သတင်းနှင့် လှုပ်ရှားမှုများ

     မွန်ပြည်နယ်၊ ဘီးလင်းမြို့နယ်အတွင်းရှိ ရပ်ကွပ်နှင့်ကျေးရွာများတွင် ရန်ကုန်မြို့မှ စားအုန်းဆီ ကုမ္ပဏီများဖြစ်ကြသော Kaung Hlyan Naw Asia ကုမ္ပဏီနှင့် Myat A Kan ကုမ္ပဏီတို့မှ ဘီးလင်းမြို့နယ်အတွက်‌ (၁)ပါတ်စာခွဲတမ်းရရှိသော စားအုန်းဆီ (၄၃) ပေပါ အား (၆.၆.၂၀၂၅) ရက်နေ့တွင် မော်တော်ယဉ်ဖြင့် သယ်ဆောင်ရောက်ရှိလာ၍ (၈.၆.၂၀၂၅) ရက်နေ့တွင် ဘီးလင်းမြို၊ ဘိုးရာဇာရပ်ကွက်ရှိ ပြည်သူများ သက်သာချောင်ချိရေးအတွက် ရောင်းချနေသော အခွန်လွတ်ဈေးတွင် ရောင်းချလျက်ရှိရာ ဘီးလင်းမြို့နယ်၊ စားသုံးသူရေးရာ ဦးစီးဌာနနှင့် စားအုန်းဆီများ သတ်မှတ်ရည်ညွှန်းဈေးအတိုင်း ရောင်းချခြင်း ရှိ/မရှိ ကွင်းဆင်း စစ်ဆေးရေးအဖွဲ့နှင့်အတူ သတ်မှတ်ရည်ညွှန်းဈေးအတိုင်း‌ ရောင်းချခြင်း ရှိ/မရှိ၊ အလေးချိန် ပြည့်/မပြည့်နှင့် ခွဲတမ်းရစားအုန်းဆီများ ပြည့်ဝစွာရောင်းချခြင်း ရှိ/မရှိတို့ကို ကြီးကြပ် စစ်ဆေးခဲ့ရာတွင် သတ်မှတ်ရည်ညွှန်းဈေး စားအုန်းဆီ တစ်ပိဿာလျှင် (၇၀၃၀) ကျပ်ဖြင့် လူတစ်ဦးလျှင် (၁) ပိဿာရောင်းချပေးနေပြီး ပြည့်ဝမှန်ကန်ကြောင်း တွေ့ရှိရပါသည်။ စားသုံးသူများမှာ ယခုကဲ့သို့ သက်သာသောဈေးနှုန်းဖြင့် စားအုန်းဆီများဝယ်ယူခွင့်ရသဖြင့် များစွာအဆင်ပြေနေကြောင်း သိရှိရပါသည်။

DOCA (မွန်)

  မွန်ပြည်နယ်၊ ကျိုက်ထိုမြို့နယ်၌ ထိုင်းဘာသာဖြင့် ကုန်အညွှန်းအမှတ်အသား ဖော်ပြထားသည့် Sprit အမှတ်တံဆိပ် အချိုရည်ဗူးများရောင်းချခြင်း ရှိ/မရှိ စျေးကွက် စောင့်ကြည့်စစ်ဆေးခြင်းကို ‌(၅.၆.၂၀၂၅) ရက်နေ့ နံနက် (၁၀း၀၀) နာရီအချိန်က စားသုံးသူရေးရာဦးစီးဌာနနှင့်မိတ်ဖက်ဌာနများ ပူးပေါင်း၍ ကျိုက်ထိုမြို့နယ်၊ ရှမ်းစျေး၌ ဆောင်ရွက်ခဲ့သည်။                     

   အဆိုပါ စျေးကွက်စောင့်ကြည့်စစ်ဆေးခြင်းကို ကျိုက်ထိုမြို့နယ်၊ စားသုံးသူရေးရာဦးစီး ဌာနမှ မြို့နယ်တာဝန်ခံ ဦးဇော်ဦးနှင့်တာဝန်ရှိသူအသီးသီးတို့က စျေးကွက်အတွင်း ထိုင်းဘာသာဖြင့် ကုန်အညွှန်းအမှတ်အသား ဖော်ပြထားသည့် Sprit အမှတ်တံဆိပ် အချိုရည်ဗူးများ ရောင်းချခြင်း ရှိ/မရှိ ကွင်းဆင်းစစ်ဆေးကြရာ အဆိုပါ Sprit အချိုရည်ဗူးများ ရောင်းချခြင်း မတွေ့ရှိရဘဲ ကုန်ညွှန်းအမှတ်အသားပြည့်စုံစွာ ဖော်ပြထားပြီး သက်ဆိုင်ရာ ဌာနများ၏ ထောက်ခံချက်ပါရှိသော Sprit အချိုရည်ဗူးများသာ ရောင်းချနေကြောင်း သိရပါသည်။

DOCA (မွန်)

  မွန်ပြည်နယ်၊ သထုံမြို့နယ်၌ ထိုင်းဘာသာဖြင့် ကုန်ညွှန်းအမှတ်အသားဖော်ပြထား သည့် Spirt အမှတ်တံဆိပ် အချိုရည်ဗူးများရောင်းချခြင်း ရှိ/မရှိ စျေးကွက်စောင့်ကြည့် စစ်ဆေးခြင်းကို (၅.၆.၂၀၂၅) ရက်နေ့ နံနက် (၁၀း၀၀) နာရီအချိန်က စားသုံးသူရေးရာ ဦးစီးဌာနှင့်မိတ်ဖက်ဌာနများပူးပေါင်း၍ သထုံမြို့မစျေး၌ ဆောင်ရွက်ခဲ့သည်။        

  အဆိုပါ စျေးကွက်စောင့်ကြည့်စစ်ဆေးခြင်းကို သထုံမြို့နယ်၊ စားသုံးသူ‌ရေးရာဦးစီး ဌာနမှ မြို့နယ်တာဝန်ခံ ဦးထိန်လင်းထွန်းနှင့်တာဝန်ရှိသူအသီးသီးတို့က စျေးကွက်အတွင်း ထိုင်းဘာသာဖြင့် ကုန်အညွှန်းအမှတ်အသားဖော်ပြထားသည့် Sprit       အမှတ်တံဆိပ် ချိုရည်ဗူး များ ရောင်းချခြင်း ရှိ/မရှိ ကွင်းဆင်းစစ်ဆေးကြရာ အဆိုပါ Sprit အချိုရည်ဗူးများ ရောင်းချ ခြင်း မတွေ့ရှိဘဲ ကုန်အညွှန်းအမှတ်အသားပြည့်စုံစွာ ဖော်ပြထားပြီး သက်ဆိုင်ရာဌာနများ၏ ထောက်ခံချက်ပါရှိသော Sprit အချိုရည်ဗူးများသာ ရောင်းချနေကြောင်း သိရပါသည်။

DOCA (မွန်)

     ၅.၆.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် တက္ကသိုလ် (၁၀) မြို့နယ်ဆောင်အနီး၊ ဈေးကြိုရပ်ကွက်၊ မော်လမြိုင်မြို့၌ ကျင်းပပြုလုပ် သည့် ကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ် ၂၀၂၅ ခုနှစ်၊ မိုးရာသီ သစ်ပင်စိုက်ပွဲတော်သို့ ပြည်နယ်ဦးစီးမှူးတက်ရောက်ခဲ့ပါသည်။

   အခမ်းအနားတွင် ပြည်နယ်ဝန်ကြီးချုပ်က မွန်ပြည်နယ်တွင် သဘာဝ သစ်တောသစ်ပင်များ ပြုန်းတီးမှုမရှိစေရေးနှင့် သစ်တောပြုန်းတီးမှုများ လျှော့ချနိုင်ရေးတို့ကို အထူးအ​လေးထား​ ဆောင်ရွက်လျက်ရှိပါ​ကြောင်း၊ ရာသီဥတု၏ ပြောင်းလဲလာမှုနှင့် လိုက်လျောညီထွေရှိစေဖို့ သစ်တောများပြုစုထိန်းသိမ်းခြင်း၊ သစ်ပင်စိုက်ပျိုးခြင်းများဟာ အလွန်ထိရောက်ပြီး ကုန်ကျစရိတ်သက်သာကာ လူတိုင်းလူတိုင်း အလွယ်တကူ ဆောင်ရွက်နိုင်ရုံမက ချက်ချင်း​နေရာမ​ရွေး ​ဆောင်ရွက်နိုင်သည့် လုပ်ငန်းတစ်ခုဖြစ်ကြောင်း၊ ဒေသမျိုးရင်းအဖိုးတန်သစ်မျိုးများ၊ ရာသီအလိုက် ဖူးပွင့်နိုင်တဲ့အပင်များ၊ ကြီးမြန်သစ်မျိုးများ၊ အမြဲစိမ်းသစ်မျိုးများ၊ အရိပ်ရသစ်မျိုးများ စတဲ့အပင်အမျိုးမျိုးကို အစီအစဉ်တကျ စိုက်ပျိုး သွားမည်ဖြစ်​ပြီး စိုက်ပျိုးပြီးအပင်များကိုလည်း တစ်ပင်စိုက် တစ်ပင်ရှင်စနစ်နဲ့ အောင်မြင် အောင်ဆောင်ရွက်ဖို့လည်း အ​လေးထားဆောင်ရွက်သွားကြရမှာဖြစ်​ကြောင်း၊ ယနေ့အခမ်း အနားတွင် သစ်မျိုး(၈)မျိုး၊ အပင်အရေအတွက် (၁,၀၀၀)ပင် စိုက်ပျိုးသွားမည်ဖြစ်ကာ အဖိုးတန်သစ်မျိုးတွေ၊ ဒေသမျိုးရင်း သစ်မာသစ်မျိုးတွေ၊ ရာသီအလိုက် ဖူးပွင့်နိုင်တဲ့ အပင်တွေ၊ ကြီးမြန်သစ်မျိုးတွေ၊ အမြဲစိမ်းသစ်မျိုးတွေ၊ အရိပ်ရသစ်မျိုးတွေ အမျိုးအစား စုံလင်စွာတွေ့ရှိနိုင်ပြီး အစီအစဉ်တကျ စိုက်ပျိုးသွားမှာဖြစ်ကြောင်း ပြောကြားခဲ့သည်။

DOCA (မွန်)

     မန္တလေးတိုင်းဒေသကြီး မြင်းခြံခရိုင် စားသုံးသူရေးရာဦးစီးဌာနသည် စားသုံးသူပြည်သူများ ကုန်စည်နှင့်ဝန်ဆောင်မှုများ သုံးစွဲရာတွင် ထိခိုက်နစ်နာမှုမရှိစေရေး၊ လုံခြုံစိတ်ချရမှုရှိစေရေး၊ ဥပဒေပြဌာန်းချက်များနှင့်ကိုက်ညီမှုမရှိဘဲ မမှန်မကန်ထုတ်လုပ်ဖြန့်ဖြူးရောင်းချလျက်ရှိသော ကုန်စည်များနှင့် လုံခြုံစိတ်ချရမှုမရှိသော ကုန်စည်များ လျော့နည်းပပျောက်သွားစေရေးတို့အတွက် နေရာစုံ၌ နည်းလမ်းပေါင်းစုံဖြင့် စီးပွားရေးလုပ်ငန်းရှင်များအပါအဝင် စားသုံးသူပြည်သူတစ်ရပ် လုံးကို အသိပညာပေးလျက်ရှိသလို တဖက်မှလည်း ဈေးကွက်များအတွင်း ရောင်းချမှုမရှိစေရေး ဈေးကွက်စောင့်ကြည့်စစ်ဆေးခြင်းများကို အစဉ်တစိုက်ဆောင်ရွက်လျက်ရှိပါသည်။

    (၅.၆.၂၀၂၅)ရက်နေ့၊ နံနက် (၀၉:၀၀) နာရီအချိန်တွင် စားသုံးသူရေးရာဦးစီးဌာန မြင်းခြံ ခရိုင်ဦးစီးမှူးရုံးမှ ဦးတင်ဇော်ထွေး (ဒု-ခရိုင်ဦးစီးမှူး) ဦးဆောင်၍ ဝန်ထမ်းများသည် မြင်းခြံမြို့ရှိ ဆေးနှင့်ဆေးပစ္စည်းရောင်းချသော ဆေးဆိုင်များအား ကွင်းဆင်းစစ်ဆေးခြင်း ဆောင်ရွက်ခဲ့ကြသည်။ ပူးပေါင်းအဖွဲ့ဝင်များသည် ဆေးနှင့်ဆေးပစ္စည်းရောင်းချသောဆေးဆိုင်များတွင် အရည်အသွေးမပြည့်မီသည့်ဆေးဝါးများ၊ ဆေးဝါးအတုများ၊ သက်တမ်းလွန် ဆေးဝါးများနှင့် ခွင့်ပြုလိုင်စင် မရှိသည့်ထိန်းချုပ်ဆေးဝါးများအား ရောင်းချခြင်း များမရှိစေရေး ၊ သက်ဆိုင်ရာဌာန ထောက်ခံချက် ပါဝင်သောဆေးဝါးများနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ် အသားဖော်ပြခြင်း များနှင့်ကိုက်ညီသော ဆေးဝါးများသာရောင်းချစေရေးတို့အတွက် စစ်ဆေးမှုများ ဆောင်ရွက်ခဲ့ပြီး၊ စစ်ဆေးမှုများတွင် သတ်မှတ်ချက်များနှင့် ကိုက်ညီမှုရှိသော ဆေးဝါးများကိုသာ ရောင်းချမှုရှိ ကြောင်း တွေ့ရှိရပြီး စားသုံးသူရေးရာဦးစီးဌာနအနေဖြင့် စားသုံးသူပြည်သူများ ကုန်ပစ္စည်းများကို ဝယ်ယူသုံး စွဲရာတွင် လုံခြုံစိတ်ချရမှုရှိပြီး၊ ဘေးအန္တရာယ်ကင်းရှင်းစေရန်နှင့် ဖြစ်သင့်ဖြစ်ထိုက်သော ဈေးနှုန်းများနှင့်သာ ဝယ်ယူသုံးစွဲနိုင်ရေး၊ ထိခိုက်နစ်နာဆုံးရှုံးမှုများ မဖြစ်ပေါ်စေရေးတို့အတွက် စဉ်ဆက်မပြတ်ဈေးကွက်စောင့်ကြည့်စစ်ဆေးမှုများ ဆောင်ရွက်သွားမည်ဖြစ်ကြောင်း သိရသည်။

DOCA(မန္တလေး)