သတင်းနှင့် လှုပ်ရှားမှုများ

   ၁-၁၀-၂၀၂၅ရက်နေ့ နံနက် (၁၀:၃၀)အချိန်တွင် စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်ဦးစီးဌာနနှင့် မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ ပူးပေါင်း၍ ဒေသတွင်း ဆန်အရောင်းဆိုင်များ ကုန်ဈေးနှုန်း တည်ငြိမ်စေရေးနှင့် ဆန်ဈေးနှုန်း, ဈေးကွက်အခြေအနေများကို စစ်ဆေးဆောင်ရွက်ခဲ့ကြသည်၊

    စစ်ဆေးဆောင်ရွက်ရာတွင် ပန်းတနော်မြို့နယ်တာဝန်ခံ ဦးအောင်ကျော်သက် က ကမ်းနာလမ်းပေါ်ရှိ ကိုသန်းထွန်ဇော် ဆန်ဆိုင်၊ မြို့မဈေးအတွင်း ဆန်ဆိုင် (၆)ဆိုင်အား ဈေးကွက်စောင့်ကြည့်စစ်ဆေးရာ ဆန်ဆိုင်တွင် သတ်မှတ်ရည်ညွှန်ဈေးနှုန်းအပေါ် ၂ရာခိုင်နှုန်းဖြင့်သာ ဈေးတင်ရောင်းချပြီး ဈေးနှုန်းဖော်ပြရောင်းချ ကြောင်း၊ ဒေသတွင်ထွက်ရှိသော ဆန်များဖြစ်၍ ဈေးနှုန်း တည်ငြိမ်လျက်ရှိကြောင်း တွေ့ရှိရသည်။ အခြေခံစားသောက်ကုန်များကို ဆက်လက်စစ်ဆေးရာ စားသောက်ကုန်ဈေးနှုန်း တည်ငြိမ်လျှက်ရှိပြီး ဈေးနှုန်းမြင့်တက်မှု မရှိကြောင်း၊ အခြားဒေသထွက် ကုန်ခြောက်များ ပုံမှန်ဝင်ရောက်လျက်ရှိပြီး ပုံမှန်အရောင်းအဝယ်ဖြစ်လျှက်ရှိကြောင်း သိရှိရပြီး ဆိုင်ရှင်များကို ဈေးနှုန်းမှန်ကန်စေရေး၊ အလေးချိန်ပြည့်မီစွာရောင်းချနိုင်ရေးကို ပူးပေါင်းအဖွဲ့မှ ကြပ်မတ်စစ်ဆေးဆောင်ရွက်မည်ဖြစ်၍ သတ်မှတ်ချက်များကို လိုက်နာဆောင်ရွက်ရန် လုပ်ငန်းရှင်များက သိရှိလိုက်နာမည်ဖြစ်ကြောင်း မှတ်တမ်းပြုစု၍ မြေပြင်အခြေအနေမှန်ကို သက်ဆိုင်ရာအဖွဲ့များထံ တင်ပြနိုင်ရန်ပူးပေါင်းစစ်ဆေးဆောင်ရွက်ခဲ့ကြောင်း သိရသည်။

DOCA(ဧရာဝတီ)

      စားသုံးသူရေးရာဦးစီးဌာန၊ အရှေ့ပိုင်း ခရိုင်ဦးစီးမှူးရုံးမှ ဦးဇော်မင်းလတ် (လက်ထောက် ညွှန်ကြားရေးမှူး)နှင့်ဝန်ထမ်းများ၊ အထူးစုံစမ်းစစ်ဆေးရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြို့နယ်ဆီကုန်သည်များအသင်၊ ဈေးစည်ပင်သာယာရေးကော်မတီတို့နှင့်အတူ ဒေါပုံမြို့နယ်အတွင်းရှိ စားအုန်းဆီလက်လီအရောင်းဆိုင်များသို့ (၁.၁၀.၂၀၂၅)ရက်နေ့ ၊နံနက်(၁၀:၀၀ ) အချိန်တွင် ကွင်းဆင်းစစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

     ထိုသို့ ဆောင်ရွက်ခဲ့ရာတွင် ဒေါပုံမြို့နယ်အတွင်းရှိ  စားအုန်းဆီအရောင်းဆိုင်တို့အားဝင် ရောက်စစ်ဆေးခဲ့ရာ စားအုန်းဆီများရောင်းချရာတွင် သတ်မှတ်ရည်ညွှန်းစျေးအတိုင်းရောင်းချရန်၊ အလေးချိန်ပြည့်မီစေရန်၊ အရည်အသွေးပြည့်ဝမှန်ကန်စွာရောင်းချရန်၊ စားသုံးသူပြည်သူများပွင့်လင်းမြင်သာစွာရှိစေရေးအတွက် သတ်မှတ်ဗီနိုင်းချိတ်ဆွဲရောင်းချမှု ရှိ/မရှိ  ကိုကွင်းဆင်း စစ်ဆေးခဲ့ကြောင်း သိရှိရပါသည်။

DOCA (ရန်ကုန်)

       စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးနှင့်ဝန်ထမ်း များက ဦးဆောင်လျက် ထန်းတပင်မြို့နယ် အထွေထွေအုပ်ချုပ်ရေးဦးစီးဌာနမှ ဒေါ်နှင်းရတနာအေး၊ ဒုဦးစီးမှူး၊ ဆီလုပ်ငန်းအသင်းမှ ဦးသန်းစိုး(တွဲဘက်အတွင်းရေးမှူး)နှင့် တာဝန်ရှိသူများ၊ စားအုန်းဆီ ဝယ်ယူဖြန့်ဖြူးရောင်းချသည့်ကုမ္ပဏီမှ တာဝန်ရှိသူများ၊ လက်ကားကိုယ်စားလှယ်များ၊ လက်လီ ကိုယ်စားလှယ်များ ပူးပေါင်း၍ (၁.၁၀.၂၀၂၅)ရက်နေ့ နေ့လယ် (၁၄:၀၀)နာရီအချိန်တွင် စားအုန်းဆီဖြန့် ဖြူးသည့်အိမ်ထောင်စုများသို့ ကွင်းဆင်းစစ်ဆေး ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာ ဆီထုတ်လက်ကား ကိုယ်စားလှယ်များမှ တစ်ဆင့်ခွဲတမ်းရရှိ သော ဆီများအား ကျောင်းကုန်းကျေးရွာအတွင်းရှိ ရပ်ကွက်နေပြည်သူများအား ဆီထုတ်ကိုယ်စားလှယ်မှ တစ်ဆင့်စားသုံးသူများထံသို့ ဖြန့်ဖြူးရောင်းချလျက်ရှိပြီး  ထိုသို့ရောင်းချရာတွင်လည်း စားအုန်းဆီ သတ်မှတ်ရည်ညွှန်းဈေး ထက်ကျော်လွန်၍ ရောင်းချမှုမရှိကြောင်း၊ ရောင်းချမှုလက်ခံ စာအုပ်များထားရှိခြင်း၊ သတ်မှတ်ရည်ညွှန်းဈေးဖြင့်သာ ရောင်းချခြင်း၊ အခြားမသမာသော နည်းလမ်း များသုံး၍ ရောင်းချမှု မရှိခြင်းနှင့် ဈေးကစားရန် ရည်ရွယ်ပြီး သိုလှောင်ထားခြင်း များမရှိကြောင်း သိရှိရပါသည်။

DOCA (ရန်ကုန်)

          စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၂၇.၉.၂၀၂၅ )ရက်နေ့၊ နံနက် (၁၁:၀၀)နာရီအချိန်တွင်  ဆန်စက်ပိုင်ရှင်များအသင်း ဥက္ကဌ ဦးရှု့မောင်နှင့် တွေ့ဆုံဆွေးနွေးခဲ့ကြောင်း သိရသည်။

            အသင်းအနေဖြင့် လက်ရှိတွင် အင်္ဂပူမြို့နယ်အတွင်း ကောက်စောစပါးများ စတင်ထွက်ရှိပြီးဖြစ်ရာ၊ စပါးများဝယ်ယူခြင်း၊ အခြောက်ခံစက်များဖြင့်ခြောက်ခံခြင်း၊  စပါးဟောင်းများကြိတ်ခွဲထုတ်လုပ်ခြင်း၊ ဆန်စက် အစိတ်အပိုင်းများပြင်ခြင်းခြင်းနှင့် ဈေးကွက်ရှိရာမြို့နယ်တွင်း၊ မြို့နယ်ပြင်ပများသို့ ဆန်များတင်ပို့ ရောင်းချခြင်းများဆောင်ရွက်လျက်ရှိပြီး စပါး၊ ဆန်နှင့် ထိတွေ့ဆောင်ရွက်နေသော စက်ပိုင်ရှင်များ လုပ်ငန်းဖွံ့ဖြိုးတိုးတက်ရေး ပရဟိတလုပ်ငန်းများကို တက်နိုင်သည့်အခန်းကဏ္ဍမှပူးပေါင်း၍ ဆက်လက်ဆောင်ရွက် သွားမည်ဖြစ်ပြီး စက်ပိုင်ရှင်များလုပ်ငန်းရေရှည်လည်ပတ်နိုင်စေရန် ကုန်ကြမ်းအရင်းအနှီးများ ထောက်ပံ့ပေးခြင်း၊ ဈေးကွက်ရရှိလာအောင် သက်ဆိုင်ရာအဖွဲ့အစည်းများက အကူအညီအထောက်အပံ့များပေးနိုင်ပါရန် အကြံပြုဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

       (၁.၁၀.၂၀၂၅)ရက်နေ့ နေ့လယ် (၁၅:၃၀)နာရီအချိန်တွင် စားသုံးသူရေးရာဦးစီးဌာန၊ မြောက် ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးနှင့် ဝန်ထမ်းများက ဦးဆောင်လျက် ဆီလုပ်ငန်းရှင်အသင်း မှ ဦးသန်းစိုး(တွဲဘက်အတွင်းရေးမှူး)နှင့် တာဝန်ရှိသူများ၊ သက်ဆိုင်ရာမြို့နယ်အုပ်ချုပ်ရေးမှူးများ၊ စားအုန်းဆီဝယ်ယူဖြန့်ဖြူးရောင်းချသည့်ကုမ္ပဏီမှ တာဝန်ရှိသူများ လက်ကားကိုယ်စားလှယ်များ၊ လက်လီကိုယ်စားလှယ်များပူးပေါင်း၍ စားအုန်းဆီဖြန့်ဖြူးသည့်အိမ်ထောင်စုများသို့ ကွင်းဆင်း စစ်ဆေးဆောင်ရွက်ခဲ့ပါသည်။

      ထိုသို့စစ်ဆေးရာတွင် ခရိုင်ဦးစီးမှူး ဦးလှစိုးက ထန်းတပင်မြို့နယ်၊ (၂)ရပ်ကွက်နှင့် (၁)ရပ် ကွက်အတွင်းရှိ အိမ်ထောင်စုများအား စားအုန်းဆီရောင်းချရာတွင် စားအုန်းဆီသတ်မှတ်ရည်ညွှန်း ဈေးထက်ကျော်လွန်၍ ရောင်းချမှုမရှိကြောင်း ရောင်းချမှုလက်ခံစာအုပ်များထားရှိခြင်း၊ စားအုန်းဆီ ဝယ်ယူခွင့်စာအုပ်များဖြင့် တစ်ကြိမ်လျှင် တစ်အိမ်ထောင်(၅၀)ကျပ်သားရောင်းချပြီး သတ်မှတ် ရည်ညွှန်းဈေးဖြင့်သာ ရောင်းချလျက်ရှိကြောင်း စားအုန်းဆီရရှိမှုအခြေအနေတို့ကို ကွင်းဆင်း စစ်ဆေးခဲ့ကြောင်း သိရှိရပါသည်။

DOCA (ရန်ကုန်)