သတင်းနှင့် လှုပ်ရှားမှုများ

၄.၂.၂၀၂၅ ရက်နေ့တွင် သထုံမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးထိန်လင်းထွန်းနှင့် ဝန်ထမ်းများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ သထုံမြို့နယ်၊ အောက်ကျင်းရပ်ကွက်၊ ဘူတာလမ်း၊ ဓမ္မမေဒနီ ဘုန်းကြီးကျောင်းရှိ အသုံးလုံးသင်ကြားနေသော သက်ကြီးရွယ်အိုများအား စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ပြုလုပ်ခဲ့ကြောင်း သိရှိရပါသည်။

အဆိုပါ‌ ဟောပြောဆွေးနွေးပွဲတွင် စားသုံးသူရေးရာဦးစီးဌာနမှ သထုံမြို့နယ်တာဝန်ခံ ဦးထိန်လင်းထွန်းက စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူများ၏ အခွင့်အရေးနှင့် လိုက်နာရမည့်တာဝန်များအကြောင်း၊ စီးပွားရေး လုပ်ငန်းရှင်များ၏ တာဝန်များကြောင်း၊ ကုန်စည်နှင့်ဝန်‌ဆောင်မှုများကို ဘေးအန္တရာယ် ကင်းရှင်းစွာ အသုံးပြုနိုင်စေရန်နှင့် ကုန်စည်များ၏ ကုန်အညွှန်းအမှတ်အသားဆိုင်ရာ ဖော်ပြရမည့်အချက်များအား ရှင်းလင်းဟောပြော ဆွေးနွေးခြင်း၊ စားသုံးသူနစ်နာဆုံးရှုံးမှု ရှိသည့်ကိစ္စရပ်များနှင့် ပတ်သက်၍ မိမိတို့ဌာနသို့ တိုင်ကြားနိုင်ပါကြောင်း၊  Call Center 1535 သို့ ခေါ်ဆို၍လည်း မေးမြန်းတိုင်ကြားနိုင်ပါကြောင်း  ဟောပြောဆွေးနွေးခဲ့ပြီး ဆွေးနွေးပွဲသို့ သက်ကြီးရွယ်အို (၂၆) ဦးတက်ရောက်ခဲ့ကြောင်း သိရသည်။

DOCA(မွန်)

             စားသုံးသူရေးရာဦးစီဌာန၊ ပြည်ခရိုင်၊ ပြည်မြို့နယ်တာဝန်ခံနှင့်ဝန်ထမ်းများသည် (၅.၂.၂၀၂၅) ရက်နေ့ နံနက်(၁၀:၀၀)နာရီအချိန်တွင် ပြည်မြို့နယ်၊ နဝင်းရပ်ကွက်ရှိ ဝါရုံအခြေခံ ပညာမူလတန်းကျောင်း၌ စားသုံးသူကာကွယ်ရေးဆိုင်ရာ အသိပညာပေးဟောပြော ဆွေးနွေးပွဲကျင်းပခဲ့ကြောင်းသိရသည်။

           အဆိုပါဟောပြောပွဲတွင် ပြည်မြို့နယ်တာဝန်ခံ ဦးထွန်းနိုင်လင်းမှ အဖွင့်အမှာစကားပြောကြားပြီး  ဒေါ်ခင်ဆွေဦး (ဒု-ဦးစီးမှူး)မှ စားသုံးသူရေးရာဦးစီးဌာန၏ ရည်မှန်းချက်၊ မျှော်မှန်းချက်များ၊ စားသုံးသူကာကွယ်ရေးဥပဒေပါပြဌာန်းချက်များ၊ ကုန်စည်နှင့်ဝန်ဆောင်မှုများအား ရွေးချယ်ဝယ်ယူသုံးစွဲရာတွင် သတိပြုရမည့်အချက်များနှင့် ကျောင်းသား/ကျောင်းသူများအား အစားအသောက်များဝယ်ယူစားသောက်ရာတွင် မြန်မာစာကုန်အညွှန်းပါသည့်မုန့်များကိုသာ အဓိကထား၍ဝယ်ယူသုံးစွဲကြရန်၊ စတင်ထုတ်လုပ်သည့်ရက်စွဲ၊ ကုန်ဆုံးရက်စွဲများအား သေချာကြည့်ရှုပြီးဝယ်ယူကြပါရန်နှင့် စားသုံးသူနစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့် နည်းလမ်းများအား အသိပညာပေးဟောပြောဆွေးနွေးခဲ့ပြီး ဟောပြောပွဲသို့ ဆရာ/ဆရာမ (၈)ဦးနှင့် ကျောင်းသား /ကျောင်းသူ (၁၁၀)ဦးတက်ရောက်ခဲ့ကြောင်းသိရှိရပါသည်။

DOCA(ပဲခူး)

              စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ စစ်ဆေးရေးမှူးများသည် ဈေးကွက် အတွင်းရောင်းချနေသော  ကုန်ပစ္စည်းများနှင့်ဆေးဝါးများ ဝယ်ယူသုံးစွဲကြသည့် စားသုံးသူများ ထိခိုက်နစ်နာမှုများ မဖြစ်ပေါ်စေရေးအတွက် ဈေးကွက်အတွင်း ကွင်းဆင်းစစ်ဆေးခြင်းကို ဆောင်ရွက်လျက်ရှိရာ မိတ်ဖက်ဌာနများက ဈေးကွက်အတွင်းကွင်းဆင်းစစ်ဆေးရာတွင် ပူးပေါင်း ပါဝင်ဆောင်ရွက်ပေးနိုင်ပါရန် ညှိနှိုင်းလာပါကလည်း ပူးပေါင်းပါဝင်ဆောင်ရွက်လျက်ရှိပါသည်။

              တောင်ငူခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၏ ညှိနှိုင်းချက်အရ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့် စစ်ဆေးရေးမှူးများ သည် (၅.၂.၂၀၂၅)ရက်နေ့ နံနက်ပိုင်းတွင် တောင်ငူမြို့ မြို့မဈေးကြီးအတွင်းရောင်းချနေသော စားသောက်ကုန်များနှင့် အလှကုန်ပစ္စည်းများတွင် သုံးစွဲရန်မသင့်သည့် ဓါတုဆေးဝါးများ ပါဝင်မှုရှိ/မရှိ နှင့် သက်တမ်းကုန်ဆုံးခြင်းရှိ/မရှိတို့ကိုလည်းကောင်း၊ တောင်ငူမြို့ပေါ်ရှိ ဆေးဆိုင်ကြီးများနှင့် ပုဂ္ဂလိကဆေးရုံများမှ ဆေးအရောင်းဆိုင်များ၌ တရားမဝင်တင်သွင်းသောဆေးဝါးများနှင့် ရက်လွန် ဆေးဝါးများ ရောင်းချခြင်းရှိ/မရှိကိုလည်းကောင်း ကွင်းဆင်းစစ်ဆေးရာတွင် ပူးပေါင်းပါဝင်ဆောင် ရွက်ခဲ့ပါသည်။

              ထိုသို့ ကွင်းဆင်းစစ်ဆေးစဉ် စားသုံးသူရေးရာဦးစီးဌာန စစ်ဆေးရေးမှူးများသည် ကုန်စည်နှင့် ဆေးဝါးများရောင်းချရာတွင် စားသုံးသူကာကွယ်ရေးဥပဒေပါ လုပ်ငန်းရှင်များလိုက်နာ ဆောင်ရွက်ရမည့် ပြဌာန်းချက်များနှင့်အညီ လိုက်နာဆောင်ရွက်ရေးကို အသိပေးပြောကြားခဲ့ကြောင်းနှင့် ကွင်းဆင်းစစ်ဆေးရာသို့ မြို့နယ်ပြည်သူ့ကျန်းမာရေးဦးစီးဌာနနှင့် မြို့နယ်စည်ပင် သာယာရေးအဖွဲ့မှ တာဝန်ရှိသူများလည်း ပူးပေါင်းပါဝင် ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

               ဖျာပုံမြို့ စည်ပင်သာယာရေး ဈေးခေါင်းရုံးတွင် စားသုံးသူရေးရာဦးစီးဌာနမှ မြို့နယ်တာဝန်ခံသည် ၂၀၂၅ ခုနှစ် ဖေဖော်ဝါရီလ (၅) ရက်နေ့တွင် ကုန်စုံဆိုင်အပါအဝင် ဈေးသူ/သား (၂၆) ဦးအား စားသုံးသူကာကွယ်ရေးဆိုင်ရာများ  အသိပညာပေး ဟောပြော ခဲ့ကြောင်းသိရသည်။

              အဆိုပါဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမင်းဇော်သည် စားသုံးသူ ကာကွယ်ရေး၏ အဓိပ္ပာယ် ၊ မျှော်မှန်းချက် ၊ ရည်မှန်းချက်များအား ပြောကြားခြင်း၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ ထုတ်ပြန်ထားသော စားသုံးသူ ကာကွယ်ရေး (၂၀၁၉) ဥပဒေပါ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်နှင့် ပြစ်မှုပြစ်ဒဏ်များအကြောင်း၊ Online shop များ၌ ဝယ်ယူသည့်အခါ စားသုံးသူများ၏ နစ်နာဆုံးရှုံးမှု  လျော့နည်းစေရန် မှတ်ပုံတင် ထားရှိသော ဆိုင်များသာ ရွေးချယ်ဝယ်ယူကြရန်နှင့် နစ်နာဆုံးရှုံးမှုများ ရှိခဲ့လျှင် လူကိုယ်တိုင် သော်လည်းကောင်း၊ လူထုဆက်သွယ်ရေး နည်းလမ်းတစ်ခုခုဖြင့်သော်လည်းကောင်း၊  ဆက်သွယ်တိုင်ကြားနိုင်ကြောင်းနှင့် တိုင်ကြားမှုပုံစံများအား ရှင်းလင်းပြောကြားခဲ့ကြောင်း သိရှိရသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့ စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်သည် နှစ်စဉ်နှစ်တိုင်းကျင်းပလျက်ရှိ‌သော (အ.ထ.က-၁) ကျောင်းရှိ မြို့နယ်အဆင့် ဆင့်ပွားနည်းပြသင်တန်းကျောင်း၌ ၂၀၂၅ခုနှစ်၊ ဖေဖော်ဝါရီလ (၄)ရက်နေ့ နံနက် (၁၁:၀၀)နာရီတွင်ဆရာ/ဆရာမ(၆၀)ဦးအား   စားသုံးသူကာကွယ်ရေး အသိ ပညာပေး ဟောပြောခဲ့သည်။                                                                                                                                              

          အဆိုပါဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံမှ ဦးစွာ မိတ်ဆက်စကားပြောကြားခြင်း၊ စားသုံးသူ အခွင့်အရေးနှင့် တာဝန်များအကြောင်း ကုန်အညွှန်း အမှတ်အသားဆိုင်ရာ ကုန်စည်အမျိုးအမည်၊ ပါဝင်ပစ္စည်း၊ ထုတ်လုပ်ရက်စွဲနှင့် သက်တမ်းကုန်ဆုံးရက် များကြောင်းပြောကြားခြင်း၊  online မှကုန်စည်များ ဝယ်ယူခြင်း နှင့်စပ်လျဉ်း၍ online မှတ်ပုံတင်ထားခြင်းရှိသည့် အချက်အလက်ကိုကြည့်၍ ဝယ်ယူကြရန် ပြောကြားခြင်းနှင့် online နှင့် ပတ်သက်သည့် သိကောင်းစရာများ ကိုလည်းကောင်း၊ ထို့နောက် စားသုံးသူများ နစ်နာမူရှိပါက (1535) သို့ခေါ်ဆို၍ ဆက်သွယ်တိုင်ကြားနိုင်ကြောင်းနှင့် တိုင်ကြားမူပုံစံများအား ဟောပြောခြင်းတို့ကို ကျင်းပပြုလုပ်ခဲ့ကြောင်း သိရှိရပါသည်။

DOCA(ဧရာဝတီ)