သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန ၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဝင်းနိုင် (ဦးစီးအရာရှိ) နှင့် ဝန်ထမ်းများသည် Bazaar Yangon ရှိ (2၀.၁၂.၂၀၂၄) ရက်နေ့၊ နေ့လယ်ပိုင်းတွင်  အမှတ်(၅၈) / မြန်မာ့ဂုဏ်ရည်လမ်း၊ မင်္ဂလာတောင်ညွှန့်မြို့နယ်၊ Bazaar Yangon အားသွားရောက်၍ ဆန်ရောင်းချမှု ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါသည်။

      ထိုသို့ ကွင်းဆင်းအသိပညာပေးရာတွင် Bazaar Yangon ဆန်ဆိုင်ရှိ ရောင်းချနေသော ဆန်များသည် Goody (ရွှေဘိုပေါ်ဆန်းမွှေး) (1 kg) ၊ Ayeyar (မြောင်းမြပေါ်ဆန်း) (1 kg) ၊ ကြယ်စင် (မြောင်းမြပေါ်ဆန်း)(1 kg) စသည့်ဆန်များကို   သတ်မှတ်ရည်ညွှန်းဈေးအတိုင်း ရောင်းချလျက်ရှိကြောင်းနှင့် ဆန်ဈေးနှုန်းကြီးမြှင့်မှု မဖြစ်ပေါ်စေရေးအတွက် ဈေးကစားရန် အလို့ငှာ ဆန်များသိုလှောင်ထားခြင်းမပြုရန် မြန်မာနိုင်ငံဆန်စပါးအသင်းချုပ်မှ သတ်မှတ်ထားသောဈေးနှုန်းများအတိုင်း ရောင်းချသွားရန် လိုက်နာမှုမရှိပါက ဥပဒေအရ အရေးယူခံရမှာဖြစ်ကြောင်း  အသိပညာပေးပြောကြားခြင်းများ  ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

      ၂၀၂၄ ခုနှစ်၊ ဒီဇင်ဘာလ(၂၄)ရက်နေ့၊ နေ့လည် (၁၃ꓽ၀၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်း များသည် ကျိုင်းတုံမြို့၊ ရပ်ကွက် (၁)နှင့် မြို့မဈေးကြီး အပြင်ဘက်ရှိ ကုန်စုံဆိုင်များတွင် ရောင်းချနေ သော စားသုံးဆီများအား ကုန်အညွှန်းအမှတ်အသားနှင့်ပတ်သက်၍ ဈေးကွက်စောင့်ကြည့်စစ်ဆေး ခြင်း လုပ်ငန်းများဆောင်ရွက်ခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ရာတွင် ရပ်ကွက် (၁)နှင့် မြို့မဈေးကြီးအပြင်ဘက်ရှိ ကုန်စုံဆိုင်များ၌ ရောင်းချနေသော စားသုံးဆီများတွင် ကုန်အညွှန်း အမှတ်အသားများ ပြည့်စုံစွာ ဖော်ပြထားသည်ကို စစ်ဆေးတွေ့ရှိရပါသည်။ ထို့နောက် စစ်ဆေးရေး မှူးနှင့်ဝန်ထမ်းများသည် စားသုံးဆီအရောင်းဆိုင်ရှင်များအား ကုန်အညွှန်းအမှတ်အသားနှင့် ပြည့်စုံ သော စားသောက်ကုန်များကိုသာ ဖြန့်ဖြူးရောင်းချရန်၊ အစားအသောက်နှင့်ဆေးဝါးကွပ်ကဲရေးဦးစီး ဌာနမှ တားမြစ်ထားသော ကုန်စည်များကို ရောင်းချခြင်းမပြုရန်နှင့် စားသုံးသူကာကွယ်ရေးဥပဒေ အခန်း (၁၈)ပါ “ကုန်အညွှန်းအမှတ်အသားဖော်ပြခြင်း”နှင့် အခန်း(၁၀)ပါ “စီးပွားရေးလုပ်ငန်းရှင်၏ တာဝန်များ”ကို သိရှိလိုက်နာဆောင်ရွက်စေရန် အသိပညာပေးဆွေးနွေးခြင်းများ ဆောင်ရွက်ခဲ့ပါ သည်။

DOCA(ရှမ်း)

    ၂၀၂၄ခုနှစ်၊ ဒီဇင်ဘာလ(၁၁)ရက်နေ့တွင် မြန်မာ့အသံနှင့်ရုပ်မြင်သံကြား(MRTV) မန္တလေးရုံးခွဲနှင့် စားသုံးသူရေးရာဦးစီးဌာန မန္တလေးတိုင်းဒေသကြီးဦးစီးမှူးရုံးမှ ထုတ်ကုန်လုံခြုံစိတ်ချရမှု ဌာနခွဲတာဝန်ခံဦးမျိုးထွန်း(ဦးစီးအရာရှိ)တို့သည် မန္တလေးတိုင်းဒေသကြီးအတွင်း စားသုံးသူကာကွယ်ရေးလုပ်ငန်းများ၏ အဓိကလုပ်ငန်းစဉ် တစ်ခုဖြစ်သော ထုတ်ကုန်လုံခြုံစိတ်ချရမှုဆိုင်ရာလုပ်ငန်း ဆောင်ရွက်နေမှုများအား မန္တလေးတိုင်းဒေသကြီးဦးစီးမှုးရုံး အစည်းအဝေးခန်းမ၌ သတင်းရိုက်ကူး ၍တွေ့ဆုံဆွေးနွေးခြင်း( Interview) အစီအစဉ်ဆောင်ရွက်ခဲ့ကြပါတယ်။

    ထိုသို့တွေ့ဆုံဆွေးနွေးရာတွင် မန္တလေးတိုင်းဒေသကြီးအတွင်း စားသုံးသူကာကွယ်ရေးလုပ်ငန်းများအား ဘက်စုံ၊ထောင့်စုံမှဆောင်ရွက်နေမှုများ၊ စားသုံးသူကာကွယ်ရေးလုပ်ငန်း၏ အဓိကလုပ်ငန်းစဉ် တစ်ခုဖြစ်သော ဈေးကွက်စောင့်ကြည့်စစ်ဆေးခြင်းများတွင် ၂၀၂၄-၂၀၂၅ ဘဏ္ဍာရေး နှစ်အတွင်းစားသုံးသူများ၏ ဘေးအန္တရာယ်ဖြစ်နိုင်ခြေအနည်းအများကို ထည့်သွင်းစဉ်းစားပြီး ဦးစားပေးကုန်စည်များအဖြစ်သတ်မှတ်၍ မန္တလေးတိုင်းဒေသကြီးစားသုံးသူရေးရာကော်မတီသို့ တင်ပြခွင့်ပြုချက်ရယူကာ သက်ဆိုင်ရာမိတ်ဖက်ဌာနများနှင့် ပူးပေါင်း၍ လအလိုက်ဈေးကွက် စောင့်ကြည့်စစ်ဆေးနေမှုများ၊ ဈေးကွက်စောင့်ကြည့်စစ်ဆေးရာတွင် အဓိကအနေဖြင့် စားသုံးသူကာကွယ်ရေးဥပဒေပါ သတ်မှတ်ထားသောကုန်အညွှန်းအမှတ်အသားဖော်ပြချက်များ နှင့်ကိုက်ညီမှုရှိ၊မရှိ၊ သက်ဆိုင်ရာဌာနများမှ စားသုံးရန်မသင့်ထုတ်ပြန်ထားသော ကုန်စည်များ ရောင်းချမှု ရှိ/မရှိ စစ်ဆေးနေမှုများ၊ ကုန်အညွှန်းအမှတ်အသားပြည့်စုံစွာ ဖော်ပြမှုမရှိသော ကုန်ပစ္စည်းများနှင့် သက်ဆိုင်ရာဌာနများမှ တားမြစ်ထားသော ကုန်ပစ္စည်းများတွေ့ရှိပါက အရေးယူဆောင်ရွှက်မည့်အခြေအနေများ၊မန္တလေးတိုင်းဒေသကြီးအတွင်းစားသုံးသူကာကွယ်ရေးဥပဒေအရစစ်ဆေးရေးအရာရှိခန့်အပ်ပြီးစစ်ဆေးရေးအရာရှိများ၏စားသုံးသူကာကွယ်ရေးလုပ်ငန်းဆောင်ရွက်နေမှုများ၊စီးပွားရေးလုပ်ငန်းရှင်များ၏ထုတ်လုပ်သောကုန်စည်များအားသတ်မှတ်ထားသော ကုန်အညွှန်းအမှတ်အသားများ ပြည့်စုံစွာဖော်ပြစေရေး အခမဲ့စိစစ်၍ ပြန်ကြားပေးနေမှု အခြေအနေများအား တွေ့ဆုံဆွေးနွေးမေးမြန်းဖြေကြားခဲ့ကြပါသည်။

     နိဂုံးချုပ်အပိုင်းတွင် သီးခြားဖြည့်စွက်ပြောကြားလိုသည်များအား ဆွေးနွေးရာတွင် စားသုံးသူကာကွယ်ရေးဥပဒေ၊ စားသုံးသူကာကွယ်ရေးနည်းဥပဒေများ၊ အမိန့်ညွှန်ကြားချက်များ အားလုံးကို ခြုံငုံသုံးသပ်ကြည့်ပါက စီးပွားရေးလုပ်ငန်းရှင်များအနေဖြင့် အဓိကလုပ်ဆောင်ရမည့် အချက်များမှာ ကုန်စည်၊ ဝန်ဆောင်မှုများနှင့်ပတ်သက်၍ (၁) မှန်ကန်ရှင်းလင်းသည့်သတင်း အချက်အလတ်များ၊ အာမခံချက်များ၊ ကတိကဝတ်များပေးရန်နှင့် (၂)ပေးထားသည့်သတင်း အချက်အလတ်များ၊ အာမခံချက်များ၊ ကတိကဝတ်များ အတိုင်းဆောင်ရွှက်ပေးရန် စသည့်အချက် (၂)ချက်ကိုအဓိကထားလိုက်နာရန်လိုအပ်ကြောင်းနှင့်စားသုံးသူများအနေဖြင့်လည်းစားသုံးသူ၏တာဝန်များကို လိုက်နာမည်ဆိုပါက စားသုံးသူကာကွယ်ရေးလုပ်ငန်းများ ယခုထက်ပိုမိုဆောင်ရွက်နိုင်မည့် အခြေအနေများကို အကျယ်တဝင့် မေးမြန်းဆွေးနွေးခဲ့ကြောင်း တင်ပြလိုက်ရပါတယ်။

• မန္တလေး)

            ဧရာဝတီတိုင်းဒေသကြီး ၊ မအူပင်ခရိုင်၊ ဓနုဖြူမြို့နယ် သမာဓိဆန်စက်လုပ်ငန်းသို့ စားသုံးသူရေး ရာဦးစီးဌာနမှ တာဝန်ရှိသူများက (၁၈.၁၂.၂၀၂၄) ရက်နေ့ နံနက် (၁၀၀၀)နာရီအချိန်က ဆန်စက် လုပ်ငန်းရှင် နှင့် တွေ့ဆုံ၍ ဆန်စက်လုပ်ငန်းဖွံ့ဖြိုးတိုးတက်စေရေးနှင့် စပါးဆန် ကြိတ်ခွဲ ထုတ်လုပ်မှု အခြေအနေ ထုတ်ကုန်လုံခြုံစိတ်ချရမှု ရှိစေရေး ကွင်းဆင်းစစ်ဆေး ဆောင်ရွက်ခဲ့ သည်။

            စစ်ဆေးဆောင်ရွက်ရာတွင် ဓနုဖြူမြို့နယ်တာဝန်ခံရုံးမှ မြို့နယ်တာဝန်ခံ ဦးဝင်းမင်းစိုးသည် သမာဓိ ဆန်စက်လုပ်ငန်းအား စပါး ဆန် ကြိတ်ခွဲထုတ်လုပ်မှုကို ကြည့်ရှုစစ်ဆေးခဲ့ပြီး ဆန်စက်ပိုင်ရှင်နှင့် တွေ့ဆုံ၍ ဆန်စက်မှ စပါးသိုလှောင်ထားရှိမှု ကိုမေးမြန်းပြီး ဧည့်မထ စပါး ၅၀၀၀တင် သိုလှောင်ထား ရှိပြီး ဆန် ၁၃၀၀အိတ် ရှိကြောင်းနှင့် စပါးကို နဝလီသာကြိတ်ခွဲနေပြီး၊ တစ်နေ့ကို စပါး၁၅၀၀ကြိတ်၍ ဆန် တန် ၁၀ကျော်ကြိတ်ခွဲ နှင့် ၁လအတွင်း ၃၀၀-၅၀၀ တန်ကြိတ်ခွဲနိုင်ကြောင်း ရန်ကုန်သို့ တင်ပို့မှု မရှိဘဲ  နယ်မြေအတွင်း သာရောင်းချကြောင်းနှင့် လက်ကား ဝယ်ယူသူများကို သတ်မှတ်ရည်ညွှန်း ဈေးအတိုင်း ရောင်းချပြီး၊ လက်လီရောင်းချခြင်းလည်း ရှိကြောင်းကိုရှင်းလင်း ပြောပြခဲ့ပြီး  စားသုံးသူ ရေးရာဦးစီးဌာနမှ သိုလှောင်ရုံမှတ်ပုံတင်ခြင်းဆိုင်ရာ ကိစ္စရပ်နှင့် ပတ်သက်၍ ပြင်ဆင်မှု လိုအပ်ချက် ရှိပါက သတ်မှတ်ချက်များအတိုင်း လျောက်ထားနိုင်ရန်ကို ရှင်းလင်းဆွေးနွေးခဲ့ပြီး ဆန်စက် ထုတ်ကုန်လုံခြုံစိတ်ချရမှု ရှိစေရေးကိုလည်း ဆွေးနွေးခဲ့ကြောင်း သိရသည်။

DOCA(ဧရာဝတီ)

ဧရာဝတီတိုင်းဒေသကြီး၊ မအူပင်ခရိုင်၊ မြို့နယ် ပြန်ကြားရေးနှင့်ပြည်သူ့ ဆက်ဆံရေးဦးစီး ဌာန ၊ လူထု အခြေပြု ဗဟိုဌာနဖြစ်သော Community Centre ခန်းမတွင် ပြည်သူများ အသိပညာ ဗဟုသုတရရှိ စေရန် ရည်ရွယ်ပြီး မြို့နယ် ပြန်/ဆက်ဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း ၍ စားသုံးသူကာကွယ်ရေး ဥပဒေ အသိပညာပေး Talk Show ကို (၁၇-၁၂-၂၀၂၄)ရက်နေ့ နံနက် ၁၀ နာရီ တွင် ပြုလုပ်ခဲ့သည်။

ရှေးဦးစွာ ဓနုဖြူမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးအရာရှိက စားသုံးသူ ကာကွယ်ရေးဥပဒေအကြောင်းကို ရှင်းလင်းဆွေးနွေးရာ စားသုံးသူရေးရာဦးစီးဌာန၏ ဈေးကွက် ရောက် ကုန်စည်များကို ဈေးကွက်စောင့်ကြည့်စစ်ဆေးရခြင်း ရည်ရွယ်ချက် စားသုံးသူများကို ကာကွယ်ပေးခြင်း၊ စီးပွားရေးလုပ်ငန်းရှင်များအတွက် မျှတသော ယှဉ်ပြိုင်မှုဖြစ်ပေါ်စေခြင်း၊ ယုံကြည် စိတ်ချရသော စီးပွားရေးဝန်းကျင်ကောင်းကို ဖန်တီးပေးခြင်းဖြစ်ကြောင်း ဈေးကွက်စောင့်ကြည့် သည် ကုန်စည်(၈)မျိုး အကြောင်းနှင့် ဦးစားပေးကုန်စည်(၁၀)မျိုးကို ဈေးကွက်စောင့်ကြည့်စစ်ဆေးခြင်း အကြောင်းကို ရှင်းလင်းဆွေး နွေးပြီး ကုန်စည်နှင့် ဝန်ဆောင်မှုများကို စစ်ဆေးရာတွင် စားသုံးသူများ အသုံးပြုလျှက်ရှိသည့်  ကုန်စည်နှင့်  ဝန်ဆောင်မှုများအား ဘေးအန္တရာယ်ကင်းရှင်းစေရေးအတွက် စောင့်ကြည့်စစ်ဆေးခြင်းဖြစ်ကြောင်း ကိုလည်းကောင်း၊ အမိန့်ကြော်ငြာစာအမှတ် ၂/၂၀၁၉ ကုန်စည် အုပ်စု ၈မျိုး၏ ကုန်အညွှန်းအမှတ်အသား လွယ်ကူစွာဖော်ပြနိုင်ရန် ထုတ်ပြန်ထားခြင်း အကြောင်းကို လည်းကောင်း၊ အမိန့်ကြော်ငြာစာအမှတ် ၁/၂၀၂၁ ကို  စားသုံးသူများ ထင်ယောင်ထင်မှား မဖြစ်စေရေးနှင့် အခြေခံလိုအပ်ချက်အပေါ်တွင် စိတ်ကျေနပ်မှုရှိစေရေး အတွက် ထုတ်ပြန်ခဲ့ကြောင်းကို အကျယ်တဝင့် ရှင်းလင်းဆွေးနွေးပြောကြားခဲ့ကြောင် သိရပါသည်။

DOCA(ဧရာဝတီ)