ပြည်တွင်းကုန်သွယ်မှုသတင်း

      ပဲခူးတိုင်းဒေသကြီး၊ တောင်ငူမြို့နယ်အတွင်းရှိ ညောင်ပင်လေးဈေးသည် ဟင်းသီးဟင်းရွက်များ လက်လီ/ လက်ကားဖြန့်ဖြူးရောင်းချသည့် ကုန်စိမ်းဒိုင်ဖြစ်သကဲ့သို့ ဟင်းသီးဟင်းရွက်များသည် ယခင်ဩဂုတ်လနှင့် ယခု စက်တင်ဘာလ(ဒုတိယ)ပတ်အထိ ဈေးကောင်း ရရှိနေကြောင်း ရောင်းချသည့်ဈေးသည်များ၏ ပြောကြားချက် အရ ထိုင်ဝမ်ကန်းစွန်းရွက် (၁) စီးလျှင်၂၅၀ ကျပ်၊ (၁၀) စီးလျှင် ၁၈၀၀ ကျပ် ၊ တရုတ်ကန်းစွန်းရွက် (၁)စီးလျှင် ၂၀၀ ကျပ်၊ (၁၀) စီးလျှင် ၁၆၀၀ ကျပ်၊ ဝက်စာကန်စွန်းရွက် (၁) ထုံးလျှင် အစီး (၅) စီးပါပြီး ၆၀၀ ကျပ်၊  ချဉ်ပေါင် (၁) စီးလျှင် ၁၅၀ ကျပ် ၊ (၁၀) စီးလျှင် ၁၂၀၀ ကျပ် ၊ ဟင်းနုနွယ် (၁) စီးလျှင် ၃၀၀ ကျပ် ၊ (၁၀) စီးလျှင် ၂၅၀၀ ကျပ် ၊ မြင်းခွာရွက် (၁) ကဒ်လျှင် ၂၀၀ ကျပ်ရှိပြီး (၁) ကဒ်တွင် အစီးသေးလေး (၅) စီးပါရှိပြီး မြင်းခွာရွက်ကဒ် (၁၀) ကဒ်ယူပါက ၁၆၀၀ ကျပ်ရှိပြီး ၊ မုံညင်းဖြူ (၁) စီးလျှင် ၃၀၀ ကျပ် ၊(၁၀) စီးလျှင် ၂၆၀၀ ကျပ်၊ ချဉ်ဖတ် စိမ်ရန်နှင့် အချဉ်ဟင်းချက်စားရာတွင် အသုံးပြုသော မုံလာကုံးသည် ပေါ်ဦးပေါ်စဖြစ်သည့်အတွက် ၁ ကုံးလျှင် ၅၀၀ ကျပ်၊ ၁၀ ကုံးယူလျှင်  ၄၅၀၀ ကျပ်သာပေးရကြောင်း ကုန်စိမ်းရောင်းချသည့်ဈေးသည်များထံမှ သိရသည်။

DOCA(ပဲခူး)

       ပြည်တွင်းဖြစ် သဘာဝကော်ဖီထွက်ရှိရာဒေသများအနက်  ပဲခူးတိုင်းဒေသကြီး၊  တောင်ငူမြို့သည် လည်းတစ်ခုအပါအဝင်ဖြစ်ပြီး တောင်ငူမြို့မှထွက်ရှိသော သဘာဝ ကော်ဖီစေ့ဖြင့် ထုတ်လုပ်ထားသော ပြည်တွင်းဖြစ်အသင့်သောက်ကော်ဖီ 2 Plus 1 EverWin အားထုတ်လုပ်ခဲ့သည်မှာ ဆယ်စုနှစ်တစ်ခုတိုင်ရှိပြီး အနံ့အရသာနှင့်လွန်စွာပြည့်စုံလှသော သဘာဝကော်ဖီစစ်စစ်လည်းဖြစ်ပါသည်။ EverWin ကော်ဖီသည်   သင့်တင့်သောဈေးနှုန်းဖြင့် ရောင်းချခြင်း၊  ယနေ့အထိတိုင် မူလအရသာမပျက်ဘဲရှိသောကြောင့် အရောင်းသွက် လျက်ရှိနေပါသည်။

      ကော်ဖီအထုတ်ထဲတွင် သကြား၊ ခရင်မာ၊ ကော်ဖီမှုန့်များ အချိုးကျရောစပ်ထားပြီး ဓာတုပစ္စည်းများ ရောနှောထည့်သွင်းထားခြင်းမရှိသောကြောင့် ယုံကြည်စိတ်ချစွာ သောက်သုံးနိုင် ပါသည်။ ခွက်ထဲသို့ ကော်ဖီထုတ် ကို ဖောက်ထည့်ပြီး ဆူပွက်နေသောရေနွေး ၁၅၀ မီလီကို လောင်းထည့်ကာ ဇွန်းဖြင့်မွှေပြီး ၂ မိနစ်မှ ၅ မိနစ် ခန့်အကြာတွင် ကော်ဖီမှုန့်နှပ်ထား၍ သုံးဆောင် နိုင်ပြီဖြစ်သည်။

     EverWin ကော်ဖီတစ်ပါကင်လျှင် အသားတင်ပမာဏ(၂၂၀) ဂရမ်ရှိပြီး (၂၂) ဂရမ်ပါ (၁၀)ထုပ်ပါဝင်ကာ ကော်ဖီမစ်တစ်ပါကင်လျှင် (၅၅၀၀) ကျပ်ဖြင့် ရောင်းချလျက်ရှိကြောင်း၊ တောင်ငူမြို့နယ်အတွင်းရှိ ပင်ရင်း ကော်ဖီအရောင်းဆိုင်၊ ကုန်စုံဆိုင်များနှင့် ပဲခူးတိုင်းဒေသကြီး ထုတ်ကုန်များစွာရောင်းချလျက်ရှိသော တောင်ငူ ခရိုင်၊ စားသုံးသူရေးရာဦးစီးဌာနမှ ဖွင့်လှစ်သော ဈေးရောင်းစင်တာတွင် ဝယ်ယူရရှိနိုင်ပါသည်။ EverWin ကော်ဖီ ကို တောင်ငူဒေသတွင်းသာမက အမြို့မြို့အနယ်နယ်သို့လည်း ဖြန့်ဖြူးရောင်းချလျက်ရှိပြီး ထုတ်လုပ်ခဲ့သည့် အချိန်မှစ၍ ယနေ့တိုင်အောင်နာမည်ကျော်ကြားလူကြိုက်များလျက်ရှိနေပါသည်။

DOCA(ပဲခူး)

    တောင်ငူမြို့နယ်အတွင်းရှိ ညောင်ပင်လေးဈေး၊ မြို့မဈေးနှင့် ဘုရင့်နောင်ဈေးရှိ ကုန်စုံဆိုင်များနှင့် ပွဲရုံများတွင် ကြက်သွန်ဖြူ  အသေး၊ အလတ်၊ အကြီးမျိုးစုံဆိုဒ်များ ဝင်လာပြီး အရွယ်အမျိုးအစားအလိုက် ဈေးနှုန်းများ ကွာခြားသွားပါသည်။ ကြက်သွန်ဖြူမှာ ယခင်ဩဂုတ်လက အသေး (၁) ပိဿာလျှင် ၃၅၀၀ ကျပ်၊ အလတ် (၁) ပိဿာလျှင် ၄၅၀၀ ကျပ်၊ အကြီး (၁) ပိဿာလျှင် ၆၅၀၀ ကျပ် အသီးသီးဈေးနှုန်းရှိသော်လည်း ယခုစက်တင်ဘာလတွင် အသေး(၁) ပိဿာလျှင် ၄၀၀၀ ကျပ်၊ အလတ်(၁) ပိဿာလျှင် ၅၀၀၀ ကျပ်၊ အကြီး (၁) ပိဿာလျှင် ၇၀၀၀ ကျပ်ဖြင့် ဈေးနှုန်းအနည်းငယ်မြင့်တက်လာပြီး ကြက်သွန်နီမှာ ယခင်လက အသေး(၁) ပိဿာလျှင် ၁၀၀၀ ကျပ်၊ အလတ်(၁) ပိဿာလျှင် ၁၃၀၀ ကျပ်၊ အကြီး (၁) ပိဿာလျှင် ၁၅၀၀ ကျပ် ဈေးရှိသော်လည်း ယခုလတွင် အသေး(၁) ပိဿာလျှင် ၁၃၀၀ ကျပ်၊ အလတ်(၁) ပိဿာလျှင် ၁၅၀၀ ကျပ် ၊ အကြီး(၁) ပိဿာလျှင် ၁၈၀၀ ကျပ်အထိ ဈေးနှုန်းရှိပြီး အာလူးအသေး(၁) ပိဿာလျှင် ၂၅၀၀ ကျပ် ၊ အလတ်(၁) ပိဿာလျှင် ၃၃၀၀ ကျပ်၊ အကြီး (၁) ပိဿာလျှင် ၄၅၀၀ ကျပ် မှ ၅၀၀၀ ကျပ် အထိဈေးရှိခဲ့ပြီး ယခုလတွင် အသေး(၁) ပိဿာလျှင် ၂၈၀၀ ကျပ် ၊ အလတ်(၁) ပိဿာလျှင် ၃၆၀၀ ကျပ်၊ အကြီး (၁) ပိဿာလျှင် ၄၈၀၀ ကျပ် မှ ၅၃၀၀ ကျပ်အထိဈေးနှုန်းအနည်းငယ်မြင့်တက်လာခဲ့ပါသည်။ ချင်းတက်သည် ယခင်လနှင့် ယခုလတွင် ဈေးနှုန်းကွာခြားမှုမရှိဘဲ (၁) ပိဿာလျှင် ၄၈၀၀ ကျပ်မှ ၅၀၀၀ ကျပ်အထိသာရှိကြောင်းသိရပြီး အာလူး၊ ကြက်သွန်နီသည် အချိန် (၁၀) အိတ်လျှင် ဈေးနှုန်းကွာခြားမှုရှိပြီး ကြက်သွန်ဖြူ နှင့်ချင်းတက်သည် (၃) ပိဿာနှင့် အထက်ဝယ်ယူပါက ဈေးနှုန်းအပြောင်းအလဲရှိကြောင်း ရောင်းချသည့် ပွဲရုံများထံမှ သတင်းရရှိပါသည်။

DOCA(ပဲခူး)

            စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများသည့် မိမိတို့အိမ်ခြံဝင်း မြေကွက်လပ်များနှင့် မိမိပိုင်ယာမြေများတွင် ငှက်ပျောပင်များကို စီးပွားဖြစ်စိုက်ပျိုးလျက်ရှိပါသည်။ စိုက်ပျိုးရရှိသော ခြံထွက်ငှက်ပျောသီးများကို မုံရွာမြို့ပေါ်ရှိ သံလမ်းဈေးတွင် လာရောက်ရောင်းချလျက်ရှိကြောင်း သိရှိရပါသည်။

          ၂၀၂၅ ခုနှစ်၊ စက်တင်ဘာလ တတိယပတ်၌ သံလမ်းဈေးတွင် ငှက်ပျောသီး ဖီးကြမ်း (အစိမ်း) တစ်ဖီးလျှင် (၂၀၀ဝ/၂၃၀ဝ) ကျပ်၊  ဖီးကြမ်း (အမှည့်) တစ်ဖီးလျှင် (၂၅၀ဝ/ ၃၂၀ဝ) ကျပ်၊ ရခိုင်ငှက်ပျောသီးတစ်ဖီးလျှင်(၁၅၀၀/၂၀၀၀)ကျပ်၊ ရွှေနီတစ်ဖီးလျှင် (၃၂၀၀/ ၅၀၀၀) ကျပ်၊ ရွှေဝါတစ်ဖီးလျှင် (၃၂၀၀/ ၅၀၀၀)ကျပ်၊ သီးမွှေးငှက်ပျောသီး တစ်ဖီးလျှင် (၁၅၀၀/ ၂၃၀၀)ကျပ်ဖြင့် ရောင်းချလျက်ရှိကြောင်း ငှက်ပျောသီးရောင်းချသူများထံမှ သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင်  စိုက်ပျိုးရေးကို အဓိကထားလုပ်ကိုင်ကြရာ မိမိပိုင် အိမ်ခြံဝင်းများနှင့် ယာကွက်များတွင်  ပိန်းဥနှင့် ပီလောပီနံဥကို တစ်ပိုင်တစ်နိုင် စိုက်ပျိုးလျက်ရှိကြောင်း သိရှိရပါသည်။ ပိန်းဥနှင့် ပီလောပီနံဥကို  ပြုတ်၍သော်လည်းကောင်း၊ ပေါင်း၍သော်လည်းကောင်း သရေစာအဖြစ် ပြုလုပ်စားသုံးကြပါသည်။

          ၂၀၂၅ ခုနှစ်၊ စက်တင်ဘာလ  တတိယပတ်တွင် မုံရွာမြို့၊ မြသလ္လာဈေးနှင့် ချင်းတွင်းရတနာဈေးတို့တွင်   ရောင်းချနေသော  ပိန်းဥဈေးနှုန်းမှာ လက္ကားဈေး (၁)ပိဿာလျှင် (၂၅၀၀) ကျပ်၊ လက်လီ(၁)ပိဿာလျှင်(၂၆၀၀)ကျပ်နှင့် ပီလောပီနံဥဈေးနှုန်းမှာ လက္ကားဈေး (၁)ပိဿာ လျှင်(၃၂၀၀)ကျပ်၊ လက်လီ(၁)ပိဿာလျှင် (၃၄၀၀)ကျပ်နှင့်ဖြင့် ရောင်းဝယ်လျက်ကြောင်း  သိရှိရပါသည်။

DOCA(စစ်ကိုင်း)