့ကို ဖွဲ့စည်းခဲ့ပါသည်။ နိုင်ငံတော်မှလည်း ကော်ဖီအားပြည်ပသွင်းကုန် အစားထိုးထုပ်လုပ်နိုင်ရန်နှင့် ပြည်ပပို့ကုန်ပမာဏ တိုးမြင့်နိုင်စေရန်အတွက် တိုးချဲ့စိုက်ပျိုးနိုင်ရေးအတွက် ကော်ဖီစိုက်တောင်သူများအား စျေးကွက်အခြေ အနေ အသိပညာပေးဆောင်ရွက်မှုများကို စဥ်ဆက်မပြတ် ဆောင်ရွက်လျှက်ရှိပါသည်။ ပြင်ဦးလွင် မြို့နယ်တွင် ကော်ဖီစျေးနုန်းစျေးကွက်အနေနှင့် ယ္ခုနှစ် ရာသီထွက်ကော်ဖီသီးအစို ၁ပိဿာ (၇၅၀၀ကျပ်မှ၈၀၀၀ကျပ်)၊ ကော်ဖီစေ့ဟောင်း Great1 (လှော်စေ့) 1Kg(၆၀၀၀၀ကျပ်)ကော် ဖီမှုန့်1Kg(၆၀၀၀၀ကျပ်မှ၆၅၀၀၀ကျပ်)၊ Great2 ကော်ဖီစေ့ (လှော်စေ့)1Kg (၅၀၀၀၀ကျပ်မှ ၅၅၀၀၀ကျပ်)၊ ကော်ဖီမှုန့် 1Kg(၅၅၀၀၀ကျပ်)စျေးနှုးန်းများနှင့် စျေးကွက်တွင် ရောင်း၀ယ်မှုရှိပြီး ကော်ဖီထုတ်လုပ်ရောင်း၀ယ်သူများ အနေနှင့်ပစ္စည်းဟောင်းများ လက်ကျန်နည်းနေပြီး ရောင်း၀ယ်မှု အား ပုံမှန်ရောင်း၀ယ်လျှက်ရှိပြီး ကော်ဖီစေ့နှင့် ကော်ဖီ မှုန့်ထုပ်လုပ်ရောင်းချသူများအနေနှင့် အမြို့မြို့အနယ်နယ်မှမှာယူသူများကိုလည်း အရောက်ပို့ စနစ်များနှင့်ပေးပို့မှုရှိသကဲ့သို့ ပြင်ဦးလွင်မြို့သို့ လာရောက်သည့်ဧည့်သည်များမှ ၀ယ်ယူခြင်းများကြောင့် ရောင်း၀ယ်မှုအားကောင်းကြောင်း လေ့လာ သိရှိရပါသည်။

  DOCA(မန္တလေး)

     ကချင်ပြည်နယ်တွင်စိုက်ပျိုးထွက်ရှိသည့် ကြက်မောက်သီးသည် နှစ်ရှည်ပင်သီးနှံမျိုးဖြစ်ပြီး အစေ့စိုက်ပျိုးခြင်းနှင့် ကိုင်းကူးစိုက်ပျိုးခြင်းတို့ဖြင့်စိုက်ပျိုးကြသည်။ ကြက်မောက်ပင်များကို အစေ့ စိုက်ပျိုးပါက စတင်စိုက်ပျိုးချိန်မှ(၇)နှစ်ခန့်တွင်လည်းကောင်း ကိုင်းကူးစိုက်ပျိုးပါက(၄)နှစ်ခန့်တွင် လည်းကောင်း ခူးဆွတ်ရောင်းချနိုင်ကြောင်းသိရှိရပါသည်။ ကြက်မောက်ပင်သည် ပျမ်းမျှအမြင့်ပေ (၁၀)ပေခန့်မှ ပေ(၃၀) ဝန်းကျင်ထိ ရှိတတ်ပြီး  ကချင်ပြည်နယ်၊ မြစ်ကြီးနားမြို့နှင့် ဝိုင်းမော်မြို့နယ် တို့တွင် ခြံများနှင့်အိမ်ခြံဝင်းများ၌ စီးပွားဖြစ်စိုက်ပျိုးခြင်းနှင့် တနိုင်တပိုင်စိုက်ပျိုးကြသည်။

      မြစ်ကြီးနားမြို့ရှိဈေးများတွင် ကြက်မောက်သီးသည် ဇူလိုင်လဒုတိယပတ်ခန့်မှ စတင်ပြီး ဈေးကွက်အတွင်း စတင်ဝင်ရောက်လာကာ ဩဂုတ်လတွင်လှိုင်လှိုင်ထွက်ရှိသည်။  ကြက်မောက်သီး သည် ရာသီအလိုက်ထွက်ရှိသည့် သီးနှံဖြစ်သောကြောင့် အချိန်ကာလအလိုက် ဈေးကောင်းရကြပြီး  အသီး‌ရေ(၅၀)ပါ တစ်တွဲလျှင် ကျပ် (၂၀၀၀) မှ ကျပ်(၄၀၀၀) အထိရောင်းရကြောင်း ကြက်မောက်သီး ရောင်းချသူထံမှ သိရှိရပါသည်။

          ကချင်ပြည်နယ် ဒေသထွက်ကြက်မောက်သီးသည် နှစ်ရှည်သီးနှံအဖြစ် ရာသီချိန်တွင် များစွာ ထွက်ရှိသဖြင့် စနစ်တကျ စိုက်ပျိုးထုတ်လုပ်ရောင်းချနေသော တောင်သူများ တွက်ချေကိုက်လျက်ရှိပြီး MSMEလုပ်ငန်းများ အတွက် တန်ဖိုးမြှင့်ထုတ်ကုန်များ တိုးတက်ထုတ်လုပ်နိုင်ပါက ဒေသတွင်း စီးပွားရေးဖွံ့ဖြိုးတိုးတက်ရေး အတွက် အထောက်အကူပြုနိုင်မည့် အလားအလာကောင်းသီးနှံတစ်ခု အဖြစ်ဆက်လက် ရပ်တည် လာနိုင်ကြောင်း တင်ပြလိုက်ရပါသည်။

DOCA(ကချင်)

       မြင်းခြံမြို့နယ်သည် ဥယျာဉ်ခြံမြေလုပ်ငန်းများကိုလည်း လုပ်ကိုင်လျက်ရှိရာ ငှက်ပျော စိုက်ပျိုးခြင်း လုပ်ငန်းကိုလည်းလုပ်ကိုင်ကြောင်းသိရှိရသည်။ ဒေသတွင်းကျေးရွာများဖြစ်သော ပတ္တာရွာ၊  သင်္ဘောတင်ရွာ၊ ပိုက်တဲကုန်းနှင့် အနိမ့်ကျေးရွာများသည် ငှက်ပျောပင်များကို မိမိတို့ ခြံဝန်းများ၌ တစ်နိုင်တစ်ပိုင် စိုက်ပျိုးထားကြကြောင်းနှင့် စီးပွားဖြစ်လည်းစိုက်ပျိုး ကြကြောင်းသိရှိရသည်။ ငှက်ပျောပင်များကို မိုးဦးမကျမီ မေလဆန်းပိုင်းတွင် စိုက်ပျိုးထားရှိကြောင်း၊ စိုက်ဧကအနေဖြင့် (၁၁၅)ဧကခန့်စိုက်ပျိုးထားကြောင်း ကြေးတိုင်နှင့်မြေစာရင်းဦးစီးဌာန၏ စာရင်းများအရ သိရှိရသည်။ ငှက်ပျောစိုက်ပျိုးရာတွင် လှံစို့သားတက်အပင်မြင့်မျိုးကို စိုက်ပျိုးထားကြောင်း၊ရခိုင်ငှက်ပျော မျိုးနှင့် ဖီးကြမ်းငှက်ပျောမျိုးကိုစိုက်ပျိုးထားကြောင်း၊ ငှက်ပျောပင်ကို(၇)ပေပတ်လည်အထိပင်ကြား တန်းကြား အကွာအဝေးထား စိုက်ပျိုးရကြောင်း၊ အထွက်နှုန်းကောင်းစေရန် တစ်ဧကငှက်ပျောပင် (၁၃၀၀) ခန့်စိုက်ပျိုးထားကြောင်း စိုက်ပျိုးပြီး (၅-၆)လအကြာတွင် ငှက်ပျောဖူးများမထွက်မီအချိန်၌ အပင်ခြေ တွင် ဓာတ်မြေဩဇာကို ထည့်သွင်းကျွေးရမည်ဖြစ်ကြောင်း၊ ပန်းပွင့်ပြီးနောက် သားတက် တစ်ခုသာ ထားရှိပြီး မိခင်အပင်မှ မလိုအပ်သော သားတက်အားလုံးကို ဖယ်ရှားရန်လိုအပ်ကြောင်း၊ ငှက်ပျော ကြီးထွားရန် ငှက်ပျောဖူး(အဖိုဖူး)အားဖြတ်ပေးရကြောင်း၊ မိုးရာသီတွင် ရေစိမ့်ဆင်းမှု ကောင်းရန်နှင့် အပင်ခြေရေမဝပ်စေရန် အပင်ခြေကိုမြေဖို့ပေးပါက အပင်ဖြစ်ထွန်းကြောင်း၊ စိုက်ပျိုးချိန်မှ (၈) လအကြာတွင် ငှက်ပျောသီးများရင့်မှည့်၍ စတင်ခုတ်ယူပြီး ဈေးကွက်သို့တင်ပို့ ရောင်းချကြောင်း၊  တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း(၁၉)သိန်း ကျပ်ခန့်ကုန်ကျကြောင်း၊ အထွက်နှုန်းအနေဖြင့်(၉၀၀) အခိုင်ထွက်ရှိကြောင်း၊ ၂၀၂၆ခုနှစ် ဇူလိုင်လ နောက်ဆုံးပတ်တွင် ငှက်ပျောဖီးကြမ်း တစ်ဖီးလျှင် (၄၀၀၀-၅၀၀၀)ကျပ်ခန့်၊ ရခိုင်ငှက်ပျောဖီး တစ်ဖီးလျှင် (၂၀၀၀-၂၅၀၀) ကျပ်ပေါက်ဈေးများရှိကြောင်း၊ ငှက်ပျောအဖီး အရည်အသွေးပေါ်မူတည်၍ ဈေးနှုန်းကွာခြားကြောင်း၊ ထွက်ရှိသော ငှက်ပျောသီးများကို ဒေသတွင်းစားသုံးရန်နှင့် သာရေးနာရေး ပွဲများတွင်လည်း အသုံးပြုသောကြောင့် ရောင်းချရကြောင်း၊ ဈေးကွက်တင်ပို့မှုအနေဖြင့် တောင်သာမြို့ သို့တင်ပို့ရောင်းချကြောင်း၊ တစ်ဧကအကျိုးအမြတ်အနေဖြင့် (၃၀)သိန်းကျပ် ဝန်းကျင် ခန့်ရရှိကြောင်း ငှက်ပျောစိုက် တောင်သူတစ်ဦး၏ ပြောပြချက်အရ သိရှိရသည်။

DOCA(မန္တလေး)

          မကွေးတိုင်းဒေသကြီး၊ပခုက္ကူခရိုင်၊ ပခုက္ကူကုန်စည်ဒိုင်တွင် ပဲမျိုးစုံနှင့် စားဖိုဆောင်သီးနှံဖြစ်သည့် ပဲစဉ်းငုံ၊ ပဲတီစိမ်း၊ ကုလားပဲ၊ ထောဖြူ၊ မတ်ပဲ၊ CP ပြောင်းဖူးစေ့နှင့် ကြက်သွန်နီသီးနှံများ အရောင်းအဝယ်ဖြစ်လျက်ရှိကြောင်း သိရသည်။

        ၂၀၂၆ခုနှစ်၊ ဇူလိုင်လ (ပထမပတ်)တွင် ပဲစဉ်းငုံ တစ်တင်းလျှင် ကျပ်(၉၅၈၀၀)ဖြစ်၍ ယခု (စတုတ္ထပတ်)တွင် တစ်တင်းကျပ် (၁၀၀၂၀၀)ဖြင့် အရောင်းအဝယ်ဖြစ်လျက်ရှိပြီး ပြည်ပဝယ်လိုအား ရှိသောကြောင့် ဈေးနှုန်းမြင့်တက်လျက်ရှိသော်လည်း အိတ်ရေ (၅၀၀၀)ခန့် အရောင်းအဝယ်ဖြစ်လျက်ရှိကြောင်း သိရှိရပါသည်။

       ဇူလိုင်လ (ပထမပတ်)တွင် ပဲတီစိမ်းကြီး တစ်တင်းလျှင် ကျပ် (၇၃၀၀၀/၈၀၀၀၀) ဖြစ်၍ ယခု (စတုတ္ထပတ်)တွင် တစ်တင်းလျှင် ကျပ်(၈၇၅၀၀)ဖြင့် အရောင်းအဝယ်ဖြစ်လျက်ရှိပြီး ဈေးကွက် ဝယ်လိုအားရှိသောကြောင့် ဈေးနှုန်းအတက်ဖြင့် အိတ်ရေ (၄၅၀၀) ခန့် အရောင်းအဝယ်ဖြစ်လျက်ရှိ ကြောင်း သိရှိရပါသည်။

          ဇူလိုင်လ (ပထမပတ်)တွင် ပဲတီစိမ်းသေး တစ်တင်းလျှင် ကျပ် (၉၃၀၀၀) ဖြစ်၍ ယခု (စတုတ္ထပတ်)တွင် တစ်တင်းလျှင် ကျပ်(၉၃၅၀၀)ဖြင့် အရောင်းအဝယ်ဖြစ်လျက်ရှိပြီး ဈေးကွက်ဝယ်လိုအားရှိသောကြောင့် ဈေးနှုန်းအတက်ဖြင့် အိတ်ရေ(၃၅၀၀)ခန့် အရောင်းအဝယ် ဖြစ်လျက်ရှိကြောင်း သိရှိရပါသည်။

             ဇူလိုင်လ (ပထမပတ်)တွင် ကုလားပဲ (929) တစ်တင်းလျှင် ကျပ် (၇၃၀၀၀)၊ ကုလားပဲ (V6) တစ်တင်းလျှင်ကျပ် (၇၂၀၀၀) ဖြစ်၍ ယခု (စတုတ္ထပတ်) တွင် ကုလားပဲ (929) တစ်တင်းလျှင် ကျပ် (၇၆၀၀၀)၊ ကုလားပဲ (V6) တစ်တင်းလျှင်ကျပ် (၇၃၈၀၀) ဈေးဖြင့် အရောင်းအဝယ်ဖြစ်လျက်ရှိပြီး ဈေးကွက်ဝယ်လိုအား ရှိသောကြောင့် ဈေးနှုန်းအနည်းငယ်မြင့်တက်ပြီး အိတ်ရေ(၄၀၀၀)ခန့် အရောင်းအဝယ်ဖြစ်လျက်ရှိကြောင်း သိရှိရပါသည်။

            ဇူလိုင်လ(ပထမပတ်)တွင် ထောဖြူ (ကျွန်း)တစ်တင်းလျှင် ကျပ် (၆၅၀၀၀) ဖြစ်၍ ယခု (စတုတ္ထပတ်)တွင် ထောဖြူ(ကျွန်း)တစ်တင်းလျှင် ကျပ်(၆၅၀၀၀)ဈေးဖြင့် အရောင်းအဝယ်ဖြစ်လျက်ရှိကြောင်း ဈေးနှုန်းတည်ငြိမ်ပြီး အိတ်ရေ (၅၀၀)ခန့် အရောင်းအဝယ်ဖြစ်လျက်ရှိကြောင်း သိရှိရပါသည်။

          ဇူလိုင်လ (ပထမပတ်)တွင် မတ်ပဲ တစ်တင်းလျှင် ကျပ် (၈၀၀၀၀/၈၇၀၀၀) ယခု (စတုတ္ထပတ်) တွင် မတ်ပဲ တစ်တင်းလျှင် ကျပ်(၈၅၀၀၀/၉၇၀၀၀)ဖြင့် အရောင်းအဝယ်ဖြစ်လျက်ရှိပြီး ပြည်ပဝယ်လို အားရှိသောကြောင့် ဈေးနှုန်းမြင့်တက်လျက်ရှိသော်လည်း အိတ်ရေ (၃၀၀၀)ခန့် အရောင်းအဝယ်ဖြစ်လျက်ရှိကြောင်း သိရှိရပါသည်။

            ဇူလိုင်လ (ပထမပတ်)တွင် CP ပြောင်းဖူးစေ့ တစ်တင်းလျှင် ကျပ် (၂၇၀၀၀) ဖြစ်၍ ယခု (စတုတ္ထပတ်)တွင် CP ပြောင်းဖူးစေ့ တစ်တင်းလျှင် ကျပ် (၂၇၅၀၀)ဖြင့် အရောင်းအဝယ်ဖြစ်လျက်ရှိပြီး ဈေးနှုန်းအနည်းငယ်မြင့်တက်သော်လည်း အိတ်ရေ (၁၀၀၀)ခန့် အရောင်းအဝယ်ဖြစ်လျက်ရှိကြောင်း သိရှိရပါသည်။

          ဇူလိုင်လ (ပထမပတ်)တွင် ကြက်သွန်နီ တစ်ပိဿာလျှင် ကျပ် (၂၀၀၀/၄၀၀၀) ဖြစ်၍ ယခု (စတုတ္ထပတ်)တွင် ကြက်သွန်နီတစ်ပိဿာလျှင် ကျပ် (၃၀၀၀/၄၉၅၀) ဖြင့် အရောင်းအဝယ်ဖြစ်လျက်ရှိပြီး ဈေးနှုန်းအနည်းငယ်မြင့်တက်လာသော်လည်း ဈေးကွက်ဝယ်လို အားရှိသောကြောင့် ဥပုသ်မှလွဲ၍ နေ့စဉ် ပိဿာ (၁၅၀၀၀/၂၀၀၀၀)ခန့် အရောင်းအဝယ်ဖြစ်လျက်ရှိကြောင်း သိရှိရပါသည်။

          ပခုက္ကူကုန်စည်ဒိုင်တွင် ပဲမျိုးစုံ၊ဆီထွက်သီးနှံနှင့်စားဖိုဆောင်သီးနှံများ အရည်အသွေးအလိုက် ဈေးနှုန်းများ အနည်းငယ်ကွာခြား၍ နေ့စဉ်အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)