သတင်းနှင့် လှုပ်ရှားမှုများ

     မအူပင်မြို့နယ်မြို့အတွင်းရှိ စားသုံးသူပြည်သူများ သုံးစွဲရန်မသင့်သည့် လူသုံးကုန်ပစ္စည်းများရောင်ချမှုမရှိစေရေးအတွက် (၁၂-၈-၂၀၂၅)ရက်နေ့ မွန်းလွဲ ၂ နာရီက မအူပင်မြို့ပေါ်ရှိ အလှကုန်ဆိုင်(၆)ဆိုင်အား ကွင်းဆင်းကြည့်ရှုစစ်ဆေးခဲ့ကြောင်း သိရသည်။

      ထိုသို့ လိုက်လံစစ်ဆေးရာတွင် မအူပင်ခရိုင် စားသုံးသူရေးရာဦးစီးဌာန၊ စစ်ဆေးရေးအရာရှိ ဒေါ်သဇင်ဦး ၊ တိုင်းရင်းဆေး၊ စည်ပင်သာယာရေးအဖွဲ့များလိုက်ပါလျက် မအူပင်မြို့ ၃လမ်းတွင် ရောင်းချလျက်ရှိသည့်  လူသုံးကုန်ပစ္စည်းအရောင်းဆိုင်များတွင် သတ်မှတ်ထားသည့် ကုန်အညွှန်း အမှတ် အသားများ မဖော်ပြသည့်ကုန်ပစ္စည်းများရောင်းချခြင်း ရှိ/မရှိ စစ်ဆေးခြင်း၊  ကုန်အညွှန်း အမှတ်အသားများ ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် ကုန်စည်၏ အမှတ်တံဆိပ်၊ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ သုံးစွဲပုံနည်းလမ်းများ၊ အစရှိသည့်အသေးစိတ် အချက်အလက်များကို ဖော်ပြထားခြင်းရှိ/မရှိ၊ အမှတ်တံဆိပ်သနပ်ခါး အမျိုးမျိုးတွင် FDA ညွှန်ကြားချက်အတိုင်း လိုက်နာမှု ရှိ/မရှိ သက်တမ်းလွန် သနပ်ခါးဗူးများရောင်းချမှု ရှိ/မရှိ နှင့် သနပ်ခါးအမည်ခံ အလှ ကုန်ပစ္စည်းများ ရောင်းချခြင်း ရှိ/မမရှိ လိုက်လံစစ်ဆေးပညာပေးဆောင်ရွက်ခဲ့ကြောင်း သိရသည်။

DOCA(ဧရာဝတီ)

       စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦး‌ဘောမ်ဇုံး(ရုံးအုပ်)သည် ၁၄.၈.၂၀၂၅ ရက်နေ့ ၁၀:၀၀ နာရီ အချိန်၌ မြစ်ကြီးနားမြို့၊ တပ်ကုန်းရပ်ကွက်အတွင်းရှိ ကုန်မျိုးစုံရောင်းချသည့် လုပ်ငန်းရှင် (၁)ဦး နှင့်တွေ့ဆုံ၍ စားသုံးသူကာကွယ်ရေးဥပဒေပြဌာန်းချက်ပါ စီးပွားရေးလုပ်ငန်းရှင်များ လိုက်နာရန် အချက်အလက်များနှင့်ပတ်သက်၍ ရှင်းလင်းဆွေးနွေးခဲ့ပါသည်။

      ထိုသို့ဆွေးနွေးရာတွင် ဦး‌ဘောမ်ဇုံး(ရုံးအုပ်)က စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်ဆိုသည်မှာ ကုန်စည်ကို ထုတ်လုပ်ခြင်း ၊ဖြန့်ဖြူးခြင်း၊သိုလှောင်ခြင်း၊ သယ်ယူပို့ဆောင်ခြင်း၊ရောင်းချခြင်း၊ပြုပြင်ခြင်းကိုဖြစ်စေ၊ပြည်ပသို့တင်ပို့ခြင်း၊ပြည်တွင်းသို့ တင်သွင်းခြင်း ၊ပြန်လည်‌ရောင်းချခြင်းကိုဖြစ်စေ၊ ထောက်ပံပေးခြင်းကိုဖြစ်စေ၊ ဝန်ဆောင်မှု ပေးခြင်းကိုဖြစ်စေ၊ကြော်ငြာလုပ်ငန်းလုပ်ကိုင်ခြင်းကိုဖြစ်စေ တစ်ဦးချင်းသော်လည်းကောင်း၊ အဖွဲ့အစည်းနှင့်သော်လည်းကောင်းဆောင်ရွက်သူကိုဆိုလိုကြောင်း၊ ဝန်ဆောင်မှု၏ အဓိပ္ပါယ်ဖွင့်ဆိုချက်၊ စီးပွားရေးလုပ်ငန်းရှင်၏ တာဝန်များအကြောင်း ၊ ကုန်စည် သို့မဟုတ် ဝန်ဆောင်မှုအပေါ် တာဝန်ရှိမှု ၊ ကုန်စည် / ဝန်ဆောင်မှုနှင့် စပ်လျဉ်း၍ အာမခံချက်ပေးခြင်း၊ ကုန်အညွှန်း အမှတ်အသားဖော်ပြခြင်းဆိုင်ရာ အချက်အလက်များ၊ တားမြစ်ချက်များနှင့် ပြစ်မှုပြစ်ဒဏ်များကို ရှင်းလင်းဆွေးနွေးခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များဖြန့်ဝေခဲ့ပါသည်။

DOCA(ကချင်)

    ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် ခရိုင် FDAမှ ဦးဆောင်၍ မြို့နယ်စားသုံးသူရေးရာဦးစီးဌာန၊ မြိုန့ယ်ကျန်းမာရေးဦးစီးဌာန၊ မြို့နယ်ရဲတပ်ဖွဲနှင့် မြို့နယ်စည်ပင်သာယာရေး အဖွဲ့တို့ ပါဝင်ပြီး ၁၂-၈-၂၀၂၅ ရက်နေ့ နံနက် ၉နာရီက ညောင်တုန်းမြို့နယ် ၅ရပ်ကွက်၊ ၆ရပ်ကွက်၊ ၇ရပ်ကွက်နှင့် ၉ရပ်ကွက်အတွင်း ဆေးဆိုင် (၁၁)တိုင်အား ကွင်းဆင်းစစ်ဆေးခဲ့ကြောင်း သိရသည်။

          ကွင်းဆင်းစစ်ဆေးရာတွင် ခရိုင် FDAမှ တာဝန်ရှိသူက ဆေးဆိုင်များတွင် ရောင်းချနေသော ဈေးများတွင် မြန်မာ နိုင်ငံဆေးဝါးမှတ်ပုံတင်အမှတ် ကြည်ရှုစစ်ဆေးခြင်း ဆရာဝန်ညွှန်ကြားချက်မလိုသော ဓါတ်ဆားထုတ်၊ အားဆေး၊ အဖျားပျောက်ဆေး၊ သာမာန်အကိုက်အခဲပျောက်ဆေးတို့ကို စစ်ဆေးခြင်း၊ POM ဆေးများကို ဆရာဝန် ညွန်ကြားချက်ဖြင့်သာ ရောင်းချကြရန်၊ လိုင်စင်ရဆေးဆိုင်များ ဆေးဘက်ဆိုင်ရာ ဆေးညွှန်စာပါမှ သာရောင်းချရန်ပြေကြားခြင်း၊ ဆေးဝါးအမှတ်တံဆိပ်ကပ်ခြင်းဆိုင်ရာ အချက်အလက်များနှင့် ကိုက်ညီမှု ရှိ/မရှိကို စစ်ဆေးခြင်း၊ စားသုံးသူရေးရာဦးစီးဌာနမှ စစ်ဆေးရေးအရာရှိ ဦးအောင်လွင်က စစ်ဆေးရာတွင် အမိန့်ကြော်ငြာစာ အမှတ် ၂၁/၂၀၂၀ ကုန်စည်အပေါ်တားမြစ်ထုတ်ပြန်ချက် ရောင်းချနေသော ဆေးဈေးနှုန်းမြှင့်တင်ရောင်းချ ခြင်း ရှိ/မရှိကို စစ်ဆေးခြင်း၊ ဈေးကစားရန် ရည်ရွယ်၍ ဆေးများကို သိုလှောင်ခြင်း မပြုရန်ဆိုင်ရှင်များအသိပေးခဲ့ပြီး ဈေးကွက်အတွင်းဆေး ဈေးနှုန်းများ တည်ငြိမ်စွာ ရောင်းချနေကြောင်း စိစစ်တွေ့ရှိရသည်။

          ဆက်လက်၍ ကျန်းမာရေးဦးစီးဌာနက ဆေးဆိုင်များအား စစ်ဆေးရာ ဆေးဆိုင်လိုင်စင်ရှိ/မရှိ၊ ယင်းဆိုင်များမှ ရောင်းချလျက်ရှိသော ဆေးဝါးများတွင် FDA ၏‌ ထောက်ခံချက်နှင့် ခွင့်ပြုထားသော မှတ်ပုံတင်ကုန်အမှတ်တံဆိပ်ရှိ/မရှိ၊ အညွှန်းများ၊ ထုတ်လုပ်ရက်စွဲများ၊ သက်တမ်းကုန်ဆုံးရက်စွဲများ ပြည့်စုံမှန်ကန်မှုရှိ/မရှိတို့ကို ကြည့်ရှုစစ်ဆေးခဲ့ကြပြီး အချက်အလက်အမှတ်အသားများ ပြည့်စုံမှန်ကန်မှုမရှိသော ဆေးဝါးများအား မရောင်းချကြရန်နှင့် ရောင်း၀ယ်မှုများတွေ့ရှိပါက ပြဋ္ဌာန်းထားသော ဆေးဝါးထုတ်လုပ်သုံးစွဲမှုဆိုင်ရာ ဥပဒေများ၊ စားသုံးသူရေးရာဦးစီးဌာန၏ အရေးကြီးကုန်စည်နှင့် ဝန်ဆောင်မှု ဥပဒေများနှင့် အညီ အရေးယူဆောင်ရွက်မည်ဖြစ်ကြောင်း အသိပညာပေး သတိပေးမှာကြားခဲ့ကြောင်း သိရသည်။

DOCA(ဧရာဝတီ)

    ၂၀၂၅ ခုနှစ်၊ ဩဂုတ်လ(၁၁)ရက်နေ့ နံနက်(၁၁:၀၀)နာရီအချိန်တွင် လေးမျက်နှာမြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်သန်းဌေးသည်၊ လေးမျက်နှာမြို့၊ ပြန်ကြား ရေးနှင့်ပြည်သူ့ဆက်ဆံရေးဦးစီးဌာန၊လူထုအခြေပြုဗဟိုဌာန( Community Center )ခန်းမ၌ စားသုံး သူများ အခွင့်အရေးအပြည့်အဝရရှိစေရန်နှင့် ကုန်စည်အမျိုးအစားများ၌ ကုန်အညွှန်းအမှတ်အသား ဆိုင်ရာဖော်ပြချက်များပြည့်စုံကိုက်ညီစွာထုတ်လုပ်နိုင်စေရန် ရည်ရွယ်၍ စားသုံးသူရေးရာအသိပညာ ပေး Talk Show အစီအစဉ်ကို ဆောင်ရွက်ခဲ့ကြောင်း သတင်းရရှိပါသည်။

          အဆိုပါအစီအစဉ်တွင် လေးမျက်နှာမြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်သန်းဌေးက ကုန်အညွှန်းအမှတ်အသားဆိုသည်မှာ ကုန်စည်(သို့)ကုန်စည်ထုပ်ပိုးမှု အပြင် အဆင်ပေါ်တွင် စာဖြင့်ရေးသား၍ဖြစ်စေ၊ ပုံနှိပ်၍ဖြစ်စေ၊ ရုပ်ပုံဖြင့်ဖြစ်စေ၊ အခြားနည်း တစ်ရပ်ရပ် ဖြင့်ဖြစ်စေ ဖော်ပြထားသည့် ကုန်စည်နှင့်သက်ဆိုင်သည့်အချက်အလက်(သို့)အမှတ်အသားကို ဆိုလို ခြင်းဖြစ်ကြောင်း၊ ကုန်စည်များတွင် ကုန်အညွှန်းအမှတ်အသားများကိုဖော်ပြစေခြင်းမှာ စားသုံးသူ များအနေဖြင့် ကုန်စည်နှင့်စပ်လျဉ်း၍ လိုအပ်သောသတင်းအချက်အလက်များသိရှိနိုင်ရန်၊ စားသုံးသူ များအသုံးပြုမည့် ကုန်စည်များအား သင့်တော်မှန်ကန်မှုရှိစေရန်နှင့် လုံခြုံစိတ်ချရမှုရှိစေရန်၊ အမျိုး အစားတူကုန်စည်များနှင့်ရွေးချယ်ဝယ်ယူနိုင်စေရန်ရည်ရွယ်ခြင်းဖြစ်ပါကြောင်း၊ကုန်စည်အမျိုးအစား တစ်ခုချင်းစီ၌ စားသုံးသူကာကွယ်ရေးဥပဒေ၊အခန်း(၁၈)ပါကုန်အညွှန်းအမှတ်အသားဆိုင်ရာအချက် များအား ကိုက်ညီပြည့်စုံစွာ ဖော်ပြရမည်ဖြစ်ကြောင်း၊ မြန်မာစာဖြင့် ဖော်ပြရမည့်အချက်များအား လည်း မဖြစ်မနေဖော်ပြရန်လိုအပ်ကြောင်း အသိပညာပေးဆွေးနွေးခဲ့ပြီး ကုန်အညွှန်းအမှတ်အသား ဆိုင်ရာ ဖော်ပြချက်(၈)ချက်အား အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။

(DOCA ဧရာဝတီ)

     စားသုံးသူရေးရာဦးစီးဌာန၊ဇလွန်မြို့နယ်တာဝန်ခံသည် မိတ်ဘက်ဌာနဆိုင်ရာများနှင့်ပူးပေါင်း ၍ (၁၂.၈.၂၀၂၅)ရက်နေ့ နံနက်(၁၀:၃၀)နာရီအချိန်တွင် ဇလွန်မြို့နယ်အတွင်းရှိ ကုန်မျိုးစုံဆိုင်များ တွင် ရောင်းချသော အသင့်စားခေါက်ဆွဲခြောက်အမျိုးမျိုးအား ဈေးကွက်စောင့်ကြည့်စစ်ဆေးခြင်း ကို ဆောင်ရွက်ခဲ့ပါသည်။

          ထိုသို့ဆောင်ရွက်ရာတွင် စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက်အတွင်းရောင်းချနေသော အသင့်စားခေါက်ဆွဲခြောက်ထုပ် အမျိုးမျိုးပေါ်တွင် ကုန်စည် အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ၊ သက် ဆိုင်ရာဌာန၏ ထောက်ခံချက်ရှိ/မရှိတို့ကိုစစ်ဆေးခဲ့ပြီး၊မြန်မာနိုင်ငံစားသုံးသူကာကွယ်ရေးကော်မရှင် မှ ထုတ်ပြန် ကြော်ငြာထားသော ညွှန်းကြားချက်အမှတ် (၂/၂၀၁၉) နှင့် အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များ ကိုသာရောင်းချကြရန်ဖြစ်ကြောင်းနှင့် စီးပွားရေးလုပ်ငန်း ရှင်များ အနေဖြင့်ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည် နှင့် စပ်လျဉ်း၍ အာမခံချက်ပေးရာတွင် စားသုံးသူ များ စိတ်ကျေနပ်မှုရှိစေရေးနှင့် သတ်မှတ်အရည် အသွေးပြည့်မီသောကုန်စည် များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး၊ အရောင်းဆိုင်(၇)ဆိုင်အား ဈေးကွက်စောင့်ကြည့် စစ်ဆေးခြင်းများဆောင်ရွက်ခဲ့ကြကြောင်း သိရှိရပါသည်။

 (DOCA ဧရာဝတီ)