ပြည်တွင်းကုန်သွယ်မှုသတင်း

    တနင်္သာရီတိုင်းဒေသကြီးတွင် ရော်ဘာကို အဓိကစီးပွားရေးလုပ်ငန်းတစ်ခုအဖြစ် လုပ်ကိုင် လျက်ရှိကြသည်။ ပြည်တွင်းတွင် ရော်ဘာကို မြန်မာနိုင်ငံတောင်ပိုင်းဒေသများဖြစ်သည့် မွန်ပြည်နယ်၊ ကရင်ပြည်နယ်နှင့်တနင်္သာရီတိုင်းဒေသကြီးတို့တွင် အများဆုံး စိုက်ပျိုးပြီး ပဲခူးတိုင်းဒေသကြီးနှင့် ရန်ကုန်တိုင်းဒေသကြီးတို့တွင်လည်း စိုက်ပျိုးကြကြောင်း သိရှိရပါသည်။

          တနင်္သာရီတိုင်းဒေသကြီးမှ ယခုပတ်အတွင်း ရော်ဘာဈေးနှုန်းအခြေအနေမှာ RSS -3 တစ်ပေါင်လျှင်(၂၆၀ဝိ/-)ကျပ်နှင့်RSS-5တစ်ပေါင်လျှင်(၂၅၀ဝိ/-)ကျပ်ဈေးနှုန်းရှိပြီး ထားဝယ်တွင် ရော်ဘာ ဈေးနှုန်းအနေဖြင့် တောင်သူများတွက်ချေကိုက်လျက်ရှိကြောင်း သိရှိရပါသည်။

DOCA(တနင်္သာရီ)

      နတ်တော်လဆန်းအချိန်ဖြစ်၍ မန္တလေးပန်းကုံးမျိုးစုံစျေးကွက်အတွင်း စျေးအနည်းငယ်မြင့် တက်ပြီး၊အရောင်းသွက်လှျက်ရှိကြောင်းသိရှိရပါသည်။စျေးကွက်အတွင်းသို့ မန္တလေးတိုင်းဒေသကြီး အတွင်း ပုသိမ်ကြီးမြို့နယ်၊ မတ္တရာမြို့နယ်၊ အမရပူရမြို့နယ်၊ ပြင်ဦးလွင်မြို့နယ်နှင့် ကျောက်ပန်း တောင်းမြို့နယ်(ပုပ္ပားဒေသ)နှင့် စစ်ကိုင်းတိုင်းဒေသကြီးတို့မှ ကုံးပန်းများဝင်ရောက် ကြောင်း သိရှိရ ပါသည်။ ၂၀၂၅ ခုနှစ်နိုဝင်ဘာလတတိယပတ်အတွင်း ဖြစ်ပေါ်သည့်ပန်းကုံး လက်လီပေါက်စျေးနှုန်း များမှာ စပါယ်ပန်းအပွင့် ၂၅ ကုံးပါတစ်တွဲလျှင် ၂၀၀ဝိ/-နှင့် ၂၅၀ဝိ/-၊ ဇွန်ပန်း ၂၅ ကုံးပါ ၂၀၀ဝိ/-နှင့် ၂၃၀ဝိ/-၊ စကားဝါပန်း/စကားဖြူပန်း ၁၀ ကုံးပါ ၃၅၀ဝိ/-နှင့် ၄၀၀ဝိ/-၊ သနပ်ခါးပန်း၁၀ ကုံးပါ တစ်တွဲလျင် ၃၀၀ဝိ/-နှင့် ၃၅၀ဝိ/-၊ရွှေပန်းနှင့်ငွေပန်း ၁၀ ကုံးပါတစ်တွဲလျင် ၃၀၀ဝိ/-နှင့် ၄၀၀ဝိ/-၊ ကံ့ကော်ပန်း ၁၀ကုံးပါတစ်တွဲလျှင် ၄၀၀ဝိ/-နှင့် ၅၀၀ဝိ/-၊နှင်းဆီပန်း(ဗမာ) ၁၀ ကုံးလျှင် ၃၅၀ဝိ/-နှင့်၄၀၀ဝိ/-စျေးတို့ဖြင့် ရောင်းချလျက်ရှိကြောင်း သိရှိရပါသည်။

DOCA (မန္တလေး)

       တနင်္သာရီတိုင်းဒေသကြီး၊ မြိတ်မြို့နယ်တွင် ဆိပ်ငယ်ဈေးကြီးနှင့် ရှမ်းချောင်းကုန်စိမ်းဈေး အတွင်း သံပရာသီးသည် မိုးရာသီတွင်ပိုမိုထွက်ရှိ၍ ဆောင်းရာသီတွင် ထွက်ရှိမှုနည်းပါးသောကြောင့် ဈေးနှုန်းများ အနည်းငယ်မြှင့်တက်ကြောင်း ကုန်စိမ်းရောင်းသူထံမှသိရှိရပါသည်။ သံပရာသီးကို သံပရာဖျော်ရည်၊ သံပရာယို၊ အသုပ်မျိုးစုံနှင့် သရေစာတို့တွင် ထည့်သွင်းစားသုံးပြီး လူသုံးကုန်နှင့် ကျန်းမာရေးအတွက်လည်း သုံးစွဲခြင်းကြောင့် သံပရာသီးကို သုံးစွဲသူများပြားကြကြောင်းလည်း သိရှိရပါသည်။

     ၂၀၂၅ခုနှစ် ယခုနိုဝင်ဘာလ တတိယပတ်တွင် မြိတ်မြို့ပေါ်ရှိ သံပရာသီးဈေးနှုန်းမှာ တစ်လုံး လျှင် (၅၀၀)ကျပ်ရှိကြောင်း သိရှိရပါသည်။

DOCA(တနင်္သာရီ)

         တနင်္သာရီတိုင်းဒေသကြီး၊ မြိတ်မြို့နယ်အတွင်းရှိ ‌ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို လုပ်ကိုင်ကြလျက်ရှိပြီး စားဖိုဆောင်သီးနှံတစ်မျိုးဖြစ်သည့် ရုံးပတီများကို တစ်နိုင်တစ်ပိုင်စိုက်ပျိုးလျက်ရှိပါသည်။ ရုံးပတီသီးသည် အပူပိုင်းရာသီကို ကြိုက်နှစ်သောကြောင့် မြိတ်ဒေသရှိ မြို့နှင့် ကျေးရွာများတွင်စိုက်ပျိုးကြသည်။ ကျန်းမာရေးအရ ဆီးချိုရောဂါ၊ ကျောက်ကပ်ရောဂါများပျောက်ကင်းနိုင်ပြီး ဝမ်းတွင်းအူလမ်းကြောင်းကို သက်သာစေနိုင်သော အသီးဖြစ်သည်။ ဒေသထွက်ရုံးပတီသီးများကို စမ်းချောင်းကုန်စိမ်းစျေးများနှင့် အခြားစျေးများ၌ အရောင်းအဝယ်ပြုလုပ်ကြောင်း သိရှိရပါသည်။

     ယခု၂၀၂၅ခုနှစ်၊နိုဝင်ဘာလ တတိယပတ်အတွင်းဖြစ်ပေါ်နေသော မြိတ်မြို့၏ ရုံးပတီသီး စျေးနှုန်းမှာ ရုံးပတီသီးဆယ်တောင့်လျှင် (၁၇၀၀)ကျပ်ဖြင့် ရောင်းချနေကြောင်း ကုန်စိမ်းရောင်းချသူထံမှ သိရှိရပါသည်။

DOCA(တနင်္သာရီ)

    တနင်္သာရီတိုင်းသည် ပင်လယ်ဝန်ရံလျက်ရှိသည့်အပြင် သဘာဝပေါက်ပင်များပေါက်ရောက် သောဒေသလည်းဖြစ်သည်။ ပင်လယ်ကမ်းရိုးတန်းဒေသဖြစ်ရာ တနင်္သာရီတိုင်းတွင် သဘာဝ အလျောက်ပေါက်ရောက်လေ့ရှိသည့် ဓနိပင်များမှ ထုတ်လုပ်သော ဓနိပျားသည် ဒေသတွင်းစီးပွား ဖြစ်လျက်ရှိသည်။ ဓနိပျားကို ထားဝယ်ခရိုင်၊ မြိတ်ခရိုင်ရှိ တညက်ကျေးရွာနှင့် တုန်းဗျောကျေးရွာ တို့တွင် အဓိကထွက်ရှိပြီး ‌တောနောက်လယ်တို့တွင်လည်းထွက်ရှိပါသည်။ ထွက်ရှိသော ဓနိပျားများ ကို မုန့်များပြုလုပ်ရာတွင် သုံးစွဲကြပြီး တညက်ကျေးရွာနှင့် တုန်းဗျောကျေးရွာမှ ထွက်ရှိသော ဓနိပျားများကို အသုံးပြုရာတွင် အနည်းငယ်ချဉ်သောအရသာရှိသောကြောင့် တောနောက်လယ်နှင့် ထားဝယ်မှဓနိပျားများကို မှာယူလျက်ရှိကြသည်။ တောနောက်လယ်မှ ဓနိပျားသည် အရသာ ကောင်းသောကြောင့် လူကြိုက်များပြားလျက်ရှိပြီး ထွက်ရှိမှုနည်းပါခြင်းကြောင့် ထားဝယ်မှ ဓနိပျား များကို အဓိကမှာယူလျက်ရှိကြောင်းသိရှိရပါသည်။ ထားဝယ်မြို့မှ ဝယ်ယူရာတွင် ဆယ်ပိဿာခန့် ဓနိပျားတစ်ပုံး လျှင် ကျပ် ၄၂၀၀၀ ခန့်ရှိပြီး သယ်ယူပို့ဆောင်စရိတ်ပေါင်း၍ မြိတ်မြို့တွင် ဆယ်ပိသာ ခန့် ဓနိပျားတစ်ပုံးလျှင် ကျပ် ၅၀၀၀၀ ခန့်ဖြင့်‌ရောင်းချလျက်ရှိကြောင်းသိရှိရါပါသည်။ တောနောက် လယ်မှ ဓနိပျားစျေးနှုန်းသည် ဆယ်ပိဿာခန့် တစ်ပုံးလျှင် ကျပ် ၄၅၀၀၀ ခန့်ရှိပြီး မြိတ်မြို့တွင် ကျပ် ၅၂၀၀၀ဖြင့် ပြန်လည်ရောင်းချကြောင်း သိရှိရပါသည်။

DOCA (တနင်္သာရီ)