စားသောက်ကုန်၊ လူသုံးကုန်၊ စက်ပစ္စည်းအမျိုးမျိုး ရောင်းချသည့်ဈေးဆိုင်များတွင် တရားမဝင် ပစ္စည်းများရောင်းချခြင်း၊ သိုလှောင်ခြင်းများရှိ/မရှိ စစ်ဆေးဆောင်ရွက်ရန် မြို့နယ်စည်ပင်သာယာရေး အဖွဲ့၊ ခရိုင်စားသုံးသူရေးရာဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ ခရိုင်စက်မှုကြီးကြပ်ရေးနှင့် စစ်ဆေးရေးဦးစီးဌာန၊ ခရိုင်လျှပ်စစ်ဓါတ်အားဖြန့်ဖြူးရေးလုပ်ငန်း၊ ကုန်းလမ်းပို့ဆောင်ရေးညွှန်ကြားမှု ဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့မှူးရုံး၊ ယာဉ်ထိန်း တပ်ဖွဲ့တို့ပါဝင်သော ရွှေဘိုခရိုင် Mobile Team အဖွဲ့ကိုဖွဲ့စည်းထားရှိရာ အဆိုပါအဖွဲ့ဖြင့် (၁၆.၇.၂၀၂၆)ရက်နေ့၊ နံနက် (၁၀:၀၀)နာရီအချိန်တွင် ရွှေဘိုမြို့ စည်ပင်သာယာဈေးကြီးအတွင်းရှိ ဦးမြတ်ကျော်(ဆေးဆိုင်)၊ နွေးနွေး (ဆေးဆိုင်)၊ ဒေါ်အေးအေးအောင် (မုန့်မျိုးစုံဆိုင်)၊ မစန်းထွေး (မုန့်မျိုးစုံဆိုင်)၊ ဒေါ်နုနု (ဂျင်း၊ လ္ဘက် ရောင်းဝယ်ရေးဆိုင်)၊ ဖူးပြည့်စုံ (ကုန်မျိုးစုံရောင်းဝယ်ရေးဆိုင်)၊ မဆွေဆွေကျော်(ကုန်မျိုးစုံရောင်းဝယ်ရေး) ဆိုင်၊ ဝမ်းချွန် (ကုန်မျိုးစုံရောင်းဝယ်ရေးဆိုင်)၊ အောင်မေတ္တာ (စတိုးဆိုင်)၊ ဒေါ်တင်ကြည်(ကုန်မာဆိုင်)၊ အဲဗားရှိုင်း(စတိုး)နှင့် စိန်(လျှပ်စစ်ပစ္စည်း ရောင်းဝယ်ရေးဆိုင်)တို့အား စစ်ဆေးဆောင်ရွက်ခဲ့ပါသည်။
ထိုသို့စစ်ဆေးရာတွင် တရားမဝင်ပစ္စည်းများရောင်းချခြင်း၊ သိုလှောင်ခြင်းများ ဆောင်ရွက်ခြင်း မပြုရန် အသိပညာပေးခြင်းနှင့် ရောင်းချသည့်ပစ္စည်းများတွင် စားသုံးသူကာကွယ် ရေးဥပဒေ အခန်း(၁၈)ပါ ကုန်အညွှန်းအမှတ်အသားများ ပြည့်စုံစွာဖော်ပြရမည့်အချက်များအကြောင်း ရှင်းလင်း ဆွေးနွေးခြင်း၊ လျှပ်စစ်အန္တရာယ်ကင်းရှင်းမှုရှိ/မရှိ၊ SME Member Card ဆောင်ရွက်ထားခြင်းရှိ/မရှိ၊ မြို့နယ် စည်ပင်သာယာရေးအဖွဲ့၏ လုပ်ငန်းလိုင်စင်များရှိ/မရှိ စစ်ဆေးခြင်းများဆောင်ရွက်ခဲ့ကြပြီး သက်ဆိုင်ရာ ဌာန၏ လုပ်ငန်းလိုင်စင်များမရှိပါက ဆောင်ရွက်နိုင်ရန် ချိတ်ဆက်ခြင်းများ ဆောင်ရွက်ခဲ့ ကြကြောင်း သတင်းရရှိပါသည်။
DOCA(စစ်ကိုင်း)