သတင်းနှင့် လှုပ်ရှားမှုများ

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်လဲ့လဲ့စိုး၊ ဒုဦးစီးမှူးပါ (၃) ဦး တို့သည် (၈.၈.၂၀၂၅) ရက်နေ့ နေ့လည် (၃:၀၀) နာရီအချိန်တွင် လှိုင်သာယာမြို့နယ်ရှိ စက်မှုဇုန် လုပ်ငန်းရှင်များ၏ လယ်ယာထွက်ကုန်ပစ္စည်း၊ တိရစ္ဆာန်ထွက်ပစ္စည်း၊ ရေထွက်ပစ္စည်း၊ သတ္ထု တွင်းထွက်ပစ္စည်း၊ သစ်တောထွက်ပစ္စည်းနှင့် စက်မှုကုန်ချောပစ္စည်းများ၏ (၂၀၂၄-၂၀၂၅) ဘဏ္ဍာ နှစ်ပြည်ပသို့ ပို့ကုန်တင်ပို့နိုင်မှုအား စာရင်းကောက်ယူကွင်းဆင်းခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းဆောင်ရွက်ရာတွင် အမှတ်(၃၉)၊ ဆိပ်ကမ်းသာလမ်း၊ ရွှေလင်ပန်းစက်မှု ဇုန်၊ လှိုင်သာယာမြို့နယ်ရှိ Green Indo Myanmar Co.,Ltd မှ တာဝန်ခံနှင့်တွေ့ဆုံကာ လယ်ယာထွက်ပစ္စည်းများဖြစ်သည့် ထုတ်ကုန်အမယ် ဆန်၊ ဆန်ကွဲတို့၏ တစ်နှစ်ထုတ်လုပ်နိုင်သည့် ပမာဏ၊ ပြည်ပသို့ တင်ပို့နိုင်သည့်တန်ချိန်၊ တန်ဖိုး၊ တင်ပို့သည့်နိုင်ငံတို့ကို မေးမြန်း၍ တင်ပို့မှုပုံစံ သည် ပင်လယ်ရေကြောင်းမှ ကိုယ်တိုင်တင်ပို့ပါကြောင်း သိရှိရပါသည်။

DOCA (ရန်ကုန်)

    ကျောက်ဆည်ခရိုင်စားသုံးသူရေးရာဦးစီးဌာနသည်ကုန်စည်နှင့်ဝန်ဆောင်မှုများဘေးအန္တရာယ် ကင်းရှင်းစေရေး ၊ ထုတ်ကုန်များလုံခြုံစိတ်ချရမှုရှိစေရေးအတွက် သြဂုတ်လ(၁၂) ရက် နေ့တွင် မြစ်သားမြို့၊ မြန်မာ့ဆက်သွယ်ရေးလုပ်ငန်း ၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ မြစ်သားမြို့နယ်၊ကူမဲမြို့ရှိ T-Link FTTH Kume အင်တာနက် ဆက်သွယ်ရေး ဝန်ဆောင်မှုလုပ်ငန်းအားသွားရောက်ပြီးစျေးကွက်စောင့်ကြည့်စစ်ဆေးခဲ့ပါသည်။                               

    ထိုသို့ စစ်ဆေးရာတွင်ကျောက်ဆည်ခရိုင်၊ စားသုံးသူရေးရာဦးစီးဌာနမှ ဦး‌ဇော်မင်းလတ် (ဒု-ခရိုင်ဦးစီးမှူး)က ရှင်းလင်း ပြောကြားရာတွင် နည်းပညာခေတ်တွင် အင်တာနက်သည် ပညာရေး၊စီးပွားရေးနှင့်ဆက်သွယ်ရေးကဏ္ဍအားလုံအတွက် အရေးကြီးဆုံးသော အင်တာနက် ဝန်ဆောင်မှုတစ်ရပ်အနေဖြင့် ပါဝင်ပါကြောင်း၊စားသုံးသူများ ၏နေ့စဉ်လူမှုဘဝကိစ္စရပ်များ အဆင်ပြေချောမွေ့စေရေး ၊ အင်တာနက်လိုင်းများ မကြာခဏ ပြတ်တောက်ခြင်းများ ၊ အင်တာနတ်သုံးစွဲမှုနှင့်ပတ်သက်၍ သက်ဆိုင်ရာ ကုမ္ပဏီများသို့ သုံးစွဲသူ ပြည်သူများမှ အကြိမ်ကြိမ်ဆက်သွယ်ပြောဆိုခဲ့သော်လည်း စားသုံးသူများ စိတ်ကျေနပ်မှုရရှိအောင် ဆောင်ရွက် ပေးနိုင်မှုမရှိခြင်းကိစ္စရပ်များ မဖြစ်ပေါ်စေရန်လိုအပ်ကြောင်း ၊ ဆက်သွယ်ရေးကုမ္ပဏီ များက ပေးအပ်သည့် အင်တာနက်ဝန်ဆောင်မှုများနှင့်ပတ်သက်၍ လိုအပ်သောသတင်းအချက် အလက်များပြည့်စုံမှန်ကန်စွာနှင့် ရှင်းလင်းကြိုတင်အသိပေးဆောင်ရွက်သွားရန်နှင့် ဝန်ဆောင်မှုကို  ကြော်ငြာရာတွင် ဝန်ဆောင်မှုစည်းမျဉ်းစည်းကမ်း(Terms and Conditions)များအား အင်္ဂလိပ် ၊ မြန်မာနှစ်ဘာသာဖြင့် ဖော်ပြထားရှိရန် ၊ ဝန်ဆောင်မှုများအပေါ် စားသုံးသူများမှ စိတ်ကျေနပ်မှု မရှိပါက အော်ပရေတာများ၏ Call Center သို့ အလွယ်တကူခေါ်ဆို၍ Complain ပြုလုပ်နိုင်စေရေး စီစဉ်ထားရှိရန် စသည့်အချက်များအား ရှင်းလင်းပြောကြားခဲ့ကြောင်း သတင်းရရှိပါသည်။

DOCA(မန္တလေး)

  စားသုံးသူရေးရာဦးစီးဌာန၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲရေးဌာနမှ ဌာနမှူး၊ ဦးသန့်စင်နှင့် မြန်မာ့ကုန်ပစ္စည်း စစ်ဆေးရေးနှင့်စမ်းသပ်မှုလုပ်ငန်း လီမီတက် (MITS)မှ လက်ထောက်မန်နေဂျာ ဦးကျော်ဇင်တို့သည် ဩဂုတ်လ ၉ ရက်နေ့က တောင်ငူခရိုင် ဖြူးမြို့ရှိ Good Brother ဆန်စက်သို့ လည်းကောင်း၊ ဩဂုတ်လ ၁၀ ရက်နေ့တွင် ရေတာရှည်မြို့ရှိ မဟာဆန်စက်သို့လည်းကောင်း စစ်ဆေးကြည့်ရှုရာ တောင်ငူခရိုင်ဦးစီးမှူး ဦးမျိုးအောင် ပူးပေါင်း ပါဝင် ဆောင်ရွက်ခဲ့ပါသည်။

         တရုတ်ပြည်သူ့သမ္မတနိုင်ငံသို့ ဆန်နှင့် ဆန်ထွက်ပစ္စည်းများတင်ပို့သည့် ကုမ္ပဏီများသည် အဆင့်မီဆန်စက်ကြီးများနှင့် စာချုပ်ချုပ်ဆို၍ ဆန်နှင့်ဆန်ထွက်ပစ္စည်းများနိုင်ရေးအတွက် The General Administration of Customs of the People’s Republic of China (GACC) မှတ်ပုံတင်လက်မှတ် လျှောက်ထားရာ စားသုံးသူရေးရာဦးစီးဌာန၊ ကုန်ပစ္စည်းစမ်းသပ်စစ်ဆေးရေး နှင့် အရည်အသွေးစီမံခန့်ခွဲရေးဌာနနှင့် မြန်မာ့ကုန်ပစ္စည်း စစ်ဆေးရေးနှင့်စမ်းသပ်မှုလုပ်ငန်း လီမီတက် (MITS)တို့ ပူးပေါင်း၍ Sanitary and Phytosanitary Protocol -  SPS Protocol ပါ သတ်မှတ် ချက်များနှင့် ကိုက်ညီမှုရှိ/မရှိကို စစ်ဆေးခြင်း ဖြစ်ပါသည်။

        စစ်ဆေးရေးအဖွဲ့သည် Sanitary and Phytosanitary Protocol -  SPS Protocol ပါ သတ်မှတ်ချက်များနှင့် ကိုက်ညီမှုရှိ/မရှိစစ်ဆေးရာတွင် ကုန်ကြမ်းနှင့်ကုန်ချောသိုလှောင်ရုံများကို စစ်ဆေးခြင်း၊ စက်ရုံအတွင်း ကုန်ကြမ်းနှင့်ကုန်ချောထားရှိမှုများကို စစ်ဆေးခြင်း၊ လုပ်သားများ ကျန်းမာရေးနှင့် တစ်ကိုယ်ရေသန့်ရှင်းရေး စစ်ဆေးခြင်းများဆောင်ရွက်ရာ ကုမ္ပဏီများမှ တာဝန်ရှိသူ များနှင့် ဆန်စက်ပိုင်ရှင်များက ရှင်းလင်းတင်ပြပါသည်။ စစ်ဆေးတွေ့ရှိချက်အပေါ် အခြေခံ၍  (GACC) မှတ်ပုံတင် လက်မှတ်ထုတ်ပေးနိုင်ရေးကို ဆက်လက်ဆောင်ရွက်သွားမည် ဖြစ်ကြောင်း သိရပါသည်။

DOCA(ပဲခူး)

  ၂၀၂၅ ခုနှစ်၊ ဩဂုတ်လ (၁၁)ရက်နေ့၊ နံနက်(၁၁:၀၀) နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူး ဦးမြင့်နောင်(ဦးစီးမှူး) ဦးဆောင်ကာ  အသေးစားစက်မှုလက်မှုလုပ်ငန်းဦးစီးဌာနနှင့် ပူးပေါင်း၍    တာချီလိတ်မြို့၊ ရန်အောင်မြေရပ်ကွက်၊ ပါလျံ(၃)ရှိ နေတံဆိပ်ဂျုံခေါက်ဆွဲလုပ်ငန်းအား ထုတ်ကုန်များလုံခြုံစိတ်ချရမှုရှိစေရန် အတွက် စစ်ဆေးခြင်းလုပ်ငန်းများဆောင်ရွက်ခဲ့ပါသည်။

   ထိုသို့စစ်ဆေးရာတွင် နေတံဆိပ်ဂျုံခေါက်ဆွဲတို့သည် စားသုံးသူကာကွယ်ရေးဥပဒေ အခန်း(၁၈)ပါ“ကုန်အညွှန်း အမှတ်အသားဖော်ပြခြင်း”နှင့် ပတ်သက်၍ ပြည့်စုံစွာ ဖော်ပြထားပြီး ထုတ်ကုန်များကိုလဲသန့်ရှင်းသပ်ရပ်စွာထုတ်လုပ်ဖြန့်ချိသည်ကို စစ်ဆေးတွေ့ရှိရ ပါသည်။ ထိုနောက် စစ်ဆေးရေးမှူးနှင့် ဌာနဆိုင်ရာတာဝန်ရှိသူများသည်လုပ်ငန်းရှင်များအား စားသုံးသူများဘေး အန္တရာယ်ကင်းရှင်းစေရေးကို အလေးထားဆောင်ရွက်ရန်၊ ကုန်ကြမ်းများ စနစ်တကျသိုလှောင်ရန်၊ သက်ဆိုင်ရာဌာနများ၏လုပ်ငန်းလိုင်စင်များပြုလုပ်ရန်နှင့် စားသုံးသူကာကွယ်ရေးဥပဒေ အခန်း(၁၀) ပါ “စီးပွားရေးလုပ်ငန်းရှင်၏တာဝန်များ” ကိုလိုက်နာဆောင်ရွက်ရန် ဆွေးနွေးခဲ့ကြပါသည်။

DOCA(ရှမ်း)

   ၂၀၂၅ ခုနှစ်၊ ဩဂုတ်လ (၁၁) ရက်နေ့၊ နံနက် (၀၉ꓽ၃၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်း များသည် ကျိုင်းတုံမြို့၊ အ.ထ.က (၄)အတွင်းရှိ ကျောင်းမုန့်ဈေးအရောင်းဆိုင်များသို့ သွားရောက်၍ ၎င်းတို့ရောင်းချနေသော စားသောက်ကုန်များတွင် မြန်မာဘာသာဖြင့် ကုန်အညွှန်းအမှတ်အသား ပြည့်စုံမှန်ကန်စွာဖော်ပြပါရှိမှု ရှိ/မရှိတို့ကို ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

  ထိုသို့ ကျောင်းမုန့်ဈေးဆိုင်များအား ကွင်းဆင်းစစ်ရေးရာတွင် ကျောင်းမုန့်ဈေးရောင်းချသူများ အနေဖြင့် ကျောင်းသား/ကျောင်းသူများ ဘေးအန္တရာယ်ကင်းရှင်းစေရန်အတွက် မိမိတို့ရောင်းချနေ သော ကုန်စည်များပေါ်တွင် ကုန်စည်အမျိုးအစားအလိုက် ကုန်အညွှန်းအမှတ်အသားများ ပြည့်စုံမှန် ကန်စွာဖော်ပြပါရှိသည့် ကုန်စည်များကိုသာရောင်းချရန်၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာဘာသာနှင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့) တစ်ခုထက်ပို၍ တွဲလျက်ဖြစ်စေ ရေးသားဖော်ပြထားသည့် ကုန်စည်နှင့် သန့်ရှင်းလတ်ဆက်သည့်ကုန်စည်များကိုသာ ရောင်းချရန် အသိပညာပေး၍ ကွင်းဆင်းစစ်ဆေးခဲ့ပါသည်။

DOCA( ရှမ်း)