သတင်းနှင့် လှုပ်ရှားမှုများ

     ၂၇-၇-၂၀၂၆ ရက်နေ့ ၀၈း၃၀အချိန်တွင် မြစ်ကြီးနားမြို့၊ Community Centre၌ ကချင်ပြည်နယ် စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ ကျင်းပ ပြုလုပ်သည့် သတင်းဆောင်းပါးရေးသားနည်းနှင့် အခြေခံစာကြည့်တိုက်ပညာသင်တန်းကို ကချင် ပြည်နယ်အစိုးရအဖွဲ့ စီမံကိန်း၊ စီးပွားရေးနှင့်ဘဏ္ဍာရေးဝန်ကြီး ဦးချန်တန်ခင်က တက်ရောက်၍ အဖွင့်အမှာစကား ပြောကြားခဲ့သည်။

          ကချင်ပြည်နယ် စီမံကိန်း၊ စီးပွားရေးနှင့် ဘဏ္ဍာရေးဝန်ကြီးက သတင်းဆောင်းပါးနယ်ပယ်နှင့် စာကြည့်တိုက်ပညာနယ်ပယ်တို့တွင် အရည်အချင်းရှိသော လူငယ်များကို မွေးထုတ်ပေးနိုင်ရန်နှင့် ဗဟုသုတများဖြန့်ဝေပေးနိုင်ရန် ရည်ရွယ်ဖွင့်လှစ်ခြင်းဖြစ်ကြောင်း၊ သတင်းဆောင်းပါးရေးသားခြင်း ဆိုင်ရာ အခြေခံနည်းလမ်းများ၊ သတင်းအချက်အလက်များကို မှန်ကန်စွာ စုဆောင်း၊ စိစစ်၊ တင်ပြ တတ်သည့်နည်းလမ်းများ၊ စာကြည့်တိုက်ပညာဆိုင်ရာ အခြေခံသဘောတရားများ၊ စာအုပ်စာတမ်း များ စနစ်တကျ စီမံခန့်ခွဲတတ်သည့် နည်းလမ်းများကို ‌လေ့လာသင်ယူကြရမည်ဖြစ်ကြောင်းနှင့် နောင်အနာဂတ်တွင် မိမိတို့၏လုပ်ငန်းခွင်နှင့် လူ့အဖွဲ့အစည်းအတွက် အထောက်အကူပြုနိုင်မည့် သတင်းဆောင်းပါးနှင့် စာကြည့်တိုက်ပညာရပ်ဆိုင်ရာများ စနစ်တကျဆောင်ရွက်နိုင်စေရန် တိုက်တွန်း ပြောကြားခဲ့ပါသည်။

       အဆိုပါသင်တန်းအား ၂၇-၇-၂၀၂၆မှ ၂၈-၇-၂၀၂၆ ရက်နေ့အထိ (၂)ရက်တာကာလ ဖွင့်လှစ် သင်ကြားမည်ဖြစ်ပြီး ကချင်ပြည်နယ် စားသုံးသူရေးရာဦးစီးဌာနမှ သင်တန်းသား/သူအနေဖြင့် (၃၄)ဦး တက်ရောက်သွားမည်ဖြစ်ကြောင်း သတင်းရရှိပါသည်။

DOCA(ကချင်)

          ၂၄.၇.၂၀၂၆ ရက်နေ့၊ (၁၅:၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး အစည်းအဝေးခန်းမ၌ မွန်ပြည်နယ်ရှိ စားအုန်းဆီဖြန့်ဖြူးလျက်ရှိသည့် ကုမ္ပဏီများမှ လက်ကားကိုယ်စားလှယ်များနှင့် တွေ့ဆုံဆွေးနွေးခဲ့ပါသည်။

               အဆိုပါ တွေ့ဆုံဆွေးနွေးပွဲတွင် ပြည်နယ်ဦးစီးမှူးက အဖွင့်အမှာစကားပြောကြား ရာတွင် ယနေ့ စားအုန်းဆီဖြန့်ဖြူးနေသည့် ကုမ္ပဏီ၊ လက်ကား၊ လက်လီ ကိုယ်စားလှယ် များကို တွေ့ဆုံရသည့်အကြောင်းမှာ စားအုန်းဆီဖြန့်ဖြူးမှုကြီးကြပ်သည့် စနစ် (EOS) ကို မွန်ပြည်နယ်တွင် စတင်အသုံးပြုမည်ဖြစ်ရာ လာမည့် ၃၀.၇.၂၀၂၆ ရက်နေ့တွင် SoftWare ရေးဆွဲသည့် Capital Connect Company Limitted မှ တာဝန်ရှိသူများက စားအုန်းဆီဖြန့်ဖြူးရောင်းချသည့် ကုမ္ပဏီ၊ လက်ကား၊ လက်လီကိုယ် စားလှယ်များနှင့် တွေ့ဆုံသွားဖို့ရှိကြောင်း၊ ကုမ္ပဏီ၊ လက်ကား၊ လက်လီကိုယ်စားလှယ်များ စာရင်းကို Software တွင် ရေးသွင်းရမည်ဖြစ်သဖြင့် ကုမ္ပဏီ၊ လက်ကား၊ လက်လီ ကိုယ်စားလှယ်များ စာရင်းကို အတိအကျပေးရန်လိုကြောင်း၊ Software တွင်လည်းနေ့စဉ် စာရင်းများကို ဖြည့်သွင်းရမည်ဖြစ်ရာ အချက်အလက်မှန်ကန်ရန် လိုအပ်ကြောင်း ပြောကြားခဲ့ပြီးနောက် ဒုတိယပြည်နယ်ဦးစီးမှူးက ဆွေးနွေးရာတွင် အပတ်စဉ် ပေးပို့ရမည့် စာရင်းဇယားများကို မှန်မှန်ကန်ကန်ဖြည့်စွက်၍ အချိန်မီပေးပို့စေလိုကြောင်း ပြောကြားခဲ့ပါသည်။ ထို့နောက် တက်ရောက်လာသူများမှ အသီးသီးဆွေးနွေးခဲ့ကြောင်း သိရှိရပါသည်။

DOCA (မွန်)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊  စစ်ကိုင်းတိုင်း ဒေသကြီး ဦးစီးမှူး၏ လမ်းညွှန်မှူ၊ ခရိုင်ဦးစီးမှူး၏ကြီးကြပ်မှူတို့ဖြင့် ကျွန်းလှမြို့နယ် တာဝန် ခံရုံးအနေဖြင့်  စားသုံးသူ ပြည်သူများ ကျန်းမာရေး၊ ဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှုရှိစေရေးတို့ အတွက် မြေပြင်သို့ကွင်းဆင်းစစ်ဆေးခြင်းများကို ဆောင်ရွက်လျက်ရှိရာ ၂၀၂၆ ခုနှစ်၊ ဇူလိုင်လ(၂၃)ရက်နေ့ နံနက် (၀၉း၀၀)နာရီ အချိန်တွင် ကျွန်းလှမြို့၊ သစ်ရာမြိုင်ရပ် ကွက်အတွင်းရှိ “ စိန်မြင့်မိုရ် ”စားသာက်ဆိုင်အား ကျွန်းလှမြို့နယ်တာဝန်ခံသည် မိတ်ဖက်ဌာနများဖြင့် ပူးပေါင်း၍ ကွင်းဆင်း စစ်ဆေးခြင်းများ ဆောင်ရွက် ခဲ့ကြောင်း သိရှိရပါသည်။

     ထိုသို့ကွင်းဆင်းစစ်ဆေးခြင်းဆောင်ရွက်ရာတွင် ၂၀၂၆-၂၀၂၇ ဘဏ္ဍာနှစ်အတွင်း ဦးစားပေး ဈေးကွက် စောင့်ကြည့်စစ်ဆေးရမည့် ဝန်ဆောင်မှုကဏ္ဍ(၃)ရပ်အနက် အစားအသောက်ရောင်းချသည့် ဝန်ဆောင်မှု (၃)ချက်မှ အစားအသောက်များအား ပြုပြင်ရောင်းချသည့်နေရာများ၊ ကိုင်တွယ်ချက် ပြုသည့်နေရာများ၊ ကိုင်တွယ်ချက်ပြုတ်သူများ၏ တစ်ကိုယ်ရည်သန့်ရှင်းသပ်ရပ်မှု ရှိ/မရှိ၊ အစားအသောက်များကို သန့်ရှင်း လတ်ဆတ်မှု၊ ထားသိုသိမ်းဆည်းမှုများတွင်  သန့်ရှင်းသပ်ရပ်မှု ရှိ/မရှိ နှင့် သန့်စင်ခန်းအဝင်/အထွက်များတွင် လက်ဆေးဘေဇင်များ ထားရှိဆောင်ရွက်ခြင်းဖြင့် စားသုံးသူ များ၏ ကျန်းမာရေးပြဿနာများ ကူညီဖြေရှင်း ပေးရန် စစ်ဆေးဆောင်ရွက်ခဲ့ပြီး လိုအပ်ချက်ရှိသည်များကို မြို့နယ်အုပ်ချုပ်ရေးမှူး နှင့် မြို့နယ်စည်ပင် သာယာရေးကော်မတီတို့မှ စားသောက်ဆိုင်များတွင် ချက်ပြုတ်လုပ်ကိုင်နေသော ဝန်ထမ်းများအား ကျန်းမာရေး ဆေးစစ်ချက်များ ဆောင်ရွက်ထားရှိရန်၊ ချက်ပြုတ် သည့် စားဖိုဆောင်များအားနေ့စဉ် သန့်ရှင်းသပ်ရပ်မှု ရှိစေရန်နှင့် ခြင်၊ ယင်၊ ဖုန်မှုန့်များအန္တရာယ်ကြောင့် ကျရောက်လာမည့် ကျန်းမာရေးဆိုးကျိုးများကာကွယ်နိုင်ရန် သန့်ရှင်းသပ်ရပ်သည့် ပိတ်စများဖြင့် ဖုံအုပ်ရန် (သို့မဟုတ်)မှန်ကောင်တာများ ပြုလုပ်ဆောင်ရွက်ကြရန်၊ လက်ရှိအသုံးပြုလျက်ရှိသော အမှိုက်ပုံးများထက် အဖုံးပါရှိသော အမှိုက်ပုံးများထားရှိဆောင်ရွက်ကြရန်၊ စားသောက်ဆိုင်ပြင်ပတွင် သန့်ရှင်းသပ်ရပ်မှုများ ပိုမိုဆောင်ရွက်ထားရှိရန်၊ ရေဆိုထွက်ပေါက် ရေမြောင်း ပိတ်ဆို့ပြီး အနံ့အသက်များကောင်းမွန်စေရန် အသိပညာပေးမှုများ ဆောင်ရွက်ခဲ့ရာ ဆက်လက်ပြီး  မြို့နယ်တာဝန်ခံမှ စားသောက်ဆိုင်များမှ ပေးအပ်သည့်ဝန်ဆောင်မှုများနှင့်စပ်လျဉ်း၍ စားသုံးသူ ပြည်သူများ အား လုံလောက်သည့် သတင်းအချက်အလက်များကို အသိပေးဖော်ပြစေခြင်း၊  မိမိတို့ဆိုင်မှ ရောင်းချသည့် စားသောက်ဖွယ်ရာများ၏ အမျိုးအစား၊ အရွယ်အစာ(Size)ပမာဏအလိုက် ဈေးနှုန်းများအား ပွင့်လင်း မြင်သာစွာ ကြိုတင်အသိပေး ဖော်ပြခြင်းများ ဆောင်ရွက်ထားရှိခြင်းဖြင့် စားသုံးသူတို့၏ အခွင့်အရေးနှင့် ကျန်းမာရေးအန္တရာယ်များ ကာကွယ်ရန် အသိပညာပေးမှုများ ဆောင်ရွက်ခဲ့ကြောင်း သတင်းရရှိပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး ကန့်ဘလူခရိုင်ဦးစီးမှူးရုံး လက်အောက်ရှိ ကျွန်းလှ မြို့နယ်တာဝန်ခံသည် ၂၀၂၆ ခုနှစ်၊ ဇူလိုင်လ(၂၄)ရက်နေ့ နံနက်(၀၉;၀၀)နာရီ အချိန်တွင်  ကျွန်းလှမြို့၊ ပိတောက်မြိုင်ရပ်ကွက်ရှိ အ.မ.က(၂) စာသင်ကျောင်းတွင်  စားသုံးသူ အကာအကွယ်ပေးရေးအသိပညာပေး ဟောပြောပွဲ ကျင်းပပြု လုပ်ဆောင်ရွက်ခဲ့ပါသည်။

          အဆိုပါ အသိပညာပေးဟောပြောပွဲတွင် စားသုံးသူရေးရာဦးစီးဌာန၊ ကျွန်းလှမြို့နယ် တာဝန်ခံမှ စားသုံးသူရေးရာဦးစီးဌာန ပေါ်ပေါက် လာပုံ သမိုင်းကြောင်း၊ စားသုံးသူ ကာကွယ်ရေး၏ အဓိပ္ပါယ်ဖွင့်ဆိုချက်၊ စားသုံးသူကာကွယ်ရေးဥပဒေပါ စားသုံးသူ၏ အဓိပ္ပါယ်ဖွင့် ဆိုချက်၊ ကမ္ဘာ့စားသုံသူအခွင့် အရေးများနေ့ ဖြစ်ပေါ်လာ ပုံအကြောင်း၊ စားသုံးသူကာကွယ်ရေးဥပဒေကို ၂၀၁၉ ခုနှစ် ၊ မတ်လ(၁၅)ရက်နေ့၌ ပြဌာန်း ခဲ့ပြီး အခန်း ပေါင်း(၂၅)ခန်း ပုဒ်မပေါင်း(၈၄)ခု ပါဝင်ကြောင်း ၊ စားသုံးသူအကာကွယ်ပေးရေး ဥပဒေ အခန်း (၁၈)ပါ ကုန်အညွှန်းအမှတ်အသား ဖော်ပြခြင်း နှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ် (၂/၂၀၁၉)နှင့် အညီ ပြည့်စုံစွာ ထည့်သွင်းဖော်ပြ၍  ထုတ်လုပ် ဖြန့်ဖြူး ရောင်းချသည့် ကုန်ပစ္စည်းများကိုသာ ဝယ်ယူစားသောက် အသုံးပြုတတ်ရန် နှင့် အငယ်တန်းစာရေး ဒေါ်ဝေဇင်အောင်မှ စားသုံးသူအခွင့်အရေး(၈)ချက် ၊ စားသုံးသူများ လိုက်နာဆောင်ရွက်ရမည့်တာဝန်(၄)ချက်၊ စားသုံးသူနစ်နာဆုံးရှုံးမှုရှိလျှင် တိုင်ကြားနိုင်ပါကြောင်း၊ တိုင်ကြားနိုင်သည့် နေရာများဖြစ်သည့် Facebook Page ဖြစ်တဲ့ DOCA Myanmar Page တွင်လည်းကောင်း ၊ မိမိတို့ ဌာနခရိုင်ဦးစီးမှူးရုံး စားသုံးသူ သတင်းပြန်ကြားရေးနှင့် တိုင်ကြားမှု လက်ခံ ဆောင်ရွက်ရေးစင်တာ(CICC)တွင် လည်းကောင်း ၊ မိမိတို့ဌာန Website  ဖြစ်တဲ့ www. doca.gov. mm တွင်လည်းကောင်း ၊ MPT ; mytel ;  Telenor ;  Oredoo  ; SIM Card User များအားလုံးတို့ဖြင့် Call Center No. 1535 တွင် ဖုန်းခေါ်ဆို၍ အထောက်အထား အပြည့်အစုံဖြင့် တိုင်ကြားနိုင်ပါကြောင်းနှင့် သိလိုသည်များကို စုံစမ်းမေးမြန်းနိုင်သည့် အကြောင်းများ၊ အစားအသောက် နှင့်ပတ်သက်ပြီး ဆရာ/ဆရာမများနှင့် ကျောင်းသား/ ကျောင်းသူများကို ထုတ်ကုန်လုခြုံစိတ်ချရမှုရှိတဲ့ ကုန်ပစ္စည်းများကိုသာ ရွေးချယ်ဝယ်ယူ စားသောက် အသုံးပြုတတ်ရန် နှင့် သက်ဆိုင်ရာဌာန၏ ထောက် ခံချက်များပါဝင်သည့် အစားအသောက်မျာကို ရွေးချယ်ဝယ်ယူ စားသောက်အသုံးပြုတတ်ရန်အတွက် ကျွန်းလှမြို့၊ ပိတောက်မြိုင်ရပ်ကွက် အ.မ.က(၂) စာသင်ကျောင်းရှိ ဆရာ/မနှင့်ကျောင်းသား/သူ စုစုပေါင်း (၇၇)ဦးတို့အား အကျယ်တဝင့် ရှင်းလင်း ပြောကြား ခဲ့ပြီး အမိန့်ကြော်ငြာစာအမှတ်(၂/၂၀၁၉) ကုန်အညွှန်း အမှတ်အသား အသေးစိတ် စိစစ်ချက်များပါရှိသည့် လက်ကမ်း စာစောင်များအား ဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

          ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ စစ်ဆေးရေအရာရှိ ဒေါ်မိုးမိုးကြည်သည် (၂၀.၇.၂၀၂၆)ရက်နေ့၊ နံနက်(၁၁း၀၀) နာရီအချိန်တွင် ဗိုလ်တထောင်ခရိုင်၊ ဒေါပုံမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင် ကုန်အညွှန်းအမှတ်အသားနှင့်ပတ်သက်၍ မြေပြင်ကွင်းဆင်းဆောင်ရွက်မှု အသိပညာပေး Talk show ပြုလုပ်ခဲ့ပါသည်။

    ထိုသို့ဟောပြောပွဲတွင် ဒေါ်မိုးမိုးကြည်က စားသုံးသူများ၏အခွင့်အရေးနှင့်အကျိုးစီးပွား ကိုကာကွယ်ပေးနိုင်ရန်အတွက် စားသုံးသူကာကွယ်ရေးဥပဒေကို ၂၀၁၉ ခုနှစ်၊ မတ်လ ၁၅ ရက် နေ့တွင်အတည်ပြုပြဋ္ဌာန်းခဲ့ပါကြောင်း၊ စားသုံးသူအခွင့်အရေး (၈)ချက်အကြောင်းအရာများ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ပါပြဌာန်းချက်များမှ အခန်း(၁၈)ရှိကုန်အညွှန်းအမှတ်အသားဖော်ပြခြင်းနှင့် စပ်လျဉ်၍ ကုန်အညွှန်းအမှတ်အသားဖော်ပြခြင်းဆိုင်ရာများအား အသေးစိတ်ရှင်းလင်းဆွေးနွေးခဲ့ပြီး  မြေပြင်ကွင်းဆင်းစစ်ဆေးရာတွင်လည်း စစ်ဆေးရမည့်စစ်ဆေးရေးအရာရှိက စားသုံးသူကာ ကွယ်ရေးဥပဒေ အခန်း(၁၈) ပါ ပုဒ်မ(၄၁) ပုဒ်မခွဲ (ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့်ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား  အသေးစိတ်ရှင်းလင်းပြော ကြားခဲ့ပါသည်။ ထို့နောက်စားသုံးသူထိခိုက်နစ်နာလျှင် တိုင်ကြားနိုင်မည့်နည်းလမ်းများဖြစ်သည့် (www.doca.gov.mm)   ၊  Facebook Pages ၊  Messengerနှင့် Consumer Call Center Hotline 1535 တို့ကို တိုင်ကြားနိုင်သည့်အကြောင်းကို အသေးစိတ်ရှင်းလင်းပြောကြားခဲ့ကြောင်း သိရှိရပါသည်။

DOCA(ရန်ကုန်)