မန္တလေးဈေးကွက်အတွင်း ဖြစ်ပေါ်နေသော မြေပဲဆံ ဈေးနှုန်းဈေးကွက်

        မိုးမြေပဲများ စတင်ရိတ်သိမ်းချိန်ကာလဖြစ်သည့်အတွက် စက်တင်ဘာလ ဒုတိယပတ်တွင် စစ်ကိုင်းတိုင်းဒေသကြီး မုံရွာ၊ ယင်းမာပင်၊ ဆားလင်းကြီး၊ ကနီ၊ ရွှေဘို၊ ဝက်လက်၊ ဒီပဲယင်း မြို့များ၊ မကွေးတိုင်းဒေသကြီး ပခုက္ကူ၊ မြိုင်၊ ရေစကြို၊ မကွေး၊ နတ်မောက်၊ တောင်တွင်းကြီး မြို့များမှ  မြေပဲဆံ(နီ/ဖြူ)များ မန္တလေးကုန်စည်ဒိုင်သို့ လှိုင်လှိုင်ဝင်ရောက်မှု ရှိနေပါသည်။ တိုင်းတွင်း ထွက်ရှိမှုများသည့် ကျောက်ဆည်၊ မြင်းခြံ၊ တောင်သာ၊ နွားထိုးကြီး၊ ပျော်ဘွယ်၊ ရမည်းသင်းမြို့ များမှလည်း ဝင်ရောက်မှုရှိနေပါကြောင်း သိရပါသည်။ တိုင်းဒေသကြီးအတွင်း မြေပဲ(မိုး+ဆောင်း) စိုက်ပျိုးထွက်ရှိမှုအခြေအနေအား သက်ဆိုင်ရာဌာနစာရင်းများအရ အောက်ပါအတိုင်း ဖော်ပြအပ် ပါသည်-

စဉ်	ခုနှစ်	စိုက်ဧက	ရိတ်ဧက	အထွက်နှုန်း (တင်း)	အထွက်တင်း
၁	၂၀၂၄-၂၀၂၅	၆၃၈၆၂၆	၆၃၇၄၄၇	၄၆.၇၇	၂၉၈၁၅၉၉
၂	၂၀၂၅-၂၀၂၆	၆၄၁၁၁၇	၆၄၁၁၁၇	၄၆.၉၇	၃၀၁၁၅၂၉

 မန္တလေးကုန်စည်ဒိုင်တွင် ဖြစ်ပေါ်နေသော နှစ်အလိုက် မြေပဲဆံဈေးနှုန်းများအား  အောက်ပါအတိုင်း ဖော်ပြအပ်ပါသည်-                                               ရေတွက်ပုံ-ပိဿာ/ကျပ်

စဉ်	သီးနှံ အမည်	ယခင်နှစ် ၄-၉-၂၀၂၅	ယခင်လ ၄-၈-၂၀၂၆	ယခင်အပတ် ၂၈-၈-၂၀၂၆	ယခုအပတ် ၄-၉-၂၀၂၆	ယခင် အပတ်နှင့် နှိုင်းယှဉ်ချက်
၁	မြေပဲဆံ	၇၅၀၀	၁၃၅၀၀	၁၃၀၀၀	၁၂၃၀၀	-၇၀၀

 

 

 

 

 

       ယခုတစ်ပါတ်အတွင်း မန္တလေးကုန်စည်ဒိုင်သို့ မိုးမြေပဲများ ဝင်ရောက်မှုများလာပြီး မြေပဲကို တိုင်းတွင်းဆီစက်သမားများမှ အဓိကဝယ်ယူကြိတ်ခွဲလျက်ရှိပါကြောင်း၊ မြေပဲဆီ ဈေးနှုန်းမှာ တစ်ပိသာလျှင် ၂၁၀၀၀ ကျပ်၊ မြေပဲကြိတ်ဖတ်မှာ တစ်ပိဿာ ၇၁၅၀ ကျပ်ခန့် ရှိကြောင်း၊ မြေပဲဆံဈေးနှုန်းမှာ ဒေသတွင်း ဝယ်လိုအားနည်းခြင်းကြောင့် ဈေးနှုန်းကျဆင်းခဲ့ ကြောင်း ကုန်သည်တစ်ဦးထံမှ သိရှိရပါသည်။

DOCA(မန္တလေး)