သတင်းနှင့် လှုပ်ရှားမှုများ

     ၂၀၂၅ခုနှစ်၊ ဩဂုတ်လ(၁၃)ရက်နေ့ နံနက်(၁၀:၀၀)နာရီအချိန်တွင် ရွှေဘိုမြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဌမှ ဦးဆောင်၍ ခရိုင်စားသုံးသူရေးရာဦးစီးဌာန၊ ခရိုင် မီးသတ် ဦးစီးဌာန၊ခရိုင်ရဲတပ်ဖွဲ့ ပူးပေါင်းပါဝင်သော အဖွဲ့သည် ရွှေဘိုမြို့နယ် တက္ကသိုလ်လမ်းရှိ မြတ်မေတ္တာမွန် စက်သုံးဆီ အရောင်းဆိုင်သို့ သွားရောက်၍ ဆိုင်ဖွင့်လှစ်မှုအခြေအနေများကို ကွင်းဆင်း စစ်ဆေးခြင်းများ ဆောင်ရွက်ခဲ့ပါသည်။

          ကွင်းဆင်းစစ်ဆေးရာတွင် စက်သုံးဆီအရောင်းဆိုင်များ၏ ဆီ (Bowser)ယာဉ်များ ဖြန့်ခွဲ ရောက်ရှိမှု၊ စက်သုံးဆီဖြန့်ခွဲမှု ၊ လက်ကျန်အခြေအနေများနှင့် စက်သုံးဆီဆိုင်များ၏ အချိန်အတွယ်၊ အရည်အသွေး စသည့် အခြေအနေများကို စစ်ဆေးမေးမြန်းဆောင်ရွက်ခဲ့ပြီး၊ ခရိုင်မီးသတ်ဦးစီးဌာနမှ လည်း စက်သုံးဆီဆိုင်များ မီးဘေးအန္တရာယ် ကင်းရှင်းစေရေးအတွက် လိုအပ်သည်များကို အသိ ပညာပေး ဆောင်ရွက်ခဲ့ကြောင်း သိရှိရပါသည်။

DOCA (စစ်ကိုင်း)

           စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ မှော်ဘီခရိုင်၊ မှော်ဘီမြို့နယ်ခွဲရုံး ဒေါ်ဖြူဖြူမြင့်၊ ဒုကြီးကြပ်ရေးမှူးသည် ၂၀၂၅ ခုနှစ်၊ ဩဂုတ်လ ၁၀ ရက် ညနေ (၅:၃၀) အချိန်တွင် အောင်ဦးသာကုမ္ပဏီမှ ခွဲတမ်းရစားသုံးဆီ (၄၉) လုံး ရောက်ရှိမှုအား ကွင်းဆင်းစစ်ဆေးခဲ့ ကြောင်းသိရှိရပါ သည်။

          ထိုသို့ကွင်းဆင်းစစ်ဆေးခဲ့ရာတွင် မှော်ဘီမြို့နယ် ဆီကိုယ်စားလှယ်က ခွဲတမ်းရရှိလာသော စားအုန်းဆီများကို ရည်ညွှန်းဈေး၊ သယ်ယူပို့ဆောင်ခကုန်ကျစရိတ်နှင့် ၂% အမြတ်တို့ဖြင့် လက်လီ/ လက်ကားဆိုင်များသို့ ခွဲဝေရောင်းချပေးသွားမည်ဖြစ်ကြောင်း၊ လက်လီ/လက်ကားဆိုင် များမှ စားသုံး သူပြည်သူများသို့ ၂% အမြတ်ဖြင့် ပြန်လည်ရောင်းချပေးသွားမည်ဖြစ်ကြောင်း စားအုန်းဆီခွဲတမ်းရရှိသော လက်လီ/လက်ကားကိုယ်စားလှယ်ထံမှ သိရှိရပါသည်။

DOCA (ရန်ကုန်)

   ပဲခူးတိုင်းဒေသကြီး၊သာယာဝတီခရိုင်၊ကြို့ပင်ကောက်မြို့နယ် ဥက္ကံကျေးရွာ ဘုန်းတော်ကြီး ကျောင်းတွင် သာယာဝတီခရိုင် အသေးစားစက်မှု့လက်မှု့လုပ်ငန်း ဦးစီးဌာနမှဖွင့်လှစ်သော လူသုံး ကုန်ထုတ်လုပ်မှု့နည်းပညာ (ဝင်ငွေတိုး) သင်တန်းကို (၈.၈.၂၀၂၅) ရက်နေ့တွင် စတင်ဖွင့်လှစ်ခဲ့ရာ မြို့နယ်စီမံ အုပ်ချုပ်ရေးအဖွဲ့ ဥက္ကဌဦးအောင်ကျော်ဇေယျနှင့် ဌာနဆိုင်ရာမှတာဝန်ရှိသူများ တက်ရောက်ခဲ့ပါသည်။

        လူသုံးကုန်ထုတ်လုပ်မှု့နည်းပညာသင်တန်းများအား ကျေးလက်နေပြည်သူများမိသားစုဝင်ငွေ တိုးစီမံကိန်းအဖြစ် ရည်ရွယ်၍ ဆောင်ရွက်ရခြင်းဖြစ်ကြောင်း သင်တန်းတွင်သင်တန်းသား ၁၅ဦးအား အိမ်တွင်းမှူ့ဆပ်ပြာပြုလုပ်သည့်လုပ်ငန်း ၁၂ မျိုးအား သင်ကြားပေးသွားမည်ဖြစ်ကြောင်း သင်တန်းမှ သင်တန်းသား(၅)ဦးအား ရွေးချယ်၍ တစ်ဦးလျှင်ငွေကျပ် (၁၄)သိန်းတန်ဖိုးရှိသော လုပ်ငန်းသုံးပစ္စည်း များ ထောက်ပံ့ပေးသွားမည်ဖြစ်ပြီး ကုန်ကြမ်းဝယ်ယူရန် ငွေကျပ်နှစ်သိန်းပါပံ့ပိုးပေးသွားမည် ဖြစ် ကြောင်းအိမ်တွင်းမှူ့ထုတ်ကုန်များကိုလည်း အသေးစားစက်မှူ့၊လက်မှူ့လုပ်ငန်းဦးစီးဌာနမှလုပ်ငန်း လုပ်ကိုင်ခွင့်မှတ်ပုံတင်ရရှိသည့်အထိ ကူညီဆောင်ရွက်ပေးသွားမည်ဖြစ်ကြောင်း သာယာဝတီခရိုင် အသေးစားစက်မှူ့၊လက်မှူ့လုပ်ငန်း ဦးစီးဌာနမှ ခရိုင်ဦးစီးမှူးဦးငြိမ်းမြင့်ဇော်က ပြောပါသည်။

      အဆိုပါသင်တန်းကို (၇)ရက်ဖွင့်လှစ်မှာဖြစ်ပြီး စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ရီရီရှိန်မှလည်း တက်ရောက်လာသော သင်တန်းသူ၊သင်တန်းသားများ၊သင်တန်းဆရာ၊ဆရာမများ ဌာနဆိုင်ရာများ၊ အမျိုးသမီးရေးရာအဖွဲ့၊ ကျေးရွာနေတာဝန်ရှိသူများ စုစုပေါင်း (၆၅)ဦးအား စားသုံးသူကာကွယ်ရေး ဥပဒေပါကုန်စည်ထုတ်လုပ်ရာတွင် ကုန်အညွှန်းအမှတ်အသား ပြည့်စုံစွာရှိ စေရေးအကြောင်းအား အသိပညာပေးဟောပြောခဲ့ပါသည်။

DOCA(ပဲခူး)

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄) ဦးတို့သည် (၁၁.၈.၂၀၂၅) ရက်နေ့ နံနက် (၁၁:၃၀) နာရီအချိန်တွင် အမှတ် (၃၄၀) ၊ ဗေဒါလမ်း၊ ပုလဲ (၂) ၊ မင်္ဂလာဒုံမြို့နယ်ရှိ Organic Green Tea Co.,Ltd သို့ ပြည်ပသို့ တင်သွင်းသည့် ပို့ကုန်အမယ် စာရင်းများနှင့်ပတ်သက်၍ စာရင်းကောက်ယူခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့စာရင်းကောက်ယူခဲ့ရာတွင် Organic Green Tea Co.,Ltd ၏ မန်နေဂျင်းဒါရိုက်တာ ဖြစ်သူ ဒေါ်နေခြည်မြတ်ထွန်းက မိမိတို့ကုမ္ပဏီမှ (၂၀၂၄-၂၀၂၅) ဘဏ္ဍာနှစ် ပြည်ပသို့ပို့ကုန် ဖြစ်သည့် လက်ဖက်ခြောက်၊ လက်ဖက်၊ လက်ဖက်အကြော်နှင့်ဂျင်းတို့ကို၏ တစ်နှစ်ထုတ်လုပ် သည့်ပမာဏ၊ လုပ်ငန်းအမည်၊ တန်ချိန်၊ တန်ဖိုးတို့အား တွက်ချက်၍ Export တင်ပို့သည့် နိုင်ငံများမှာ ဂျာမဏီနှင့် ယူကေနိုင်ငံတို့ဖြစ်ပြီး ပင်လယ်ရေကြောင်းမှ ကိုယ်တိုင်တင်ပို့လျက်ရှိကြောင်း သိရှိရပါသည်။

DOCA (ရန်ကုန်)

          (၁၁.၈.၂၀၂၅) ရက်နေ့ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အမှတ် (၄၇၅)၊ လှိုင်မြစ်လမ်း၊ ကမ်းနားအလယ်ရပ်ကွက်၊ အင်းစိန်မြို့နယ်ရှိ  Nway & Htwe Co.,Ltd သို့ ပြည်ပပို့ကုန်တင်ပို့မှုအခြေအနေများ သိရှိနိုင်ရန် မြေပြင်ကွင်းဆင်းစာရင်းကောက်ယူခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ မြေပြင်ကွင်းဆင်းကောက်ယူရာတွင် Nway & Htwe Co.,Ltd မှ တာဝန်ခံနှင့် တွေ့ဆုံ၍ ၂၀၂၄-၂၀၂၅ ဘဏ္ဍာနှစ်၊ ပြည်ပသို့ ပို့ကုန်တင်ပို့မှုများနှင့်စပ်လျဉ်း၍ စားသုံးသူရေးရာ ဦးစီးဌာနမှ Export တင်ပို့သည့်ကုမ္ပဏီများအား ကွင်းဆင်းမေးမြန်းစာရင်းကောက်ယူလျက်ရှိရာမှ Nway & Htwe Co.,Ltd တွင် Myanmar Beer ကို ပြည်ပသို့ နယ်စပ်မှ ဖက်စပ်တင်ပို့လျက်ရှိကြောင်း၊ တစ်နှစ်ထုတ်လုပ်မှု၊ တစ်နှစ်တင်ပို့မှုတန်ချိန်၊ တင်ပို့မှုတန်ဖိုး၊ တင်ပို့သည့်နိုင်ငံတို့ကို မေးမြန်းခဲ့ကြောင်း သိရှိရပါသည်။

DOCA (ရန်ကုန်)