သတင်းနှင့် လှုပ်ရှားမှုများ

     မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတစ်ဦးသည် မြို့နယ်ပြန်ကြားရေးနှင့်ပြည်သူ့ဆက်ဆံရေး ဦးစီးဌာနနှင့် ပူးပေါင်းကာ (၂၃.၄.၂၀၂၆) ရက်နေ့ မွန်းလွဲပိုင်းအချိန်တွင် ကျိုက်ထိုမြို့၊ ရွှေဥဩ ရပ်ကွက်ရှိ စားသုံးသူပြည်သူများအား စားသုံးသူအခွင့်အရေးနှင့် ပတ်သက်၍ အသိပညာပေးဟောပြောမှု ဆောင်ရွက်ခဲ့ကြောင်း သိရှိရပါသည်။

          အဆိုပါ အသိပညာပေးဟောပြောမှုတွင် ကျိုက်ထိုမြို့နယ်၊ စားသုံးသူရေးရာဦးစီး ဌာနမှ မြို့နယ်တာဝန်ခံက စားသုံးသူပြည်သူများအား စားသုံးသူအခွင့်အရေး (၈) ချက်ဖြစ် သည့် အခြေခံလိုအပ်ချက်များအပေါ် စိတ်ကျေနပ်မှုရရှိခြင်း၊ ဘေးအန္တရာယ်ကင်းရှင်းစွာ အသုံးပြုခွင့်ရှိခြင်း၊ လိုအပ်သောသတင်းအချက်အလက်များအား သိရှိလေ့လာနိုင်ခွင့်ရှိခြင်း၊ စိတ်ကြိုက်ရွေးချယ်ဝယ်ယူနိုင်ခွင့်ရှိခြင်း၊ နစ်နာဆုံးရှုံးမှုများအား ကုစားခွင့်နှင့် နစ်နာဆုံးရှုံး မှုများအား တိုင်ကြားခွင့်ရှိခြင်း၊ လိုအပ်သော သတင်းအချက်အလက်များအား သိရှိလေ့လာ နိုင်ခွင့်ရှိခြင်းနှင့် ကောင်းမွန်သာယာသည့် လူနေမှုအဆင့်အတန်းနှင့် ပတ်ဝန်းကျင်တို့တွင် နေထိုင်ခွင့် ရရှိခြင်းစသည်တို့ကို အကျယ်တဝင့် ဟောပြောခဲ့ကြောင်း သိရပါသည်။

          ထို့ပြင် ဆက်လက်၍ မြို့နယ်တာဝန်ခံက စားသုံးသူပြည်သူများအနေဖြင့် တစ်စုံတစ်ရာ နစ်နာဆုံးရှုံးမှုကြုံတွေ့လာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဖြေရှင်းဆောင်ရွက်ရေးစင်တာ (CICC) ၏ Hot Line ဖုန်းနံပါတ်ဖြစ်သည့် ၁၅၃၅ သို့ ဆက်သွယ်တိုင်ကြားနိုင်ကြောင်းနှင့် မြန်မာတစ်နိုင်ငံလုံးတွင် CICC စင်တာပေါင်း ၅၄ ခုဖွင့်လှစ်ထားရှိပြီဖြစ်ပြီး ထို CICC စင်တာများတွင်လည်း တိုင်ကြားနိုင်ကြောင်း ဖြည့်စွက် ပြောကြားခဲ့ပါသည်။

          ထိုသို့ မြို့နယ်တာဝန်ခံ၏ ဟောပြောမှုများအဆုံးတွင် စားသုံးသူပြည်သူများက ယင်းတို့သိရှိလိုသည်များကို မေးမြန်းခဲ့ရာ မြို့နယ်တာဝန်ခံက စားသုံးသူပြည်သူများ မေးမြန်းသမျှအား ပြည့်စုံစွာပြန်လည်ဖြေကြားခဲ့ကြောင်း သိရှိရပါသည်။

DOCA (မွန်)

      စစ်ကိုင်းတိုင်းဒေသကြီး၊ မုံရွာခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူနှင့် ဝန်ထမ်းများသည် ၂၀၂၆ခုနှစ်၊ မေလ(၅)ရက်နေ့၊ နံနက်(၀၈း၀၀)နာရီအချိန်တွင် မုံရွာမြို့ပေါ်ရှိ အများပြည်သူသို့ သက်သာသောဈေးနှုန်းဖြင့် စားအုန်းဆီများရောင်းချပေးနေသော လက်လီဆီကိုယ်စားလှယ်အရောင်းဆိုင်များသို့ ကွင်းဆင်းကြီးကြပ်မှုများ ဆောင်ရွက်ခဲ့ကြောင်း သိရသည်။

          နိုင်ငံတော်မှ စားသုံးသူပြည်သူများသို့ သက်သာသော သတ်မှတ်ရည်ညွှန်းဈေးဖြင့် ဝယ်ယူစားသုံးနိုင်ရန် ထုတ်‌ပေးသောစားအုန်းဆီများကို လက်လီအရောင်းဆိုင်များမှ ရောင်းချရတွင် ဈေးနှုန်းမှန်ကန်မှုရှိစေရေး၊ အချိန်အတွယ်မှန်ကန်မှုရှိစေရေး နိုင်ငံတော်မှထုတ်ပြန်ထားသော သတ်မှတ်ချက်များအတိုင်း ရောင်းချမှုရှိစေရေး၊ စားအုန်းဆီများဖြန့်ဖြူးရောင်းချရာတွင် ဈေးနှုန်းကိုဗွီနိုင်းတွင်ရေး၍ ချိတ်ဆွဲရောင်းချစေရေး၊ ခွဲတမ်းရရှိသောဆီပမာဏအလိုက် ပြည့်ဝစွာရောင်းချစေနိုင်ရေး၊ စားအုန်းဆီများအား စားသုံးသူပြည်သူများထံသို့ အပြည့်အဝရောက်ရှိစေရေး၊ ဈေးကစားရန်ရည်ရွယ်ချက်ဖြင့်သို လှောင်ထားမှုမရှိစေရေး၊ ဌာနမှထုတ်ပြန်ထားသည့် အမိန့်နှင့်ညွှန်ကြားချက်များနှင့်အညီ လိုက်နာရောင်းချစေရေးတို့အတွက် ကွင်းဆင်းစစ်ဆေးကြီးကြပ်မှုများ ဆောင်ရွက်ခဲ့ကြောင်းနှင့် စားအုန်းဆီ ရောင်းချနေမှုများအား ဆက်လက်၍လည်း အစဉ်တစိုက်စီစစ်ကြပ်မတ် ဆောင်ရွက်သွားမည်ဖြစ်ကြောင်း သိရှိရပါသည်။

DOCA(စစ်ကိုင်း)

        ၂၆.၄.၂၀၂၆ ရက်နေ့တွင် မွန်ပြည်နယ်၊ သထုံခရိုင်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးထိန်လင်းထွန်းနှင့် ဝန်ထမ်းများသည် သထုံမြို့သို့ စားအုန်းဆီ ကုမ္ပဏီများမှ စားအုန်းဆီပေပါ ရောက်ရှိလာမှုအခြေအနေအား သွားရောက်စစ်ဆေး ခဲ့သည်။

     ထိုသို့ စစ်ဆေးရာတွင် စားအုန်းဆီကိုယ်စားလှယ်များထံသို့ ယာဉ်အမှတ်(1M-3255) ယာဉ်မောင်း ဦးချမ်းသာ မော်တော်ယာဉ်ဖြင့် Myat A Kan Co.Ltd ၏ လက်လီ ကိုယ်စားလှယ်ထံသို့ စားအုန်းဆီ (၃၀) ပေပါနှင့် ယာဉ်အမှတ် (1M-3255) ယာဉ်မောင်း ဦးချမ်းသာမော်တော်ယာဉ်ဖြင့် Lwin Maung Maung Co.Ltd ၏ လက်လီ ကိုယ်စားလှယ်များထံသို့ စားအုန်းဆီ (၆၂) ပေပါ ရောက်ရှိလာမှုအား စစ်ဆေးခဲ့ပြီး သထုံမြို့နယ်အတွင်း ဖြန့်ဖြူးရောင်းချရာတွင် သတ်မှတ်ရည်ညွှန်းဈေးအတိုင်း ရောင်းချရန်၊ အလေးချိန် ပြည့်မီစေရေး၊ သတ်မှတ်ဗီနိုင်းချိတ်ဆွဲရောင်းချရန် ပြောကြားခဲ့ကြောင်း သိရသည်။

DOCA (မွန်)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ ဆောင်ပုဒ်ဖြစ်သည့် “စားသုံးသူအခွင့်အရေးဦးစားပေး” ဆိုသည့်အတိုင်း စားသုံးသူပြည်သူများသည် စားသုံးသူအခွင့်အရေးနှင့် ပတ်သက်သည့် အသိပညာဗဟုသုတများရရှိစေရန် ကျောင်း၊ ဈေး၊ ရပ်ကွက်၊ ကျေးရွာများ၊ ဌာနဆိုင်ရာရုံးများ၊ တက္ကသိုလ်/ကောလိပ်များ၊ တပ်ရင်းတပ်ဖွဲ့များကို စားသုံးသူကာကွယ်ပေးရေး အသိပညာပေး ဟောပြောပွဲများဆောင်ရွက်ခြင်း၊ ဈေးကွက်အတွင်းစားသုံးသူများအနေဖြင့် ကုန်စည်နှင့် ဝန်ဆောင်မှုများကိုအသုံးပြုရာတွင် ဘေးအန္တရာယ်ကင်းရှင်းစေရန်နှင့် ထုတ်ကုန်များလုံခြုံစိတ်ချရမှုရှိစေရန် ဈေးကွက်မရောက်မီနှင့် ဈေးကွက်ရောက်ပြီးသောကုန်စည်များကို ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိရာ စားသုံးသူများ၏အခွင့်အရေး (၈)ချက်အနက် ကုန်စည် (သို့မဟုတ်) ဝန်ဆောင်မှုများနှင့် ပတ်သက်သည့် အသိပညာဗဟုသုတများနှင့် လိုအပ်သောအချက်အလက်များကို သိရှိလေ့လာ နိုင်ရန်၊ နစ်နာဆုံးရှုံးမှုများကို ရှင်းလင်းတင်ပြနိုင်ရန်၊ တိုင်ကြားနိုင်ခြင်းကို သိရှိစေရန်ရည်ရွယ်၍ ရွှေဘိုမြို့နယ်အတွင်းရှိ ပြည်သူများအား စားသုံးသူကာကွယ်ရေး ဥပဒေ ၂၀၁၉ပါ အကြောင်းများကို သိရှိလေ့လာနိုင်စေရန် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်၍ ၂၀၂၆ခုနှစ်၊ ဧပြီလအတွင်း စားသုံးသူကာကွယ်ရေးအသိပညာပေးဆွေးနွေးပွဲ (၁) ကြိမ် ဆောင်ရွက်ခဲ့ကြောင်း သိရသည်။

          (၂၃.၄.၂၀၂၆)ရက်နေ့တွင် ရွှေဘိုမြို့၊ အမှတ်(၁၀)ရပ်ကွက်၊ စက်မှုဇုန်ရှိ  စက်မှုဇုန်စီမံခန့်ခွဲရေး ကော်မတီရုံးခန်းမတွင် ရေသန့်လုပ်ငန်းရှင်နှင့် အမှုန့်ကြိတ်စက်လုပ်ငန်းရှင်များအား စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူရေးရာဦးစီးဌာနပေါ်ပေါက်လာပုံ၊ စားသုံးသူအခွင့်အရေးနှင့် လိုက်နာရမည့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသား ဖော်ပြခြင်းအကြောင်းများ၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါအကြောင်းများ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့် နေရာများ၊ ဌာနနှင့် သက်ဆိုင်သောအကြောင်းများကို မေးမြန်းစုံစမ်းနိုင်သည့် Concumer Call Center NO 1535 အကြောင်း၊ တိုင်ကြားစာများကို စိစစ်ညှိနှိုင်း ဖြေရှင်းပေးသည့်အကြောင်းများကို အသေးစိတ်ရှင်းလင်းဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

          ၂၀၂၆ ခုနှစ်၊ ဧပြီလ ၂၉ ရက်နေ့ နံနက် (၁၀:၃၀) နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်၊ မြို့နယ်ကျန်းမာရေး စသည့် ပူးပေါင်းအဖွဲ့သည် ကန့်ဘလူမြို့၊ အမှတ်(၄)ရပ်ကွက်ရှိ အစားအသောက်ရောင်းချသည့် လုပ်ငန်းရှင်နှင့် တွေ့ဆုံ၍ အွန်လိုင်းရောင်းချခြင်း မှတ်ပုံတင်ဆိုင်ရာကိစ္စနှင့် စပ်လျဉ်း၍ လုပ်ငန်းရှင်နှင့် တွေ့ဆုံ ဆွေးနွေးခဲ့ကြောင်း သိရသည်။

        ထိုသို့ဆွေးနွေးရာတွင် လုပ်ငန်းရှင်က အွန်လိုင်းရောင်းချခြင်း မှတ်ပုံတင်လျှောက်ထားခြင်း ကိစ္စနှင့်စပ်လျဉ်း၍ ဆွေးနွေးမေးမြန်းရာ တာဝန်ခံဦးမျိုးဝင်းသန်းက အွန်လိုင်းရောင်းချခြင်း မှတ်ပုံတင်လျှောက်ထားရာတွင် တင်ပြရမည့်အထောက်အထားများ၊ ကြိုတင်ပြင်ဆင်သင့်သည့်အချက်အလက်များ၊ လျှောက်ထားရန်အခြေခံလိုအပ်ချက်များအပါအဝင် အခြားသိကောင်းစရာများကို အသိပညာပေးဆောင်ရွက်ခဲ့ကြောင်း သက်ဆိုင်ရာဌာနများကလည်း လိုအပ်သည်များကို ဖြည့်စွက်ပြောကြားခဲ့ကြောင်း သတင်းရရှိပါသည်။

DOCA(စစ်ကိုင်း)