သတင်းနှင့် လှုပ်ရှားမှုများ

      မွန်ပြည်နယ်၊ ကျိုက်မရောမြို့နယ်တွင် ၂၀၂၄ ခုနှစ် အစိုးရပါဠိပထမပြန်စာ‌မေးပွဲ၌ ဖြေဆိုအောင်မြင်ခဲ့ကြသည့် အအောင်သံဃာတော်များအား အအောင်ဆုများ ဆက်ကပ် လှူဒါန်းပွဲကို ၁၀.၆.၂၀၂၅ ရက်နေ့ နံနက် (၉:၀၀) နာရီက ဆုတောင်းပြည့်ဘုရားကြီးဝင်းရှိ ဒက္ခိဏရာမိကဗိမာန်တော်ကြီး၌ ပြုလုပ်သည်။

    အခမ်းအနားတွင် ကျိုက်မရောမြို့နယ် စီမံအုပ်ချုပ်ရေးအဖွဲ့ဥက္ကဌ ဦးကျော်စိုးဦးက သာသနာရေးဆိုင်ရာများကို လျှောက်ထားပြီး စာ‌အောင်ဆုများကို မြို့နယ်စီမံအုပ်ချုပ်ရေး အဖွဲ့ ဥက္ကဌနှင့်အဖွဲ့ဝင်များက စာအောင်ဆုများကို ဆက်ကပ်ခဲ့ကြသည်။

    ထို့နောက် ကျိုက်မရောမြို့နယ် သံဃာနာယက ဥက္ကဌ ဆရာတော် လက်ပန်ရွာသစ်ကျောင်းမှ ဆရာတော်ထံမှ ငါးပါးသီလခံယူဆောက်တည်ကာ စာအောင်သံဃာတော်များအား စေတနာရှင်များက လှူဖွယ်ဝတ္တုပစ္စည်းများ ဆက်ကပ်လှူဒါန်းခဲ့ကြသည်။ ယနေ့စူဠဘွဲ့နှင်း သဘင်အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ်အဆင့်ဌာနဆိုင်ရာများ၊ YMBA အသင်းအဖွဲ့များ၊ မြို့မမြို့ဖများ၊ စေတနာရှင်အလှူရှင်များ စုစုပေါင်း (၁၅၀) ဦးတို့ တက်ရောက်ခဲ့ကြကြောင်း မြို့နယ်သာသနာရေးဦးစီးဌာနမှ သိရသည်။

DOCA (မွန်)

      ၁၀.၆.၂၀၂၅ ရက်နေ့ နံနက် (၁၀း၃၀) အချိန်တွင် မွန်ပြည်နယ်၊ ကျိုက်ထိုခရိုင်၊ စားသုံးသူရေးရာဦးစီးဌာနမှ ကျိုက်ထိုခရိုင်တာဝန်ခံ ဦးအောင်ကျော်မင်း၊ မြို့နယ်တာဝန်ခံ ဦးဇော်ဦး၊ ဒုတိယဦးစီးမှူး ဦးစည်သူတို့သည် ကျိုက်ထိုမြို့ ကံ့ကော်ရပ်ကွပ်၊‌ အောင်သပြေ ဘုန်းကြီးကျောင်း၌ စားသုံးသူကာကွယ်ရေးအသိပညာပေးဟောပြော ဆွေးနွေးပွဲကျင်းပ ပြုလုပ်ခဲ့ကြောင်း သိရပါသည်။

    အဆိုပါ ဟောပြောပွဲတွင် ခရိုင်တာဝန်ခံ ဦးအောင်ကျော်မင်းက စားသုံးသူအခွင့်အရေး(၈)ချက်နှင့် တာဝန်(၄)ချက်အကြောင်း ဆွေးနွေးပြောကြားပြီး၊ မြို့နယ်တာဝန်ခံ ဦးဇော်ဦးက စားသုံးသူများ နစ်နာဆုံးရှုံးမှုဖြစ်ပေါ်လာပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်းနှင့် တိုင်ကြားနိုင်သည့်နေရာ၊ တိုင်ကြားနိုင်သည့်နည်းလမ်းအကြောင်းဟောပြော ဆွေးနွေးပြီး  Consumer Call Center (1535) သို့ ဖုန်းခေါ်ဆို သရုပ်ပြဆွေးနွေးခဲ့ပြီး အဆိုပါ ဟောပြောပွဲသို့ (၃၀) ဦးခန့် တက်ရောက်ခဲ့ကြောင်း သိရပါသည်။

DOCA (မွန်)

     ၁၁.၆.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်သည် အစားအသောက်နှင့်ဆေးဝါးကွပ်ကဲရေး ဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ မော်လမြိုင်မြို့နယ်၊ ဈေးကြိုရပ်ကွက်ရှိ ကုန်စုံဆိုင်များတွင် ရောင်းချနေသော သွားတိုက်ဆေးအမျိုးမျိုးအား ကုန်အညွှန်းအမှတ်အသား ပြည့်စုံမှု ရှိ/မရှိ ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။ 

     ထိုသို့ ကွင်းဆင်းစစ်ဆေးရာတွင် ၎င်းကုန်စုံဆိုင်များတွင် ရောင်းချလျက်ရှိသော သွားတိုက်ဆေးအမျိုးမျိုးတို့တွင် မြန်မာနိုင်ငံစားသုံးသူကာကွယ်ရေး ကော်မရှင်က ထုတ်ပြန် ထားသည့် ညွှန်ကြားချက်အမှတ် (၂/၂၀၁၉) အရ ကုန်စည်ပေါ်တွင် မြန်မာဘာသာဖြင့် ဖော်ပြရမည့် အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံ နည်းလမ်း၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်း ဖော်ပြချက်တို့ ပြည့်စုံစွာ ဖော်ပြပါရှိကြောင်း စစ်ဆေးတွေ့ရှိရပြီး ဆိုင်ပိုင်ရှင်အား ကုန်အညွှန်းအမှတ်အသား ပြည့်စုံမှု မရှိသည့် ကုန်စည်များအား ရောင်းချခြင်းမပြုရန် အသိပညာပေး ပြောကြားခဲ့ကြောင်း သိရှိရပါသည်။

DOCA (မွန်)

          စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည်  ပြည်သူ့ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ အစားအသောက်နှင့်ဆေးဝါး ကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့၊မြို့နယ်ရဲတပ်ဖွဲ့တို့နှင့် ပူးပေါင်း၍ ပြည်တွင်းဆေးဝါး    ပြတ်လပ်မှုမရှိစေရေး (၁၀.၆.၂၀၂၅ )ရက်နေ့၊ နေ့လယ်(၁၃:၃၀) နာရီအချိန်တွင်  မြောက်ဥက္ကလာမြို့နယ်ရှိ ဆေးဆိုင်များအတွင်းရှိ ဆေးဝါးများအား စစ်ဆေးမေးမြန်းမှုများ ပြုလုပ်ခဲ့ကြောင်း သိရှိရပါသည်။

           ထိုသို့စစ်ဆေးမေးမြန်းရာတွင် ဆေးဆိုင်များတွင် ဝယ်ယူသည့် ဈေးနှုန်း၊ ပစ္စည်းပြတ်လပ်မှုရှိ/ မရှိနှင့် ဖြစ်သင့်ဖြစ်ထိုက်သည့်‌ ဈေးနှုန်းထက် ဈေးနှုန်းမြှင့်တင်ရောင်းချမှုရှိ/ မရှိတို့ကို စစ်ဆေးခဲ့ကြောင်း သတင်းရရှိပါသည်။

DOCA(ရန်ကုန်)

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်း ဓာတ်မြေဩဇာ ဖြန့်ဖြူးရောင်းချလျက်ရှိသောဆိုင်များသို့ ဇွန်လ(၁၁)ရက်နေ့၊ နံနက်(၀၉:၀၀) နာရီအချိန်တွင် ပူးပေါင်းအဖွဲ့ဖြင့် ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ရာတွင် ကော့မှူးမြို့နယ် အထွေထွေ အုပ်ချုပ်ရေးဦးစီးဌာန ဒုတိယမြို့နယ် အုပ်ချုပ်ရေးဦးစည်သူနှင့် ဒုတိယဦးစီးမှူး ဦးသန်းထိုက် ထွေး မြို့နယ်ရဲတပ်ဖွဲ့မှ ရဲမှူးမောင်မောင်လွင်နှင့် တပ်ဖွဲ့ဝင်များ၊ စိုက်ပျိုးရေးဦးစီးဌာနမှ မြို့နယ်ဦးစီးမှူးဦးသက်နိုင်၊ သမဝါယမဦးစီးဌာနမှ မြို့နယ်ဦးစီးမှူး ဒေါ်စုစုထွေး၊ စားသုံးသူရေး ရာဦးစီးဌာနမှ မြို့နယ်တာဝန်ခံ ဦးတင်မင်တို့ ပူးပေါင်းပါဝင်သောအဖွဲ့ဖြင့် ကော့မှူးမြို့နယ်ရှိ ထမ္မနိုင်ကျေးရွာရှိ ဓာတ်မြေဩဇာ ဖြန့်ဖြူးရောင်းချလျက်ရှိသောဆိုင်များသို့ ဆိုင်ပိုင်ရှင် စီးပွားရေးလုပ်ငန်းရှင်များနှင့် တွေ့ဆုံ၍ ယူရီးယားမြေဩဇာ ဝယ်ယူဖြန့်ဖြူးရောင်းချ ဦးဆောင်ကော်မတီ ကြီးကြပ်မှုဖြင့် မြန်မာနိုင်ငံ မြေဩဇာ၊ မျိုးစေ့နှင့် စိုက်ပျိုးရေးဆေး လုပ်ငန်းရှင်များအသင်းအနေဖြင့် တောင်သူများ အဓိကသုံးစွဲလျက်ရှိသော မြေဩဇာ(၃)မျိုးအား ရည်ညွှန်းဈေးများကို သတ်မှတ်ထားပြီး ရန်ကုန်အထိုင် လက်ကားဈေးနှုန်းများဖြစ်သည့် ဒေသအလိုက် သယ်ယူပို့ဆောင်စရိတ်များအပေါ်တွင် မူတည်၍ ပြန်လည်ဖြန့်ဖြူးချပေးကြရန် အသိပညာပေးပြောကြားခဲ့ပြီး ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)