သတင်းနှင့် လှုပ်ရှားမှုများ

     မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ၂၀၂၅ ခုနှစ်၊ ဇွန်လ(၄)ရက်နေ့၊ နံနက် ၀၈:၀၀ နာရီအချိန်တွင် မြို့မစည်ပင်သာယာဈေးတွင်းရှိ အချိုရည်ဆိုင်များနှင့် ကမ္ပဝတီရပ်ကွက်ရှိ ရွှေဈေးတို့၌ မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့တို့ပူးပေါင်း၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြပါသည်။

   အဆိုပါဈေးကွက်စောင့်ကြည့်စစ်ဆေးရေးအဖွဲ့သည် ထိုင်းဘာသာဖြင့် ကုန်အညွှန်းအမှတ် အသားဖော်ပြထားသည့် Sprite အမှတ်တံဆိပ် အချိုရည်ဘူးများ ရောင်းချခြင်းရှိ/မရှိနှင့် အဆိုပါ  Sprite အချိုရည်ဘူးများသည် အစားအသောက်နှင့်ဆေးဝါးကွပ်ကဲရေးဦးစီးဌာန(FDA)တွင် မှတ်ပုံတင်ထားခြင်းရှိ/မရှိနှင့် မြန်မာဘာသာဖြင့် ကုန်အညွှန်းအမှတ်အသား ဖော်ပြထားခြင်းရှိ/မရှိတို့ကို စစ်ဆေးခဲ့ကြပြီးနောက် ၎င်းစီးပွားရေးလုပ်ငန်းရှင်များအား ရောင်းချလျက်ရှိသော ကုန်စည်များကို စားသုံးသူကာကွယ် ဥပဒေပါ အခန်း(၁၈) ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ စီးပွားရေးလုပ်ငန်းရှင်များ လိုက်နာရမည့် ကုန်စည်အမျိုးအစားအလိုက် ကုန်စည်၏တံဆိပ် အမှတ်အသား၊ အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲ၊  ကုန်ကြမ်းပစ္စည်းအမျိုးအမည်နှင့်ပါဝင် မှုနှုန်းအချိုးအစား၊ ထုတ်လုပ်သည့်အမှတ်စဉ်၊ ကျန်းမာရေး ဆိုင်ရာဘေးထွက်ဆိုးကျိုး(သို့မဟုတ်) ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်၊ သက်ဆိုင်ရာဌာနများမှ ဖော်ပြရန်သတ်မှတ်ထားသောအချက်များနှင့်ု ကိုက်ညီမှုရှိသော ကုန်စည်များကိုသာ ဆက်လက်ရောင်းချရန်၊ စီးပွားရေးလုပ်ငန်းရှင်များ၏တာဝန်များ၊ တားမြစ် ချက်များအားလိုက်နာကြရန်နှင့် ကုန်စည်များနှင့်စပ်လျဉ်း၍ အာမခံချက်၊ သတ်မှတ်ချက်နှင့် ပြည့်စုံမှန်ကန်သော သတင်းအချက်အလက်များကို အချိန်နှင့် တပြေးညီ ထုတ်ပြန်စေရေး၊ ဥပဒေ၊ အမိန့်၊ ညွှန်ကြားချက်များအညီ ရောင်းချကြရန် ဆွေးနွေးမှာကြားခဲ့ပြီးနောက် နံနက်(၁၀:၀၀)နာရီ တွင် ကွင်းဆင်းဆောင်ရွက်မှု ပြီးစီးကြောင်း သိရသည်။

DOCA(မန္တလေး)

   ၄.၆.၂၀၂၅ ရက်နေ့၊ နေ.လယ်(၁၃:၀၀)နာရီအချိန်တွင် စားသုံးသူရေးရာဦးစီးဌာန၊ ရန်ကုန် အရှေ့ပိုင်းခရိုင်ဦးစီးမှူးရုံးမှ ဒေါ်မိုးမိုးကြည်(စစ်ဆေးရေးမှူး)နှင့် ဝန်ထမ်းများသည် ဦးစားပေးကုန် စည်များတွင် တစ်မျိုးအပါအဝင်ဖြစ်သော ရောနှောဆီများအား ဈေးစည်ပင် သာယာရေးအဖွဲ့ တို့နှင့်ပူးပေါင်း၍ သာကေတမြို့နယ်၊ အမှတ်(၁)ဈေးအတွင်းရှိ စားသုံးဆီ အမျိုးမျိုး လက်လီ/ လက်ကား ရောင်းချသည့် ကုန်စုံဆိုင်များအား စစ်ဆေးဆောင်ရွက်ခဲ့ပါသည်။

    အဆိုပါ ရောနှောဆီများအား စစ်ဆေးရာတွင် သတ်မှတ်ညွှန်ကြားချက် အချိုးအစား များနှင့် ကိုက်ညီမှုရှိသော စားသုံးဆီများကိုသာရောင်းချခြင်းရှိ/မရှိ၊ ကုန်အညွှန်းအမှတ်အသား ပြည့်စုံစွာ ဖော်ပြပါရှိသောစားသုံးဆီများရှိ/မရှိ စစ်ဆေးခဲ့ကြရာ စျေးကွက်အတွင်း ရောင်းချ နေသောဆီများသည် ကုန်အညွှန်းအမှတ်အသားပြည့်စုံစွာဖော်ပြပါရှိပြီး သက်ဆိုင်ရာဌာနများ၏ ထောက်ခံချက် များပါရှိသည်ကို စစ်ဆေးတွေ့ရှိခဲ့ကြောင်း  သိရှိရပါသည်။

DOCA(ရန်ကုန်)

   (၃.၆.၂၀၂၅)ရက်နေ့ နံနက်(၁၀:၂၀)အချိန်တွင် စားသုံးသူရေးရာဉီးစီးဌာန၊ မြောက်ပိုင်း ခရိုင် ဉီးစီးမှူးရုံး၊ မှော်ဘီမြို့နယ်ခွဲတာဝန်ခံ ဒေါ်ဖြူဖြူမြင့်၊ ဒုကြီးကြပ်ရေးမှူးပါ(၂)ဉီးတို့သည် မှော်ဘီမြို့နယ်၊ တပ်ကြီးကုန်းကျေးရွာရှိ စတိုးဆိုင်များတွင် Sprite အချိုရည်ရောင်းချ နေခြင်းအား ကွင်းဆင်း စစ်ဆေးခြင်းများ ဆောင်ရွက်ခဲ့ပါသည်။

    ထိုသို့ဆောင်ရွက်ခဲ့ရာတွင် ဗောဓိကုန်းရပ်ကွက်ရှိ စတိုးဆိုင်များနှင့် မြို့မဈေးအတွင်းရှိ မုန့်မျိုး စုံဆိုင်များတွင် ထိုင်းဘာသာဖြင့် ကုန်အညွှန်းအမှတ်အသားများဖော်ပြထားသည့် အစိမ်းရောင် Sprite ဗူးများကို မတွေ့ရှိရပဲ အကြည်ရောင်ဗူးများဖြင့် ထောက်ခံချက်များ၊ မြန်မာလိုကုန်အညွှန်းအမှတ် အသားပါရှိသော Sprite အချိုရည်များကိုသာ ဈေးကွက်အတွင်း တွေ့ရှိရပါသည်။ ရောင်းချနေသော စီးပွားရေးလုပ်ငန်းရှင်များအားလည်း ထောက်ခံချက် မပါသော ကုန်အညွှန်းအမှတ်အသားများ မပြည့်စုံသော ကုန်ပစ္စည်းများရောင်းချခြင်းမပြုရန် အသိပညာပေးပြောကြားခဲ့ကြောင်း သိရှိရ ပါသည်။

 DOCA (ရန်ကုန်)

             ၂၀၂၅ ခုနှစ်၊ ဇွန်လ ၄ ရက်နေ့၊ နေလယ် (၁၅:၃၀) နာရီအချိန်၌ စားသုံးသူရေးရာဦးစီးဌာန၊ မြင်းခြံခရိုင် ဦးစီးမှူးရုံးတွင် ခရိုင်ဦးစီးမှူး ဦးသန်းစိုးနှင့် မြင်းခြံမြိလက်ကား အရောင်းဆိုင်လုပ်ငန်းရှင်များ တွေ့ဆုံဆွေးနွေးပွဲအခမ်းအနား ကျင်းပခဲ့ကြောင်းသိရှိရသည်။

          ခရိုင်ဦးစီးမှူးက ဆွေးနွေးပြောကြားရာတွင် စားအုန်းဆီလက်လီလက်ကားအရောင်းဆိုင် လုပ်ငန်းရှင်များအနေဖြင့် မိမိတို့ရောင်းချရမည့် စားအုန်းဆီများကို သတ်မှတ်ကာလအတွင်း သတ်မှတ်ပမာဏအတိုင်း အပြည့်အဝရောင်းချစေလိုကြောင်း၊ အိမ်ထောင်စုတစ်စုလျှင် အနည်းဆုံး စားအုန်းဆီ(၂)ပိဿာ ရောင်းချပေးရမည်ဖြစ်ပါကြောင်း၊ ရောင်းချသည့် လက်လီဆိုင်တိုင်းတွင် ရောင်းချမှုမှတ်တမ်းထားရှိရမည်ဖြစ်ပါကြောင်း၊ အများပြည်သူလက်ဝယ်သို့ အမှန်တကယ်ရောက်ရှိ ရေး ဝိုင်းဝန်းကူညီ ဆောင်ရွက်သွားကြရမည်ဖြစ်ပါကြောင်း၊ ရောင်းချသည့်ဈေးနှုန်း မှန်ကန်ရေး၊ ရောင်းချသည့်ဆီအရည်အသွေး မှန်ကန်ရေး၊ ရောင်းချသည့်အလေးချိန်အချင်အတွယ် မှန်ကန်ရေး၊ ရောင်းချရမည့်အရေအတွက် မှန်ကန်ရေးတို့ကို အထူးအလေးထားဆောင်ရွက်သွားရမည်ဖြစ်ပါ ကြောင်း၊ စားသုံးသူရေးရာဦးစီးဌာနအနေဖြင့် အများပြည်သူသို့ စားအုန်းဆီများရောင်းချနေမှု လုပ်ငန်းစဉ်တစ်လျှောက် လုပ်ထုံးလုပ်နည်း၊ ညွှန်ကြားချက်များနှင့်အညီ တိတိကျကျလုပ်ကိုင် ဆောင်ရွက်နိုင်စေရန် စဉ်ဆက်မပြတ် ကြပ်မတ်ဆောင်ရွက်လျက်ရှိပါကြောင်း၊ လက်လီလက်ကား အရောင်းဆိုင်လုပ်ငန်းရှင်များအနေဖြင့် အခက်အခဲများရှိပါက တင်ပြရန်နှင့် တင်ပြလာပါက စည်းမျဉ်းစည်းကမ်း၊ လုပ်ထုံးလုပ်နည်း၊ ညွှန်ကြားချက်များနှင့်အညီ အစွမ်းကုန် ကူညီဖြေရှင်း ဆောင်ရွက်ပေးသွားမည်ဖြစ်ပါကြောင်း ဆွေးနွေးပြောကြားခဲ့ကြောင်း သိရှိရသည်။

          ဆွေးနွေးပွဲသို့တက်ရောက်လာသည့် စားအုန်းဆီလက်လီလက်ကားအရောင်းဆိုင်လုပ်ငန်းရှင်များမှ သိရှိလိုသည်များ ဆွေးနွေးမေးမြန်းရာ ခရိုင်ဦးစီးမှူးမှ ပြန်လည်ဖြေကြားဆွေးနွေးခဲ့ပြီး စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးနှင့် စားအုန်းဆီလက်လီလက်ကားအရောင်းဆိုင် လုပ်ငန်းရှင်များ တွေ့ဆုံဆွေးနွေးပွဲအခမ်းအနားကို (၁၆:၃၀)တွင် အောင်မြင်စွာ ရုပ်သိမ်းခဲ့ကြောင်း သိရှိရပါသည်။

DOCA(မန္တလေး)

   စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဒေါ်နီလာဉီး၊ ဉီးစီးမှူးပါ ဝန်ထမ်းများသည် (၂.၆.၂၀၂၅)ရက်နေ့ နေ့လည်(၁:၂၀)အချိန်မှစ၍ အင်းစိန်မြို့နယ်၊ ဖော့ကန် ပဒေသာဈေးတွင် Sprite အချိုရည်များ ရောင်းချနေခြင်းအား ကွင်းဆင်းစစ်ဆေးခဲ့ပါသည်။

   ထိုသို့စစ်ဆေးခဲ့ရာတွင် ဒေါ်သင်းသင်းဝါ၊ ဈေးတာဝန်ခံ(၄)မှ ပူးပေါင်းပါဝင်လျက် ရုံ(ခ)၊ အခန်း (၁၄၉)ရှိ ဉီးချစ်ထွေးကုန်စုံဆိုင်တွင် အစိမ်းရောင် Sprite အချိုရည်များအား ရောင်းချနေခြင်းမရှိဘဲ အကြည်ရောင် Sprite အချိုရည်များသာ ရောင်းချကြောင်း စစ်ဆေးတွေ့ရှိရပြီး စားသုံးသူကာကွယ် ရေးဥပဒေပါအခန်း(၁၈)တွင် ဖော်ပြရမည့်အချက်များ ဖြစ်သော ကုန်အညွှန်းအမှတ်အသားများကို လည်း ပြည့်စုံစွာဖော်ပြထားကြောင်း စစ်ဆေးတွေ့ရှိ ရပြီး မိမိတို့ဌာနမှလည်း ထောက်ခံချက်မရှိသော ကုန်အညွှန်းအမှတ်အသားမပြည့်စုံသော ကုန်ပစ္စည်းများ ရောင်းချခြင်းမပြုရန် စစ်ဆေးတွေ့ရှိရပါက အရေးယူဆောင်ရွက် သွားမည် ဖြစ်ကြောင်း ပြောခဲ့သည်များကို ကွင်းဆင်းစစ်ဆေးချက်အရ သိရှိရပါသည်။

 DOCA (ရန်ကုန်)