သတင်းနှင့် လှုပ်ရှားမှုများ

     ၂၀၂၅ခုနှစ်၊ သြဂုတ်လ(၁၃)ရက်နေ့တွင်  ခရိုင်စီမံခန့်ခွဲရေးနှင့်အုပ်ချုပ်ရေးကော်မတီမှ ဦး ဆောင်မှုဖြင့် မြိတ်မြို့၊ အိမ်ခြံမြေဝန်ဆောင်မှုအသင်းတွင် စားသုံးသူရေးရာဦးစီးဌာနအပါအဝင် ဌာန ဆိုင်ရာများတက်ရောက်ခဲ့ပြီး  အိမ်ခြံမြေဝန်ဆောင်မှုနှင့်ပတ်သက်၍ တွေ့ဆုံဆွေးနွေးခဲ့ကြောင်း သိရှိရပါသည်။

    တွေ့ဆုံဆွေးနွေးရာတွင် အိမ်ခြံမြေအကျိုးဆောင်လုပ်ငန်းအနေဖြင့် အိမ်ခြံမြေများရောင်း ဝယ်ဖောက်ကားရာတွင် သက်ဆိုင်ရာဌာနများ၏ ဥပဒေများအား လိုက်နာဆောင်ရွက်ရေး၊ ငွေကြေး ခဝါချမှုမဖြစ်ပေါ်စေရေးနှင့် အကြမ်းဖက်အဖွဲ့အစည်းများသို့ တရားမဝင်ငွေကြေးထောက်ပံ့မှုမရှိ စေရေးတို့အား ခရိုင်စီမံခန့်ခွဲရေးနှင့်အုပ်ချုပ်ရေးကော်မတီမှ ဒုခရိုင်အုပ်ချုပ်ရေးမှူး ဦးရဲထုဋ်နိုင် (ဒုတိယညွှန်ကြားရေးမှူး)မှရှင်းလင်းဆွေးနွေးပြောကြားခဲ့ပြီး စားသုံးသူရေးရာဦးစီးဌာန၊ မြိတ်ခရိုင် ဦးစီးမှူး၊ ဦးမျိုးဝင်းမှ မြိတ်ခရိုင်အိမ်ခြံမြေအကျိုးဆောင်လုပ်ငန်းရှင်များအနေဖြင့် အွန်လိုင်းအသုံး ပြု၍ အိမ်ခြံမြေ ရောင်းဝယ်ဖောက်ကားမှုများပြုလုပ်ပါက အွန်လိုင်းမှတ်ပုံတင်ပြုလုပ်နိုင်ရေး အတွက် လိုအပ်သော အချက်အလက် အထောက်အထားများအား အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(တနင်္သာရီ)

      တနင်္သာရီတိုင်း၊ မြိတ်မြို့တွင် ခရိုင်စားသုံးသူရေးရာဦးစီးဌာနနှင့်အတူ မြို့နယ်စီမံခန့်ခွဲရေး နှင့်အုပ်ချုပ်ရေးကော်မတီ၊ မြို့နယ်စည်ပင်သာယာ‌ရေးအဖွဲ့တို့ပူးပေါင်း၍ သက်ဆိုင်ရာရပ်ကွက် အုပ်ချုပ်ရေးမှူးများဖြင့် ၂၀၂၅ခုနှစ်၊ သြဂုတ်လ(၁၃)ရက်နေ့၊ မွန်းလွဲ(၁း၀၀)နာရီအချိန်တွင် မြိတ်မြို့ ပေါ်ရှိ ဖုန်းအရောင်းများသို့ သွားရောက်၍ တရားမဝင် Sim Card(ဆင်းကတ်) ရောင်းဝယ်မှု မရှိစေရေး ကွင်း ဆင်းစစ်ဆေးခဲ့ကြောင်း သတင်းရရှိပါသည်။

       ထိုသို့ကွင်းဆင်းစစ်ဆေးရာတွင် မြိတ်မြို့အတွင်း Sim Card(ဆင်းကတ်) ရောင်းချနေမှုနှင့် ပတ်သက်၍ မေးမြန်းခြင်း၊ မှတ်ပုံတင်ပြီးမှရောင်းချခြင်းနှင့် တရားမဝင်ဆင်းကတ်များရောင်းချနေ ခြင်းရှိ/မရှိစစ်ဆေးခြင်း၊ မြန်မာ့ဆက်သွယ်ရေးလုပ်ငန်းမှ သတ်မှတ်ချက်များအတိုင်းဆောင်ရွက်ရန် နှင့် ပြည်သူများသို့ ဝန်ဆောင်မှုနှင့်ပတ်သက်၍ သတ်မှတ်ချက်များအတိုင်း ဆောင်ရွက်ရန် ပြော ကြားခဲ့ကြောင်း သတင်းရရှိပါသည်။

DOCA(တနင်္သာရီ)

       ၂၀၂၅ခုနှစ်၊ သြဂုတ်လ (၁၂)ရက်နေ့၊ နံနက်(၁၀း၀၀)အချိန်တွင် တနင်္သာရီတိုင်းဒေသကြီး၊ မြိတ်ခရိုင်ကုန်စျေးနှုန်းတည်ငြိမ်ရေးအဖွဲ့ဝင်များဖြစ်သော စားသုံးသူရေးရာဦးစီးဌာန၊ အထူးစုံစမ်း စစ်ဆေး‌‌ရေးဦးစီဌာန၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ၊ ဗဟိုစာရင်းအင်းအဖွဲ့၊ ခရိုင် စီမံကိန်းနှင့် ကျေးလက်ဒေသဖွံ့ဖြိုးရေးဦးစီးဌာနတို့သည် မြိတ်မြို့၊ ထားဝယ်ကမ်းရပ်နှင့် မြို့သစ်ရပ် တွင်‌ ရောင်းချနေသောဆေးဆိုင်အား ကွင်းဆင်းစစ်ဆေးခဲ့ပြီး ဆေးဝါးပြတ်လပ်မှုမရှိစေရေး၊ ဘေး အန္တရာယ်ကင်းသော ထုတ်ကုန်များသုံးစွဲရေး၊ သက်တမ်းလွန်ဆေးဝါးများရောင်းချမှုမရှိစေရေးနှင့် ကုန်အညွှန်းအမှတ်အသားဖော်ပြပါရှိသော ဆေးဝါးများ‌ရောင်းချမှုရှိစေရေး ကွင်းဆင်းစစ်ဆေးခဲ့ ကြောင်း သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်အတွက်လိုအပ်သောဆန်များကို ဧရာဝတီတိုင်းမှ အဓိ ကမှာယူလျှက်ရှိပြီး ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်မှ သယ်ဆောင် လာသော MV အောင်တက်တိုးရေယာဉ်ဖြင့် ဆန်တန် (၄၅၀)၊ အိတ်ရေ (၉၀၀၀)နှင့် MV မြမြမွန် ရေယာဉ်ဖြင့် ဆန်တန် (၄၇၅)၊ အိတ်ရေ (၉၅၀၀)တို့သည် (၁၁.၈.၂၀၂၅) ရက်နေ့တွင် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

     အဆိုပါဆန်လှေများကို မြိတ်ခရိုင်စားသုံးသူရေးရာဦးစီးဌာနနှင့်အတူ အကောက်ခွန်ဦးစီးဌာ န၊ လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန၊ ကုန်သွယ်ရေးဦးစီးဌာနနှင့် ရဲတပ်ဖွဲ့တို့မှ ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (တနင်္သာရီ)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ် တာဝန် ခံရုံးအနေဖြင့်  စားသုံးသူပြည်သူများ ဘေးအန္တရာယ် ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှု ရှိစေ ရေးအတွက် ဈေးကွက်စောင့်ကြည့် စစ်ဆေးခြင်းများကို ဆောင်ရွက်လျက်ရှိရာ ၂၀၂၅ ခုနှစ်၊ ဩဂုတ်လ (၁၂)ရက်နေ့ နံနက်(၀၉;၃၀)နာရီ အချိန်တွင် ကျွန်းလှမြို့၊ ပိတောက်မြိုင်ရပ်ကွက်အတွင်းရှိ  ကုန်မျိုးစုံ ရောင်းဝယ်ရေးဆိုင်များအား ကျွန်းလှမြို့နယ်တာဝန်ခံ ဒေါ်ဝေဝေအောင် ဦးဆောင်သည် မိတ်ဖက်ဌာနဆိုင်ရာ များဖြစ်သည့် မြို့နယ် ထွေ/အုပ်၊ မြန်မာနိုင်ငံရဲတပ်ဖွဲ့၊ မြို့နယ်ကျန်းမာရေး နှင့် မြို့နယ်စည်ပင်သာယာရေး အဖွဲ့တို့ ပူးပေါင်း၍ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။

         ထိုသို့ ဈေးကွက်စောင့်ကြည့်စစ်ဆေးခြင်းဆောင်ရွက်သည့် သစ်ရာမြိုင်ဈေးအတွင်းရှိဈေးဆိုင်များတွင် ရောင်းချနေသော စည်သွတ်အစားအစာဘူးများနှင့် အခြားကုန်ပစ္စည်းများတွင် ကုန်အညွှန်းအမှတ် အသား ဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) နှင့်အညီ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသားဖော်ပြရမည့် အသေးစိတ် စိစစ်ချက်များအတိုင်း ပြည့်စုံစွာထည့်သွင်ဖော်ပြထားခြင်း ရှိ/မရှိ နှင့် သက်တမ်းလွန် ကုန်စည်များ ရောင်းချ နေခြင်း ရှိ/မရှိ တို့အား လစဉ် လျာထားချက်များ သတ်မှတ်ထားသည်ထက် ကျော်လွန်အောင် ဈေးကွက် စောင့်ကြည့် စစ်ဆေးခြင်းများကို စဉ်ဆက်မပြတ် ဆောင်ရွက်လျက်ရှိပါသည်။ ဈေးကွက်စောင့်ကြည့် စစ်ဆေး ခြင်း ဆောင်ရွက်သည့် သစ်ရာမြိုင်ဈေးအတွင်းရှိဈေးဆိုင်များတွင် ရောင်းချနေသော စည်သွတ်အစားအစာ ဘူးများ နှင့် အခြားကုန် ပစ္စည်းများတွင် ကုန်အညွှန်းအမှတ်အသားများကို မြန်မာ ဘာသာဖြင့် ကုန်အညွှန်း အမှတ်အသားဖော်ပြရမည့် အသေးစိတ်စိစစ်ချက်များအတိုင်း ပြည့်စုံစွာထည့်သွင် ဖော်ပြထားသည်ကို တွေ့ရှိရပြီး သက်တမ်းလွန် ကုန်စည်များ ရောင်းချနေခြင်း မရှိသည်ကို စစ်ဆေး တွေ့ရှိရပါည်။  

       ကုန်မျိုးစုံရောင်းချသည့် စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏ လိုက်နာဆောင်ရွက်ရမည့် တာဝန်များကို သိရှိနားလည်ထားရန်လိုကြောင်း ၊ ထုန်ကုန် လုံခြုံ စိတ်ချရမှုရှိပြီး ကုန်အညွှန်းအမှတ်အသား ပြည့်စုံသော၊ သက်ဆိုင်ရာဌာန၏ ထောက်ခံချက် ပါရှိသော ကုန်စည်များကိုသာ ရောင်းချရန် အသိပညာပေးခဲ့ပြီး မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) ကုန်အညွှန်းအမှတ်အသား အသေးစိတ် စိစစ်ချက်များပါရှိသော လက်ကမ်း စာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)