ပဲခူးတိုင်းဒေသကြီး၊စားသုံးသူရေးရာဦးစီးဌာနမှ ဝန်ထမ်းများသည် (၃၀.၁၀.၂၀၂၅)ရက်နေ့ နံနက် (၁၀:၀၀)နာရီအချိန်တွင် ပဲခူးမြို့တောင်သူစုကျေးရွာအခြေခံပညာအလယ်တန်းကျောင်းခွဲသို့ သွားရောက်၍ စားသုံးသူကာကွယ်ပေးရေးဆိုင်ရာအသိပညာပေး ဟောပြောခြင်းများ ဆောင်ရွက်ခဲ့ကြောင်း သိရှိရပါသည်။ အဆိုပါဟောပြောပွဲသို့ စားသုံးသူရေးရာဦးစီးဌာနမှ ဒေါ်ရွှေစင်လှိုင် (အငယ်တန်းစာရေး)မှ စားသုံးသူကာကွယ်ပေးရေးဆိုင်ရာ ဥပဒေပေါ်ပေါက်လာပုံ သိကောင်းစရာ အကြောင်းများကို ဟောပြောခဲ့သည်။ ဆက်လက်၍ ဦးသန်းဇော်(ဒုကြီးကြပ်ရေးမှူး)မှ စားသုံးသူ အခွင့်အရေးနှင့် လိုက်နာရမည့် တာဝန်၊ ကုန်အညွှန်းအမှတ်အသား၊ ကုန်စည်နှင့်ဝန်ဆောင်မှု၊ Online-shopအသုံးပြုခြင်းနှင့် ဝယ်ယူရောင်းချခြင်းများအား အသိပညာပေးဆောင်ရွက်ခဲ့ပြီး စားသုံး သူကာကွယ်ပေးရေးနှင့် ပတ်သတ်သည့်အကြောင်းအရာများကို ကျောင်းသား/ကျောင်းသူ များအား ပြန်လည်မေးမြန်းခြင်းများ ပြုလုပ်ခဲ့ပြီး ဆုရကျောင်းသား/ကျောင်းသူများအား ဆုပေး ခြင်းများ ဆောင်ရွက်ခဲ့ရာ ဆရာ/ဆရာမ(၁၄)ဦး ကျောင်းသား/ ကျောင်းသူ (၃၀၀)ဦးတို့ တက်ရောက် ခဲ့ကြောင်း သိရှိရပါသည်။
DOCA(ပဲခူး)