သတင်းနှင့် လှုပ်ရှားမှုများ

ခရမ်းမြို့နယ်၊  ဖေဖော်ဝါရီလ  (၇) ရက်

 ယခုနှစ်ဆောင်းသီးနှံစိုက်ပျိုးရာသီတွင် ရန်ကုန်တိုင်းဒေသကြီး၊ သန်လျင်ခရိုင်၊ ခရမ်း မြို့နယ်တွင် ပဲတီစိမ်းလျာထား ၁၀၄၅၅၈ ဧက ရာနှုန်းပြည့်စိုက်ပျိုးနိုင်ခဲ့ပြီး သီးနှံအထွက် နှုန်းတိုးတက်စေရန် လိုအပ်သော စိုက်ပျိုးရေးသွင်းအားစုများ ထည့်သွင်းခြင်းနှင့် ပိုးမွှားရောဂါ အန္တရာယ်မကျရောက်စေရေး ကြိုတင်ကာကွယ်နှိမ်နင်းခြင်းလုပ်ငန်းများ အစဉ်တစိုက်ဒေသခံ တောင်သူများက ကြိုးပမ်းဆောင်ရွက်မှုကြောင့် စိုက်ပျိုးပြီး ပဲတီစိမ်းသီးနှံများ ဖြစ်ထွန်း အောင်မြင်လျက်ရှိကြောင်း သိရသည်။

ခရမ်းမြို့နယ်တွင် ယခုဆောင်းသီးနှံစိုက်ပျိုးရာသီတွင် ပဲတီစိမ်းသီးနှံလျာထားဧက ပြည့်မီ နိုင်ရေးအတွက် ၂၀၂၄ ခုနှစ်၊ နိုဝင်ဘာလမှ စတင်စိုက်ပျိုးခဲ့ပြီး လက်ရှိအချိန်တွင် ရာနှုန်းပြည့်စိုက်ပျိုး နိုင်ခဲ့ကာ စားရေးရိက္ခာဖူလုံစေဖို့နဲ့ တောင်သူတွေ သီးနှံဝင်ငွေတိုးပွားစေဖို့ ရည်ရွယ်ပြီး စိုက်ပျိုးပြီးစီး တဲ့ ပဲတီစိမ်းစိုက်ခင်းတွေကို သီးနှံအထွက်နှုန်းကောင်းမွန်အောင် မြို့နယ်စိုကိပျိုးရေးဦးစီးဌာနအနေ ဖြင့်လည်း တောင်သူအသိပညာပေးလုပ်ငန်းများ ပံ့ပိုးကူညီဆောင်ရွက်လျက်ရှိပြီး ပဲစိုက်တောင်သူ တွေက ကြိုးပမ်းလုပ်ကိုင်နေကြကြောင်း သီးနှံစိုက်ပျိုးရာတွင် အထွက်နှုန်းတိုးတက်အောင်မြင်စွာ စိုက်ပျိုးနိုင်ပါက  ပဲတီစိမ်းကို ပြည်တွင်းစားသုံးမှုထက် ပြည်ပသို့ ပိုမိုတင်ပို့နေသော သီးနှံဖြစ်သည့် အတွက် နိုင်ငံခြားဝင်ငွေရှာဖွေပေးနေသော သီးနှံတစ်မျိုးဖြစ်ပြီး နိုင်ငံတော်အစိုးရမှ စိုက်ပျိုးထုတ် လုပ်သူများအား ပံ့ပိုးကူညီဆောင်ရွက်ပေးလျက်ရှိရာ မိမိတို့စိုက်ပျိုးထုတ်လုပ်သည့်လုပ်ငန်းများ ပိုမိုအောင်မြင်ရေးကို အားသွန်ခွန်စိုက်ကြိုးပမ်းဆောင်ရွက်ကြရမည်ဖြစ်ကြောင်း သိရသည်။

DOCA(ရန်ကုန်)

သုံးခွမြို့နယ်၊  ဖေဖော်ဝါရီလ  (၇) ရက်

ရန်ကုန်တိုင်းဒေသကြီး၊ သန်လျင်ခရိုင် သုံးခွမြို့နယ်၌ ယခုနှစ်ဆောင်းသီးနှံစိုက်ပျိုးရာသီတွင် ပဲတီစိမ်း ၁၃၉၅၇၆ ဧက စိုက်ပျိုးရန်လျာထားခဲ့ပြီးလျာထားဧက ရာနှုန်းပြည့်စိုက်ပျိုးနိုင်ခဲ့ပြီး စိုက်ပျိုးပြီး ပဲတီစိမ်းသီးနှံများ ဖြစ်ထွန်းအောင်မြင်လျက်ရှိကြောင်း သိရသည်။

သုံးခွမြို့နယ်၌ ယခုနှစ်ဆောင်းသီးနှံစိုက်ပျိုးရာသီတွင် ပဲတီစိမ်းလျာထား ၁၃၉၅၇၆ ဧက ပြည့်မှီအောင် စိုက်ပျိုးနိုင်ရေးအတွက် ၂၀၂၄ ခုနှစ်၊ နိုဝင်ဘာလမှ စတင်စိုက်ပျိုးခဲ့ရာ ယခု အချိန်တွင်ရာနှုန်းပြည့် စိုက်ပျိုးနိုင်ခဲ့ပြီး ပဲတီစိမ်းစိုက်ပျိုးချိန်မှာ အထွက်နှုန်းတိုးတက်အောင် ်စိုက်နည်းစနစ်မှန်ကန်စေရေးဒေသနှင့်ကိုက်ညီတဲ့ မျိုးကောင်းမျိုးသန့်များ ရွေးချယ် စိုက်ပျိုးနိုင်ရေး၊ ပိုးမွှားအန္တရာယ်ကင်းရှင်းရေး ၊ ပိုးသတ် ဆေးစနစ်တကျ အသုံးပြုနိုင်ရေး သီးနှံများတွင် ပိုးသတ် ဆေးဓာတ်ကြွင်းဓာတ်ကျန်များ မဖြစ်ပေါ်စေရေးစတဲ့ စိုက်ပျိုးရေးဆိုင်ရာ တောင်သူအသိပညာ ပေးလုပ်ငန်းများအား သက်ဆိုင်ရာဌာနများအနေဖြင့် ဆောင်ရွက်ပေး လျက်ရှိကြောင်း သုံးခွမြို့နယ်အနေဖြင့် ပဲတီစိမ်းသီးနှံစိုက်ဧကများ ပိုမိုတိုးချဲ့စိုက်ပျိုးပြီး အထွက်နှုန်း တိုးတက်အောင် စိုက်ပျိုးမည်ဆိုပါက ပဲတီစိမ်းသီးနှံသည် နိုင်ငံခြားဝင်ငွေရှာဖွေပေးနေသော အဓိက ပဲသုံးမျိုးတွင် တစ်မျိုးအပါအဝင်ဖြစ်သည့်အတွက် တောင်သူများ၏ လူမှုစီးပွားဘဝဖွံ့ဖြိုးတိုးတက်လာနိုင် မည်ဖြစ်ပြီး နိုင်ငံတော်အတွက်လည်း ပြည်ပဝင်ငွေတိုးတက်လာမည်ဖြစ်ကြောင်း သိရသည်။

DOCA(ရန်ကုန်)

           စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည်၂၀၂၅ ခုနှစ်၊ ဖေဖေါ်ဝါရီလ ၅ ရက်နေ့ နံနက် (၀၉:၃၀) နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်း နှင့်ဒေါ်အိမွန်ကျော် အကြီးတန်းစာရေးတို့သည်၊ မြို့နယ်ကျန်းမာရေးဦးစီးဌာန၊ ခရိုင်စစစနှင့် ပူးပေါင်း၍ ကန့်ဘလူမြို့၊ အမှတ်(၄)ရပ်ကွက်ရှိ အိမ်သုံးဆေးဝါးအရောင်းဆိုင်များအား ကွင်းဆင်းစစ်ဆေးခဲ့ကြောင်း သိရသည်။

          ထိုသို့ကွင်းဆင်းစစ်ဆေးရာ စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများကို ဘေးအန္တရာယ်ကင်းရှင်းစွာ အသုံးပြုနိုင်စေရန်ရည်ရွယ်၍ ဈေးကွက်အတွင်း ရောင်းချနေသည့် အိမ်သုံးဆေးဝါးများ၊ ဆေးနှင့်ဆေးပစ္စည်းများ ပြတ်လပ်ခြင်းရှိ/မရှိ၊ ဈေးနှုန်းမြှင့် တင်ရောင်းချခြင်းရှိ/မရှိ အဖွဲ့စုံဖြင့် ကွင်းဆင်းစစ်ဆေးခဲ့ကြောင်း၊ လုပ်ငန်းရှင်များအနေဖြင့် ဈေးက စားရန်ရည်ရွယ်ပြီး ဆေးနှင့်ဆေးပစ္စည်းများကို သိုလှောင်ခြင်းများပြုလုပ်ပါက ဥပဒေအရ အရေးယူ ခံရနိုင်ကြောင်း အသိပညာပေးပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိသည်။

DOCA(စစ်ကိုင်း)

           စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများ ဦးဆောင်၍ “ခရိုင်ဆန်သိုလှောင်ဈေးနှုန်း မြှင့်တင်ရောင်းချမှုများ စိစစ်ရေးလုပ်ငန်းအဖွဲ့များ”နှင့် ပူးပေါင်းပြီး ဆန်ရောင်းချမှုအခြေအနေများကို စစ်ဆေးပြီး ကွင်းဆင်းအသိပညာပေးမှုများ ဆောင်ရွက် လျက်ရာ (၅. ၂.၂၀၂၅) ရက်နေ့တွင်  မုံရွာမြို့နယ်အတွင်းရှိ “သရဖူ” ဆန်အရောင်းဆိုင်သို့ သွားရောက်၍ ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါသည်။

              ထိုသို့ကွင်းဆင်းစစ်ဆေးအသိပညာရေးရာ ဆန်ဆိုင်များတွင် မနောသုခ၊ ရွှေဘိုပေါ်ဆန်း၊ ဧရာမင်း ဆန်များကို အများဆုံးရောင်းချလျက်ရှိကြောင်း၊ ဆန်ဈေးနှုန်း ကြီးမြင့်မှုမဖြစ်ပေါ်စေရေး အတွက် ဈေးကစားရန်အလို့ငှာ ဆန်များသို လှောင်ထားခြင်းမပြုရန် မြန်မာနိုင်ငံဆန် စပါးအသင်းချုပ်မှ သတ်မှတ်ထားသောဈေးနှုန်းများအတိုင်းရောင်းချသွားရန်၊ လိုက်နာမှု မရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးပြောကြားခြင်းများ ဆောင်ရွက်ခဲ့ကြောင်းသိရှိရပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ သာယာဝတီခရိုင် လက်ပံတန်းမြို့၌ ခရိုင်ဦးစီးမှူး၏ လမ်းညွှန်မှု ဖြင့်(၆.၂.၂၀၂၅)ရက်နေ့ နံနက်(၁၀:၀၀)နာရီအချိန်တွင် မြို့မဈေးအတွင်းရှိကုန်စုံဆိုင်များအား ကုန်စည်များ၌ ကုန်အညွှန်းအမှတ်အသားများ ပြည်စုံစွာဖော်ပြခြင်း ရှိ/မရှိ စားသုံး/ထုတ်လုံတာဝန်ခံ ဒေါ်ခိုင်ခိုင်ရီ၊မြို့နယ်တာဝန်ခံဦးချစ်ကိုကိုနှင့်ဝန်ထမ်းများမှ ဈေးကွက်စောင့်ကြည့်စစ်ဆေးခဲ့ပါသည်။ စားသုံးသူများ တိကျမှန်ကန်ရှင်းလင်းသော သတင်းအချက်များသိရှိစေရန်၊ စားသုံးသူများဘေး အန္တရာယ် ကင်းရှင်းစေရန်၊ စိတ်ကျေနပ်မှုရှိစေရန်အတွက် အာမခံချက်ပေးနိုင်သည့် အရည်အသွေး မြင့်မားသော  ကုန်စည်ဝန်ဆောင်မှုများ  ဖော်ဆောင်ဖြည့်ဆည်းပေးနိုင်စေရေးနှင့် စီးပွားရေးလုပ်ငန်း ရှင်များအနေဖြင့် စားသုံးသူကာကွယ်ရေးဥပဒေအား သိရှိလိုက်နာဆောင်ရွက်ရန် အသိပညာပေးခြင်း ကုန်စည်အမျိုးအစားအလိုက် သတ်မှတ်ချက်များနှင့်အညီ ပြည့်စုံစွာ ဖော်ပြခြင်းရှိ/မရှိဈေးကွက် စောင့်ကြည့်စစ်ဆေးခဲ့ပြီး လက်ကမ်းစာစောင်များ ဖြန့်ဝေခဲ့ပါသည်။

DOCA(ပဲခူး)