ပြည်တွင်းကုန်သွယ်မှုသတင်း

           ဂွေးသီးပင်များသည် နှစ်ရှည်အပင်အမျိုးအစားဖြစ်ပြီး မြန်မာနိုင်ငံနေရာအနှံ့အပြားတွင် ပေါက်ရောက်၍ အသီးကိုစားသုံးနိုင်သောအပင်ဖြစ်ပြီး ပန်းပွင့်သည်အဖြူရောင်ဖြစ်၍ အပင်အမြင့် မှာ ပေ(၃၀-၄၀)ခန့်အထိရှိ‌ကြောင်း၊ ဝင်ငွေရစီးပွားဖြစ်သောအပင်ဖြစ်ပြီး  ကျန်းမာရေးအတွက် လည်း ဆေးဖက်ဝင်သော အပင်ဖြစ်ကြောင်းသိရှိရသည်။ ကိုယ်ခံစွမ်းအားကိုမြှင့်တင်ပေးသော ဗီတာ မင်စီကြွယ်ဝစွာပါဝင် သဖြင့်အဆုတ်နှင့် အာရုံကြောများကိုအားကောင်းစေကြောင်း၊ သံဓာတ် ပါဝင်မှုကြောင့် သွေးအားနည်းခြင်းရောဂါကို ကာကွယ်ပေးကြောင်း၊ အသားအရေ နူးညံ့ချောမွတ်စေ၍ နှလုံးနှင့် သွေးလည်ပတ်မှုကောင်းမွန်စေသလို သွေးဖိအားကိုလည်း ထိန်းညှိပေးကြောင်း၊ အမျှင်ဓာတ်နှင့် Antioxidant များပါဝင်သောကြောင့် ခန္ဓာကိုယ်ထဲရှိ အညစ်အကြေးနှင့် အဆိပ်အတောက်များ ကိုဖယ်ရှားပေးကြောင်း၊ ဂွေးသီးသည် ကယ်လ်ဆီယမ်ဓာတ်ကြွယ်ဝစွာပါဝင်၍  အရည်ရွှမ်းပြီး အမျှင်ဓာတ်ကြွယ်ဝစွာပါဝင်သဖြင့် သွေးလည်ပတ်မှုကိုကောင်းမွန်စေကြောင်း၊ အသီးတွင် အမျှင်ဓာတ် ကြွယ်ဝစွာပါဝင်သဖြင့် အစာအိမ်နှင့် အူလမ်းကြောင်း အတွက်ကောင်းမွန် ကြောင်း၊ အညာ‌ဒေသဖြစ်သော မြင်းခြံမြို့တွင်ဂွေးသီးများကို အသုပ်၊ အထောင်းများပြုလုပ်၍ ပြုလုပ်၍စားသုံးကြသလို ဂွေးသီးငပိချက်၊ ဂွေးသီးမြေပဲဆံချက်နှင့် ဂွေးသီးဝက်သားချက်များအဖြစ် ချက်ပြုပ်စားသုံးကြာင်း သိရှိရသည်။

DOCA (မန္တလေး)

  မအူပင်ခရိုင်၊ မအူပင်မြို့နယ်မှ စိုက်ပျိုးထွက်ရှိသော စပါးများကို ဆန်စက်(၁၉)စက်မှ ကြိတ်ခွဲပြီး ထွက်ရှိလာသော ဆန်/ဆန်ကွဲများကို ရန်ကုန်သို့ အဓိကထားတင်ပို့လျက်ရှိပါသည်။ ၂၀၂၅ခုနှစ် အတွင်း အောက်တိုဘာလ ၁လအတွင်း ဆန်တင်ပို့မှု ၁၄၇၇၅ အိတ်နှင့် တန်အားဖြင့် ၇၃၉ အိတ်၊  ဆန်ကွဲအနေဖြင့် ၇၄၈၉ အိတ်၊ တန်အားဖြင့် ၃၇၅ တန်၊ ယခင်လတင်ပို့မှုမှာ ဆန်အိတ် ၁၃၃၄၃ အိတ်၊ ဆန်ကွဲ အိတ် ၆၄၃၁ အိတ်  နှိုင်းယှဉ်တင်ပို့မှုမှာ ဆန် ၁၄၃၂ အိတ် တိုးမြင့်တင်ပို့ပြီး ဆန်ကွဲအနေဖြင့်  ၁၀၅၈ အိတ် ပိုမို တင်ပို့ကြောင်း တွေ့ရှိရသည်။ 

   ဧရာဝတီတိုင်းဒေသကြီး၊ မအူပင်ခရိုင်၊ မအူမြို့နယ် အနေဖြင့် ဆန်စက် ၁၉ စက်ရှိပြီး ဒေသထွက်ရှိသော ဆန်နှင့် ဆန်ကွဲများကို ရန်ကုန်မြို့ သီလဝါဆိပ်ကမ်း၊ သံလျင်မြို့၊ ဆူးလေဆိပ်ကမ်း ပန်းပဲတန်းမြို့၊ Asiaworld ဆိပ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုက်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက့်မြို့၊ ရွှေလင်ပန်းစက်မှု ဇုန်လှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ တင့်လျက်ရှိကြောင်း သိရှိရပါသည်။

  အခြားမြို့နယ်တင်ပို့မှု အနေဖြင့် အောက်တိုဘာလ ဆန် ၁၆၆၇၅၀ အိတ်၊ ဆန်ကွဲ ၅၃၂၄၀ အိတ် နှင့် ယခင်လက ဆန် ၁၈၈၂၀၀အိတ်၊ ဆန်ကွဲ ၇၃၂၅၀ အိတ် ကို ယခုလ ၂၁၄၅၀အိတ်၊ ဆန်ကွဲ ၂၀၀၁၀အိတ် လျောနည်းတင်ပို့ ကြောင်းတွေ့ရှိရပြီး လျော့နည်းရခြင်းမှာ ဒေသထွက် စပါးများ ထွက်ရှိမှု နည်းပါးသေးသဖြင့် မိုးလေဝသအခြေအနေများကြောင့် စပါးအခြောက်လှန်းရန် လိုအပ်နေသေးသောကြောင့် မြို့နယ်တွင်း ဆန်/ဆန်ကွဲအကျန်များကို တင်ပို့ခြင်းဖြစ်ကြောင်း မြို့နယ်ကုန်သည်များထံမှ သိရသည်။

DOCA(ဧရာဝတီ)

     သထုံခရိုင်အတွင်းရှိမြို့နယ်များတွင် နိုဝင်ဘာလ၏ ပထမအပတ်တွင် စပါး၊ ဆန် စျေးနှုန်းမှာ တည်ငြိမ်လျက်ရှိကြောင်း သိရှိရပါသည်။ သထုံခရိုင်အတွင်းမှ အခြားတိုင်း ဒေသကြီး နှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၂၃၀၀) အိတ်ခန့်၊ ကရင် ပြည်နယ်သို့  (၂၁၀၀) အိတ်ခန့်၊ စုစုပေါင်း (၄၄၀၀) အိတ်ခန့်၊ တန်ချိန်အားဖြင့် (၂၁၂) တန် စီးထွက်ခဲ့ပါသည်။ ယခုနိုဝင်ဘာလ၏ ပထမအပတ်တွင် မော်လမြိုင်သို့ (၂၃၀၀) အိတ်ခန့်၊ ကရင်ပြည်နယ်သို့ (၂၀၀၀) အိတ်ခန့်၊ စုစုပေါင်း (၄၃၀၀) အိတ်ခန့်၊ တန်ချိန်အားဖြင့် (၂၀၇)တန်ခန့် စီးထွက်ခဲ့ပြီး ယခင်နောက်ဆုံးအပတ်နှင့် နှိုင်းယှဥ်ပါက အနည်းငယ်လျော့၍ စီးထွက်ခဲ့ပါသည်။

     သထုံခရိုင်အတွင်းသို့ အောက်တိုဘာလ၏ နောက်ဆုံအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၁၉၀၀) အိတ်ခန့်၊  ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၈၀၀) အိတ်ခန့်၊ တန်ချိန်အားဖြင့် (၁၈၃) တန်ခန့်စီးဝင်ခဲ့ပြီး ယခုနိုဝင်ဘာလ၏ ပထမအပတ်တွင် ရန်ကုန်တိုင်းဒေသကြီးမှ (၁၈၀၀) အိတ်ခန့်၊ ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၇၀၀) အိတ်ခန့်၊ တန်ချိန်အားဖြင့် (၁၇၈) တန်ခန့် စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်နောက်ဆုံးအပတ်နှင့်နှိုင်းယှဥ်ပါက အနည်းငယ် လျော့၍ စီးဝင်ခဲ့ပါသည်။

      သထုံခရိုင်အတွင်း၌ ယခုနိုဝင်ဘာလ၏ ပထမအပတ်တွင် စပါး၊ ဆန်စျေးနှုန်းများ မှာ စပါးတင်း (၁၀၀) လျှင် ဒေသပေါက်စျေး ကျားပျံဟိုတယ် (၂၇၅၀၀၀၀ိ/-) ခန့်၊ ပေါ်ဆန်းဝါ    (၂၄၅၀၀၀၀ိ/-)ခန့်၊ ကမာကြည် (၁၆၀၀၀၀၀ိ/-) ခန့်၊ ဧည့်မထ (၁၂၅၀၀၀၀ိ/-) ခန့်နှင့် (၂၄) ပြည် ဝင်ဆန် တစ်အိတ်လျှင် ကျားပျံဟိုတယ် (၁၂၅၀၀၀ိ/-) ခန့်၊ ပေါ်ဆန်းဝါ (၁၂၀၀၀၀ိ/-) ခန့်၊   ကမာကြည် (၇၈၀၀၀ိ/-) ခန့်၊ ဧည့်မထ (၅၅၀၀၀ိ/-) ခန့်ရှိပြီး ယခုအပတ်တွင် စပါး၊ ဆန် စျေးနှုန်းမှာ တည်ငြိမ်လျက်ရှိကြောင်း သိရှိရပါသည်။

                 DOCA (မွန်)

   ရွှေဘိုမြို့ရှိ ဈေးများတွင် အသား/ငါးများ၊ ဟင်းသီးဟင်းရွက်များ၊ သစ်သီးဝလံများကို ရောင်းချလျက်ရှိရာ ဟင်းညံ့ဖူးများကိုလည်း ရောင်းချလျက်ရှိပါသည်။ ဟင်းညံ့ဖူးများမှာ ရေကန်များ တွင် ပေါက်ရောက်ပြီး မိုးရာသီအကုန် ဆောင်းရာသီအဝင်တွင် ပေါ်ပေါ်များများ ထွက်ရှိသော အရွက်တစ်မျိုးဖြစ်ပါသည်။ ဟင်းညံ့ဖူးကို ကြက်သားဖြင့် ရောနှောချက်စား၍သော်လည်းကောင်း၊ ကန်စွန်း ရွက်ဖြင့် သော်လည်းကောင်းကြော်စားကြကြောင်း၊ ဟင်းညံ့ဖူးကို ချဉ်ပေါင်ရွက်ဖြင့် ချဉ်ရေ ကျိုချက်၍သော်လည်းချက်စားကြကြောင်း၊ ဟင်းညံ့ဖူး၏အရဿာမှာ ချိုပြီးစိမ့်သော အရဿာ ဖြစ်၍ စားသုံးသူများမှာ ပေါ်ဉီးပေါ်ဖျားဖြစ်သည့် ဟင်းညံ့ဖူးကို အများဆုံးဝယ်ယူကြကြောင်း၊ ဟင်းညံ့ဖူး (၅)ပင်ပါ (၁)စည်းလျှင် (၂၀ဝိ/-)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချ သည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

       မန္တလေးတိုင်းဒေသကြီး ကျောက်ဆည်ခရိုင်အတွင်းရှိမြစ်သားမြို့နယ်တွင်ပဲမျိုးစုံသီးနှံ ဖြစ် သည့် တိုင်ထောင်ပဲ၊ ပဲယဉ်း၊ ထောပတ်ပဲ၊ ကုလားပဲ၊ ပဲစဉ်းငုံသီးနှံများအပြင်၊ ‌ပဲကြီးသီးနှံကိုလည်း စိုက်ပျိုးလာကြပါသည်။ နိုဝင်ဘာလဆန်းမှစတင်၍ ပဲကြီးသီးနှံများ စတင်စိုက်ပျိုး လျက်ရှိပါသည်။ အများဆုံး စိုက်ပျိုးသောရွာများမှာ ရိုးကန်၊ရစ်ကန်၊တောင်တွင်းရွာများတွင် အများဆုံး စိုက်းပျိုးကြပါသည်။ စိုက်ပျိုးပြီး (၄)လ အကြာ တွင်ထွက်ရှိမည် ဖြစ်ကြောင်း၊ ပဲကြီးစိုက်ပျိုးရာတွင် မျိုးအနေဖြင့် (၄-၅)ပြီခန့် ကုန်ကျကြောင်း၊ တစ်ဧကကုန်ကျစရိတ် အနေဖြင့်မျိုး၊ သွင်းအားစု၊ လုပ်သားခ အပါအဝင် စုစုပေါင်း (၂၅၀၀၀၀)ကျပ်ခန့် ကုန်ကျကြောင်း၊ ပဲကြီးသီးနှံကို ထယ်ထိုးပြီး မျိုးစေ့ပတ်၊ ထယ်ဖုံးစနစ်ဖြင့် စိုက်ပျိုးကြပါသည်။အများဆုံး စိုက်ပျိုးသောမျိုးများမှာ ပင်ထောင် မျိုးနှင့် ပင်ပြန်မျိုး များကို အများဆုံးစိုက်ပျိုးကြကြောင်း၊ ယခင်နှစ်ပဲကြီးပေါ်ချိန်တွင် အထွက်နှုန်း အနေဖြင့် (၁၀-၁၂)တင်းထွက်ရှိခဲ့ကြောင်း၊ ယခင်နှစ်ပဲကြီး ဈေးနှုန်း အနေဖြင့် တစ်တင်းလျင် (၉၀၀၀၀) ကျပ်ဖြင့်ရောင်း ဝယ်ခဲ့ကြောင်း၊ ကုန်ကျစရိတ်နုတ်ပြီးပါက (၇၀၀၀၀၀)ကျပ် မြတ်ခဲ့ ကြောင်း ယခုလက်ရှိ ပဲကြီးပေါက်ဈေးအနေဖြင့် တစ်တင်းလျှင်(၁၁၀၀၀၀/-)ကျပ်ခန့် ရောင်းဝယ် လျက်ရှိကြောင်း၊ ပဲကြီးသီးနှံပေါ်ချိန်တွင်တောင်သူများမှ မြို့ပေါ်ပွဲရုံများသို့ တိုက်ရိုက်တင်ပို့ ရောင်းချကြကြောင်း၊ ပွဲရုံများမှတစ်ဆင့် မန္တလေး၊ ရန်ကုန်မြို့များသို့တင်ပို့ ရောင်းချလျက်ရှိ ကြောင်း၊ ပဲစားသုံးခြင်းဖြင့် ကျန်းမာရေးအကျိုးကျေးဇူးများအနေဖြင့် သွေးတွင်းသကြားဓာတ် ကျဆင်းစေပြီး အရိုးတွေသန်မာစေခြင်း၊ စံသားကျန်းမှာစေနိုင်သောကြောင့် ပဲကြီးကိုစားသုံးသင့်ပါ ကြောင်း၊ စိုက်ပျိုးစရိတ်သက်သာပြီး စီးပွားဖြစ်ဝင်ငွေတိုးပြီး ဈေးကွက်ဝယ်လိုအားရှိသော ပဲကြီးသီးနှံကို တောင်သူများ တိုးချဲ့စိုက်ပျိုး သင့်ပါကြောင်းရေးသား တင်ပြအပ်ပါသည်။

DOCA(မန္တလေး)