ပြည်တွင်းကုန်သွယ်မှုသတင်း

       စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ပန်းဈေးကွက်၌ နှင်းဆီပန်း၊ နှင်းပန်း၊ ဂန္ဓမာပန်း၊ သပြေပန်း၊ အာစီယံသပြေ၊ စံပါယ်ပန်း၊ ဇွန်ပန်း၊ သစ္စာပန်းစသည့် ပန်းမျိုးစုံရောင်းချလျက်ရှိကြောင်း၊ ဒေသခံပြည်သူများကလည်း ဘုရားပန်းကပ်လှူရန်၊ ပန်းအလှဆင်ရန်နှင့် အမျိုးသမီးများအလှပန်ဆင်ရန် နေ့စဉ်ဝယ်ယူအသုံးပြုလျက်ရှိကြောင်း သိရသည်။

        ကန့်ဘလူမြို့ပန်းဈေးကွက်၌ ၂၀၂၅ ခုနှစ်၊ ဒီဇင်ဘာလ စတုတ္ထပတ်အတွင်း ပြင်ဦးလွင်ဒေသ ထွက်ဂန္ဓမာပန်း(၁)စီးလျှင်(၂၅၀၀)ကျပ်၊ ဒေသထွက် ဂန္ဓမာပန်း(၁)စီးလျှင်(၈၀၀)ကျပ်၊ နှင်းပန်း (၁)စီးလျှင် (၂၀၀၀)ကျပ်၊ သစ္စာပန်း(၁)စီးလျှင် (၂၅၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိရာ ယခုလတတိယပတ်၏ ဈေးနှုန်းများနှင့်နှိုင်းယှဉ်ပါက စတုတ္ထပတ်အတွင်း ဂန္ဓမာပန်း (၁)စီးလျှင်(၅၀၀)ကျပ် ဈေးနှုန်းကျဆင်းသွားကြောင်း ပန်းရောင်းချသူများထံမှ သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ဈေးသည်များ၊ ဈေးဝယ်သူများနှင့် နေ့စဉ်စည်ကားလျက်ရှိပြီး မိသားစုစားဝတ်နေရေးအတွက် ဒေသထွက်သီးနှံများအပြင် အခြားတိုင်းဒေသကြီးမှ ထွက်ရှိသော ဂေါ်ရခါးသီး၊ ခရမ်းသီးနှင့် ခဝဲသီးတို့ကို မန္တလေးမြို့နှင့် ရွှေဘို မြို့တို့မှ ဝယ်ယူရောင်းချလျက်ရှိကြောင်း သိရသည်။

        ၂၀၂၅ ခုနှစ်၊ ဒီဇင်ဘာလ စတုတ္ထပတ်အတွင်း အရောင်းအဝယ်ဖြစ်နေသော ဂေါ်ရခါးသီးဈေးနှုန်းများမှာ  အလုံးကြီး(၁)လုံးလျှင် (၆၀၀)ကျပ်၊  အသေး(၁)လုံးလျှင် (၅၀၀)ကျပ်၊ ခရမ်းသီး(၁) ပိဿာလျှင်(၃၂၀၀)ကျပ်၊ (၅၀)ကျပ်သားလျှင် (၁၆၀၀)ကျပ်နှင့် ငရုတ်သီးစိမ်း(၁)ပိဿာလျှင် (၃၂၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိရာ၊ ဒီဇင်ဘာလတတိယပတ် ဈေးနှုန်းများနှင့် နှိုင်းယှဉ်ပါက ယခုစတုတ္ထပတ်အတွင်း ဂေါ်ရခါးသီး(၁)လုံးလျှင်(၁၀၀)ကျပ်နှင့် ခရမ်းသီး(၁) ပိဿာလျှင်(၃၀၀)ကျပ် ဈေးနှုန်းကျဆင်းလျက်ရှိကြောင်း၊ ဂေါ်ရခါးသီး၊ ခရမ်းသီးနှင့် ငရုတ်သီးများကို ထမင်းဆိုင်များ၊ စားသောက်ဆိုင်များက ဝယ်ယူအသုံးပြုလျက်ရှိကြောင်း၊ ကုန်စိမ်းသီးနှံမျိုးစုံ ရောင်းချသည့်  လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

                     ကျောက်ပန်းတောင်းမြို့နယ်တွင် စက်သုံးဆီအရောင်းဆိုင် ၃၁ ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ် ရောင်းချလျက်ရှိရာ ၂၀၂၅ခုနှစ်၊ ဒီဇင်ဘာလ ၁၉ ရက်နေ့ စက်သုံးဆီ တစ်လီတာ အရောင်း ဈေးနှုန်းများအနေဖြင့် 92 Octance ၂၆၆၀ ကျပ်၊ 95 Octance ၂၇၁၅ ကျပ်၊ ရိုးရိုးဒီဇယ် ၂၃၆၅ ကျပ်၊ ပရီမီယမ် ဒီဇယ် ၂၈၃၀ ကျပ်ဝန်းကျင်ဖြင့် ရောင်းချလျက်ရှိကြောင်း သိရှိရသည်။

          စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၁၉-၁၂-၂၀၂၅ ရက်နေ့တွင်ထုတ်ပြန်ထားသည့် မန္တလေးတိုင်းဒေသကြီးအတွင်း စက်သုံးဆီတစ်လီတာ၏ သတ်မှတ် ရည်ညွှန်းဈေးများမှာ 92 Octance ၂၆၃၀ ကျပ်၊ 95 Octance ၂၆၈၅ ကျပ်၊ ရိုးရိုးဒီဇယ် ၂၃၄၅ ကျပ်၊ ပရီမီယမ်ဒီဇယ် ၂၈၀၀ ကျပ်ဖြစ်ကြောင်း သိရှိရသည်။ သတ်မှတ် ရည်ညွှန်းဈေးများသည် ယခင်အပတ် ထက် 92 Octanceတွင် ၂၅ ကျပ်၊ 95 Octanceတွင်  ၃၀ ကျပ် တို့ အသီးသီးဈေးနှုန်းလျော့ကျခဲ့ကာ ရိုးရိုးဒီဇယ်တွင် ၁၅ ကျပ်ဈေးနှုန်းမြင့်တက်ခဲ့ပြီး ပရီမီယမ်ဒီဇယ်တွင် ဈေးနှုန်းပြောင်းလဲမှုမရှိကြောင်း သိရှိရသည်။

DOCA(မန္တလေး)

              နွားထိုးကြီးမြို့နယ်တွင် စက်သုံးဆီအရောင်းဆိုင် ၁၀ ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ် ရောင်းချလျက်ရှိရာ ၂၀၂၅ခုနှစ်၊ ဒီဇင်ဘာလ ၁၉ ရက်နေ့ စက်သုံးဆီတစ်လီတာ အရောင်းဈေးနှုန်းများအနေဖြင့် 92 Octance ၂၆၃၀ ကျပ်၊ 95 Octance ၂၆၈၅ ကျပ်၊ ရိုးရိုးဒီဇယ် ၂၃၄၅ ကျပ်၊ ပရီမီယမ်ဒီဇယ် ၂၈၀၀ ကျပ်ဖြင့် ရည်ညွှန်းဈေးအတိုင်း ရောင်းချလျက်ရှိကြောင်း သိရှိရသည်။

           စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၁၉-၁၂-၂၀၂၅ ရက်နေ့တွင်ထုတ်ပြန်ထားသည့် မန္တလေးတိုင်းဒေသကြီးအတွင်း စက်သုံးဆီတစ်လီတာ၏ သတ်မှတ် ရည်ညွှန်းဈေးများမှာ 92 Octance ၂၆၃၀ ကျပ်၊ 95 Octance ၂၆၈၅ ကျပ်၊ ရိုးရိုးဒီဇယ် ၂၃၄၅ ကျပ်၊ ပရီမီယမ်ဒီဇယ် ၂၈၀၀ ကျပ်ဖြစ်ကြောင်း သိရှိရသည်။ သတ်မှတ် ရည်ညွှန်းဈေးများသည် ယခင်အပတ် ထက် 92 Octanceတွင် ၂၅ ကျပ်၊ 95 Octanceတွင် ၃၀ ကျပ် တို့ အသီးသီးဈေးနှုန်းလျော့ကျခဲ့ကာ ရိုးရိုးဒီဇယ်တွင် ၁၅ ကျပ်ဈေးနှုန်းမြင့်တက်ခဲ့ပြီး ပရီမီယမ်ဒီဇယ်တွင် ဈေးနှုန်းပြောင်းလဲမှုမရှိကြောင်း သိရှိရသည်။

DOCA(မန္တလေး)

       တနင်္သာရီတိုင်းဒေသကြီး၏ စိုက်ပျိုးထုတ်လုပ်သူများသည် မိုးစပါးစိုက်ပျိုးရိတ်သိမ်းပြီးသော အချိန်တွင် မိမိပတ်ဝန်းကျင်မြေအနေအထားနှင့်သင့်လျော်သော သီးနှံများကိုစိုက်ပျိုးလျက်ရှိရာ တနင်္သာရီတိုင်း၊ မြိတ်ခရိုင်၊ မြိတ်မြို့ရှိ တနင်္သာရီမြို့နှင့် ကျေးရွာအချို့တို့တွင် လုံးပင်စိုက်ပျိုး၍ လုံးစေ့ထုတ်လုပ်ခြင်း လုပ်ငန်းကို စီးပွားဖြစ်လုပ်ကိုင်ဆောင်ရွက်နေကြောင်း တွေ့ရှိရပါသည်။ လုံးပင် မှာ မြိတ်ဒေသအ‌ခေါ်အဝေါ် ဖြစ်၍ အမည်ရင်းမှာ ပင်စိမ်းပင်ဖြစ်ပါသည်။

          လုံးပင်များကို မြေနုကျွန်းများတွင် စိုက်ပျိုးဖြစ်ထွန်းပါသည်။ စိုက်ပျိုးနည်းများမှာ လုံးစေ့ ပျိုးပင်များကို မိုးအကုန်တော်သလင်းလဆန်းမှစတင်၍ ပျိုးခင်းဖြစ်ပျိုးထောင်ထားပြီး ၃ဝရက်မှ ၄၅ရက်ခန့်အကြာတွင် ၄လက်မ၊ ၅လက်မအရွယ်ရှိ ပျိုးပင်များကို တစ်ပင်နှင့် တစ်ပင် ၂ပေမှ၃ပေ ခြားပြီး အတန်းလိုက်စိုက်ပျိုးရ ခြင်းဖြစ်ပါသည်။ တစ်ဧကတွင် လုံးစေ့ပင် (၈ဝဝဝ)မှ(၁ဝဝဝဝ) အထိ စိုက်ပျိုးနိုင်ပါသည်။ လုံးပင်(၁)ပေခန့် အရွယ်မှာ အပင်ထိပ်ဖျားဖြတ်ပေးခြင်း၊ အပင်ရင်းမြေဖို့ခြင်း၊ ရေလောင်းခြင်းတွေပြုလုပ်ပေးပါက လုံးပင်သန်မာပြီး လုံးပင် အပွင့်လှိုင်လှိုင်ထွက်ပါသည်။

          လုံးပင်အပင်ရင့်သန်မှုမှန်ကန်မှု မှန်ကန်မယ်ဆိုပါက လုံးပင်(၃)ပင်လျှင်လုံးစေ့ နို့စည်ဘူး တစ်ဘူးခန့်ရရှိပြီး အထွက်ညံ့ပါက (၅)ပင်တွင်တစ်ဘူးခန့်ထွက်ရှိပါသည်။ တပိုးတွဲလ(ဖေဖော်ဝါရီလ) ဟာ လုံးစေ့ လှိုင်လှိုင် ထွက်ပေါ်တဲ့အခါဖြစ်သည်။ လုံးခါရန် အပင်ရင့်ချိန်တွင် အပင်ရင်းခုတ်ပြီး နေ(၇)ရက် (တစ်ပတ် ခန့်)လှန်းရပါသည်။ ပြီးလျှင် (၁ဝ)ပင် (၁၅)ပင်စုစည်းပြီး နေတစ်ခါထပ် လှန်းရပါသည်။ လုံးခါချိန်မှာည (၁၂)နာရီမှ နံနက်(၅း၃ဝ)နာရီအထိ နှင်းအားကောင်းပြီး အေးတဲ့အချိန်ဖြစ်ရပါမည်။ တစ်ခါတစ်လေ ဖေဖော်ဝါရီလမှာ မိုးရွာတတ်လို့ သတိထားရပါမည်။ မိုးရွာမည့်အခြေအနေရှိရင် အဲဒီညမှာလုံးခါခြင်း မလုပ်ရပါဘူး။

          လုံးစေ့ကိုရေပွအောင်စိမ်ပြီး သကြားရည်နှင့် ဖျော်ရည်ဖျော်သောက်ပါက ဝမ်းတွင်းအပူငြိမ်း သလို ဝမ်းကိုက်ရောဂါဖြစ်ပါက သကြားရည်မထည့်ဘဲ လုံးစေ့မပွခင်သောက်ပါက သက်သာပျောက် ကင်းစေပါတယ်။ လုံးစေ့ကိုနေ့စဉ်(၃)ဂရမ်ရေစိမ်သောက်ပါက ဝလွန်းသူများ ကိုယ်အလေးချိန်လျော့ ပြီး ပုံမှန်ခန္ဓာကိုယ် ဖြစ်စေပါတယ်။ ဂျင်းဖြင့်ပြုတ်၍သောက်ပါက အသံကောင်းခြင်း၊ သလိပ်ပျော်၍ ချောင်းဆိုးပျောက်ခြင်း အကျိုးတို့အပြင် လုံးရွက်ကို ဟင်းခါးချက်စားခြင်းဖြင့် ခံတွင်းရှင်းကာ နှုတ်မြိန် စေပါတယ်။

          မြိတ်မြို့တွင် လုံးစေ့ကို အထုတ်ဖြင့် ဖြစ်စေ၊ နို့စည်ပုံးဖြင့် ဖြစ်စေ၊ ရောင်းချလျက်ရှိပြီ အထုတ်တစ်ထုတ်လျှင် ၁၀၀၀ကျပ်ခန့်နှင့် နို့စည်ပုံးတစ်ပုံလျှင် ၃၅၀၀ကျပ်ခန့်စျေးရရှိကြောင်းသိရှိရ ပါသည်။

DOCA(တနင်္သာရီ)