ပြည်တွင်းကုန်သွယ်မှုသတင်း

   ပြည်မြို့၏ သစ်သီးဝလံရောင်းဝယ်မှုဈေးကွက်တွင် ပြောင်းဖူးဈေးကွက်သည်လည်း နေ့စဉ်အရောင်းအဝယ်ဖြစ်လျက်ရှိပါသည်။ပြောင်းဖူးစိမ်းများအား ဈေးများသို့ ပြည်အနီးအနားဒေသများ ဖြစ်သော ဆင်မြီးဆွဲ၊ မှော်ဇာကျေးရွာများမှ ဝင်ရောက်ကြကြောင်းသိရှိရပါသည်။ ပြောင်းဖူးပြုတ်နှင့် ပြောင်းဖူးစိမ်းများအား စက်ဘီး၊ ဆိုင်ကယ်များဖြင့် ရပ်ကွက်များအတွင်း လှည့်လည်ရောင်းချသလို လမ်းဘေးတွင် ပြောင်းဖူးဖုတ်ရောင်းချသူများလည်းရှိကြပါသည်။ မိုးကုန်ရာသီကာလဖြစ်သော ကြောင့် ပြောင်းဖူးများဈေးကွက်အတွင်း ပေါများထွက်ပေါ်ခြင်းမှာ ခုတ်တက်စနစ်စိုက်ပျိုးသော ကြောင့် ပြောင်းဖူးများ တစ်ခင်းပြီးတစ်ခင်း ထွက်ရှိသောကြောင့် ဈေးကွက်တွင် ပြောင်းဖူးသီးနှံကို ရာသီအချိန်ကာလမရွေး စားသုံးနေကြရပါသည်။ပြောင်းဖူးဈေးကွက်အနေဖြင့် တစ်ဖူးလျှင် (၅၀၀/ ၇၀၀)ကျပ်ဖြင့် ရောင်းချပြီး အရွယ်အစားအလိုက် ဈေးကွာခြားမှုများရှိကြောင်းလည်း တွေ့ရှိရ ပါသည်။

 DOCA(ပဲခူး)

  ပြည်ကြက်သွန်နီဈေးကွက်အတွင်း ၂၀၂၅ ခုနှစ်၊ အောက်တိုဘာလသည် ကထိန်ရာသီ ဖြစ်သည့်အတွက် ကြက်သွန်နီအရောင်းအဝယ်သွက်လျက်ရှိပါသည်။ပြည်ပွဲရုံများသို့ အောင်လံ မြို့နယ်၊ ဆိပ်ဖြူမြို့နယ်နှင့် ကျောက်ပန်းတောင်းမြို့နယ်ဘက်မှ ကြက်သွန်နီများ တစ်ရက်လျှင် ပိသာချိန် တစ်သောင်းခွဲခန့် အဝင်ရှိနေကြောင်းသိရပြီး အောင်လံဘက်မှ ကြက်သွန်နီမှ ဈေးချိုသဖြင့် ပိုမိုအရောင်းသွက်လျက်ရှိသည်။ ပြည်ဈေးကွက်မှ တစ်ဆင့် ပန်းတောင်းနှင့် ဥသျှစ်ပင်၊ နတ်တလင်းခရိုင်၊ သာယာဝတီခရိုင်နှင့် ပေါက်ခေါင်းနယ်ဘက်တို့မှ ဝယ်ယူမှုများရှိနေပြီး ဒေသတွင်း ပုံမှန်ဝယ်လက်များ၊ အိတ်ဆွဲဝဘ်ရောင်းသမားများနှင့် အရောင်းအဝယ်ဖြစ်လျက်ရှိရာ ဝင်ရောက်မှု ၏ သုံးပုံနှစ်ပုံအရောင်းအဝယ်ဖြစ်လျက်ရှိနေသည်။ ဈေးနှုန်းမှာ အောင်လံနယ်ဘက်မှ ကြက်သွန်နီ မှာ အရည်အသွေးပိုင်း အနည်းငယ်အားနည်းသဖြင့် တစ်ပိဿာလျှင် ပွဲရုံလက်ကားဈေးမှာ ကျပ် ၁၀၀၀ - ၁၂၀၀ နှုန်းခန့်ရှိပြီး ကျန်အမျိုးအစားကြက်သွန်နီမှာ ပွဲရုံလက်ကားဈေးတစ်ပိဿာလျှင် ကြီး/ လတ်/ သေးကျပ် ၁၆၀၀/၁၅၀၀-၁၄၀၀/၁၃၀၀ နှုန်းတို့နှင့် လက်လီဈေးအသေးများတွင် ကျပ် ၂၀၀၀-၁၉၀၀-၁၈၀၀-၁၇၀၀နှုန်းတို့ဖြင့် အသီးသီးရောင်းဝယ်လျက်ရှိကြောင်း သိရပါသည်။

DOCA(ပဲခူး)

          ခေတ်ကာလတွေတိုးတက်ပြောင်းလဲလာသည်နှင့်အမျှ လူအများစုရဲ့နေထိုင် စားသောက်မှုပုံစံ များဟာလည်းပြောင်းလဲလျက်ရှိပါသည်။ ထိုပြောင်းလဲမှုများစွာထဲမှ ဧည့်ခံရာမှာလည်း အဆင်ပြေ ငွေကုန်ကြေးကျ အချိန်ကုန်လည်းသက်သာလွယ်ကူစွာအသုံးပြုနိုင်သော အသင့်သောက်ကော်ဖီမစ် ထုပ်များသည်လည်း ဈေးကွက်မှာ နေရာတစ်ခုပင်ရရှိလို့နေပါသည်။ ဆိုင်ထိုင်လို့ လက်ဖက်ရည်သောက် မည်ဆိုက လက်ဖက်ရည် ၁ ခွက် ၈၀၀ - ၂၀၀၀ ကျပ်ရှိပြီး equal သကြားဖြင့်ဆို ၂၂၀၀-၂၅၀၀ ကျပ်ရှိ ကြသည့်အတွက် အခြေခံလူတန်းစားအများစုအတွက်ဆိုလျှင် အသင့်သောက်ကော်ဖီမစ်ထုပ်များသည်များစွာအဆင်ပြေသည်ဟုလက်ဖက်ရည်ကြိုက်နှစ်သက်သူပန်းရံလုပ်သားတစ်ဦးကဆိုပါတယ် ယနေ့ ရောင်းဝယ်နေကြသော ကော်ဖီမစ်ဈေးနှုန်းများအနေဖြင့် Premier Coffe အထုပ် ၃၀ တစ်ပါကင် ၁၅၁၀၀ ကျပ် ၊ Premier Coffe Espresso ၁၅၀၀၀ ကျပ်၊ Sunday Coffe တစ်ပါကင် ၁၅၁၀၀ ကျပ် ၊ Sunday Tea / ဆိုင်ဖျော် တစ်ပါကင် ၁၃၅၀၀ ကျပ် ၊ Grand Palace တစ်ပါကင် ၁၁၀၀၀ ကျပ်၊ Happy မလှိုင်ချိုစိမ့်ရသာ တစ်ပါကင် ၁၃၃၀၀ ကျပ် နှင့် Super Coffe ၄၈ ထုပ်ပါတစ်ပါကင် ၂၂၀၀၀ ကျပ်ဈေးရှိပြီး လက်လီအရောင်းဆိုင်များအနေဖြင့် တစ်ထုပ်လျှင် ၅၀၀ ကျပ်မှ ၆၀၀ ကျပ်အတွင်း ရောင်းချလျက်ရှိကြောင်းသိရသည်။ ဈေးကွက်မှာတော့ Premier နဲ့ Sunday သည် ရောင်းချရာတွင် တွင်ကျယ်မှုရှိကြောင်းသိရသည်။

DOCA (မန္တလေး)

        မြင်းခြံမြို့နယ်အတွင်း အသင့်သောက်အချိုရည်များစွာရောင်းဝယ်လျက်ရှိကြပြီး အချို့အချိုရည်  များဖြစ်သော Fire Dragon ၊ Pocari Sweat ၊ Carabo(ကျွဲစိမ်း) ၊ Lactasoy (ပဲနို့) ၊ Vito (ပဲနို့) အချိုရည်များသည် ဈေးကွက်အတွင်းအဝယ်ရှိသော်လည်း ရောင်းချနိုင်ခြင်းမရှိဘဲ ပစ္စည်းပြတ်လပ် လျက်ရှိကြောင်းသိရသည်။ အအေးရာသီ အအေးကာလဆိုသော်လည်း ရာသီဥတုအနေဖြင့် အေးချမ်းတာမျိုးမရှိသည့်အတွက် အချိုရည်ကိုတော့ပုံမှန်ရောင်းချရမှုရှိကြောင်း အအေးမျိုးစုံရောင်းချ သူ တစ်ဦးထံမှသိရသည်။ အချိုရည်ဈေးနှုန်းများအနေဖြင့် Blue Mountain ၁၂ လုံး ၁ ကဒ် ၁၀၅၀၀ ကျပ် ၊ Honey Gold ၂၄ လုံး ၁ ကဒ် ၂၆၅၀၀ ကျပ်၊ Rocker ၂၄ လုံး ၁ ကဒ် ၂၁၅၀၀ ကျပ်၊ Asia lycee ၂၄ လုံး ၁ ကဒ် ၂၀၅၀၀ ကျပ် ၊ Asia ပင်မှည့် ၂၄ လုံး ၁ ဖာ ၁၀၇၀၀၀ ကျပ် ၊ Terget ၁၂ လုံး ၁ ကဒ် ၉၀၀၀ ကျပ်၊ ကိုကာကိုလာ ၁၂ လုံး ၁ ကဒ် ၁၀၅၀၀ ကျပ်၊ Sunkist ၁၂ လုံး ၁ ကဒ် ၉၈၀၀ ကျပ်၊ KoKu Red Grape ၁၂ လုံး ၁ ကဒ် ၁၁၈၀၀ ကျပ်၊Shark ၂၄ လုံး ၁ ကဒ် ၄၇၅၀၀ ကျပ်၊ lipo ၁၂ လုံး ၁ ကဒ် ၃၅၀၀၀ ကျပ် ၊ life ရေသန့် ၁ လီတာ ၆ ဗူး ၁ ကဒ် ၃၁၀၀ ကျပ် ၊ ၀.၅ လီတာ ၁၂ ဗူး ၁ ကဒ် ၂၉၀၀ ကျပ်နှင့် Asia ရေသန့် ၆ ဗူး ၁ ကဒ် ၂၉၀၀ ကျပ် များဖြင့်ရောင်းချလျက်ရှိကြောင်းသိရသည်။

DOCA (မန္တလေး)

        စစ်ကိုင်းတိုင်းဒေသကြီးအတွင်းရှိ ကျေးရွာများ နှင့် မြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှ နှစ်ရှည်သီးနှံဖြစ်သည့် မာလကာသီးပင်၊ ဩဇာသီးပင်၊ ဂွေးပင်၊ သရက်သီးပင်၊ နဂါးမောက်သီးပင်၊ ပိန္နဲသီးပင်နှင့် မန်ကျည်းသီးပင် များကိုလည်း မိမိတို့ နေအိမ်ခြံစည်းရိုးများနှင့် တောင်ယာများထဲတွင် တစ်ပိုင်တစ်နိုင် စိုက်ပျိုး လျက်ရှိ ကြပါသည်။ စိုက်ပျိုးရရှိသော သီနှံများထဲမှ  ဩဇာသီးနှင့် မာလကာသီးမျာကို မုံရွာ မြို့၊ ချင်းတွင်းရတနာဈေး၊ သံလမ်းဈေးနှင့် ဈေးဟောင်းတို့တွင်  လာရောက်ရောင်းချလျက်ရှိ ကြောင်း သိရှိရပါသည်။

          ၂၀၂၅ ခုနှစ်၊ နိုဝင်ဘာလ ဒုတိယပတ်တွင် ဩဇာသီးဈေးနှုန်းများမှာ အရွယ်အစား အလိုက်ဈေးအမျိုးမျိုးရှိပြီး အရွယ်ကြီးအလုံးလှ(၁)လုံးလျှင် (၈၀၀)ကျပ်၊ အရွယ်သေး အလုံးသေး (၁)လုံးလျှင်(၅၀၀)ကျပ်ဖြင့်လည်းကောင်း၊  ကီလိုမာလကာသီးဈေးနှုန်းများအနေဖြင့် အကြီး တစ်လုံးလျှင် (၈၀၀)ကျပ်၊ အသေးတစ်လုံးလျှင် (၅၀၀) ကျပ်ဖြစ်ပြီး အကြီးအသေး ပေါ်မူ တည်ပြီး ရောင်းချလျက်ရှိကြောင်း သိရပါသည်။

DOCA(စစ်ကိုင်း)