ပြည်တွင်းကုန်သွယ်မှုသတင်း

    ညောင်တုန်းမြို့နယ်အတွင်း အိမ်ဆောက်ပစ္စည်း အမျိုးမျိုးရောင်းချသူများရှိပြီး အိမ်ဆောက်ပစ္စည်းများကို ရန်ကုန် လက်ကားဒိုင်ကြီးများမှ မှာယူ၍ မြို့နယ်အတွင်း ရောင်းချလျက်ရှိကြောင်း သိရသည်။ ဒေသတွင်း ဈေးနှုန်းဈေး ကွက်အခြေအနေများကို ကွင်းဆင်းဈေးကွက်ကောက်ယူလျက်ရှိပြီး ၂၀၂၅ခုနှစ် ဇူလိုင်လ စတုတ္ထပါတ် အိမ်ဆောက်ပစ္စည်းအမျိုးမျိုးနှင့် ဘိလပ်မြေ ဈေးနှုန်း အခြေအနေများ ကျဆင်းလျက်ရှိကြောင်း  သိရသည်။

     ရောင်းချသော အိမ်ဆောက်ပစ္စည်းဈေးနှုန်းများမှာ ၂၀၂၅ခုနှစ် ဇူလိုင်လ ၂၅ရက်နေ့ ဘိလပ်မြေ ကြံနှစ်ကောင်၁အိတ် (၂၂၅၀၀)ကျပ် ၊ ဘိလပ်မြေ အပါချီ ၁အိတ် ၂၁၅၀၀ ကျပ်၊ အယ်ဖာ ၁အိပ် (၂၂၀၀၀)ကျပ် ရန်ကုန် စက်အုတ် ၉ပေါက် ခဲ ၃၅၀ကျပ်၊ ၃ပံလုံး သံချောင်း ၁တန် ၃၂၅၀၀၀၀ကျပ်၊ သုံးမူးလုံး သံချောင်း ၁တန် ၂၁၀၀၀၀၀ကျပ်၊ ၅မူးလုံး သံချောင်း ၁တန် ၂၀၇၀၀၀၀ကျပ်၊ ၆မူးလုံး သံချောင်း ၁တန် ၂၀၃၀၀၀၀ကျပ်၊ Export များဖြစ်ပြီး၊ သဲတစ်ကျင်း ၂၄၀၀၀ကျပ်၊ မြန်အောင် ကျောက်စလစ် ၁ကျင်း ၁၀၅၀၀၀ကျပ်၊ မိချောင်းရဲ ကျောက်စလစ် ၁ကျင်း ၁၂၀၀၀၀ကျပ် ဖြင့် အရောင်းအဝယ်ဖြစ်နေကြောင်း သိရသည်။

    ဇူလိုင်လဆန်းပိုင်း ဈေးနှုန်း နှိုင်းယှဉ်ပါက ဘိလပ်မြေကြံနှစ်ကောင် (၂၀၀၀)ကျပ်မြင့်တက်၊ အပါချီ (၂၅၀၀)ကျပ် ကျဆင်း၊ အယ်ဖာ (၂၀၀၀)ကျဆင်းပြီး ကျန်သော ကုန်စည်များ ကုန်ဈေးနှုန်း တည်ငြိမ်လျက်ရှိကြောင်း သိရှိရပါသည်။

DOCA(ဧရာဝတီ)

            ပုသိမ်ခရိုင်၊ ကန်ကြီးထောင့်မြို့၊ ဒါးကဈေးတွင် ဘုရားပန်းအမျိုးမျိုးဖြစ်သော  ဂန္ဓာမာပန်း၊ မေမြို့ပန်း၊ သပြေပန်း၊ အောင်သပြေပန်း၊ ခရေပန်း၊ စံပါယ်ပန်း၊ အာဆီယံသပြေ တို့ကို ရောင်းချနေကြောင်း သိရှိရပါသည်။ ၂၀၂၅ ခုနှစ်၊ ဇူလိုင်လ (တတိယပတ်)တွင် ကန်ကြီးထောင့်မြို့၊ ဒါးကဈေး၌ ဖြစ်ပေါ်နေသော ဘုရားပန်းအမျိုးမျိုး၏ ဈေးနှုန်းများမှာ ဂန္ဓာမာ အပွင့်ကြီး (၁) စည်းလျှင် (၃၀၀၀) ကျပ်၊ ဂန္ဓာပန်း အပွင့်သေး (၁) စည်းလျှင် (၁၀၀၀) ကျပ်၊ ဈေးနှုန်းဖြင့်လည်းကောင်း၊ နှင်းဆီပန်း အပွင့်ကြီး (၁) ပွင့်လျှင် (၇၀၀) ကျပ်၊ နှင်းဆီပန်းအပွင့်သေး (၁) ပွင့်လျှင် (၅၀၀) ကျပ်၊  မေမြို့ပန်း (၅) ပွင့်ပါ (၁) စည်းလျှင် (၂၀၀၀) ကျပ်၊ အောင်သပြေ (၁) စီးလျှင် (၁၅၀၀) ကျပ်၊ ခရေပန်း (၂) ကုံးလျှင် (၅၀၀) ကျပ် စသည်ဖြင့် ရောင်းချလျက်ရှိကြောင်း သိရှိရပါသည်။

DOCA (ဧရာဝတီ)

           ဇူလိုင်လ တတိယအပတ်တွင် ပုသိမ်မြို့အတွင်း ဓာတ်မြေဩဇာဈေးကွက်မှာ ဈေးနှုန်းတည်ငြိမ်နေကြောင်း သိရှိရပါသည်။ ယခင်အပတ် မြို့နယ်ဈေးကွက်အတွင်း အရောင်းအဝယ်ဖြစ်နေသော ဓာတ်မြေဩဇာများမှာ ကွန်ပေါင်း (၁၅း၁၅း၁၅) ကောမတ် (၁) အိတ် (၁၃၈၀၀၀) ကျပ်၊ အာမို (၁၅း၁၅း၁၅) တရုတ် (၁) အိတ် (၁၃၈၀၀၀) ကျပ်၊  ရွှေကောမတ် Myanmar Awba ၁အိတ် (၁၃၆၀၀၀) ကျပ်၊ ယူးရီယားရွှေနဂါး (၁) အိတ် (၁၁၀၀၀၀) ကျပ်၊ တီစူပါ (သံကွင်း) တရုတ် (၁) အိတ် ၁၄၆၀၀၀ ကျပ် တို့ဖြစ်ကြောင်း သိရှိရပါသည်။

DOCA (ဧရာဝတီ)

 မြန်မာနိုင်ငံစက်သုံးဆီတင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ ပြည်နယ်အလိုက် မြို့ကြီးများ၏ ရည်ညွှန်းလက်ကားဈေးနှုန်းများအား နေ့စဉ် သတ် မှတ်ထုတ်ပြန် ပေးလျက်ရှိပါသည်။

          စစ်ကိုင်းတိုင်းဒသကြီး၊ ကန့်ဘလူခရိုင်၊ ကျွန်းလှမြို့နယ်တွင် စက်သုံးဆီဆိုင်(၃)ဆိုင် ပုံမှန်ဖွင့်လှစ် ရောင်းချလျက်ရှိကာ စက်သုံးဆီ ပြတ်လတ်မှုမရှဘဲ (PPRD) စက်သုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ  နေ့စဉ် သတ်မှတ်ထုတ်ပြန်ထားသော စက်သုံးဆီ ရည်ညွှန်းဈေးနှုန်း အတိုင်း ရောင်းချပြီး အချိန်အတွယ်နှင့် အလေးချိန်မှန်ကန်စွာရောင်းချလျက်ရှိကြောင်း ယခင်  ဇူလိုင်လ စတုတ္ထအပတ်တွင် စက်သုံးဆီဈေးနှုန်းများမှာ ဓါတ်ဆီ Octane(92) တစ်လီတာလျှင်(၃၁၁၆)ကျပ်၊ ဓါတ်ဆီ Octane(95)တစ်လီတာလျှင်(၃၁၇၃)ကျပ် ၊ ဒီဇယ်(ရိုးရိုး)HSD တစ်လီတာလျှင်(၂၈၈၅)ကျပ် နှင့် ဒီဇယ်(ပရီမီယမ်)PHSDတစ်လီတာလျှင်(၃၅၃၂)ကျပ်ဈေးနှုန်းတို့ဖြင့် ရောင်းချလျက်ရှိခဲ့ပြီး ယခုဇူလိုင်လနောက်ဆုံးအပတ်တွင် စက်သုံးဆီဈေးနှုန်းများမှာ ဓါတ်ဆီ Octane(92) တစ်လီတာလျှင် (၃၀၆၅)ကျပ်၊ ဓါတ်ဆီ Octane(95)တစ်လီတာလျှင်(၃၁၂၁)ကျပ် ၊ ဒီဇယ်(ရိုးရိုး)HSD တစ်လီတာလျှင်(၂၈၈၉)ကျပ် နှင့် ဒီဇယ်(ပရီမီယမ်)PHSDတစ်လီတာလျှင်(၃၅၃၅)ကျပ်ဈေးနှုန်းတို့ဖြင့် ရောင်းချလျက်ရှိသောကြောင့် ယခင် အပတ်နှင့် နှိုင်းယှဉ်ကြည့်ပါက စက်သုံးဆီဈေး 92တစ်လီတာလျှင်(၅၁)ကျပ်၊  95တစ်လီတာလျှင် (၅၂) ကျပ် ကျဆင်းလျက်ရှိပြီး ဒီဇယ်(ရိုးရိုး)HSDတစ်လီတာလျှင်(၄)ကျပ်၊ ဒီဇယ်(ပရီမီယမ်)PHSD တစ်လီတာလျှင်(၃) ကျပ် မြင့်တက်လျက်ရှိကြောင်း သိရပါသည်။

DOCA(စစ်ကိုင်း)

  ၂၀၂၅ ခုနှစ်၊ ဇူလိုင်လ နောက်ဆုံးပတ်တွင် ပိတောက်မြိုင်ဈေး၌ ရောင်းချနေသော ခရမ်းချဉ်သီးဈေးနှုန်းအနေဖြင့် ခရမ်းချဉ်သီး တစ်ပိဿာလျှင်(၅၀၀၀)ကျပ်၊ (၅၀)ကျပ်သားလျှင် (၂၅၀၀)ကျပ် နှင့်(၂၅)ကျပ်သားလျှင်(၁၃၀၀)ကျပ် ဈေးနှုန်းတို့ဖြင့်လည်းကောင်း အားလူးသီးအလုံးကြီး(၁) ပိဿာလျှင်(၅၀၀၀)ကျပ်၊ (၅၀)ကျပ်သားလျှင်(၂၅၀၀)ကျပ်၊ (၂၅)ကျပ်သားလျှင် (၁၃၀၀)ကျပ်၊ အာလူးသီး အလုံးသေး(၁)ပိဿာလျှင် (၄၅၀၀)ကျပ် ဈေးနှုန်းတို့ဖြင့်လည်းကောင်း၊ ဂျင်း(ချင်း)တက် တစ်ပိဿာ လျှင်(၅၅၀၀)ကျပ်တို့ဖြင့်  အရောင်းအဝယ်ဖြစ်လျက်ရှိကြောင်း သိရသည်။

DOCA(စစ်ကိုင်း)