သတင်းနှင့် လှုပ်ရှားမှုများ

            (၁၇.၁၂.၂၀၂၄)ရက်နေ့ နံနက် (၁၀၀၀)နာရီအချိန်က စားသုံးသူရေးရာဦးစီးဌာန၊ ဓနုဖြူ မြို့နယ် ဦးစီးမှူးရုံးမှ မြို့နယ် တာဝန်ခံနှင့် တာဝန်ရှိသူများသည် မြို့နယ်စားသုံးသူရေးရာဦးစီးမှူးရုံး အစည်း အဝေးခန်းမတွင် ဓနုဖြူမြို့နယ်နေကြာစိုက်ပျိုးသူ လုပ်ငန်းရှင်(၁၀)ဦး နှင့် တွေ့ဆုံ၍ စားသုံးသူ ကာကွယ် ရေး အသိပညာ ပေးဟော ပြောခဲ့ကြသည်။

            ဓနုဖြူမြို့နယ်တာဝန်ခံ ဦးဝင်းမင်းစိုး ဦးစီးအရာရှိက စားသုံးသူကာကွယ်ရေး ဥပဒေ (၂၀၁၉)ကို ရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေး လုပ်ငန်းစဉ်ကိစ္စရပ် ကိုရှင်းလင်း ခြင်း၊ စီးပွားရေးလုပ်ငန်းရှင်၏ လိုက်နာရမည့်တာဝန်များ ကိုရှင်းလင်းခြင်း၊ စားသုံးဆီဖူလုံဖို့ နေကြာပင် စိုက်ပျိုးစို့ ဆိုသည်အတိုင်း၊ မြို့နယ်တွင်း စားသုံးဆီဖူလုံရန် ဆီထွက်သီးနှံစိုက်ပျိုး ကိုတိုးချဲ့စိုက်ပျိုး သင့်ကြောင်း၊ နေကြာထွက်ရှိမှုမှ ဆီကြိတ်ခွဲ၍ နေကြာဆီသည် မပြည့်ဝဆီဖြစ်ပြီး သင့်တင့်စွာ စားသုံးခြင်းဖြင့် ခန္ဓာကိုယ်အတွက် ကောင်းမွန်သည့် သွေးတွင်းအဆီဓာတ်(HDL)ကို မြင့်တက်စေနိုင်ပြီး မကောင်းသည့် အဆီဓာတ်(LDL)ကို လျှော့ချပေးခြင်းဖြင့် နှလုံးရောဂါနှင့် အမျိုးအစား (၂) ဆီးချို ရောဂါ စသည့် မကူးစက်နိုင်သောရောဂါများ ဖြစ်ပွားနိုင်ခြေကို လျော့နည်းစေနိုင်သည့်အတွက် ကျန်းမာရေးအထောက်အကူ ပြုသော သီးနှံတစ်ခုဖြစ်သည်။ နေကြာဆီသည် မှိုပါဝင်မှုမရှိခြင်း၊ အနံ့အရသာကောင်းမွန်ခြင်း၊ အကြော်ခံခြင်းတို့ကြောင့် ကျန်းမာရေးနှင့် သင့်လျော်သည့် စားသုံးဆီအဖြစ် ဈေးကွက်တွင်ကော်မွန်သော ဆီတစ်ခုဖြစ်သည့်အတွက် နေကြာကိုစိုက်ပျိုးသင့်ကြောင်း ပြည်တွင်းစားသုံးဆီ သုံးစွဲမှုအနေဖြင့် လူတစ်ဦးလျှင် တစ်နှစ်ကို ဆီစားသုံးမှု ၉ ပိဿာနှုန်း စားသုံးမှုရှိပါက ပြည်ပသို့ ဆီထွက်သီးနှံ တင်ပို့ခြင်းမပြုဘဲ ပြည်တွင်းမှထွက်ရှိသည့် ဆီထွက်သီးနှံအားလုံးကို ဆီကြိတ်နိုင်မည်ဆိုလျှင် ဆီဖူလုံမှုမှာ ၁၀၇ ရာခိုင်နှုန်းရှိသည်။ ဆီထွက်သီးနှံ ပြည်ပတင်ပို့မှုကို နုတ်ဖယ်ပြီးတွက်ချက်ပါက ဆီဖူလုံမှု ၉၆ ရာခိုင်နှုန်း ရှိနိုင်ကြောင်း၊ အခြား ဆီထွက်သီးနှံများနှင့် နှိုင်းယှဉ်ပါက ဆီထွက် ရာခိုင်နှုန်းပိုမိုများပြားခြင်း၊ နေကြာဆီသည် ကျန်းမာရေးနှင့် ညီညွတ်ခြင်း စသည့်အားသာချက် များကြောင့်လည်း တိုးချဲ့စိုက်ပျိုးရန် ဆောင်ရွက်သင့်ကြောင်းကို နေကြာစိုက်တောင်သူများအား အသိပညာပေး ဟောပြောဆွေးနွေးခဲ့သည်။

DOCA( ဧရာဝတီ )

           ၁၆.12.2024 ရက်နေ့၊ နံနက် (၁၁:၁၅) နာရီအချိန်တွင်  စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်သိင်္ဂီဇံ(အကြီးတန်းစာရေး)၊ ဒေါ်ယုယုလွင် (အငယ်တန်းစာရေး)နှင့် ဝန်ထမ်းများသည် ရေကျော်(City Mark)  အတွင်းရှိ ငရုတ်ဆီအမျိုးမျိုးတွင် ကုန်အညွှန်းအမှတ်အသားများ ပြည့်စုံစွာဖော်ပြထားခြင်းရှိ/ မရှိ သွားရောက်၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်သိရသည်။

            ထိုသို့ ဈေးကွက်စောင့်ကြည့်စစ်ဆေးရာတွင် စားသုံးသူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ငရုတ်ဆီများတွင် ကုန်အညွှန်းအမှတ်အသားဖော်ပြချက်များပါဝင်မှုရှိ/ မရှိတို့ကို ကွင်းဆင်းစစ်ဆေးခဲ့ရာ ဈေးကွက်အတွင်းရှိ  ငရုတ်ဆီအမျိုးမျိုးတို့တွင် ကုန်အညွှန်းအမှတ်အသားများ ပြည့်စုံစွာဖော်ပြထားခြင်းရှိသည်ကို စစ်ဆေးတွေ့ရှိရပါကြောင်း သိရှိရပါသည်။

DOCA(ရန်ကုန်)

          မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှု ဖြင့် ပခုက္ကူခရိုင်ဦးစီးမှူးရုံး၊ ဆိပ်ဖြူမြို့ နယ်တာဝန်ခံနှင့် ဝန်ထမ်းသည် (၁၇.၁၂.၂၀၂၄)ရက်နေ့၊  နံနက်(၁၀:၀၀)နာရီအချိန်တွင် ဆိပ်ဖြူမြို့နယ်၊ ကိုးထောင့်ကျေးရွာ၊ အခြေခံပညာအထက်တန်း ကျောင်းရှိ ကျောင်းမုန့်ဈေးတန်းဆိုင်များသို့ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ် ကြက်ခြေနီအသင်းအဖွဲ့နှင့် ပူးပေါင်း၍ ကျောင်းနေအရွယ်ကလေးများ ဘေးကင်းလုံခြုံမှုရှိစေရေး ကျောင်းဈေးဆိုင်များတွင် ရောင်းချသောကုန်စည်များတွင် ကုန်အညွှန်းအမှတ်အသားပြည့်စုံစွာပါဝင်ရေး ရည်ရွယ်၍ ရောင်းချနေသော စားသောက်ကုန်များတွင် မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာဖော်ပြပါရှိမှုရှိ/မရှိ၊ သက်တမ်းလွန်ပစ္စည်းများ ရောင်းချခြင်းရှိ/မရှိ၊ အသုပ်မျိုးစုံ ရောင်းချ ရာတွင်လည်း သန့်ရှင်းလတ်ဆတ်မှုရှိ/မရှိ ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

          ကျောင်းမုန့်ဈေးတန်းရောင်းချသူများအနေဖြင့် ကျောင်းဖွင့်ရာသီချိန်တွင် နေ့စဉ်နှင့်အမျှ ဝယ်ယူ စားသုံးနေသည့် ကျောင်းသား၊ ကျောင်းသူများ အစားအစာဘေးကင်းလုံခြုံမှုရှိစေရေးအတွက် ကုန်စည် များပေါ်တွင် ကုန်ပစ္စည်းအမျိုးအစားအလိုက် ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြပါရှိ သော ကုန်စည်များကိုသာ ရောင်းချရန်၊ သက်တမ်းလွန်နှင့် မှိုတက်အစားအစာများ မရောင်းချရန်၊ အသုပ်မျိုးစုံရောင်းချရာတွင်လည်း တစ်ခါသုံးလက်အိတ်များသုံးစွဲပြီး ပစ္စည်းများကိုလည်း သန့်ရှင်း သပ်ရပ်စွာ ကိုင်တွယ်အသုံးပြုရန်၊ ယင်မနားစေရန်အတွက် ပလတ်စတစ်အကြည်သားအုပ်ပြီး ရောင်းချ ရန် အသိပညာပေး ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

DOCA(မကွေး)

            စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ ခရိုင်ဦးစီးမှူးဦးလှစိုးနှင့် ဝန်ထမ်းများသည် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းတို့မှ တာဝန်ရှိသူများနှင့် ပူးပေါင်း၍ မြောက်ဒဂုံမြို့နယ်အတွင်းရှိ လက်လီရောင်းချ​ပေး​နေသော စားအုန်းဆီဆိုင်များသို့ ၁၇.၁၂.၂၀၂၄ ရက်နေ့၊ နေ့လယ်(၁၄:၀၀)နာရီအချိန်တွင် ကွင်းဆင်းစစ်ဆေးမှုများ ဆောင်ရွက်ခဲ့ကြောင်းသိရသည်။

           ထိုသို့ ကွင်းဆင်းစစ်ဆေးရာတွင် စားအုန်းဆီလက်လီရောင်းချသူများအနေဖြင့် သတ်မှတ်ရည်ညွှန်းဈေးအပေါ် သယ်ယူပို့ဆောင်စရိတ်အပါအဝင် ဖြစ်သင့်ဖြစ်ထိုက်သည့် အမြတ်ရာခိုင်နှုန်းထက်ပိုမို၍ ရောင်းချ​နေမှုရှိ/ မရှိစစ်​ဆေးခြင်း ၊  အလေးချိန်မှန်ကန်စွာ ရောင်းချပေးခြင်းရှိ/ မရှိတို့ကို စစ်ဆေးခြင်းတို့ကို ဆောင်ရွက်ခဲ့ကြကြောင်း သိရှိရပါသည်။

DOCA(ရန်ကုန်)

             စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ ခရိုင်ဦးစီးမှူးဦးလှစိုးနှင့် ဝန်ထမ်းများသည် သင်္ဃန်းကျွန်းခရိုင်၊ သင်္ဃန်းကျွန်းမြို့နယ်၊  သုဝဏ္ဏဈေးရှိ စည်ပင်သာယာရေးကော်မတီနှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းတို့မှ တာဝန်ရှိသူများပူးပေါင်း၍  ဦးဝင်းနိုင်၊ ဦးဌေးညွန့်၊ ဦးဌေးလွင် စသည့် စားအုန်းဆီအရောင်းဆိုင်များအား ၁၆.၁၂.၂၀၂၄ ရက်နေ့၊ နေ့လယ်(၁၃:၀၀) နာရီအချိန်တွင်   လက်လီရောင်းချ​ပေး​နေသော စားအုန်းဆီဆိုင်များသို့ ကွင်းဆင်းစစ်ဆေးမှုများ ဆောင်ရွက်ခဲ့ကြောင်းသိရသည်။

           ထိုသို့ ကွင်းဆင်းစစ်ဆေးရာတွင် စားအုန်းဆီလက်လီရောင်းချသူများအနေဖြင့် သတ်မှတ်ရည်ညွှန်းဈေးအပေါ် သယ်ယူပို့ဆောင်စရိတ်အပါအဝင် ဖြစ်သင့်ဖြစ်ထိုက်သည့် အမြတ် ရာခိုင်နှုန်းထက်ပိုမို၍ ရောင်းချ​နေမှုရှိ/ မရှိစစ်ဆေးခဲ့ပြီး စားသုံးဆီတင်သွင်းသိုလှောင်ဖြန့်ဖြူး ခြင်းလုပ်ငန်းကြီးကြပ်ရေးကော်မတီအနေဖြင့် ကမ္ဘာ့ဈေးနှုန်းဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် စားအုန်းဆီဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိရာ ပြည်တွင်းဈေးကွက်၌ ရောင်းဝယ်ဖောက်ကားရမည့် အထိုင်ဈေး အခြေခံ လက်ကားရည်ညွှန်းဈေးနှုန်းကို အပတ်စဉ်ထုတ်ပြန်ပေးလျက်ရှိသည့်အတွက် လုပ်ငန်းရှင်များအနေဖြင့် စနစ်တကျလိုက်နာပေးစေလိုကြောင်း အသိပညာပေး ပြောကြားခဲ့ကြောင်းသိရှိရပါသည်။

DOCA(ရန်ကုန်)