သတင်းနှင့် လှုပ်ရှားမှုများ

          မန္တလေးတိုင်းဒေသကြီး၊ ကျောက်ဆည်ခရိုင်စားသုံးသူ‌ရေးရာဦးစီးဌာနအနေ နှင့် ပြန်ကြားရေး နှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ ၂၀၂၅ခုနှစ် ၊ ဖေဖော်ဝါရီလ ၄ ရက်နေ့တွင် မြစ်သား မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Center ခန်းမ၌ အွန်လိုင်း‌ ရောင်းဝယ်မှုဆိုင်ရာ စားသုံးသူအသိပညာပေး Talk Show  ဆွေးနွေးပွဲကို ကျင်းပပြုလုပ်ခဲ့ပါသည်။ အဆိုပါဆွေးနွေးပွဲတွင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဒေါ်ဆုရည်ထွေး (ဒု-ဦးစီးမှူး)မှ အသိပညာပေး Talk Show  ဆွေး‌နွေးပွဲကျင်းပရခြင်း၏ ရည်ရွယ်ချက်များအား ပြောကြားခဲ့ပြီး ကျောက်ဆည်ခရိုင် စားသုံးသူရေးရာဦးစီးဌာန ၊ မြစ်သားမြို့နယ်တာဝန်ခံ ဒေါ်မော်မော်အောင် (ဒုတိယဦးစီးမှူး)မှ ပြောကြားရာတွင်  Online Shopping နှင့်ပတ်သက်၍ Online Shop လိုင်စင် အသစ်လျှောက်ထားမည့် စီးပွားရေးလုပ်ငန်းရှင်များအား Online Shopping လျှောက်ထားမည် ဆိုပါက လိုအပ်သည့်အချက်အလက်များအား www.ecomreg.gov.mm website တွင် ဝင်ရောက် ကြည့်ရှုလျှောက်ထားနိုင်ပါကြောင်း ၊ Online Shopping နှင့်ပတ်သက်၍ စားသုံးသူပြည်သူများ ဝယ်ယူခြင်းမပြုမီသတိပြုရမည့်အချက်များ၊ Online မှ ဝယ်ယူခြင်း၏ အားသာချက်၊ အားနည်းချက် များ၊ စားသုံးသူများ၏အခွင့်အရေးနှင့်စားသုံးသူများအနေဖြင့် ကုန်စည်သို့မဟုတ်ဝန်ဆောင်မှုများနှင့် ပတ်သက်၍ နစ်နာဆုံးရှုံးမှုများဖြစ်ပေါ်လာပါက စာဖြင့်ဖြစ်စေ ၊ လူကိုယ်တိုင်ဖြစ်စေ ပြည်ထောင်စု နယ်မြေ ၊ တိုင်းဒေသကြီး ၊ ပြည်နယ်များ နှင့် ခရိုင်ရုံးများတွင် စားသုံးသူသတင်းပြန်ကြားရေး နှင့် တိုင်ကြားမှုလက်ခံ‌ဆောင်ရွက်ရေးစင်တာ (CICC)ရုံးများဖွင့်လှစ်ထားကြောင်း၊ Consumer Call Center နံပါတ်ဖြစ်သည့် 1535 သို့လည်း တိုင်ကြားနိုင်ကြောင်း ဆွေးနွေးပြောကြားခဲ့ကြောင်း သတင်းရရှိပါသည်။

DOCA(မန္တလေး)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ စားသုံးသူရေးရာဦးစီးဌာန ၊  ‌ကျောက်ဆည် ခရိုင်ဦးစီးမှူးရုံးအနေဖြင့် ထုတ်ကုန်များအနေဖြင့် လုံခြုံစိတ်ချရမှုရှိစေရေး ၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်း ရှိ/ မရှိ ၊ စားသုံးသူများ နေ့စဉ် အသုံးပြုလျှက်ရှိသည့် ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိ စေရေး ကုန်စည်များကို သတ်မှတ်စံချိန်းစံညွှန်းများ ညွှန်ကြားချက်များနှင့် ကိုက်ညီမှု ရှိ/မရှိ စျေးကွက်စောင့်ကြည့် စစ်ဆေးခြင်းလုပ်ငန်းများကို စဉ်ဆက်မပြတ် ဆောင်ရွက်လျှက်ရှိပါသည် ။ ၂၀၂၅ ခုနှစ် ၊ ဖေဖော်ဝါရီလ(၆)ရက် ၊ နေ့လည်(၁၃:၀၀)နာရီအချိန်တွင် ‌ကျောက်ဆည်ခရိုင်ဦးစီးမှူးရုံး အစည်းအ‌ဝေးခန်းမ၌ ကျောက်ဆည်မြို့ပေါ်ရှိ စျေးများနှင့်မြို့ပေါ်ရပ်ကွက်များရှိ လူသုံးကုန်နှင့် စားသောက်ကုန်ပစ္စည်းမျိုးစုံရောင်းချသည့်ဆိုင်များအား မိမိတို့ရောင်းချသည့်ကုန်ပစ္စည်းများပေါ်တွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့်အညီ ကုန်စည် အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသား‌ဖော်ပြရမည့် အသေးစိတ်အချက်အလက် များအားပြည့်စုံစွာထည့်သွင်းဖော်ပြထားရန်လိုကြောင်း ၊ ထုတ်ကုန်လုံခြုံစိတ်ချရမှုရှိပြီး ကုန်အညွှန်း အမှတ်အသားပြည့်စုံသော သက်ဆိုင်ရာဌာနများ၏ ထောက်ခံချက်ပါရှိသော ကုန်စည်များကိုသာ ရောင်းချရန်လိုကြောင်း ၊ လုပ်ငန်းရှင်များကို စားသုံးသူကာကွယ်ရေး ဥပဒေပါ စားသုံးသူအခွင့်အရေး (၈)ချက်ရှိကြောင်း ၊ ကုန်အညွှန်းအမှတ်အသားများအကြောင်း ဥပဒေ ပြစ်မှု ၊ ပြစ်ဒဏ်များ အကြောင်းကိုလည်း အကျယ်တဝင့်ရှင်းလင်း ဆွေးနွေးခဲ့ကြောင်း သတင်းရရှိပါသည်။

DOCA(မန္တလေး)

၆.၂.၂၀၂၅

                  မန္တလေးမြို့တွင် ရာသီစာ တမာရွက်များကို ဈေးများတွင် စတင်ရောင်းချနေပြီဖြစ်ပါ သည်။မန္တလေးမြို့သည် တမာပင်များပေါများသည့်အတွက် စားတမာပင်များလည်း ပေါများလှ ပါတယ်။ ပုသိမ်ကြီး၊အမရပူရနှင့်မတ္တရာနယ်တဝိုက်မှ ယခုအခါတမာရွက်ပြုတ်များ ဒေသအခေါ် တောသည်များမြို့တွင်းများသို့ ဝင်ရောက်လျှက်ရှိပါသည်။ တမာရွက်ဈေးအနေနှင့်၁၀ကျပ်သား ၁၅၀၀ကျပ်နှင့်ရောင်းချလျှက်ရှိပြီး၊ မန္တလေးမြို့ခံများအနေနှင့် တမာရွက်ကိုစားသုံးသည့် အပြင်အညာတမာကို မိမိတို့ဆွေမျိုးမိတ်ဆွေများကို ပေါ်ဦးပေါ်ဖျားအနယ်နယ်အရပ်ရပ်သို့ ပေးပို့ကြပါသည်။ တမာရွက်ကြိုက်နှစ်သက်သူများ အနေနှင့်အညာတမာကိုနှစ်နှစ် သက်သက် စားသုံးကြပါသည်။ အညာတမာသည် အခြားဒေသထွက် တမာများနှင့်မတူဘဲ အဖူးအညွန့်လေး များမှာ နုနုလေးများနှင့်စားကောင်းသည့်အညာဒေသ ထွက်ရာသီစာတစ်ခုဖြစ်ပါကြောင်း လေ့လာသိရှိရပါသည်၊

DOCA(မန္တလေး)                                                                                                  

               စားသုံးသူရေးရာဦးစီးဌာန စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့နယ်တာဝန် ခံဦးမျိုးဝင်းသန်းသည် ၂၀၂၅ ခုနှစ်၊ ဖေဖေါ်ဝါရီလ ၅ ရက် နံနက်(၁၀:၀၀)နာရီတွင် ကန့်ဘလူမြို့နယ် ဆီကိုယ်စားလှယ်မှ ကန့်ဘလူမြို့ပေါ်ရှိ စားသုံးသူပြည်သူများကို စားအုန်းဆီလက်လီရောင်းချပေးမှုအား ကွင်းဆင်းစစ်ဆေးခဲ့ကြောင်း သိရသည်။

          မြို့နယ်တာဝန်ခံမှ အချိန်အတွယ်မှန်ကန်မှုရှိ/မရှိ၊ ဈေးနှုန်းမှန်ကန်မှုရှိ/မရှိ စားအုန်းဆီ လက်လီအရောင်းဆိုင်များအား ကွင်းဆင်းစစ်ဆေးခဲ့ကြောင်း၊ ကန့်ဘလူမြို့နယ် ဆီကိုယ်စားလှယ် ကခွဲတမ်းရရှိလာသော စားအုန်းဆီများကို ရည်ညွှန်းဈေး၊ သယ်ယူပို့ဆောင်ခကုန်ကျစရိတ်နှင့် ၂% အမြတ်တို့ဖြင့် လက်လီ/လက္ကားဆိုင်များမှ စားသုံးသူပြည်သူများသို့ ၂%အမြတ်ဖြင့် ပြန်လည်ရောင်း ချပေးကြောင်း စားအုန်းဆီလက်လီရောင်းချသည့် လုပ်ငန်းရှင်ထံမှ သတင်းရရှိပါသည်။

DOCA(စစ်ကိုင်း)

          ၇.၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲတာဝန်ခံ ဒေါ်စောကြည်သည် “ရွှေဖူး” အမှတ်တံဆိပ် နားနတ်ပေါင်းရည်ထုတ်လုပ်သည့် လုပ်ငန်းရှင်နှင့်တွေ့ဆုံ၍ ကုန်အညွှန်းအမှတ်အသားဆိုင်ရာ များနှင့်ပတ်သက်၍ ဆွေးနွေးခဲ့ပါ သည်။

          ကုန်အညွှန်းအမှတ်အသားပြုလုပ်ရာတွင် လိုအပ်သည်များကို ထုတ်ကုန်လုံခြုံ စိတ်ချရမှုဌာနခွဲတာဝန်ခံက လုပ်ငန်းရှင်အား ၎င်းတို့၏ ထုတ်ကုန်ပစ္စည်းများပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈)တွင် ဖော်ပြထားသောပြဌာန်းချက်အတိုင်း ကုန်အညွှန်းအမှတ်အသားကို ပြည့်စုံစွာဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်း ဖော်ပြချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာ (သို့မဟုတ်) အခြားဘာသာ တစ်ခုဖြင့်ဖြစ်စေ ဖော်ပြရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြချက်လျှောက်ထားခြင်းနှင့် ပတ်သက်၍ အသိပညာပေး ဆွေးနွေးခဲ့ကြောင်း သိရှိရ ပါသည်။

DOCA(မွန်)