သတင်းနှင့် လှုပ်ရှားမှုများ

(၄.၂.၂၀၂၅) ရက်နေ့ နေ့လည် (၁၃၀၀)မှ (၁၃၅၅)အချိန်ထိ ညောင်တုန်း မြို့နယ် အခြေခံပညာ အထက်တန်း ကျောင်း အ.ထ.က -၂ သင်တန်းခန်းမတွင် မြို့နယ်အဆင့် အထက် တန်းပြကျောင်းအုပ် ဆရာ/ ဆရာမများကို စားသုံးသူကာကွယ်ရေးဥပဒေပါ ကုန်အညွှန်း အမှတ်အသားဖော်ပြခြင်းဆိုင်ရာ သတ်မှတ်အချက် သိကောင်း စရာများကို သင်ကြား ပို့ချခဲ့သည်။

သင်တန်းတွင် စားသုံးသူရေးရာဦးစီးဌာန ညောင်တုန်းမြို့နယ်ဦးစီးမှူး  ဦးအောင်လွင်က အ.ထ.က-၂ ကျောင်း ခန်းမတွင် သင်တန်းပို့ချရာ စီးပွားရေးနှင့် ကူးသန်းဝန်ကြီးဌာန လက်အောက် တွင်ရှိသော ဦးစီးဌာန တစ်ခုဖြစ်ပြီး စားသုံးသူများအတွက် ကုန်စည်/ဝန်ဆောင်မှု များနှင့် ပတ်သက်၍ လုံခြုံစိတ်ချရ မှုရှိစေရန်စားသုံးသူအကာအကွယ် ပေးရေးလုပ်ငန်းများကို အဓိက ဆောင်ရွက်ပေး နေသော ဌာနတစ်ခု ဖြစ်ပါကြောင်း၊ စားသုံးသူကာကွယ်ရေး လုပ်ငန်းအား ၉/၂၀၁၉ စားသုံးသူ ကာကွယ်ရေး ဥပဒေပြဌာန်းချက်များနှင့် အညီ အကောင်အထည်ဖေါ် ဆောင်ရွက် လျှက်ရှိပါကြောင်း၊ စားသုံးသူအခွင့်အရေး(၈)ချက်၊ စားသုံးသူများ၏တာဝန်များ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍  ကုန်စည်အမျိုးအစားအလိုက် သတ်မှတ် ချက်များအကြောင်း၊ တိုင်ကြားခြင်းနှင့် ဖြေရှင်းဆောင်ရွက်ခြင်း၊ အရေးယူဆောင် ရွက်ခြင်း အချက်များကို ပို့ချခဲ့ပြီး စားသုံးသူကာကွယ်ရေးလုပ်ငန်းစဉ်နှင့် စားသုံးသူအခွင့် အရေးနစ်နာမှု ရှိလာပါက Consumer Call Centre – 1535 သို့ဖြစ်စေ ဆက်သွယ်စုံစမ်းနိုင်ပါကြောင်းကို သင်ကြားပို့ချ ခဲ့ပြီး ဆရာ/ဆရာမ (၅၇)ဦးတက်ရောက်ခဲ့ကြောင်း သိရပါသည်။

DOCA (ဧရာဝတီ)

(၅.၂.၂၀၂၅) ရက်နေ့ နံနက် (၁၀:၀၀)နာရီမှ (၁၁:၃၀) နာရီအချိန်ထိ အမှတ်(၂) အခြေခံပညာ မူလတန်းကျောင်း၊အ.မ.က(တောင်ပိုင်း)၊ဓနုဖြူမြို့နယ် ကျောင်းတွင် ကျောင်းသား/ကျောင်းသူ-၂၄၀ဦးနှင့် ဆရာ/ဆရာမ- (၅)ဦး တို့အား စားသုံးသူကာကွယ်ရေး သိကောင်းစရာများအကြောင်းကို မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့်အတူ အသိပညာပေးဟောပြောခဲ့ကြသည်။

အဆိုပါဟောပြောပွဲတွင် ကျောင်းအုပ်ဆရာမက အဖွင့်အမှားစကားပြောကြားခဲ့ပြီး ဓနုဖြူမြို့ နယ် စားသုံးသူရေးရာဦးစီးဌာနက ဦးခိုင်လွမ်း အငယ်တန်းစာရေးက ကျောင်းသူကျောင်းသူများကို စားသုံးသူ အခွင့်အရေး ဦးစားပေး သိရှိဖို့ကို ရှင်းလင်းခြင်း၊ စားသုံးသူအခွင့်အရေးနှင့် တာဝန်များအကြောင်း ရှင်းလင်းပြောကြားခြင်း၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုး အစား အလိုက် သတ်မှတ်ချက် အကြောင်းအရာများ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား ရှင်းလင်းပြောကြားခဲ့ပြီး ကုန်စည်များကို ကုန်အညွှန်းအမှတ်အသားဖော်ပြချက်များနှင့် ရွေးချယ် တက်စေရန် ဥပမာ ပေးမုန့်ထုတ်များနှင့်အတူ ကျောင်းသူ/သူများကို ရွေးချယ်စေခဲ့ပြီး ဆုပေးစနစ် ဖြင့် ကလေးများကို ဆုလက်ဆောင်ပေးအပ်ခဲ့ကြောင်း သတင်းရရှိပါသည်။

DOCA (ဧရာဝတီ)

       မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်၊ မြို့နယ်စားသုံး သူရေးရာဦးစီးဌာနနှင့် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ စားသုံးသူကာကွယ်ရေးနှင့်ကလေးအလုပ်သမားပပျောက်ရေး အသိပညာပေးဟောပြောပွဲကို (၄.၂.၂၀၂၅)ရက်နေ့၊ နံနက် ၀၉:၀၀ နာရီအချိန်၌ ကျောက်ပန်းတောင်းမြို့ ၊ အမှတ်(၁) အခြေခံ ပညာအထက်တန်းကျောင်းတွင် ပြုလုပ်ခဲ့သည်။

အခမ်းအနားတွင်အမှတ်(၁) အခြေခံပညာအထက်တန်းကျောင်း၊ ကျောင်းအုပ်ဆရာမကြီး ဒေါ်နိုင်နိုင်ဝင်းက အဖွင့်အမှာစကားပြောကြားပြီး၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြသန္တာထွန်းက စားသုံးသူကာကွယ်ရေးဆိုင်ရာဥပဒေများအကြောင်း၊ စားသုံးသူများနစ်နာ ဆုံးရှုံးမှုများရှိလာပါက တိုင်းဒေသကြီး၊ ပြည်နယ်နှင့်ခရိုင်ဦးစီးမှူးရုံးများတွင် ဖွင့်လှစ်ထားသော စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ(CICC)ရုံးများ၌ တိုင်ကြားနိုင်သလို၊ Online မှလည်းတိုင်ကြားနိုင်ခြင်း၊ Consumer Call Center No.1535 သို့လည်း ရုံးချိန်အတွင်း ဆက်သွယ်တိုင်ကြားနိုင်ပါကြောင်းနှင့် မိမိတို့စားသုံးသူရေးရာဦးစီးဌာန၏  Website မှလည်းတိုင်ကြားနိုင်ပါကြောင်း၊ ဌာန၏လုပ်ငန်းဆောင်ရွက်ချက်များ၊ ကုန်သွယ်မှု သတင်းများ၊ ကွင်းဆင်းဆောင်ရွက်မှုသတင်းများနှင့် ဥပဒေအကြောင်းအရာများကိုလည်းကောင်း ဝင်ရောက်ကြည့်ရှု့လေ့လာနိုင်ပါကြောင်း ၊ ဆက်လက်၍ ဒေါ်ထားအိဝင်း(ဒု-ဦးစီးမှူး)က အစား အသောက်များတွင် ပါဝင်တတ်သည့် ဆိုးဆေးအန္တရာယ်နှင့်ဆိုးဆေးကြောင့်ဖြစ်ပွားနိုင်သော ရောဂါများအကြောင်းကို ရှင်းလင်းဟောပြောဆွေးနွေးခဲ့သည်။ ထို့နောက် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်မေသက်နွယ်က ကလေးအလုပ်သမား ပပျောက်ရေးအကြောင်းသိကောင်းစရာများနှင့် စာဖတ်ရှု့လေ့လာခြင်းဖြင့် ရရှိနိုင်သည့် အကျိုး ကျေးဇူးများအကြောင်းကို  အသိပညာပေးပြောကြားခဲ့ကြောင်းနှင့် ကျောင်းသား/ ကျောင်းသူများ၊ မုန့်ဈေးတန်းရောင်းချသူများက သိရှိလိုသည်များကို မေးမြန်းကြရာ သက်ဆိုင်ရာ ဌာနအလိုက် တာဝန်ရှိသူများမှ ပြန်လည်ရှင်းလင်းခဲ့ပါသည်။ အဆိုပါဟောပြောဆွေးနွေးပွဲသို့ ကျောင်းအုပ် ဆရာမကြီးနှင့်အတူ ဆရာ/ဆရာမများ၊ ကျောင်းသား/ကျောင်းသူများ၊ ကျောင်းမုန့်ဈေးတန်း ရောင်းချသူများ စုစုပေါင်း (၂၆၀)ဦးတက်ရောက်ခဲ့ကြောင်း၊ ဟောပြောဆွေးနွေးမှုအပြီးတွင် ပူးပေါင်းအဖွဲ့ဖြင့် ကျောင်းမုန့်ဈေးတန်းများအား ကွင်းဆင်း၍ဈေးကွက်စောင့်ကြည့် စစ်ဆေးခြင်း များဆောင်ရွက်ခဲ့ကြောင်း သိရသည်။

DOCA(မန္တလေး)

           မြင်းခြံခရိုင်တွင် ပဲကြီးသီးနှံကို ဩဂုတ်လနှင့် စက်တင်ဘာလတို့တွင် စတင်စိုက်ပျိုးပြီး ဖေဖော်ဝါရီ၊ မတ်လနှင့် ဧပြီလတို့တွင် ရိတ်သိမ်းထွက်ပေါ်လေ့ရှိသည်။

          မြင်းခြံခရိုင်တွင် ပဲမျိုးစုံစိုက်ပျိုးလျက်ရှိရာ ၂၀၂၄-၂၀၂၅ခုနှစ် ဆောင်းပဲကြီးစိုက်ပျိုးထားရှိမှုမှာ ခရိုင်ချုပ်အနေဖြင့် လျာထားဧက(၂၇၁၁)ဧကအပေါ် စိုက်ပျိုးဧကရာနှုန်းပြည့်စိုက်ပျိုးထားကြောင်း သိရှိ ရသည်။ မြို့နယ်အလိုက် စိုက်ပျိုးပြီးစီးမှုအနေဖြင့် မြင်းခြံမြို့နယ်တွင် (၂၆၁၉)ဧက၊ တောင်သာမြို့နယ် တွင် (၉၂)ဧကဖြစ်ကြောင်းနှင့် ယခင်နှစ်စိုက်ပျိုးဧကများအတိုင်း စိုက်ပျိုးထားကြောင်း၊ မြင်းခြံခရိုင်တွင် မြို့နယ်(၃)မြို့နယ်ရှိသည့်အနက် မြင်းခြံမြို့နယ်နှင့်တောင်သာမြို့နယ်တို့တွင်သာ စိုက်ပျိုးကြကြောင်း နှင့် မတ်လတွင် ပဲကြီးသီးနှံများ စတင်ရိတ်သိမ်းထွက်ပေါ်လာမည်ဖြစ်ကြောင်း ပဲကြီးသီးနှံစိုက် တောင်သူတစ်ဦး၏ ပြောကြားချက်အရ သိရှိရသည်။

          စားသုံးကြရာတွင် ပဲကြီး၏ အသီးအတောင့်အနုလေးများကို ဟင်းသီးဟင်းရွက် သီးနှံအဖြစ် အစိမ်းကြော်များတွင် ရောနှောကြော်ချက်၍လည်းကောင်း၊ ပဲကြီးကို အခွံခွာ၍ ပဲဟင်း၊ပဲနှပ်အဖြစ် လည်းကောင်း၊ သရေစာအနေဖြင့် ပဲကြီးလှော်အဖြစ်လည်းကောင်း စားသုံးကြပါသည်။ ပဲကြီးတွင် ကျန်းမာရေးအတွက် အထောက်အကူပြုသော အမျှင်ဓာတ်များ ပါဝင်ခြင်းကြောင့် ဝမ်းချုပ်ခြင်းကို လည်း ကာကွယ်ပေးကြောင်းနှင့် ပဲကြီးတွင် ပရိုတိန်းဓာတ်များစွာပါဝင်ကြောင်း သိရှိရသည်။

DOCA(မန္တလေး)

             ၂၀၂၅ ခုနှစ်၊ ဖေဖေါ်ဝါရီလ(၅) ရက်နေ့ (၁၃:၀၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိနှင့် ဝန်ထမ်းများသည် Online Sale ရောင်းချမှုနှင့်စပ်လျဉ်း၍ မှတ်ပုံတင်လျှောက်ထားသည့် မရမ်းကုန်းမြို့နယ်ရှိ Zaw Electronic လျှပ်စစ်ပစ္စည်းရောင်းဝယ်ရေးဆိုင် သို့သွားရောက်၍ Online လုပ်ငန်းများအား မြေပြင်စစ်ဆေး ဆောင်ရွက်ခဲ့ပါသည်။ ထိုသို့ ဆောင်ရွက်ရာတွင် စစ်ဆေးရေးအရာရှိမှ Online စနစ်နှင့် ရောင်းချခြင်းလုပ်ငန်းနှင့် ပတ်သက်၍ အချက်(၁၈) ချက်နှင့် ကိုက်ညီမှု ရှိ/မရှိ စစ်ဆေးခြင်းနှင့် Online စနစ်နှင့်ရောင်းချခြင်းလုပ်ငန်းကို အရေးကြီးကုန်စည်ဝန်ဆောင်မှုဥပဒေအဖြစ် သတ်မှတ်ထားသည့်အတွက်  အခြားလိုအပ်ချက် အချက်အလက်များအား အသိပညာပေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)